Estou seguindo con moita atención a polémica absurda xerada pola concellería de cultura con CINECLUBE, verdadeiramente non comprendo como o Concelleiro de Cultura trata de mingunear a un colectivo do carballiño cunha traxectoria de moitos anos e traballando de xeito desinteresado e sen afán de ningún tipo de protagonismo nin afán de lucro, e grazas a CINECLUBE podemos dicir que temos cine no Carballiño, ademáis costame tanto traballo asimilar como un chamado Concelleiro de Cultura pon trabas a persoas que traballan no ámbito da cultura, co difícil que é conseguir que a sociedade participa na vida social do Carballiño.

Por outro lado tiven que ler varias veces as aclaracións do Concelleiro de Cultura dicindo que a cineclube van 40 peroas e as actividades das empresas que este concelleiro ampara e da cobixo cede todo o que faga falla pois asisten centos de persoas, parécenme comentarios mezquinos e cobardes máis propios dun tratante que dun concelleiro de cultura do Carballiño, estou segurísimo que sexa CINECLUBE, TIRULEQUE ou calquera outro colectivo cultural do Carballiño, lle ofrecemos a décima parte dos recursos cos que conta o Concelleiro para levar a cabo as actividades, seguramente o Auditorio se quedaría pequeno para tales eventos e sen tanta foto.

Logo tamén me gustaría facer unha pequena reflexión de sobre o que este concelleiro entende por cultura, persoalmente un monólogo similar a el CLUB de LA COMEDIA, non me parece que sexa unha actividade moi cultural ou un Dj. nunha discoteca da zona, pero en fin este tipo de matices poden dar lugar a outro debate máis profundo.

Seguindo co fío destas empresas cos que o Concelleiro ten tanta sintonía e ten tanta afluencia de público, pagan algún tipo de aluguer ao concello para levar acabo as súas actividades profesionais con afán de lucro?, imaxino que non, e hai que destacar que aquí hai unhos gastos considerables (calefacción, luz, limpeza...), entendo eu que conforme se nos suben as taxas os pais que temos nenos no Conservatorio (esto si é cultura e educación) o concelleiro tamén podería traballar nunhas ordenanzas para regular o uso destas infraestructuras públicas e máis cando están sendo empregadas por empresas con afán de lucro.

Voltando a Cineclube, percibo que este concelleiro é algún outro do equipo de goberno tamén funciona así, pois cando hai un colectivo ou evento que él non controla ou tutela pois empregamos tácticas de acoso e derribo e a táctica son pequenos feos, pequenas "putaditas", etc, etc... unha táctica moi asquerosa máis propia das mafias que de concelleiros de cultura. Por certo o alcalde onde está, que opina de todo esto, resolve algo...

Por último, a casa da cultura segue sendo unha penuria na situación que se atopa, nin biblioteca, nin calefacción nin biblioteca para os nenos... e o salón de actos está deteriorándose cada vez máis a pasos axigantados.

En definitiva Sr. Concelleiro de Cultura ten moitísimo ámbito onde traballar sen andar enredando e buscando líos coas poucas persoas que participan activamente na vida cultural do Carballiño, por favor, un respeto para tod@s eles.

Si a nota que moitos puidemos leer é do Sr. Diego, Concelleiro de Cultura do Excmo Concello do Carballiño, escrita por él, vaia! Abraiante! debería antes pasala por un corrector. 

Destaco un suposto interés pola súa parte en intentar non "cabrear" a un colectivo que dende hai moito tempo, leva a cabo unha actividade que o Señor Concelleiro lle sona, pero que lle é descoñecida. Que saibamos non acude a estas sesións cinematográficas. Nin a estas, nin a outras actividades. Será que non teñen suficiente afluencia de público para él?

