Este domingo 14 de xullo de 2024, organizado por Roteiros de O Carballiño e Roteiros de Lalín, levouse a cabo a terceira etapa do Camiño a Santiago da Xeración Nós entre O Carballiño e O Irixo de 17 quilómetros.

A xornada partiu de Igrexa da Veracruz do Carballiño, cruzando o río Arenteiro pola ponte da Veiga,e continuand por Madarnás, A Esgueva, a Ínsua dos Poetas e xa no Concello do Irixo pasando por Coucieiro, a Capela da Pena da Sela, a Igrexa de Dadín, entrando no Irixo por As Laxas,con final de etapa no lugar da Ponte.

Corenta persoas participaron na actividade, que ademáis ao remate asistiron á festa gastronómica do Camiño Nós organizada polo Concello do Irixo, con desgustación de ovos con prebe e carne ó caldeiro que foi o menú que xantaron en 1926 Vicente Risco, Otero Pedrayo, Lois Feixoo, Antón Sanchez e Monxardín na "Casa do Zapateiro" no Irixo.

A seguinte etapa será no mes de setembro entre O Irixo e Vilatuxe, con final no campo da feira dos Carballiños.

Desde a organización móstranse "encantados do resultado excelente que estamos obtendo facendo este Camiño a Santiago da Xeración Nós que ten moito que ofrecer".

O alunmado participante nos cursos do programa de promoción da participación social  dirixidos a pesoas inmigrantes recibíu os seus correspondentes diplomas que acreditan  a súa participación nestas novas accións formativas que ven de organizar o concello carballiñés no programa "Somos Migracións".

No acto estiveron os concelleiros Manolo Dacal (Industria e Turismo) e Lorena Castro (Promoción Social e Educación).

Os cursos finalizados foron os de competencia oral en galego e competencia oral en castelán, en ambos a participación completou as prazas dispoñibles. O concello do Carballiño continúa desta maneira apostando pola formación de cara a inserción sociolaboral e xa está a planificar novos cursos a partir do próximo outono.

O programa especial dos venres de verán de COPE O Carballiño, neste 12 de xullo emitímolo desde as novas piscinas públicas do concello de Boborás,

No mesmo, a alcaldesa Patricia Torres deu a coñecer importantes proxectos para promover desde o concello, entre eles o aproveitamento das edificacións da antiga estación de Renfe de Boborás a través dun convenio de aluguer co Adif ou a construcción dun Tanatorio Muncipal que se ubicará na chamada "casa do cura" na Almuzara, tamén por medio dun convenio de colaboración, neste caso co Bispado da Diócese de Ourense.

Ademáis, neste programa tamén podes escoitar a a Jhony Trigás, emprendedor local de "Terras de Boborás", a Silvia Gómez que xerencia o café-bar das novas piscinas boborenses, ou Agustín Vila da asociación "1809, A Batalla", que se celebra esta fin de semana en Pazos de Arenteiro.

Pazos de Arenteiro celebra esta fin de semana unha cita festiva que lembra o acontecemento histórico que enfrontou aos galegos liderados por Cachamuíña contra o exército de Napoleón, e que xa suma cinco edicións.

A alcaldesa de Boborás, Patricia Torres, remarcou a dedicación e esforzo dos organizadores para levar a cabo unha cita que “xa é unha referencia entre as festas históricas ourensás e galegas, precisando que é única polo componente do realismo que ofrecen as escenificacións con arma de avancarga que dispara pólvora”

Máis dun cento de veciños de Boborás e participantes procedentes de localidades de toda España recrearán esta fin de semana un dos acontecementos máis singulares da historia da provincia: a batalla de 1809, que enfrontou aos galegos liderados polo capitán Cachamuíña contra as tropas francesas de Napoleón.

A Deputación de Ourense e o Concello de Boborás colaboran con esta festa histórica, organizada pola Asociación Cultural A Batalla 1809, e na que os veciños de Boborás convidan aos visitantes a unha viaxe no tempo para coñecer durante dous días -sábado 13 e domingo 14 de xullo- en Pazos de Arenteiro os costumes, a gastronomía e o modo de vida daquela época, nunha ampla programación que culminará ás 13,30 horas do domingo coa batalla na ponte.

O vicepresidente segundo, César Fernández, participou esta mañá na sala de prensa do Centro Cultura “Marcos Valcárcel” na presentación do evento xunto á alcaldesa de Boborás, Patricia Torres, e a representante da Asociación Cultural A Batalla 1809, Elvira Santiago. César Fernández definiu “1809 A Batalla” como “un evento xa fundamental no calendario da provincia”, antes de recoñecer o “excelente traballo” da organización e do concello para desenvolver unha festa “á que sen dúbida merece a pena asistir e desfrutar”.

Pola súa banda, Patricia Torres incidiu en convidar á xente a que veña “xa que A Batalla 1809 é unha festa totalmente diferente as outras, onde nos despertamos tal cual en 1809 e vivimos cada acontemento como se estivese ocurrindo de verdade, o que fai que o realismo sexa incrible, sumado a presencia de disparos e pólvora”, todo coas medidas de seguridade pertinentes.

“Ë moi emocionante todo”, explica. Elvira Santiago agradeceu a colaboración institucional, o traballo de todos os voluntarios e dos propios veciños de Pazos de Arenteiro para organizar unha cita “moi interesante e que se renova ano a ano, implementando novas actividades baixo o respecto ao espírito dunha festa que permite ver en directo a recreación desta batalla histórica, e que ademáis foise perfeccionando cos anos.

