O prazo para a presentación de propostas sobre o Parque Municipal prorrógase ate o 23 de decembro.

Ainda que estaba previsto que este prazo rematase precisamente hoxe, a concelleira de Medio Ambiente, Érika Paz, tras consultar aos portavoces dos grupos municipais, considerou oportuno ampliar o tempo de recepción de ideas.

Para adoptar esta medida tomouse en consideración o incremento de propostas realizadas nas últimas semanas, así como unha petición realizada polo concelleiro independente Marco Reboredo.

O concurso de ideas para o proxecto integral do Parque Municipal foi convocado pola concellería de Medio Ambiente a finais do mes de xullo, e o prazo para a presentación de propostas comezou o 1 de agosto. Sen embargo, foi neste último mes cando se intensificou a recepción de ideas, polo se considerou convinte ampliar un mes máis o concurso, ata o venres 23 de decembro.

Según Érika Paz, moitas propostas chegaron a raiz do anuncio do remate do prazo previsto inicialmente, o 15 de novembro, polo que resulta de interese amplialo para dar a oportunidade a todas persoas, asociacións ou entidades a expresar as súas ideas sobre o futuro do parque municipal. Na páxina páxina web do concello (www.carballiño.gal) ofrécese un modelo de instancia para presentar as propostas, que se deberán formalizar a través do Rexistro do concello.

O Plan de Emprego prosigue co programa de formación dos 60 alumnos e alumnas seleccionados, segundo o calendario previsto para este mes de novembro e o de decembro. Precisamente, hoxe remata o curso de técnicas de búsqueda de emprego, que está distribuido en sete módulos, e mañá comezará un curso de prevención de riscos laborais, de 60 horas de duración. En canto remate este curso, procederase a impartir outro de soldadura e calderería de 100 horas de duración.

O primeiro curso que se levou a cabo, tras da presentación deste plan denominado “Carbaemprega”, o pasado 28 de outubro, estivo relacionado coas novas tecnoloxías e versou sobre iniciación á informática e elaboración de bases de datos, así como de currículos. Foi impartido na aula do CEMIT do concello.

O obxectivo deste plan, que foi impulsado pola concellería de Promoción Económica que coordina Adolfo Nogueira, e que conta co financiamento da consellería de Economía, é formar aos alumnos e alumnas para adquirir habilidades que lles permitan acceder a un posto de traballo. A prevision é que ao remate do plan se poida acadar o 40% de inserción laboral.

PRESENTACIÓN CURSOS POBOACIÓN XITANA

Na aula do Cemit tamén se presentou hoxe, coa presencia da concelleira de Benestar, Igualdade e Saúde, Marina Ortega, un curso sobre “adquisición e desenvolvemento de habilidades sociais e hábitos laborais” de 15 horas de duración, e outro de “Alfabetización dixital” de 15 horas de duración, dirixidos ao colectivo de poboación xitana do Carballiño. Estas actividades realízanse dentro do programa “II plan galego de inclusión social”, que promove a consellería de Traballo e Benestar, e que conta co cofinanciamento do Fondo Europeo de Desenvolvemento Rexional e Fondo Social Europeo 2014/2020.

O novo ciclo de humor “Carballiño Comedy 2” traerá ao auditorio cinco destacados monologuistas do panorama artístico nacional e galego.

Trátase de Enrique SANFRACISCO, Ángel MARTÍN, Álex O´DOGHERTY e os galegos Xosé A. TOURIÑÁN e Carlos BLANCO. Enrique Sanfrancisco abrirá o ciclo o 10 de decembro, e o pechará Carlos Blanco o 8 de abril. Touriñán estará o 14 de xaneiro; Ángel Martín o 18 de febreiro, e Álex O´Dogherty o 4 de marzo.

O prezo de cada monólogo mantense en 10 euros se se adquire de forma anticipada, e 12 euros o día da actuación na billeteira. A venta anticipada realízase nos restaurantes A Fuchela e Comonacasa, ou a través da web TICKETEA.COM.

Tanto o concellleliro de Cultura, Diego Fernández, como os productores de Moitamerda Producións, Juan Pablo Quintela e Indalecio Caballero, que presentaron hoxe o evento, resaltaron a superación do listón do cartel da primeira edición, que foi xa moi importante, e que suscitou o interese de preto de 1.500 persoas, cunha media de 300 espectadores por sesión.

Diego Fernández agradeceu á productora a súa aposta polo Carballiño como vila ourensá de referencia de espectáculos de ámbito estatal que non se terían conseguido doutro modo, e animou aos carballiñeses, aos veciños da comarca e aos da provincia en xeral a acudir a estas sesións que son como un bálsamo para esquecer os problemas cotiás e divertirse.

Destacou así mesmo o significado deste ciclo para a hostalería local, xa que atrae a xente de fóra e contribúe á dinamización das cafeterías, dos mesóns e dos restaurantes os sábados de espctáculo.

O produtor Juan Pablo Quintela referiuse ao apoio do concello do Carballiño á cultura e destacou o interese amosado polo concelleiro para que este ciclo se siga desenvolvendo na vila carballiñesa a pesar da forte competencia que existe con outras vilas e capitais de Galicia. Dixo que a productora Moitamerda Producións, que organiza o ciclo en colaboración co concello, fixera un gran esforzo para conseguir un cartel de renome como o que se presentaba, e que nalgún caso os espectáculos son rigurosa estrea en Galicia, como é o caso do humorista Ángel Martín.
Tamén dixo que se quería comezar cun primeiro prato do máximo nivel como o que representa o artista Enrique Sanfrancisco, que actuará o sábado 10 de decembro. Para este monólogo xa se poden adquirir as entradas de xeito anticipado.

