O concello do Carballiño agrégase á rede internacional de Cidades que Camiñan, promovendo iniciativas de mobilidade peonil e sostibilidade medioambiental, según anunciaron hoxe o alcalde, Francisco Fumega, e a concelleira de Medio Ambiente, Érika Paz.

Trátase de impulsar unha serie de actuacións, entre as que se atopan a habilitación de novas prazas de aparcamento na zona perimetral do casco urbano, según dixo Francisco Fumega. Ao respecto, indicou as xa creadas hai uns meses na rúa Ben Cho Sey e noutras, que se ampliarán nestes próximos meses noutras rúas como Otero Pedrayo ou Aquilino Sánchez. O obxectivo xeral, según o acalde, é potenciar unha vila cómoda para camiñar, facilitando alternativas para o aparcamento de vehículos.

Precisamente, Érika Paz referiuse ao compromiso que adquiría o concello do Carballiño ao adherirse a esta rede internacional de Cidadades que Camiñan, asumindo as dúas declaracións centrais desta rede: Carta Internacional do Camiñar e Carta dos Dereitos do Peón.

E referiuse concretamente á iniciativa coñecida como Metrominuto, consistente na colocación de paneis coa distancia e o tempo de percorrido camiñando aos lugares de máis interese, como o concello, a praza de abastos, o centro de saúde, etc… Neste sentido, a concelleira ofreceu algúns datos elocuentes. Así, considerando os campos de futbol de Espiñedo e A Uceira como dous puntos dun extremo a outro da vila, a distancia é de 3,1 km e o tempo que se tarda camiñando é de 40 mn. Se por exemplo estacionamos o vehículo na explanada da estación do tren, a distancia que hai ata á rúa Calvo Sotelo é de 1,3 km e o tempo camiñando é de 15 mn.; o tempo que se tarda camiñando entre o aparcamento da rúa Ben Cho Sey e o concello é de 7 mn. Según Érika Paz é un xeito de sinalizar a pouca distancia e tempo que se tarda camiñando desde estas zonas, onde se estaciona fácilmente, ata o centro da vila, desconxestionando o tráfico e promovendo hábitos saudables.

Ao respecto sinalou que o parque móbil do Carballiño supera os 10.000 vehículos, e tendo en conta a configuración urbana con rúas estreitas, a mellor opción é aparcar nas ruas da zona perimetral da vila.

Esta iniciativa de Metrominuto desenvolverase cun lema propio local, que é “Pasiño a pasiño polo Carballiño”, e porase en marcha a finais deste ano, según anunciou Érika Paz. Finalmente, tanto o alcalde como a concelleira aseguraron que se elaborará un Plan global de mobilidade onde se recollerán todas iniciativas a poñer en marcha para mellorar a seguridade vial e a calidade de vida, co obxectivo de lograr unha vila máis amable para os veciños e visitantes.

En Galicia, Pontevedra e Carballo forman parte da rede de Cidades que camiñan, e O Carballiño sería a terceira vila galega en adherirse.

As Festas da Saleta de Cea -do 22 ao 25 de Setembro- volven este ano presentar un cartel musical de auténtico luxo, que as siguen situando entre as mellores festas populares de toda a provincia de Ourense.

A programación ábrese o venres dia 22 coa primeira verbena a cargo da orquestra Panorama, xunto ao folión que anuncia o comezo das festas.

O sábado 23, pola tarde, haberá animación infantil e xuvenil na Praza Maior da localidade, e para a verbena desta noite estarán en Cea as orquestras Kubo e Garibaldi.

O domingo 24 ás 12 do mediodia celebraráse a procesión e misa solemne, que acompañará a Banda de Música de Vilanova dos Infantes, que ademáis de pasarrúas tamén ofecerá dous concertos en horario de mañá e tarde na Praza Maior. A verbena do domingo estará amenizada polas orquestas Costa Oeste e Gran Parada.

Xa finalmente, o lúns dia 25, festivo de carácter local no municipio de San Cristovo de Cea, haberá pasarrúas e concertos da Banda de Música de Muimenta, a misa solemne e procesión na capela da Saleta será as 12 da mañá.

Para a verbena, a charanga Ardores e a actuación da orquestra Paris de Noia, que se encargará de despedir estas Festas da saleta de Cea 2017.

A diversificación de espazos na ubicación das atraccións e das actividades programadas durante estas festas, mereceron a aprobación xeral por parte de veciños e hostaleiros, según a apreciación da Comisión de Festas. O feito de que as atraccións para os adultos se instalasen preferentemente no entorno da Praza da Veracruz e as dos nenos ocupasen a Alameda, Conde Vallellano, Praza do Emigrante e Praza dos Irmáns Prieto, contribuiu a que se ampliase o circuito de lugares de entretemento, permitindo, ademáis, traer unha atracción tan espectacular como a montaña rusa Súper Ratón.

