Tras varios dias de negociacións, o club consigue o obxetivo de dar continuidade na plantilla a todos os xogadores que pretendía tanto a directiva como o novo adestrador Jorge Regal. Ademáis, xa están cerradas catro incorporacións que chegan para reforzar a plantilla para a vindeira tempada, na que o Arenteiro pretende mellorar o feito este pasado exercicio na Preferente Autonómica e repetir o éxito da Copa.

Por diversos motivos, de índole personal ou por decisión técnica causan baixa no club Brais, Quiroga, Choco, Marcos Nieto, Carlos Escudero e Manu. Tampouco seguirá o preparador físico Oscar Martinez, que a pasada tempada acompañou a Miki López nas responsabilidades técnicas.

O Club confirma a continuidade para a vindeira tempada de Pachi, Dani Arbo, Ocampo, Lois, Pana, Dafonte, Dani Vázquez, Martín Pérez, Victor Gallego, Bardelás, Marcos Sotelo, Sanginés e Gele.

Tamén seguirá no club Diego López, aínda que no seu caso será iniciando unha nova etapa, como adestrador físico e axudante de Regal.

As novas incorporacións para a vindeira tempada, xa confirmadas, son o carballiñés Marcos Castro, que regresa ao Arenteiro tras xogar esta pasada tempada no Céltiga. Do Barbadás chega o defensa Vilachá, e do Estudiantil o centrocampista Marc. Para reforzar a dianteira, o Arenteiro fíxose cos servizos de Vitti, procedente do AlertaNavia vigúes, co que marcou esta pasada tempada 21 goles, sendo o terceiro máximo goleador da Preferente. O Club tamén ven de confirmar a fichaxe do gardameta monfortino Marcos Macía, que chega procedente do Club Lemos. A última incorporación ao equipo é a do defensa central Maxi, que procede do CD Allariz.

Sobre o exalcalde pesaba un presunto delito por prevaricación e tráfico de influencias, en relación á contratación dos traballos de desbroce no ámbito rural feita polo alcalde a unha empresa local.

Un auto do Xulgado nº 1 do Carballiño decreta o sobreseimento provisional das actuacións abertas pola xuíza Pilar de Lara no marco da chamada operación Pokémon.

Para ver o comunicado de prensa do Partido Popular prema no arquivo adxunto:

O pleno de organización do novo mandato municipal no concello de Boborás aprobou as propostas do alcalde Cipriano Caamaño e do propio Partido Popular que outorgan as maiores responsabilidades do goberno municipal á concelleira Patricia Torres.

Ademáis de exerecer como portavoz do goberno municipal, a concelleira será a única con dedicación exclusiva, cunha retribución de 16.670 euros brutos anuais.

Patricia Torres tamén foi designada como tesoureira do concello de Boborás, e representante municipal en diversas entidades e órganos colexiados nos que está representado o concello de Boborás.

O pleno tamén aprobou, cos votos en contra da oposición, a periocidade das sesións ordinarias, quedando fixadas para o derradeiro xoves dos meses de Marzo, Xuño, Setembro e Decembro, en horario das oito e media da mañá.

As obras consistiron na construcción dun camiño peonil de pedra rústica, desde a antiga piscifactoria ata o entorno desta fonte de auga minero-medicinal, propiedade do pobo de Arcos.

A actuación, que representou un investimento de 50.000 euros, foi executada pola empresa PROYECON, e incluíu tamén a colocación de novas bancadas de pedra na zona.

Esta obra enmarcouse dentro do programa de desenvolvemento termal que promove a Deputación Provincial, e foi xestionada polo anterior grupo de goberno do Partido Popular no concello carballiñés.

A partir de setembro estará á fronte de "Herrera en COPE", de luns a venres, de 6.00 a 12.00 h. O xornalista pasa a formar parte do equipo de comunicadores do Grupo COPE ata 2018.

"Volvo a unha emisora que mo deu todo. Volvo comprometido coa información e o entretemento. Pensando no oínte. Estea onde estea. Escóiteme, véxame ou léame dende calquera soporte". Así resume a súa fichaxe quen será a partir do 1 de setembro o novo condutor das mañás de COPE. Carlos Herrera súmase ao equipo de comunicadores do Grupo para os próximos tres anos, ampliables. O locutor mellor valorado no medio radiofónico regresa 20 anos despois á que foi a súa antena con "Herrera en COPE", un matinal de luns a venres, de 6.00 a 12.00 h co que o Grupo se marca como obxectivo liderar a radio en España.

En opinión do Presidente e Conselleiro Delegado do Grupo COPE, Fernando Giménez Barriocanal, "a incorporación de Carlos Herrera forma parte dun conxunto de decisións estratéxicas que dende hai un tempo puxemos en marcha". Para Giménez Barriocanal, "esta fichaxe reforza os tres piares nos que se sustenta a oferta de radio moderna de COPE en todos as plataformas: ofrecer a mellor información, o mellor entretemento e os contidos deportivos máis actuais cos mellores comunicadores".

Durante a próxima tempada, Herrera inaugurará unha nova etapa na radio española e en COPE, con 6 horas diarias de antena, con novas voces, novas análises e novas miradas. Todo sen que se lle esquecen os millóns de fósforos que a diario o teñen como un referente.

O delegado territorial da Xunta en Ourense, Rogelio Martínez, participou  na presentación da guía fotográfica "Carballiño - O Ribeiro. Baixo outra mirada" no Centro Cultural Marcos Valcárcel da Deputación ourensá. Esta guía, promovida pola Grupo de Desenvolvemento Rural Carballiño-O Ribeiro (GDR9), está composta por fotografías feitas polos membros da Asociación fotográfica carballinesa “O Potiños”.

O GDR9, en colaboración coa Axencia Galega de Desenvolvemento Rural (Agader), xestiona o plan Leader para os 19 concellos pertencentes ás comarcas do Carballiño e O Ribeiro. A través deste programa investiuse nestes municipios 2.050.000 euros destinados a máis dun centenar de solicitudes que supuxeron un investimento global de case 5.300.000 euros. A boa xestión do plan Leader por parte deste grupo de desenvolvemento rural fai posible que o GDR9 sexa considerado o mellor grupo e o máis activo da provincia ourensá e o sétimo dos 31 que existen en toda Galicia.

Na súa intervención, Rogelio Martínez fixo especial fincapé no valor turístico que presentan dous grandes recursos diferenciadores cos que contan as comarcas do Carballiño e O Ribeiro, como son o sector termal e o sector do viño. Por este motivo, gran parte das subvencións promovidas polo plan Leader no territorio do GDR9 teñen como obxectivos a potenciación e posicionamento do sector termal cara a súa optimización turística, a valorización do sector vitivinícola como base da xeración de riqueza e o apoio ao enoturismo.

A nivel provincial, o programa Leader permitiu desenvolver nesta provincia a través dos GDRs máis de 300 proxectos que supuxeron a consolidación de 669 postos de traballo e a creación de 190, cun investimento global de case 30 millóns de euros. O obxectivo é frear a despoboación rural aportando fondos cos que ofrecer alternativas económicas e creando novas zonas de desenvolvemento nesas rexións.

O enfoque Léader persegue unha aplicación do desenvolvemento rural baseado principalmente na participación da propia poboación do territorio, integrando todos os recursos e actores económicos e humanos que na comarca de actuación existan.

Ao acto de presentación da guía fotográfica asistiron o subdirector de Agader, Javier Blanco; o presidente do GDR9 Carballiño-O Ribeiro e alcalde de Leiro, Francisco José Fernández; e o presidente da Asociación Fotográfica “O Potiños”, Manuel Blanco.

Os membros de “O Potiños” cederon unhas mil fotografías para que dende o GDR9 escolleran as que máis se axustaban aos seus parámetros no intento de ofrecer unha nova visión do entorno paisaxístico das comarcas do Carballiño e O Ribeiro.

Durante máis de dúas horas os edis de Ocio, Promoción económica e Cultura, estiveron reunidos cos hostaleiros que acudiorn á chamada do novo goberno municipal. O obxetivo desta reunión fo "dinamizar o verán carballiñés se, sobre todo, o mes de Xullo, recuperar O Carballiño como o destino principal da provincia e das localidades limítrofes, durante esas datas", apuntan desde o concello carballiñés.

A proposta do edil de Ocio Manolo Dacal de celebrar un Entroido de Verán "foi ben acollida polos hostaleiros. As datas para a celebración sería as fines de semana do mes de xullo. A idea é que participen o maior número de locais, e serán eles os que decidan que fórmula elexiran para esta actividade, xa que unha das ideas que se plantexou foi a de fines de semana temáticos en cada local", subliñan.

Os novos responsables municipais estiveron escoitando as suxerencias e queixas dos profesionais da hostelería local "e tomando nota das cousas que se deben cambiar e das que deben quedar como ata agora".  

Entre outras cuestions falouse da ubicación das Festas de Setembro, e "da posibilidade de recuperar a tradición de grandes concertos na vila durante esas datas, que eran un dos maiores atractivos das patronais carballiñesas".

O exalcalde de Piñor accede á corporación provincial, en representación do PSdeG.

Os socialistas obtiveron 27 concelleiros e 2 alcaldías nas pasadas eleccións municipais, correspondendolle 1 deputado provincial pola demarcación electoral da comarca do Carballiño. Francisco Fraga toma o relevo do concelleiro en San Cristovo de Cea, Guillermo Dopazo.

A concelleira carballiñesa foi a elexida por Manuel Baltar para representar ao Partido Popular na demarcación electoral do Carballiño, en sustitución de Argimiro Marnotes.

O Partido Popular, que acadou 50 concelleiros e 7 alcaldías na comarca carballiñesa, obtivo 1 deputado provincial. Os concellais do PP dos concellos da comarca, agás Boborás, que acudiron ao acto de elección de deputado no Pazo de Xustiza do Carballiño refrendaron cos seus votos a elección do presidente provincial.

O alcalde do Carballiño Francisco Fumega deu a coñecer as funcións que desenvolverán cada un dos concelleiros do grupo de goberno. O propio alcalde ademáis será o edil responsable da área de Urbanismo e de Servicios Públicos.

Manolo Dacal asumirá as área de Deportes, Ocio e Dinamización Turística.  A concelleira Érika Paz, será a edil de Medio Ambiente e Participacion Cidadá, mentres que Adolfo Nogueira dirixirá as concellerías de Personal, Tráfico, Seguridade e Promoción de Emprego, área esta na que se engloba comercio, hostelería, Industria, turismo, termalismo e emprego.

Marina Ortega foi a edil elexida para dirixir as áreas de Servicios Sociais, Igualdade, benestar e Sanidade; mentres que Rosario González ocuparase da área de Medio Rural. Por último Diego Fernández será o responsable de Educación, Cultura, Xuventude e Normalización Lingüística, e Rita Soto a de Facenda, Economía, Administración e Transparencia.

O alcalde Francisco Fumega afirmaba que "ante todo, cada un dos edis asumirá as responsabilidades das áreas que lle corresponden, aunque o idea é a de traballar en conxunto e como grupo, para faclitar así que as cousas poidan sair adiante, co esforzo de todos, guiados pon un obxetivo común: O mellor para o futuro dos veciños e veciñas do Carballiño".