Por outro lado Señor Concelleiro, moitos sabemos que a maior parte das actividades "culturais" que se veñen programando no Carballiño, ben son de iniciativa privada (como o cineclube), ben parten dunha empresa que vostede contratou e que facilitan a labor nunha alta procentaxe. Tanto lle la facilitan, que é vostede capaz de non ter absolutamente nada programado durante semanas, e despois, O MESMO día, facer coincidir varias a mesma hora, no Carballiño. Ainda non tivemos a oportunidade que esto acontecese non mesmo lugar, esperemos que non suceda, e si sucede, quero estar presente por aquelo de asistir a un esperpento máis.

Esta é unha proba máis da súa escasa eficiencia, coa que vostede pretende xustificar a adicación pola que cobra uns cartos do fondo público. 

Non intente agora decir que hai outro espazo no Carballiño onde se poden proxectar as películas, pois o que tiña que haber feito con tempo, porque ademáis era perfectamente posible, era poñerse PERSOALMENTE, en contacto, cos organizadores neste caso, do Cineclube.

Pero nin para esto, nin para moito máis. Señor Diego, vostede non ten capacidade organizativa e moito menos talante negociador (de casta le viene al galgo). Traballe Señor Concelleiro, que con estar varias horas no posto non é suficiente, hai que facer que sexan produtivas e deixar de escudarse nos técnicos.  Faga traballar ese seu cerebro, e reinvente un Carballiño con actividades para todos, ben organizadas.

En relación ao comunicado da Área de Cultura do Concello do Carballiñosobre apolémica xurdida entre a mesma e o Cine Club Carballiñopola utilización do Auditorio, a directiva do cine club quere manifestar o seguinte:
En primeiro lugar, agradecer as palabras doConcelleiroao calificar anosa programación como “de moitacalidade” (esperamos que iso o anime a asistir por primeira vez a alguna dasnosasproxeccións) e o nosotraballo de “extraordinario”. Pena que non o respecte e non valore e entenda o que supón, xa que para el parece que é o mesmo que o fagamoscalquera día da semana. Cremos que tal vez esqueceu que nós, a diferencia del, non cobramos por facelo, polo que temosoutrostraballos (estes si remunerados) que atender, nalgún caso a bastante distancia do Carballiño.
En segundo lugar, compartimos con el o criterio de que a importancia dunhaactividade cultural non se debería medir sópola afluencia de público, e alegrámonosmoito de que pense así. Tal vez sobraban entón as cifras de asistencia que “exhibe”. Por certo, debería lembrar que moitas das actividades culturais do concelloteñenmoipouca afluencia (de citar, está ben citar tanto as duras como as maduras). Iso para nós, que temos estado en moitas, non as faidende logo ninmáisnin menos interesantes. Tal vez o que lle debería é levar a unha reflexión acerca do traballo de difusión das mesmas por parte da Área que dirixe como Concelleiro. De paso, podería difundir tamén as nosas (aproveitamos para recordarlleunha vez máis a nosa demanda de que aparezanna web do concello) e así axudarnos a subir a media de 60 espectadores por película que temos no presente ano (73 se temos en conta a tempadadendesetembro).
No terceiro punto xa non coincidimos tanto. O Carballiño non ten dúas instalación municipais en condicións para a proxección cinematográfica. E se a cousa sigue así acabará por non ter ningunha. Dende o noso punto de vista o coidado das mesmas é lamentable, e as dúas presentan claras deficiencias (falta de limpeza, ás veces escandalosa; paredes completamente cheas de humidadenun pésimo estado; falta de mantemento dos equipos técnicos; non reparación de elementos que se van deteriorando polo uso…). Pero a maiores, a Casa da Cultura carece do equipamento necesario para proxectar en condicións: non ten un canón de HD, e a colocación do actual é absurda, xa que implica perder a metade da pantalla, xa de por si pequena. Aínda así non é o máis grave: o sistema de climatización non funciona correctamente e o estado das instalación da literalmente “noxo”. Sabemos que a situación xavén de lonxe, pero sabemos tamén que ninvostedenin o grupo municipal ao que pertencefixeron nada por mellorala.
En cuarto lugar notamos certa falta de coherencia entre o contido do seu comunicado e o título do mesmo, xa que en ningún momento aclara os motivos polos cales vostederenunciou á programación de Cinemas de Galicia, a pesar das súasvantaxosascondicións. Salvo que o que pretenda é suxerir que os responsables somos nós, por non querer buscar unha solución dialogada ásnosas diferencias. Nesesenso gustaríamos recordarlle que en ningún momento se puxo en contacto connosco para resolver a situación que se producía en relación á utilización do auditorio, e só o fixo con posterioridade a que nósllecomunicaramos a través dunhatraballadora da súa área que se non se buscaba unha solución deixariamos de colaborar coconcelloao non respectar o nosotraballo. Por certo, chamounos non para buscar unhasolución para as nosasproxeccións (non ofertou ninguna alternativa) senónsó para as de Cinemas. Falta entónaínda que explique por que non se levan a cabo tendo a Area de Cultura un Concelleiro con media dedicación exclusiva, varios traballadoresaoseu cargo e, segundo as súas palabras, “dous lugares axeitados para celebrar actos culturais”, que fan do Carballiño un lugar con“unha programación cultural extraordinaria” (ás veces un pouco de modestia non está mal).
Xa para rematar, pedir desculpasaosnosos socios e aos amantes do cine en xeral do noso pobo e dos arredorespola parte de responsabilidade que de segurotemosnesta trifulca, e que ao fin e o cabo supón a perda de programación cinematográfica da que disfrutar todos nós. Non temos por costume ser servís nin lameculos cos políticos cos que nos vai tocando lidiar, e isoás veces xeracertos “roces”, sobre todo cando estes consideran as institucións como un patrimonio persoal en vez de entender que están aí de paso só para xestionalas o mellor posible en beneficio de todos. E recordarlleaoconcellerio que nós non somos tan irracionais como para querer privar aosnososveciños de nada, simplemente queremos que se nos respecte, por moi críticos (tamén sinceros, non o esqueza) que sexamos coa súa labor. Para a próxima, descolgue o teléfono, tomamos unha caña tranquilamente (invitamos nós, que cremos que nos toca) e de seguro que acabamos atopando alguna solución na terraza dalgún bar, que para iso están.

Remitido por Cine-Club Carballiño.

A Secretaría Xeral de Cultura da Xunta de Galicia puxo a disposición das bibliotecas públicas a posibilidade de mellorar as bibliografías das bibliotecas municipáis integradas na rede de bibliotecas públicas de Galicia para o ano 2017. Dita convocatoria é do 22/12/16 e a súa resolución do 20/3/17 evidencia un fracaso máis da xestión municipal en canto a xerar axudas doutras administracións por parte, neste caso tamén, do concelleiro de Cultura.

Da lectura da resolución, resulta que se presentaron 51 solicitudes de Concellos con biblioteca de toda Galicia, das cales foron admitidas 44 e rexeitadas 7 e en ningunha delas volve a estar o Carballiño, pois ao non terse feito solicitude é imposible estar nelas.

A solicitude, según a concedida a Concellos de semellante tamaño ao noso podería ser de 4.000 €, que de seguro, podería servir para incrementar a base bibliográfica da nosa biblioteca.

A perda desta subvención, debemos de xuntar á anterior perda para actividades na biblioteca, e xuntar á non xustificación doutras concedidas, xuntar que en 2 anos non foi capaz de conquerir persoal con preparación específica para a biblioteca, xuntar a tardanza en sacar convocatoria de subvencións municipais, xuntar a mala xestión da resolución das subvención, xuntar que non convocase as comisións de informativas necesarias, e xuntar tamén o desplante soberbio que lle fai a Cine Clube referida a actividade “Cinemas de Galia”, todo esto,entre outras cuestións.

