Hola ben queridos veciños eu poñome en contacto porque me parece una vergoña o que esta pasando día tras día na calle A Rega. HAi una señal a entrada, excepto residentes, pintouse de amarillo e nada aquí nOn se respeta nada, EStamos cansados de chamar a policía para que poña un pouco de orden asi que pedimos que por favor no Concello nos poden poñer una pivotes ou alguna solución e a ver si así a xente ten un pouco mais de vergoña. Moitas racias
O alcalde de Maside nega un local público para informar sobre o estado de instalación dunhas obras subcontratadas por Vodafone.
79 veciños de Maside afectados pola instalación dunha antena de telefonía móbil moi próxima ás súas vivendas, tiveron que celebar unha reunión informativa sufrindo as inclemencias do tempo, na Praza do Concello. Plataforma Masidá, colectivo que loitou en contra dunha instalación de incineración de neumáticos, solicitou o venres 8 de abril, un local a Casa da Cultura para celebrar unha reunión o día 16 de abril, á que estaban convidados todos os membros da Corporación. O alcalde non atendeu á petición do colectivo e non autorizou o uso do local. Con todo, unha semana antes celebrara unha reunión con media ducia de veciños, entre os que se atopaban os que celebraron o contrato mercantil coa operadora.
Desde Plataforma Masidá cualifican de surrealista a xestión dos responsables municipais. Lembran que unha concelleira do goberno socialista paseouse polas casas dos veciños afectados para reunir firmas en contra da instalación. Que o alcalde se comprometeu a paralizar a obra. Que non fixo nada e foi unha denuncia ante a Garda Civil a que paralizou a obra. Que as obras xa están case terminadas e que se invadiu unha leira privada, e encheuse unha vía pública para poder invadir a leira privada que dá acceso á leira onde se produciron as obras. E que o recheo foi restituído ao seu estado inicial presuntamente con diñeiro público.
Desde Plataforma Masidá manifestan que esta obra realizouse incorrendo en numerosos ilícitos urbanísticos, e que o Concello non desenvolveu o exercicio das potestades de inspección, control e sanción que lle son propias. Manifestan que xa denunciaron esta obra á APLU, e que probablemente a poñerán en coñecemento do Ministerio Fiscal.
Remitido.
Nas diferentes ofertas televisivas coas que contan as distintas cadenas, decátome que unha de estas programa para hoxe unha vella película de cine español: "Espérame en el cielo". Para o xuntador de palabras que suscribe a presente, cabe destacar a fantástica interpretación do añorado Sazatornil, coñecido como Saza. A cinta está centrada na dictadura franquista. Teño a grande sorte de non ter padecido as barbaridades da dictadura e os meus referentes máis cercanos a tan lamentable etapa son os que de cando en vez se colan nos medios de comunicación en forma de documentos xa históricos, producidos no seu día polo NO - DO.
En non poucos destes publi - reportaxes, enaltécese a figura do caudillo, e vese como sae a recibir ó pobo que agarda en multitude a súa presencia. Unhas veces dende unha ventá ou balcón, outras pe en terra, dándose un baño de multitudes.
Onte sábado houbo en Maside un acontecemento, que, por suposto salvando as distancias, me fixo recordar o vello NO - DO. Niste caso, tamén un grupo duns oitenta masidaos concentrados na praza maior, esperaban diante do edificio do concello a presenza do seu alcalde/caudillo. Agardaron estoicamente baixo unhas condicións meteorolóxicas moi adversas. Pero nin dende o edificio, nin pe a terra alí aparecéu a quen o pobo esperaba. A Súa Excelencia Celso Fernández, non tivo a ben honrar ós seus conveciños coa súa presenza.
Alguén dos que alí se concentraban, tivo a increíble ousadía de preguntarse o porqué daquela ausencia. Ata ahí poderíamos chegar. Señores, o alcalde/caudillo de Maside, non da explicacións. E non as da pois sencillamente porque ó parecer non ten porque dalas. Así. Vamos, o que ven sendo por gónadas.
Mesmo parece que o alcalde/caudillo foi designado "pola Gracia de Dios", como rezaba no anverso das antigas pesetas, e non polos veciños.
