Ao parecer, a víctima situouse no medio da vía, cos brazos abertos, esperando ser alcalzado polo tren Alvia que a última hora da mañá transitaba a esa hora á altura do viaducto de Pol de Piteira, no municipio do Carballiño.

O Centro de Seguridade do Adif informou deste suceso ao CAE 112 Galicia, que tras recibir a chamada solicitou a intervención de Urxencias Médicas, Garda Civil e Protección Civil do Carballiño.

Para acceder ao espazo protexido desta via da alta velocidade, a víctima tivo que traspasar a valla de seguridade. Tralo suceso, o tren permaneceu detido á saída do viaducto de Pol, ata que a autoridade autorizou a súa saída.

A directora de Turismo de Galicia, Nava Castro, visitou as obras de rehabilitación do mosteiro de San Clodio de Leiro que leva a cabo o departamento do Goberno galego que dirixe para transformar parte deste histórico edificio no primeiro spa de viñoterapia da Comunidade e que, segundo manifestou, teñen como obxectivo “garantir a recuperación íntegra do inmoble e o emprego das súas instalacións para poñer en valor e difundir os recursos turísticos asociados á auga termal e ao viño”.

Nesta visita ás obras en San Clodio, a directora de turismo da Xunta estivo acompañada polo alcalde do concello de Leiro, Francisco José Fernández.

Esta actuación converterá as antigas adegas e cortes do mosteiro nun centro termal pioneiro en Galicia reforzando así a aposta de Turismo de Galicia polo termalismo para manter o pulo desta modalidade turística na Comunidade, que constitúe un recurso estratéxico para o desenvolvemento turístico e económico do territorio galego.

Así, Nava Castro afirmou que o turismo de saúde destaca notablemente en Galicia “tanto pola súa abundancia como pola súa calidade e singularidade”, o que constitúe “unha vantaxe diferenciadora e competitiva respecto a outros destinos tanto nacionais como internacionais”.

Neste ámbito, Nava Castro manifestou que Galicia atesoura máis de 300 captacións catalogadas e conta cunha afloración minero-medicinal por cada 10.000 habitantes, o que a sitúa como segundo destino en potencial termal, só por detrás da cidade de Budapest.

Por outra parte, a directora de Turismo de Galicia tamén lembrou que desas máis de 300 captacións de auga mineiro-medicinal, máis de 20 teñen a cualificación de balneario, polo que Galicia “ocupa a primeira posición a nivel nacional ao acoller preto do 20% dos establecementos balnearios do país”.

Na súa visita a San Clodio de Leiro, Nava Castro explicou que Galicia é líder tamén en relación á calidade nos establecementos termais, xa que conta co maior número de establecementos termais distinguidos co Q de calidade turística do Estado, ao ter rexistrados nove balnearios con esta distinción.

Por todo isto, concluíu a directora de Turismo de Galicia, “o turismo termal na Comunidade é un dos produtos turísticos con maior grao de especialización e singularidade, con maior capacidade de desestacionalización da demanda, con poder para a captación de máis segmentos de público e de gran atractivo para a articulación de oferta turística combinada con outros produtos”.

O grupo municipal do PP agradece ao concello "que siga co modelo iniciado polo anterior goberno municipal de reforzar con actividades os dias previos ao segundo domingo de Agosto" pero realiza varios comentarios críticos relativos a distintos aspéctos organizativos na edición deste ano.

Asegura o Partido Popular que o concello retirou na véspera mesas do recinto oficial "para que non se visen desocupadas" o dia do xantar.

Para acceder ao comunicado do Partido Popular, prema no arquivo adxunto:

A gran pulpada galega do segundo domingo de agosto volveu mostrar o seu gran poder de convocatoria de cada ano no Carballiño, eso sí, cada vez a festa faise máis urbana e perde partidarios no parque municipal, aínda que a concurrencia segue a ser multitudinaria, pero ésta é a tendencia, gaña a festa no casco urbano e perde asistencia na celebración campestre.

