O Grupo Municipal Socialista no Concello de Leiro quere denunciar a pouca vergoña que amosa o grupo de goberno do PP, tentando limpar a súa imaxe mediante convocatorias que teñen máis de paripé ca doutra cousa. No día de hoxe, os socialistas tiveron coñecemento de que se realizaron unhas probas para a selección e contratación de 4 peóns forestais para o mantemento das zonas verdes do municipio. Dende o PSOE de Leiro cren que esta convocatoria só resposta a un lavado de cara do grupo de goberno, tentando aparentar transparencia e bo goberno, cando todo o mundo coñece as prácticas caciquís coas que soe operar o Partido Popular nos Concellos da provincia de Ourense. Os socialistas coidan que cunha convocatoria onde os membros do tribunal calificador son, prácticamente, designados polo Alcalde, ten poucos visos de manter a parcialidade, coñecendo os antecedentes do rexedor. De feito, presuntamente, xa se chamaron ás persoas que van ser escollidas finalmente, a quen se lles fan unhas bases adecuadas á súas características. Dende o PSOE denuncian que este procedemento de selección pouco ten que ver coa transparencia nin co respecto á concorrencia competitiva que se debe asegurar dende as administracións públicas. Os socialistas de Leiro consideran que o goberno trata de tomar o pelo á cidadanía con estes procesos, supostamente, amañados, cando todo o municipio sabe que entran os de sempre, ano tras ano. Os socialistas, co seu Portavoz á cabeza, Manuel Rodríguez, esixe total transparencia nos procesos de selección e persoal do Concello de Leiro e que calquera persoa poida presentarse ás probas en igualdade real de condicións.

Parece que hay dinero de sobra para hacer levantar y rehacer aceras que ya existen y otras obras menores que nadie demanda pero no hay dinero para otras cosas más urgentes como arreglar de una vez los colectores del rio carrás a su paso por el centro de salud.  El olor que despiden es nauseabundo e inaguantable. Una vergüenza que arrastremos este problema desde hace muchos años y que ahora con la lluvias se agrava más.

gobernantes del pueblo ponganse a trabajar en lo que de verdad importa y no en cosas menores que solo sirven para la galeria y la fotito.

Qué alegría qué alboroto outro canciño piloto. Parecían alonxados os tempos nos que un alcalde carballiñés viaxaba a Alemania pra facerse amigo dun pulpo, un tal Paul. Pero non, non eran tal alonxados, pois tal xesta sentou cátedra e calou na doctrina da "progresía carballiñesa". Hoxe como daquela, viaxa a conta dos cartos dos carballiñeses dispostos a arranxar dun golpe todos os problemas dos carballiñeses e carballiñesas (como eles dirían). Teñen un as na manga, promocionar en LLeida a festa do polbo, o que seguramente para Dacal será o motor da economía carballiñesa, ou unha aposta decidida de futuro nas verbas de Fumega.

Dementres os problemas de sempre seguen vivos. Un servizo de recadación que deixa prescribir débedas. Numerosos problemas co persoal do concello, motivados por unha política rancia e caciquil herdada do pachismo. Unha sociedade, a carballiñesa, afogada por unha decadencia dun concello que non atopa o camiño. Desafortunado declive do comercio, alarmante baixón na hostelería, perda de postos de traballo de calidade, incerteza para os xevenes mozos e mozas, políticas cínicas e caciquiles que cando están na oposición predican unha cousa e cando chega ao goberno fan todo o cotrario, e un largo etc...

Este panorama semella non dar síntomas para a esperanza, pero non debemos desfallecer, o futuro está garantido por unha segunda fila de progres estrella, léase o concellal de todo e ao mesmo tempo porta-voz, ou o fillo do alcalde de Maside, brillantemente colado neste concello por porta xiratoria progre. A garantía de futuro vai de portas, portavoz e porta xiratoria. Ata que a sociedade carballiñesa lle de portazo..

A Agrupación Socialista acudiu, máis unha vez, ao chamado doos veciños e veciñas do Concello, desta volta, da veciñanza de Pazos de Arenteiro. Os socialistas de Boborás amosan a súa total disposición a atender as demandas dos habitantes do muncipio e, nesta ocasión, para por de relevancia a diferenza de trato entre as zonas do lugar.

A pesares do que promociona o goberno do PP de Boborás, non todo en Pazos de Arenteiro é tan ideal e exemplar. O estado da parte de de cima do propio lugar dista moito do pobo turístico que nos quere vender o Alcalde e o seu equipo de goberno. O malo estado no que se atopan os camiños na parte alta do pobo, evidencian que os esforzos están todos concentrados en arranxar as zonas que máis interesan ao goberno municipal, nomeadamente, a zona na que se concentra a casa de turismo rural, que xa fora arranxada e, nembargante, voltou a ser obxecto de actuación e da conseguinte promoción nos medios.