Así mesmo,manifestan que a ubicación das orquestras e bandas na Praza Maior, Praza da Veracruz, Conde Vallellano e Praza Emilia Pardo Bazán permitiu ter eventos musicais en máis lugares, aproveitando mellor as prazas e ampliando as zonas paseo. Neste sentido, tamén se apreciou unha boa valoración xeral da tirada do fogo na explanada do Parque Municipal, mellorando en visibilidade e seguridade para as persoas asistentes, e permitindo unha tirada de fogos máis espectacular tanto no relativo á potencia dos morteiros como á variedade e creatividade artística da sesión.

Por todo isto, a valoración xeral da Comisión de Festas é altamente positiva, destacando, sobre todo, a gran afluencia de xente no Carballiño durante a fin de semana, especialmente o sábado pero tamén o domingo pola tarde e pola noite, ata que comezou a chover ao final do primeiro pase da orquestra París de Noia, cando a Praza da Veracruz estaba completamente abarrotada. Ainda así, tanto a orquestra París como a orquestra D´Moda ofreceron unha gran verbena.

Os cambios de ubicación introducidos nestas festas patronais, se ben sempre se poden mellorar, deberían servir de base para as próximas edicións, de forma que permitan traer atraccións novedosas sen causar máis inconvintes dos normais e lóxicos durante as festas.

En canto á programación musical, foron moi do agrado xeral os concertos das bandas de música, así como das corais, e resultaron sorprendentes tanto o concerto do grupo La Suite Band, con versións de temas que marcaron época na música pop, e o grupo CLAXXON, tamén con magníficas versións de grupos míticos da historia do rock.

Con todo, cecais fosen os aplausos do numeroso público que se achegou ata a entrada do Parque Municipal o sábado pola noite para presenciar a tirada de fogos, o que causou maior satisfacción, pois parece unha boa alternativa á Praza da Veracruz, onde hai moitas edificacións ademáis do templo, que podería verse afectado polos estoupidos dos morteiros. Así, mellorouse en comodidade, visibilidade e posibilidades de ofrecer un espectáculo que non se podería realizar no entorno da Veracruz.

Finalmente, a Comisión de Festas agradece aos veciños a comprensión polas molestias causadas durante estes días, e á Policía Local, Protección Civil, Garda Civil, Parque de Bombeiros, á Brigada de Obras Municipal e ao persoal do servizo de limpeza do concello o esforzo realizado para que se poidesen celebrar os eventos e se garantise a seguridade e a limpeza.

E, por suposto, agradece aos veciños, comerciantes e hostaleiros a súa contribución a estas festas, pois sen ela non sería posible programar moitos dos eventos celebrados durante os cinco días de festexos.

As atraccións continuarán hoxe e mañá, no que se celebrará o Día do Neno.

A Xunta de Goberno da Deputación de Ourense ven de conceder unha achega económica de 80.000 euros ao concello de Avión para axudar ao mantemento de servizos sociais que xestiona a propia institución municipal, como son o Centro de Dia, o xantar sobre rodas ou a vivenda comunitaria.

Ademáis, en materia de infraestructuras, a entidade provincial ven de confirmar unha axuda ao concello que preside o alcalde Manuel Montero que se destinará a mellora de de camiños municipais, asi como a mellora do firme en varias localidades. A contía para estas actuacións ascende a 19.733 euros.

Finalmente, a Deputación financia outros dous proxectos no concello de Avión, a reforma da sala de caldeiras de biomasa na piscina municipal e a mellora e eficiencia enerxética da iluminación pública na localidade de Amiudal, actuacións ás que a Deputación destina 14.940 euros e 8.365 euros, respectivamente.

A procesión do San Cibrao, que saíu ás 11,30 h., co compañamento da banda de música de Vilatuxe, e a misa solemne no templo da Veracruz ás 12,30 h., cantada polo Orfeón,fron esta mañá de domingo o preámbulo dos actos programados para este 17 de Setembro con motivo da festividade do patrono do Carballiño.

As charangas CASTRO VELLO E CHIRIGOTA animarán as rúas durante a xornada festiva.

Ás 13:30 horas comezará na Praza de Emilia Pardo Bazán o concerto da banda de Vilatuxe.

Pola tarde, ás 17,00 h., terá lugar na explanada do Parque o Campionato de CHAVE SAN CIBRAO, e as charangas e a banda de Vilatuxe ofrecerán o segundo pasarrúas.

A partir das 21,00 h., a orquestra D´MODA ofrecerá o primeiro pase da verbena, e a orquestra PARÍS DE NOIA o faráás 22,45 h., na rúa Evaristo Vaamonde, na parte baixa da Praza da Veracruz. Esta mesma orquestra dará o último pase ás 01,45 h., e rematará ás 03,00 h.

FEIRA DA PEPA LOBA NO BARRIO DE FLORES

A Feira de Artesanía da Pepa Loba tamén ofrecerá un programa moi suxerente.