O número de caldeiras de pulpo repartidas polo casco urbano xa supera amplamente as instaladas no parque municipal, ademáis durante toda a semana precendente a afluencia aos locais de hostelería foi moi elevada. Durante os últimos dias a ocupación hoteleria no Carballiño foi practicamente total.

Según os datos da concellería de turismo, tal dia coma hoxe, servironse unhas 150.000 racións de pulpo no Carballiño, polo tanto a conta é fácil de botar, a 7 euros a ración da unha suma que rebasa lixeiramente o millón de euros, cifra que representa so unha parte do total da facturación da hostelería local nesta data.

No recinto oficial do concello no parque municipal degustaron o menú da festa 1.200 persoas, e no resto das tabernas instaladas na zona central do parque, á hora punta, a ocupación tamén foi plena, aínda que acaso con máis fluidez que outros anos, apenas sen aglomeracións.

E con algunhas caras novas entre os asistentes máis mediáticos, como o presidente da Xunta, Alberto Núñez Feijóo -unha novidade a súa presenza- que compartíu protagonismo no acto institucional co alcalde do Carballiño Francisco Fumega. Dende unha posición máis discreta tamén se deixou ver o candidato socialista á Xunta, Xaquín Fernández Leiceaga.

O conselleiro de Política Social, José Manuel Rey Varela, e o alcalde do Carballiño, Francisco Fuemega, asinaron hoxe un convenio de colaboración para a promoción da Residencia de Tempo Libre que a Xunta de Galicia ten en servizo no Carballiño.

. O obxectivo é impulsar o uso e aumentar os tempos de apertura desta instalación, que acada os seus maiores niveis de funcionamento na tempada estival –dende xullo ata mediados de setembro-, así como nos períodos de vacacións de Semana Santa e Nadal.

Rey Varela destacou a colaboración institucional entre Xunta e Concello para “conseguir un maior uso e aproveitamento dun patrimonio que é de todos” e ao que cómpre “quitar o maior rendemento posible en beneficio do desenvolvemento da economía e do turismo desta comarca”, engadiu. Neste sentido, as dúas administracións intensificarán o traballo de divulgación desta residencia co fin de chegar a un maior número de usuarios entre asociacións, colectivos e entidades.

O ente local ocuparase de contactar cos posibles usuarios interesados para ofrecerlles información e ofertarlles estancias, tanto para períodos de vacacións como para a celebración de diversos actos.

Pola súa banda, a Consellería, a través da Dirección Xeral de Familia, Infancia e Dinamización Demográfica, ocuparase da xestión das reserva de prazas para os futuros usuarios da residencia, polo que o Concello do Carballiño dirixirá aos interesados ao departamento autonómico.

Ademais, o Concello fará extensiva a súa oferta de actividades de lecer e recursos turísticos coa finalidade de que os futuros usuarios da instalación poidan participar gratuitamente en calquera delas.

Asemade, o Concello confeccionará o material relacionado coa promoción da residencia; e incorporará toda a información relativa á mesma á páxina web municipal, así como un link de ligazón co Portal de Política Social, na cal se facilite información de interese para o usuario.

O acordo establece que o establecemento prestará servizos en tempada baixa e media sempre que a demanda chegue a un mínimo do 80% de ocupación.

O alcalde do Carballiño, Francisco Fumega, e o presidente da Cámara Municipal de Viana do Castelo, José María Costa, anunciaron a apertura dun proceso de colaboración entre ambas institucións para promover o intercambio cultural e potenciar o turismo, así como para aproveitar en común as potencialidades de cada poboación.

José María Costa, que acudiu á recepción ofrecida este mediodía no concello do Carballiño en compañía de varios concelleiros e concelleiras así como dun nutrido grupo de mardomas ataviadas con traxes tradicionais, expresou a súa satisfacción pola invitación e abogou por establecer unha relación persoal e institucional co alcalde e co Carballiño para colaborar en materias que redunden en beneficio das respectivas poboacións.