O programa de actividades da cuarta edición da festa “1809 A Batalla” inclúe ao longo do sábado 13 e domingo 14 de xullo visitas guiadas ao campamento francés e a Pazos de Arenteiro, música tradicional, concertos, exhibición de esgrima histórica, gastronomía, mercado, esceas teatralizadas…. A festa "1809 A Batalla" é un evento cultural no que se recreará a batalla librada entre os trescentos galegos liderados polo capitán Cachamuíña e os mil soldados do exército de Napoleón aos pés da Ponte da Cruz, aos que os galegos derrotaron.

Os fitos históricos serán representados ao longo do fin de semana por voluntarios de todo Boborás xunto a participantes doutros puntos de Ourense e doutros puntos da xeografía española, que se unen á celebración e vístense de combatentes dos dous bandos durante eses dous días.

O presidente provincial, Luis Menor, recibiu esta mañá na Deputación ao alcalde do Carballiño, Francisco Fumega, e ao tenente alcalde, José Castro-Gil. Os máximos representantes da Deputación Provincial e do Concello do Carballiño acordaron traballar conxuntamente a prol da mellora de servizos e da calidade de vida da veciñanza da vila do Arenteiro e do resto do municipio.

Menor, Fumega e Castro destacaron que o encontro foi “moi produtivo e con total compromiso e consenso para solucionar do mellor xeito posible os problemas dos veciños e veciñas do Carballiño, no que estamos comprometidos tanto no Concello como na Deputación”.

Neste encontro de traballo institucional tratáronse asuntos de interese para O Carballiño e nos que se solicitou a colaboración da Deputación, como son a necesidade de mellora das súas infraestruturas deportivas, nomeadamente no pavillón, coa fin de captar novoso usuarios.

Tamén se abordou a oportunidade de avanzar na programación de obras no complexo de A Uceira, optomizar os usos da Residencia de Tempo Libre; melloras viarias e infraestruturas e programación cultural e deportiva.

O pleno extraordinario da corporación do Irixo celebrado esta mañá solicitado a instancias do Partido Popular desenvolveuse sen sorpresa, e a alcaldesa Susana Iglesias rexeitou someterse a unha cuestión de confianza.

A corporación solicitoullo por maioriía, tras contabilizarse 5 votos a favor (4 do PP e 1 do concelleiro Juan Manuel Villanueva) e 2 abstencións do grupo socialista, que está integrado no goberno municipal con Xuntos polo Irixo. Polo que os únicos votos en contra foron o da propia alcaldesa e a concelleira Tamara Civeira.

O portavoz popular ofrece "unha segunda oportunidade á alcaldesa para a aprobación dos orzamentos", aínda que Manuel Cerdeira advirte que "de agora en adiante, o vitimismo xa non ten sentido".

Escóitaoo no PODCAST de COPE O Carballiño.

Loterías e Apostas do Estado dedica o décimo de Lotería Nacional do xoves 25 de xullo á Festa do Polbo do Carballiño. A presentación do décimo tivo lugar esta mañá no salón de plenos do Concello, coa asistencia do concelleiro de Cultura, Diego Fernández;a concelleira de comercio, Diana Fumega; o delegado de Loterías en Ourense, Juan Carlos Rodríguez; e a secretaria da Asociación de Pulpeiros do Carballiño, María del Mar Lage.

O décimo do 25 de xullo está ilustrado cunha fotografía do monumento ás pulpeiras, obra da escultora Laura Rodríguez, que rende homenaxe a este oficio artesanal tan representativo do Carballiño, onde todos os anos celébrase unha das máis importantes festas gastronómicas de Galicia.

Como empresa pública, Loterías está firmemente comprometida coa difusión da cultura e as tradicións, en especial naqueles casos nos que estas se converteron en auténticos acenos de identidade que nos definen e nos cohesionan como sociedade ao redor dunha historia e uns valores comúns, que Loterías comparte co conxunto da cidadanía.

Por parte do Concello, o concelleiro Diego Fernández, agradeceu o recoñecemento de Loterías á asociación carballiñesa, que é ao mesmo tempo un recoñecemento ás pulpeiras e á propia Festa do Polbo, que hoxe conta con carácter internacional e é unha das grandes celebracións gastronómicas de España. No mesmo sentido manifestouse Diego Fernández, concelleiro de cultura, que afirmou que o décimo deseñado recolle perfectamente a arte da escultura de Laura Rodríguez, pero tamén a arte do oficio das pulpeiras, labrado durante séculos, elemento diferenciador e un dos grandes reclamos turísticos da vila. Pola súa banda, María del Mar Lage, secretaria da Asociación de Pulpeiros do Carballiño, recoñeceu o traballo das xeracións anteriores e presentes por manter viva a tradición.

Para o sorteo de Lotería Nacional do 25 de xullo poñeranse á venda 6 millóns de décimos na rede comercial de Loterías, o que permitirá que a Festa do Polbo do Carballiño sexa coñecida en toda España. Este sorteo repartirá 12,6 millóns de euros en premios, entre os que destacan un primeiro premio de 300.000 euros por serie e un segundo premio de 60.000 euros por serie.

O portavoz do grupo municipal de Espazo Común analizou en COPE O Carballiño a nova situación política no concello tras consumarse o acordo de PSOE e Partido Popular para gobernar xuntos os próximos 3 anos.

Podes escoitar a intervención radiofónica de Adolfo Nogueira no seguinte PODCAST: