Representantes de ambas formacións políticas, encabezadas polos seus respectivos candidatos á alcaldia, Uxío Rodríguez por Veciños de Piñor, e José Luis González polo Partido Popular reuníronse nunha primeira toma de contacto que busca un posible acordo no concello de Piñor.

Tras os resultados do pasado dia 24 de Maio, ningún grupo  acadou maioría absoluta, xa que o PSdeG obtivo 4 concelleiros, o Partido Popular 3 concelleiros e Veciños de Piñor 2 concelleiros.

O gran damnificado dun posible acordo entre PP e VP sería o candidato Socialista Francisco Fraga, que tras 12 anos perdería a alcaldia do concello de Piñor.

De todas as maneiras, calquera posiblidade permanece de momento intacta, e mesmo un goberno en minoria dos socialistas, xa que desde Veciños de Piñor apuntan a "posibles acordos entre partidos alleos ao noso concello, que poderían utilizar a Piñor como moeda de cámbeo".

A asemblea local do BNG considera "máis que aceptables os resultados electorais do pasado dia 24 de Maio no concello do Carballiño, xa que conseguimos doblar a nosa representación, aínda que persoalmente considero que tiñamos a mellor candidatura e que os resultados aínda poderían ser mellores", manifestou Chema Ferreiro.

O candidato nacionalista dixo en COPE O Carballiño "que por responsabilidade e coherencia cos resultados electorais imos facilitar a investidura de Fumega como alcalde, pero eso non siñifica un acordo para compartir goberno co PSOE, creo sinceramente que os electores situraron ao BNG na oposición", subliñou.

En todo caso, Ferreiro anunciou que "por cortesía" vaise reunir esta semana  con Paco Fumega, a petición do candidato socialista "e escoitarémos como non pode ser doutra maneira calquera proposta que nos faga".

Club Deportivo Arenteiro xogará este vindeiro domingo dia 7 de Xuño no Estadio do Couto de Ourense, ás seis e media da tarde,  a final da Copa Deputación 2014-2015 ante a Sociedade Deportiva Bande. 

Será a cuarta vez na historia  do club en acceder a gran final deste torneo, que so gañou o Arenteiro no ano 2002 ante a SD Nogueira de Ramuín, xa que perdería as outras dúas finais, as de 2005 e 2007 ante Verín e Barbadás.

Xa están á venda camisetas conmemorativas, que poden adquirirse en Café-Bar Soldado, Fútboleros Carballiño, Café-Bar Caserío, e no Stand da Praza Maior de 7 a 9 da tarde, e nestes mesmos lugares realizase a venda anticipada de entradas, que teñen un coste de 7 euros. Os rapaces dos equipos do fútbol base da Escola Municipal de Fútbol terán entrada gratuíta.

Para facilitar o desplazamento de afeccionados ata Ourense, o concello do Carballiño pon a súa disposición autocares gratuítos con saída ás cinco da tarde desde a Igrexa da Veracruz.

O concelleiro de cultura Rodrígo González despídese como tal, e faino presentando a programación de espectáculos teatrais que xa están contratados polo concello carballiñés para o segundo semestre do ano, dentro dos circuítos teatrais da Xunta de Galicia. A maiores, inclúese na programación as actividades fin de curso das escolas municipais de teatro e danza.

Para consultar a programación prema no arquivo adxunto:

O Arenteiro volverá desputar unha final da Copa Deputación, que gañou unha soa vez, no ano 2002. O vindeiro domingo dia 7 de Xuño, ás seis e media da tarde no campo do Couto, terá ocasión de gañar a segunda da historia ante a S.D. Bande. Os carballiñeses plántanse nesta final tras superar con solvencia ao Barbadás B por un global de 4-0 en semifinais.

C.D. Arenteiro: Marcos Nieto, Gele, Dani Arbo, Ocampo, Pana, Dafonte, Martín Pérez, Bardelás, Sanginés, Dani Vázquez e Marcos Sotelo. Tamén xogaron Escudero, Victor Gallego, Quiroga e Sanginés.

Goles:

0-1. Minuto 40. Dani Arbo cabecea fora do alcalde do meta local aproveitando un lanzameto de falta ben executado por Marcos Sotelo.