En concreto, citou o patrimonio histórico, a cultura e o turismo. Asemade, aproveitou para presentar a Romaría da Agonía, que é unha das celebracións festivas máis concurridas do norte de Portugal e que se celebra do 19 ao 21 de agosto en Viana. Precisamente, unha parte da comisión de festas deste evento asistiu a esta recepción.

Pola súa parte, Francisco Fumega agradeceu a acollida de que foi obxecto a delegación carballiñesa que visitou Viana no mes de xullo para presentar a Festa do Pulpo, e coincidiu co rexidor vianés en aproveitar o coñecemento e os recursos de cada poboación para colaborar na resolución de problemas e potenciar o turismo e o intercambio cultural.

Ao remate do acto ambos rexidores intercambiaron agasallos protocolarios dos seus respectivos concellos.

E a continuación, autoridades e convidados realizaron unha visita ao parque municipal, e pola tarde presenciarán o pasarrúas dos cabezudos de Viana, que animarán o desfile das Peñas da Mocidade exhibindo as súas camisetas alusivas á Festa do Pulpo.

O alcalde do Carballiño, Francisco Fumega, recibe este sabado dia 13 no concello ao seu homólogo da cidade portuguesa de Viana do Castelo, o presidente da cámara municipal, José María Costa.

O acto desenvolverase ás 13,00 h., e a continuación, ás 13,30 h., efectuarán un saúdo aos medios de comunicación no salón de plenos do concello.

José María Costa visitará O Carballiño acompañado doutras autoridades municipais de Viana, entre elas, a concelleira de Cultura, María José Guerreiro, así como un nutrido grupo de mardomias.

A delegación portuguesa virá acompañada tamen polos tradicionais cabezudos da cidade, que ofrecerán pola tarde un pasarrúas pola vila, a partir de 18,30 h., rematando na Praza Mayor arredor das 19,30 h.

A esa hora comezará a Festa das Camiseras das Peñas, con máis de dous mil mozos e mozas repartidos en un cento de peñas que se inscribiron para participar no concurso de deseños de camisetas alusivas á Festa do Pulpo. Cada Peña recibirá unha axuda de 60 euros por participar, e haberá dous premios de 200 euros para as dúas peñas que presenten o mellor deseño de camiseta ou o maior número de integrantes.

A Festa das Peñas comezará ás 20,00 h., na Praza Mayor, e estará amenizada por un Dj, se ben a mocedade xa comezará a concentrarse neste lugar a partir das 19,00 h.

Avión celebra este venres a 12ª edición da Festa Mexicana, con degustación da comida tradicional mexicana e música dos grupos de mariachis de Leonardo Flores e Fiesta Ranchera, que amenizarán a festa na praza da Igrexa de Avión.

COPE O Carballiño emite este venres a programación local dende a casa do concello de Avión, para escoitar o programa en directo podes facélo sintonizando o 91.9 da FM ou, a través de internet, na emisión global de COPE O Carballiño nesta mesma páxina WEB, pulsando "Radio en directo".

Axentes da Policía Autonómica da Xefatura de Ourense investigan a aparición dun artefacto incendiario nun monte de Boborás, que se atopaba nas inmediacións do colexio desta localidade.

Segundo os propios policías, tratase dun artefacto “de libro” confeccionado a partir dunha mecha dos antigos chisqueiros e unha coroa de arredor de oito ou dez mistos, que permitirían acender o dispositivo con tempo suficiente para abandonar a zona.

Ademais, recalcan, atopábase “situado ao carón dunha pila de material sensible para arder” polo que o seu descubrimento foi vital para evitar un novo incendio forestal intencionado. Tras facer a pertinente inspección ocular do lugar, o obxecto foi retirado e levado á Policía Científica, onde se tratará de esclarecer quen o quenes foron os seus autores.

A Xunta lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.

Ademais, tamén está a súa disposición o número de emerxencias común, o 112, un teléfono gratuíto e dispoñible as 24 horas, todos os días do ano.