Así, ás 12,00 h., haberá demostración en vivo de artes tradicionais e obradoiros.

Ás 14,00 h., Xantar Popular, e a partir das 18,00 h., animación de rúa a cargo de Tiruleque.

A Valedora do Pobo admitíu a trámite a queixa presentada pola actitude do alcalde do Irixo Manuel Penedo que, ao non facilitar o acceso á información municipal, está obstaculizando a labor fiscalizadora da oposición municipal, actitude do rexedor que podería ser constitutiva dun delito de prevaricación.

O Portavoz do Grupo Municipal Socialista do Concello de O Irixo, Iago Fariñas Valiña, denunciou a modo de QUEIXA ANTE A VALEDORA DO POBO que dende o mes de febreiro o alcalde do Irixo nin resposta nin lle da acceso a expedientes solicitados.
A queixa presentada fundamentase na seguinte EXPOSICION DE MOTIVOS:

PRIMEIRO.- Que no artigo 77 da Lei 7/1985, de 2 de abril, reguladora das bases do réxime local, recoñécese o dereito dos membros das Entidades Locais a obter do Alcalde cantos antecedentes, datos ou informacións obren no poder dos servizos da corporación e resulten precisos para o desenrolo da súa función.

SEGUNDO.- Que na condición de concelleiro do concello do Irixo;
1º.- O pasado 16 de febreiro de 2017, se presentou “ACCESO A INFORMACIÓN QUE PRESENTA O GRUPO MUNICIPAL SOCIALISTA DO CONCELLO DE O IRIXO EN RELACIÓN O EXPEDIENTE DO PLAN PROVINCIAL 2017 DA REDE VIARIA PROVINCIAL DA DEPUTACIÓN DE OURENSE.” na que se solicitou “Copia/ou acceso de ser o caso o expediente completo do EXPEDIENTE SOBRE O PLAN PROVINCIAL 2017 DA REDE VIARIA PROVINCIAL DA DEPUTACIÓN DE OURENSE.”

2º.- O pasado 3 de marzo de 2017, se presentou solicitude de “Copia/ou acceso de ser o caso o expediente completo SOBRE UN PUNTO DE ATENCIÓN Á INFANCIA DO CONCELLO DE O IRIXO.”

3º.- O pasado 10 de marzo de 2017, se presentou “ACCESO o Modelo 347 da Declaración Anual correspondente ó exercicio 2016, coa relación de operacións con terceiras persoas. “na que se solicitou “…copia e no seu defecto acceso o Modelo 347 da Declaración Anual correspondente ó exercicio 2016, coa relación de operacións con terceiras persoas nesa anualidade por parte de este concello.”

TERCEIRO.- Que en datas de 3 e 31 de marzo de 2017 mediante sendos escritos púxose en coñecemento do Sr. Alcalde que o acceso a dita información foi concedido mediante silencio administrativo pola falla de resposta do Sr. Alcalde as peticións de acceso a dita información feita por este concelleiro por escrito os pasados 16 de febreiro, 3 de marzo e 10 de marzo de 2017 respectivamente, isto supón a concesión da autorización solicitada por silencio, unha vez transcorridos os cinco días establecidos (arts. 77.2 LRBRL y 14.2 ROF).

CUARTO.- Que en ditos escritos se lle recordaba que o ter concedido o acceso por silencio administrativo, o Sr. Alcalde deste concello debe sen máis demora dar acceso o mesmo, de non proceder a conceder o acceso o mesmo se mais demora, se lle advirte que esta vostede cometendo un presunto delito de “PREVARICACIÓN ADMINISTRATIVA” penado entre outras penas con inhabilitación para desempeñar cargo publico e do que se dará conta a autoridade competente se non da acceso os expediente nos próximos días.

QUINTO.- Que a pesar de todo elo, e pasados xa mais de 6 meses dende as solicitudes, o Sr. Alcalde segue sen dar resposta as petición formuladas a sabendas, o que e escandaloso ademais de estar cometendo como xa reiteramos, un presunto delito de prevaricación administrativa, feito este que xa se ten producido en ocasión anteriores.

SEXTO.- Que debo apuntar que o concello de O Irixo e un concello de pouco mais de 1.500 habitantes que dispón entre o seu funcionariado de dous administrativos, que nos últimos anos estiveron sempre no seu posto de traballo, non existiron baixas laborais nin períodos vacacionais dende as solicitudes de información referidas, que puideran afectar o correcto funcionamento da actividade administrativa deste concello e que puideran ocasionar a falla de resposta nas súas petición a este concelleiro, ademais de que hai tres membros do goberno municipal con tres dedicacións parciais remuneradas en mais de 73 mil euros, o que fai inxustificable que non se atendan as petición deste concelleiro.

SEPTIMO.- Que o único motivo e impedir o acceso de este concelleiro a información para que non poida facer a súa labor fiscalizadora, e non poida ter coñecemento dos expedientes referidos e así non poda informar a veciñanza.