A última actualización de datos sitúa a cifra do paro nos 9 concellos da comarca nun total de 1.927 persoas, a maioría delas na capitalidade comarcal.
No municipio do Carballiño contabilízanse 1.091 persoas que están inscritas como demandantes de emprego, son 209 menos en relación a un ano atrás, ao mes de marzo de 2016.
Por tramos de idades, a porcentaxe máis alta, encontrámola nas persoas entre os 25 e os 44 anos, con 200 homes e 327 mulleres que buscan traballo. Entre os maiores de 45 anos, 237 son homes e 277 son mulleres. Finalmente, entre os menores de 25 anos, temos a 50 demandantes de emprego, dos que 30 son homes e 20 son mulleres.
No resto dos oito concellos da comarca, sumamos outras 836 persoas que están en situación de desemprego, según esta última actualización dos datos oficiais.
Abre a relación Maside, que rexistra 245 parados, seguido de Boborás con 165. Depois sitúase San Cristovo de Cea con 108 demandantes de emprego, e San Amaro que suma 87 parados.
O municipio de Piñor alcanza as 74 persoas inscritas no paro, O Irixo 73 persoas, Punxín conta con 58, e completa este ranking comarcal o municipio de Beariz, con 26 demandantes de emprego.
Miles de persoas participaron ou presenciaron no transcurso da última semana as actividades organizadas pola Cofradía da Veracruz, o que consolida á Semana Santa carballiñesa como o gran referente na Galicia interior.
Todas as actividades programadas están rexistrando unha gran afluencia de público, como as exposicións no Templo da Veracruz, as celebracións relixiosas, e tamén as catro grandes procesións, entre as que outro ano máis hai que destacar a máis popular de todas elas, a dos "caladiños", a procesión "estrela" da Semana Santa Carballiñesa.
Mención especial merece o traballo que desenvolve a Irmandade da Veracruz, que cada ano que pasa logra superarse, e este ano non foi menos, incorporando novos pasos, como o visto na procesión de Ramos ou a magnífica posta en escea na procesión nocturna do Xoves Santo.
Notable afluencia de turístas
A maiores das actividades da Cofradía da Veracruz, o concello do Carballiño organizou durante estes dias unha variada oferta de ocio e cultura, tanto para veciños como visitantes, que están contribuíndo a animar a vila nestas datas.
Ademáis, o bo tempo acompañou e favoreceu a participación en moitas destas actividades.
Á falta dun balance final sobre a afluencia de turístas e a ocupación hoteleira desta Semana Santa 2017 no Carballiño, a impresión xeral apunta a unhos excelentes datos.
Esta é unha chamada á responsabilidade para quén lle competa no Concello de Maside. Xa que temos poucos cativos no pobo, polo menos, que a Administración municipal procure garantizar a seguridade pública nos espazos destinados a aquéles.
O columpio en cuestión ameaza con soltarse, e cando é utilizado simultaneamente por dous rapaces móvese a estructura que os soporta. Se a ésto unimos que pola desidia á que estamos afeitos, fai tempo que en faltan varios tornillos, pois xa temos a situación propicia para o accidente.
A Alameda, é unha das "xoias da coroa" que temos en Maside pero desta maneira non se fixa poboación. Urxe a reparación, que polo momento pódese solventar cun pouco de material de ferretería.
Como se pode ver na imaxe, tomada às 10:15 do día 12 de abril frente á gasolineira da Piteira, estanse a podar as árvores do Carballiño en plena época de brote das follas. Algo totalmente fora de lugar e sorprendente nunha Vila onde a maior parte dos veciños temos raíces no rural e sabemos de sobra que non son datas para podas. Ven ao caso porque hai poucos días xa se denunciou o intempestivo desta práctica, pero semella que non aprendemos ou somos demasiado soberbos como para aceptar os propios erros.
Por certo, moita sinalización de "homes traballando", pero a realidade é que mais fumaban que podaban, ainda menos mal.
A axencia para a modernización tecnolóxica de Galicia ven de seleccionar os 10 proxectos que a nivel de toda Galicia participarán na terceira edición do programa Cemit-Innova, entre eles, encóntrase o presentado pola aula Cemit do concello de Boborás.
No proxecto, promóvese unha iniciativa para potenciar o turismo rural neste municipio e difundir o potencial turístico de Boborás, como son a aldea turística e o conxunto histórico-artístico de Pazos de Arenteiro, e tamén as igrexas románicas das distintas parroquias, asi como as pontes medievais, as rutas de sendeirismo e os recursos termais.
O Programa CeMIT-Innova busca impulsar, a través da Rede CeMIT, iniciativas de Innovación Social Dixital, que empregan a tecnoloxía para resolver retos locais ligados á educación e á saúde, ao emprego, e en definitiva ao benestar dá cidadanía. Son solucións e proxectos sociais, que teñen as TIC de base e que son deseñados polos seus protagonistas: cidadáns e axentes locais que detectan as necesidades máis inmediatas dá súa contorna e formulan posibles solucións.
O fomento da Innovación Social Dixital é unha das tres liñas estratéxicas do Plan de Inclusión Dixital de Galicia xunto coa alfabetización e a capacitación dixitais.
Este ano, dentro da promoción turística da Semana Santa do Carballiño decidiuse apostar pola colocación de duas vallas publicitarias de empresas distintas na rotonda da Fontela. Tendo en conta que o material elixido para a impresión foi en papel, que estas empresas facturan por periodos mensuais e sabendo as datas da Semana Santa, non é difícil supor que a contración destes servizos foi do 16 de Marzo o 16 de Abril. A día de hoxe un dos anuncios xa desapareceu hai máis de duas semanas e o outro leva camiño de non chegar o mércores Santo. Non teño nada en contra destas actuacións, nin tampouco con calquera cousa que se faga ca intención de beneficiar e promocionar o meu pobo, Os responsables da contratación destes servicios deberían velar polo cumplimento do contratado con estas empresas e reclamar o que pertence, os contribuintes non temos porque pagar por un cartel que nin votou posto 5 días.
O presidente do Goberno galego, Alberto Núñez Feijóo, afirmou que o Goberno galego remitirá ao Parlamento unha Lei de augas termais de uso lúdico para definir, organizar e ordenar todas as capacidades do sector e poñelo en valor; unha lei, que segundo aseverou, permitirá planificar termalmente a provincia de Ourense.
Durante unha visita ás instalacións do balneario Caldas de Partovia, o titular da Xunta referiuse ao termalismo como un modelo de calidade, estable, descentralizado e desestacionalizado. “Calidades todas que nos configuran como destino único”, asegurou, lembrando que Galicia é a comunidade con máis balnearios, un negocio que move preto de 60 millóns e xera máis de 1200 empregos directos.
Feijóo insistiu no compromiso co sector, a través do Plan de turismo termal, unha estratexia que recolle as liñas fundamentais para o desenvolvemento do sector: para planificar; para facer infraestruturas termais- creación, mellora e diversificación-; para integrar produtos termais; para potenciar o coñecemento neste eido, e para promover o termalismo.
Máis polo miúdo, subliñou que nestes dous anos este plan permitiu levar a cabo actuacións como: a recuperación de balnearios abandonados ou de nova construción como o balneario de Cortegada ou a conversión da fortaleza de Monterrei en parador; e obras de rehabilitación e acondicionamento como as do mosteiro de San Clodio en Leiro, a ampliación das termas en Lobios e unha piscina termal en Laias.
“E tamén crearemos o Club do Produto Turístico da Auga de Galicia e tamén seguiremos traballando no Plan de turismo de saúde de Galicia”, abundou.
O conselleiro de Política Social, José Manuel Rey Varela, mantivo no seu despacho de San Caetano un encontro co alcalde de San Cristovo de Cea, José Luís Valladares Fernández.
Os dous dirixentes abordaron a necesidade de seguir incrementando a cobertura da atención a persoas dependentes. Ao respecto, Rey Varela recordou que se vén de aumentar en 840 horas anuais as dispoñibles dentro do Servizo de Axuda no Fogar (SAF), que a Xunta presta en colaboración co concello, ata alcanzar un total de 11.268 ao ano.
Este incremento permite ter na actualidade unha ratio de cobertura próxima ao 95% neste municipio de Ourense. Así mesmo, o titular de Política Social lembrou a achega económica que realiza a Administración autonómica ao Punto de Atención á Infancia, así como o concerto que mantén coa residencia de iniciativa social “La Saeta” e ao que destina máis de 140.000 euros para o financiamento de 12 prazas.
Por último, Rey Varela e o primeiro edil de San Cristovo de Cea manifestaron a súa vontade de seguir afondando nas liñas de colaboración entre as dúas administracións co compromiso de buscar conxuntamente unha política social axeitada que se adapte as necesidades da devandita localidade.
Sr. Fumega, estiven escoitando a súa entrevista de hoxe na Cope. Non vou entrar no resto da súa propaganda e autobombo, limitareime a falar do que vostede denominou un modelo discutible en relación aos convenios de colaboración social.
E teño que decirlle que amosa vostede unha ignorancia radical con respecto a estes convenios. Cando vostede di que é a Xunta a que envía o que vostede chama traballadores, e que realmente son desempregados que cobran prestacións, minte vostede. Minte vostede por ignorancia ou por vontade de engano. Mire Sr. Fumega, a oficina na que vostedes presentan estes Plas de colaboración social, é o mesmo tempo Servizo Galego de Colocación (dependente da Xunta de Galicia), e SEPE (Servizo de Emprego Público Estatal, o que era o antigo INEM). Non sei se vostede está ao tanto, pero vostede ten que solicitar estos Plas ao SEPE, e non ao Servizo Galego de Colocación. Non sei se vostede está ó tanto pero cada un destas institucións teñen o seus funcionarios diferenciados. Non son o mesmo, e vostede solicita estes plas ao director da oficina do SEPE,que é a mesma persoa que a do Servizo Galego de Colocación, , pero esta persoa cando lle manda os desempregados para que vostedes os elixan pra realizar eses traballos está actuando como director do SEPE, polo tanto non é a Xunta de Galicia quen lle envía estes traballadores. Se non lle queda claro esto, non estaría de máis que consultase un pouco de lexislación.
Esto que vostede chama un modelo discutible (lémbranos a Zapatero cando decía que o concepto de Estado era un concepto discutido e discutible), realmente é unha auténtica chapuza. Mire, imaxine que cando a recadación se remunicipalice, a empresa que a leva, por ter menos carga de traballo despide a traballadores, e unha das traballadoras despedidas é a súa dona que pasa a cobrar o paro. Imaxine que o novo alcalde pide estes Plas (os traballadores que son enviados polo SEPE pra entrevista non poden negarse, volve a mentir), e é a súa dona a que elixe o Concello despois de realizar a entrevista ¿Chamaríalle vostede modelo discutible?
Outra cousa, non comparar cos obradoiros de emprego. Non teñen nada que ver. Eso sí que é un proceso no que intervén o Servizo Galego de Colocación. E hai moitas diferencias, establécese cos traballadores (estes deixan de ser desempregados) un contrato de aprendizaxe, a seguridade social págaa ao 100% a Xunta de Galicia así como os salarios. A celebración deste contrato interrumpe o cómputo e o pago das prestacións tanto contributivas como non contributivas, que estes traballadores seguirán cobrando o rematar o obradoiro de emprego. É un modelo que efectivamente pode ser discutible, pero está a anos luz das colaboracións sociais. Non as confunda vostede porque nada teñen que ver. Este modelo forma parte das políticas activas de emprego transferidas as CCAA que teñen transferidas competencias en emprego. Pero o outro non é un modelo, é un RD socialista de dudosa legalidade que nada ten que ver co emprego, senon co desemprego. Se vostede fai unha aposta ambiciosa e decidida polo desemprego, sen dúbida as colaboracións sociais son o modelo axeitado pra vostede.
Páxinas
- « primeira
- ‹ anterior
- …
- 534
- 535
- 536
- 537
- 538
- 539
- 540
- 541
- 542
- …
- seguinte ›
- última »