Todas as sesións celebraranse en sábado e co mesmo horario de comezo, ás 21,00 h., tal e como xa sucedera no primeiro ciclo.

O alcalde do Carballiño, Francisco Fumega, e o concelleiro de Turismo, José Manuel Dacal, viaxarán esta fin semana a Cataluña para asistir a un acto de promoción da LV Festa do Pulpo no Centro Galego de Lleida.

Así mesmo, terán unha recepción no concello desta cidade catalana. Ambos eventos terán lugar o luns, 14 de novembro, e enmárcanse no contexto da celebración das Xornadas Culturáis Federación Casas Rexionais que coincide co XXXV Aniversario da Federación de Casas e Centros Rexionales de Lleida.

A visita prodúcese por invitación da directiva do Centro Galego de Lleida, presidida por Xosé Terceiro Folgar. Esta entidade foi fundada no ano 1977 e conta na actualidade con máis de setecentos socios, na súa maioría galegos.

Ten unha sede cun salón de actos e unha copiosa biblioteca de mais de 3.000 volúmenes e desenvolve multitude de actos culturáis e festivos durante todo o ano. Incluso celebra a súa propia Festa do Polbo, que vai xa pola 19 edición.

Neste mes de novembro teñen lugar as Xornadas Culturáis Federación Casas Rexionais, que comezan o día 10 e rematan o día 20. Como un dos actos previstos e anunciados está a promoción da Festa do Pulpo do Carballiño, e por iso tanto o alcalde como o concelleiro de Turismo recibiron unha invitación para disertar sobre este evento festivo.

A actuación consistirá no acondicionamento da área de recreo do Punto de Atención á Infancia, que incluirá ademáis á instalación dun módulo de xogo no que se integrarán varios elementos, todos eles adaptados a idades entre os 3 meses e os 3 anos.

Este novo equipamento faráse por medio dunha subvención de 15.000 euros concedida para esta finalidade pola Xunta de Galicia.

O espazo que será obxeto desta intervención será compartido co CEIP de Boborás, polo que desta mellora non só se beneficiarán os cativos do PAI,ata os 3 anos, senón tamén os escolares de Educación Infantil.

Con esta mellora das instalacións na zona escolar, o concello de Boborás "segue apostando por mellorar a calidade de vida dos nosos nenos e nenas, apostando por vida e crianza no rural".

O concelleiro da área municipal de Seguridade, Adolfo Nogueira, garantiu o cumprimento das quendas da Policía Local para cubrir o servizo que teñen encomendado e rexeitou "o uso partidista polo grupo municipal do PP que está a facer dos auxiliares da Policía" que remataron os seus contratos de tempada no mes de outubro.

Nogueira precisou que prorrogar dous meses máis os seus contratos non era viable, xa que precisábase realizar un novo proceso selectivo que levaría facelo un mes, cando menos, e que polo tanto só permitiría incorporar aos auxiliares dúas ou tres semanas como moito ata o 31 de decembro.

Se ben o pasado ano a Xunta aprobou as bases do proceso nas que se contemplaba esta prórroga (catro meses máis dous de prórroga, ata seis meses en total), este ano cambiou de parecer e suprimiu este capítulo, polo que dende a Secretaría do concello obrígase a realizar un novo proceso selectivo, sen outra alternativa. En todo caso, o concelleiro asegurou que estes auxiliares, se ben desempeñaban o seu labor de apoio, non resolvían o problema das quendas do servizo, xa que non están autorizados para sancionar nin realizar outras funcións que só poden facer os axentes de policía.

E, de feito, o resto do ano cúbrense as quendas sen estes auxiliares. Estas aclaracións foron realizadas por Adolfo Nogueira a raíz dun comunicado do Partido Popular que poñía en entredito a política de seguridade do concello e que o concelleiro cualificou de "gratuito, ridículo e cheo de mentiras", e que rexeitou na súa totalidade.

Así, dixo que era o cuarto comunicado do PP referido aos auxiliares de Policía Local e deixou caer a dúbida de si non o facía por un compromiso de partido con algún ou algúns destes auxiliares.

Nogueira dixo que era falso que se solicitara autorización para pedir a prórroga a raíz de que o grupo do PP levara o tema ao pleno municipal do 29 de outubro, como se di no comunicado, cando precisamente esta autorización recibiuse o día anterior. Nogueira apelou á condición de exalcalde do portavoz do grupo municipal do Partido Popular, para recordar "a situación na que deixou á Policía Local, con só 12 axentes para patrullar as rúas".

Precisamente, por iso, dixo que se estaba a traballar para incluir máis prazas na nova Relación de Postos de Traballo que se estaba elaborando, e que nesta RPT tamén se contemplan labores de administración vencelladas coa policía aos axentes que están en segunda actividade, e que o anterior alcalde asignou a postos non relacionados con este servizo. Finalmente, o concelleiro agradeceu a colaboración dos axentes de policía para realizar cambios nas vacacións co obxectivo de cubrir as quendas durante estes meses e garantir as necesidades do servizo.

“O nivel de seguridade cidadá no Carballiño é moi bo, incluso superior a outras poboacións semellantes, e iso debémosllo á Policía Local e tamén á Garda Civil, e considero unha falta de vergoña insistir no contrario, que é o que se infire destes comunicados do principal partido da oposición, danto a entender que O Carballiño está desprotexido, cando non é así”, dixo o responsable da área municipal de Seguridade.