Dende aquí, non podo máis que pedirlle, solicitarlle ou ata implorarlle ó rexidor, que o é tamén polo meu voto, que teña a ben saír do despacho, establecer contacto cos masidaos, darlle tódalas explicacións que lles piden e tratar de buscar unha solución ós problemas que son de todos. Se fose necesario, iste xuntador de palabras, solicitaríao mediante instancia, rematada coa fórmula utilizada a vella usanza: "...es gracia que espera merecer de Su Excelencia, cuya vida guarde Dios muchos años".
O poeta Manuel María, autor do libro Cantigueiro de Orcellón e a quen se lle dedica este ano o Día das Letras Galegas, será nomeado Fillo Adoptivo da vila do Carballiño, a título póstumo, a proposta dos catro grupos que conforman a corporación municipal do Carballiño.
Este acordo, tomado conxuntamente polos portavoces do PP, Argimiro Marnotes, do BNG, Francisco Ferreiro, de AV-SON, Bernardo García, e do propio alcalde, foi anunciado por Francisco Fumega no acto que se desenvolveu esta tarde na Casa da Cultura para presentar a reedición do Cantigueiro de Orcellón, que financiou o concello do Carballiño en colaboración coa Fundación Manuel María.
“É unha distinción que tomamos en recoñecemento e gratitude á persoa que que soubo plasmar coma ninguén, en sinxelos e fermosos poemas, o sentir dun pobo, nado da feira e caracterizado pola fonda pegada dos arrieiros, dos tratantes e dos emigrantes, que son parte esencial da nosa historia”, segundo dixo o alcalde. “Os carballiñeses sentímonos honrados e orgullosos do agarimo de Manuel María hacia O Carballiño e a comarca, e de poñerlle voz poética a moitos dos lugares máis senlleiros da vila, aos persoeiros e aos oficios tradicionais, e creo que é a mellor forma de rendirlle tributo”, manifestou Fumega.
No acto, ao que asistiron os portavoces, concelleiros e concelleiras dos grupos municipais, así como representantes dos colectivos culturáis e veciñais, e amigos persoais de Manuel María, como Xan Alfonso García e César Varela, Felipe Senén, autor dos debuxos do Cantigueiro de Orcellón, agradeceu en nome da viúva de Manuel María, Saleta Goy, que finalmente non puido acudir ao acto, a distinción anunciada polo alcalde.
Felipe Senén disculpou a súa ausencia por motivos ineludibles de última hora, concernentes á presidencia do padroado da Fundación Manuel María, que ocupa dona Saleta Goy. Disertou sobre o significado do Cantigueiro de Orcellón e a fonda relación do autor co Carballiño e as terras do antigo Orcellón. E o fixo acompañando as súas verbas coa proxección de fotografías, moitas delas inéditas, de Manuel María.
O concello editou 1.000 exemplares do Cantigueiro de Orcellón, que se distribuirán, sobre todo, entre os centros educativos e bibliotecas, co obxecto de que poidan dispor del os alumnos e alumnas, así como entre todas aquelas persoas, entidades e asociacións que teñan interese. É unha edición moi coidada e correxida, cunha nova cor da portada e contraportada, e con novos debuxos que non ían na edición orixinal de 1984.
Piden que o auditorio leve o nome de Manuel Maria
As asociacións Avantar, Andasoa e Cine-Club presentaron un escrito no rexistro municipal do concello do Carballiño no que piden que o auditorio municipal leve o nome do autor do Cantigueiro de Orcellón, ao considerar que "Manuel María elevou á literatura galega o nome do Carballiño".
Según os datos que se desprenden do informe pulicado polo INE, procedentes do padrón municipal de de 2015 -13.999 habitantes-, o 42.14% dos habitantes empadronados no concello do Carballiño son naturais do propio municipio, nacidos no Carballiño, mentres que 57,86% da poboación actualmente empadronada no municipio procede de fora do Carballiño.
Desta maneira, concluimos que 5.899 habitantes do municipio carballiñés son naturais do mesmo, fronte a 8.100 habitantes que chegaron a O Carballiño nacidos fora do municipio.
Entre os non nacidos, o 43,00% chegaron a O Carballiño dende diversas localidades de España, o 31.92% dende outros municipios da provincia de Ourense, o 6.73% dende as outras 3 provincias galegas, o 4,34% dende outras comunidades autónomas, e o 14,87% dende outros paises, fora de España.
Según os datos aportados polo Instituto Nacional de Estadística, un total de 2.081 habitantes empadronados no concello do Carballiño naceron noutros países, 1358 en América e 677 en Europa. No continente africano, 26 habitantes, 14 en Asia e 6 en Oceania.
A concellería de Educación e Cultura ten programadas para os meses de abril e maio dezaoito actividades dirixidas a conmemorar as Letras Galegas e ao poeta Manuel María, a quen se lle dedica este ano o Día das Letras Galegas.
Lecturas de poemas, un concerto, un musical infantil, un mural, teatro, cine, marcapáxinas, unha exposición, un recorrido polo roteiro das cantigas de Manuel María e, sobre todo, a reedición do Cantigueiro de Orcellón completan esta programación extraordinaria que se desenvolverá ata finais do mes de maio no Carballiño.
O concelleiro de Educación e Cultura, Diego Fernández, destacou durante a presentación deste programa, o esforzo realizado para ofrecer un amplo abano de posibilidades co que lembrar a figura e a obra de Manuel María, especialmente, a vencellada co Carballiño, así como para ensalzar ao noso idioma e á cultura galega.
De feito, máis da metade destes actos teñen como protagonista ao poeta da Terra Chá, autor do Cantigueiro de Orcellón, cuxa reedición, encargada polo concello, será presentada este venres, 15 de abril, na Casa da Cultura, nun acto que estará presidido polo alcalde, Francisco Fumega; Felipe Senén, autor dos debuxos do libro e amigo persoal de Manuel María, así como pola viúva do poeta, Saleta Goy. Neste acto, que comezará ás 20,30 h., proxectaranse imaxes inéditas de Manuel María e, ao remate, o grupo “Anda Soa” interpretará un dos seus poemas.
É un dos actos destacados da celebración das Letras Galegas, que terá continuidade cunha audición de poemas o Día Internacional do Libro, o 23 de abril. Cun concerto de Magín e Uxía: Canta o cuco, o 1 de maio; coa pintura dun mural nunha parede céntrica da vila, o 7 de maio; coa reposición das placas do roteiro do Cantigueiro; coa edición dun marcapáxinas, o 13 de maio, e, finalmente, co recorrido polo roteiro o día 17 de maio.
Esta programación compleméntase con outras actividades que están desenvolvendo entidades como a Agrupación Cultural Avantar, o Casino do Carballiño e Turuleque Teatro, entre outras, tamén para conmemorar a Manuel María e ao Cantigueiro de Orcellón, e que contan coa colaboración do concello.
Asemade, o idioma e a cultura galega serán tamén protagonistas do resto da programaciópn prevista para abril e maio, con catro proxeccións de cine, un monólogo, un musical infantil, e dúas representacións de teatro, entre elas, a obra máis galardoada nos recentes Premios María Casares, O Principio de Arquímedes, do teatro do Atlántico.
A Viaxe, promovida a través do Centro de Información da Muller do concello do Carballiño, foi presentada a finais da pasada semana pola concelleira de Benestar Social, e desenvolveráse entre os dias 13 ao 17 de Maio.
A actividade -sen coste para o concello, aclarábase- ten un coste de 365 euros por persoa, sendo os únicos requisitos ser muller e ter máis de 18 anos. O grupo municipal do Partido Popular ven de dirixir un escrito ao alcalde do Carballiño no que pide aclaracións sobre esta actividade, formulando ata 14 preguntas.
Para acceder ao escrito do Partido Popular, prema no arquivo adxunto:
Los vecinos de la carretera de Orense, queremos denunciar el aparcamiento masivo de camiones de lo largo de toda la carretera, no vemos para salir de lo garages, los camiones casi no dejan sitio por donde salir, aparcan hasta en la curva dificultando la visibilidad con el peligro que eso conlleva, aparcan camiones muy grandes con troncos de arboles.... vamos un peligro muy grande. a ver si alguien hace algo y que busquen otro sitio donde aparcar.
gracias
Páxinas
- « primeira
- ‹ anterior
- …
- 577
- 578
- 579
- 580
- 581
- 582
- 583
- 584
- 585
- …
- seguinte ›
- última »