Dende o Partido Popular do Concello do Carballiño, Pediremos formalmente ao Alcalde, ao cal facemos responsable da situación dende agora xa que non pode seguir mirando para outro lado sen ver a perda de recursos que que este concelleiro está a xerar, que lle saque atribucións de cultura ao concelleiro Diego Fernández Nogueira, ou ben se llas mantén, solicitaremos a retirada do seu soldo de dedicación, para que lle sexa transferida a outro concelleiro/a que o defenda mellor.

Asinado: Grupo Municipal do Partido Popular no concello do Carballiño

Como consumidor da oferta lúdica e cultural que achega O Carballiño tanto dende o ámbito público como privado gustaríame aclararlle algúns conceptos ao concelleiro de cultura porque penso que non os ten nada claros.

Sr. concelleiro: Vostede non é ninguén pra determinar quén ten dereito e quén non a utilizar un espazo público pagado por todos. Se vostede, unilateralmente e arbitrariamente, decide que unha asociación non pode utilizar un espazo público, e quere vostede desterralos a outro espazo que non reúne as características máis axeitadas, pode vostede empregar as palabras valerias que vostede desexe, como esa milonga de "traballar en positivo" e bla, bla, bla... Pero a cruda realidade e que está vostede marxinando a un colectivo, que como ben di vostede, está realizando unha labor excelente, aunque vostede o diga cínicamente como ben reflicten os seus actos.

Mire vostede, os cartos públicos que vostede recibe cada mes pola sua dedicación parcial, pagados cos esforzos dos contribuintes do Cärballiño, non son pra xerar conflictos. Son pra plantexar solucións, e pra que vostede optimice os recursos. Cada vez que vostede perde unha subvención, ou cando pola sua pésima xestión se despide a un traballador que á postre os tribunais califican como despido nulo de pleno dereito, está xerenado vostede problemas onde non os hai, e facendo gala dunha nula ou pésima capacidade de xestión. Cada vez que vostede non aporta unha solución ó lamentable estado e funcionamento da Biblioteca Pública, está facendo vostede gala dunha pésima capacidade de xestión.

O que non ten vostede nada claro é que vostede non pode determinar arbitrariamente quen pode empregar un espazo público, porque vostede non é o dono deste espazo. Somos todos. E quizáis estea vostede mal acostumbrado. Pode que a sua concepción da utilización dun espazo público, sexa moi semellante á concepción que se ten nun concello que vostede coñece moi ben, o de Maside, onde un colectivo solicitou a Casa da Cultura pra unha sesión informativa, e a arbitrariedade e o sectarismo do rexente non só provocou a denegación deste espazo, senon que o propio rexidor calificou a este colectivo como un brazo político armado o servizo do PP, e calificouno así en sesión plenaria.

Espero que vostede teña persoalidade propia, aínda que o dubido, habida conta  que vostede non aistiu a unha sesión plenara na que o concello do Carballiño rexeitou unánimemente unha incineradora de neumáticos nun monte veciñal en mán común en Maside. Pregúntome se vostede sirve ó Carballiño. Pregúntome se vostede sirve ao interese xeral. Porque se é así, créame cando lle digo que vostede vai moi mal encamiñado cando a concepción da utilización dun espazo público é tan semellante á que se ten no concello de Maside.

Se hai algo que me moleste especialmente e ver cómo certos políticos ou certas políticas neste caso, critican Servizos para seguir trepando...claro é que o malo do Servizo do Lixo da Deputación e que o goberno do entre provincial é popular e esto os socialistas non o soportan e máis se do que se trata é de subir coste o qué coste e mesmo pisando a quen sexa. 

Un caso puntual non se pode xeralizar, a averia puntual dun camión que traballa só no CARBALLIÑO non se pode xeneralizar, se un día como corresponde se vacía o contendor do cartón e o día seguinte està cheo porque houbo unha mudanza...non se pode xeralizar...sabes que hai que facer señora Erika Paz, patear o Concello ( non so praza do Concello) e se é o caso chamar a quen corresponda para ver se dan solución a situación, e coido que así será.