Ao escoitar á veciñanza, os socialistas poden concluír que as súas queixas son máis que razoable e que están a vista de calquera que queira comprobalo in situ. O mal estado dos camiños parcheados con cemento, evidencian as chapuzas das que foron obxecto cando se procedeu á instalación da acometida de saneamento das vivendas. Así mesmo, ante a chegadas dos meses fríos, os veciños e veciñas temen pola súa propia seguridade ao tratarse de camiños intransitables durante o tempo de xeadas e choivas, debido ao grande desnivel que padecen os camiños.

Cómpre recordar que na aldea viven moitas persoas de idade avanzada, na súa maioría xubiladas, que poden ser máis proclives a caídas. Dende o PSOE de Boborás queren lembrar que, en verbas do seu Secretario Local, Javier Lamas: “Hai un par de anos que o Concelleiro de Obras visitou a zona, prometendo arranxar os camiños sen que se volvera a saber del e das súas promesas ata o de agora, incumprindo co seu deber. Os turistas que veñen a Pazos, atópanse con estes camiños e son os propios veciños e veciñas os que lles explican que o “bonito”, o que hai que ver, está na parte de abaixo do lugar”.

Dadas as circunstancias, os socialistas de Boborás consideran intolerable o estado de abandono no que se atopa o pobo e esixen do goberno municipal, o arranxo inmediato dos camiños e que se actúe sempre respectando a igualdade dos veciños e veciñas á hora de acceder aos servizos que presta o municipio.

Asdo: PSOE de Boborás.

O equipo gobernante de Piñor, vén de amosar, de novo, unha actitude que se podería definir como falta de respecto institucional. Como é ben sabido, o vicepresidente da Xunta visitou Piñor en tanto que representante do goberno de todos os galegos e non só dunha parte.

Os concelleiros do grupo municipal socialista son representantes elixidos pola veciñanza de Piñor, nembargante, non foron avisados da visita de Alfonso Rueda. De todos os xeitos, dende o PSOE de Piñor non se amosan sorprendidos ante esta falta notoria de respecto por parte do goberno municipal, nin de que non os avisasen desta visita ou os convidasen a asistir posto que, no transcurso deste ano e medio que levan gobernando, teñen dado mostras sobradas de respectar ben pouco todas as normas do bo goberno.

O escurantismo e opacidade coa que gobernan o Concello comeza a ser a tónica habitual do seu modelo de xestión, exercendo pouca ou nula transparencia e evitando ter que render contas perante a cidadanía ou os seus representantes democraticamente escollidos. O que si sorprende ós socialistas é que, dende a Vicepresidencia da Xunta de Galicia, non se sexa máis coidadoso nestas cuestións do respecto institucional. Tal como destaca o Portavoz do PSOE de Piñor, Francisco José Fraga Civeira: “En democracia, as formas son moi importantes, así coma o respecto pola participación plural”.

É convinte lembrar que, en Piñor, o grupo municipal maioritario é o socialista e que foi apartado polo pacto entre o PP e unha forza pseudo nacionalista ou transversal. Algo inédito en Galicia pois Piñor foi o único municipio onde o PP ten a alcaldía non sendo a forza máis votada. Algo que bota terra enriba do mantra que os dirixentes do PP, entre eles o propio Rueda, repiten elección tras elección: que debe gobernar a lista máis votada. Se cadra, foi esta incoherencia, a que os levou a non convidar ós membros do grupo socialista, posto que deixaría en evidencia ó propio Partido Popular e o que predican. Destaca Fraga Civeira, así mesmo, que: “Foi unha mágoa non poder estar presentes na visita porque aproveitariamos para facer sabedor ó Vicepresidente da Xunta de todas as deficiencias da obra, subvencionada pola súa consellería: o asfaltado dunha finca rústica, repleta de carballos que foron cortados, para construír un aparcamento innecesario.

A desfeita do entorno natural vai ser o que defina esta actuación da Xunta. Ata o de agora, nos anos que leva funcionando o velorio, houbo aparcamento sen maiores inconvenientes e onde antes chegaban con dous voluntarios de protección civil, nos días dos funerais, agora cómpren catro. Teriamos a oportunidade de lle ensinar o mal que quedou o desaugamento das augas pluviais, e o mobiliario de xoguete (postes da luz máis propios dun parque infantil ó que igual que o banco) que se puxeron na parcela.

Tamén lle explicaríamos que esa parcela foi mercada durante o noso mandato coa intención de construír un centro de día residencial para prestarlle servizo ós nosos maiores, algo que si é unha necesidade no concello”. Dende o PSOE de Piñor consideran primordial que a cidadanía coñeza cales eran as prioridades dun equipo gobernante e doutro, namentres o goberno socialista de Piñor, puxo o acento nas necesidades sociais, os actuais gobernantes fan chapuzas innecesarias con nulo respecto polo entorno natural, algo que non cumpría explicarlle ó Vicepresidente da Xunta, posto que salta a vista.

Asdo: Grupo socialista no concello de Piñor.

Páxinas