Pero que vamos esperar deste Goberno que ata non le o Bop nin o Doga e só perde subvecións...nada de nada. O que queda e esperar ao 2019, e que cambie este Goberno que só están pendentes de ascensos e leas entre éles mesmos....

O concello do Carballiño ten dous lugares axeitadospara celebrar actos culturais, como son a Casa da Cultura e o Auditorio Municipal. Determinados eventos e espectáculos musicais, teatrais, monólogos e outros, tanto por necesidade de escenario e escenografía como por afluencia de espectadores, teñen que levarse a cabo no Auditorio. Algúnsdestes eventos poden programarse casi cun ano de antelación, pero outroshai que programalossóuns meses antes, porque dependen de diversas circunstancias, como propostasdas compañías ou grupos, calendario dos catálogos das institucións, etc… Non é racional privar aoscarballiñeses e carballiñesas de actos culturais de renome e cunha gran asistencia de público, por estar ocupado o auditorio cunhaproxección de cine que, de modo excepcional –tres venres- pódese proxectaroutro día da semana ou incluso na Casa da Cultura, que está equipada para facelo. Non se trata, ninmoito menos, de marxinarunhaououtraactividade cultural, senón de utilizar da mellor forma posible as instalación culturáis que temos no Carballiño.
Cremos que o Cine Club Carballiño desenvolve un traballo cultural extraordinario, e por iso conta sempre coa nosa colaboración en todos os sentidos. Pero non nos parece razonable ter que rexeitar a programación de eventos culturais de calidade e con gran demanda (a tenor da afluencia masiva de público) por non querer mudar tresproxeccións de día ou de sala, que, en todo caso, causaría un perxuizo menor que ter que renunciar a actos culturais que supoñen un esforzo de financiamentoimportante e que consideramos realzan a calidade da programación cultural do Carballiño.
Insistimos en que non se trata de desvalorizar a ninguén. Nin de si nalgunhas sesións de Cine Club hai20 ou 40 persoas, e sinoutros espectáculos do auditorio hai300 ou 400. A cultura debe medirse por outros parámetros. Pero non debera crearse ningún conflicto por ter que cambiar tres sesións dos venres a outro día oua outroauditorio. Nestesenso, hai que subliñar que a Casa da Cultura ten capacidade para 100 persoas, que o pasado ano cambiouse a pantalla e que está perfectamente equipada para proxectar cine. E se cómpremellorar algún equipo, tamén se pode levar a cabo.

Finalmente, lamentamos que o cine club interprete como un acoso estas propostas que llesplantexamos para racionalizar o uso do auditorio sen que houbese que suprimir ningunha sesión de Cinemas de Galicia. Nada máislonxe da nosa intención. O que nós queremos é que haxa cine e eventos culturaisdoutro tipo. E por iso damos alternativas e solucións. Non un portazo que signifique ter que renunciar a unha programación cultural máis ambiciosa.
O Carballiño ofrece dende hai algún tempo unha programación cultural extraordinaria (incluida, por suposto, a programación de cine, que ten moitacalidade). De feito, haipropostas de entidades para promover a venta online en toda Galicia dos nosos eventos. Fumos capaces de atraer o interese de empresas e compañías de ámbito nacional e galego para ofrecer os seus espectáculos no auditorio do Carballiño, cando antes só se podían ver nascapitais. Falamos dos monólogos, dos musicaisinfantís, de grandes compañías de teatro, etc…, que nalgúns casos incluso tiveron que dar ate dousou tres pases. Isto era impensable ate haipouco tempo no Carballiño.
Así pois, cremos que debemos seguir nesta línea, e que é perfectamente compatible coas proxeccións de Cinemas de Galicia e do Cine Club.Só se trata de traballar en positivo e buscar alternativas para calquera problema de calendario que xurda, como é o caso. Hai alternativas, e se quere, poden quedar arranxadas de inmediato. Dende logo, nós estamos completamente abertosao diálogo.

Remitido por Diego Fernández, concelleiro de cultura do Concello do Carballiño.

Páxinas