0-2. Minuto 45. Xogada de pizarra do Arenteiro, falta que saca M. Sotelo abrindo á banda sobre Sanginés, éste envia un centro medido ao segundo pau onde volve aparecer Dani Arbo e, tamén de cabeza, fai o segundo da tarde.

0-3. Minuto 52. Penalti na área local sobre Sanginés que transforma Martín Pérez.

O Partido: O Arenteiro so pasou apuros nos primeiros compases do partido, cando dúas boas intervencións de Marcos Nieto foron decisivas para evitar que O Barbadás se adiantase no marcador, despois,  na segunda parte e xa co 0-3 no marcador o meta do Arenteiro estivo sensacional ao desviar un penalti que ademáis siñificou a expulsión de Ocampo por man dentro da área, polo que o Arenteiro xogou con 10 desde o minuto 54. Polo demáis, dous goles de estratexia nun intervalo de apenas 5 minutos deixaron ao Barbadás moi tocado, e xa na segunda parte foi fácil para o Arenteiro.

A presidenta da Federación de Asociacións de Veciños Aurora Gómez, entidad que convoca a festa, xunto ca vicepresidenta da asociación de veciños de Santa Uxía de Lobás e o alcalde do Carballiño, presentaron a programación da edición 2015 da Festa das Parroquias do Concello do Carballiño.

O acontecemento festivo do movemento veciñal carballiñés cumplirá  XXIII anos, e celebrararáse este ano  na parroquias de Santa Uxía de Lobás.

O programa comenzará o sábado 6 de xuño, cunha conferencia a cargo Octavio Daparte, membro do colectivo Coas mans na Terra, de Lalin. A conferencia terá lugar no local da asociación de Santa Uxíade Lobás, no lugar de Costoia, as 20:00 horas, e trala charla a directiva da asociación ofrecerá unhos pinchos os asistentes.

Ao día seguinte, o domingo 7 de xuño, as 12:45 terá lugar a recepción de autoridades, e posteriormente concerto da banda de música do Carballiño. . O xantar dará comenzo as 14:00 horas co menú habitual de carne ao caldeiro, empanada, polbo á feira, sobremesa, pan , viño e café. Os interesados en asistir a este xantar xa poden mercar as tarxetas, ao prezo de 15 euros persoa, nas distintas asociacións de veciños do Carballiño.

A festa continuará co campionato de brisca, truco, e subastado, rematando a festa coa entrega do ramo a asociación que organizará a festa do 2016, e a actuación musical.

O "bibliotecario de Oseira", como se coñecia ao monxe Damián Yañez, faleceu aos 98 anos de idade.

Este zamorano de nacemento foi o gran artífice da reconstrucción e recuperación da biblicoteca do Mosteiro de Santa María A Real de Oseira, onde pasou a maior parte da súa vida monástica tras ingresar na órde do cister aos 17 anos de idade.

Damián Yañez era, ademáis, socio de honra do Centro de Estudios Chamoso Lamas da Comarca do Carballiño.

Foi impulsor dos congresos sobre o cister celebrados tanto en España como en portugal, esciritor, e autor de  artículos e colaboracións en numerosas publicacións.

O Grupo Municipal do PSdeG "cumprirá o compromiso avanzado durante a campaña electoral, e presentará nesta semana o escrito de impugnación do derradeiro Pleno da Corporación Municipal, no que o PP aprobou o acordo de compra do edificio da antiga ferraxería Soto".

Paco Fumega e o PSdeG reafírmanse así na decisión xa avanzada  durante a campaña, de impugnar o acordo plenario aprobado polo PP "debido ás deficiencias constatadas en dita operación, ao carecer de informes municipais e taxación previa, da que xa advertiu a propia secretaria do Concello", manifestan.

O PSdeG mantén que antes de facer ningún tipo de operación respecto ao edificio Soto "é imprescindible contar cunha taxación, a fin de axustar o prezo ao mercado actual, e en ningún caso está disposto a pagar o que pretendía o PP (1.725.000 euros) ao considerar que ese non é o valor real do inmoble a día de hoxe".

Os socialistas salientan "que non consentirán que a artimaña de Marnotes para deixar hipotecado ao Carballiño nos vindeiros anos siga adiante, e que tras impugnar o acordo plenario o seguinte paso será saber en qué punto están as negociacións realizadas polo PP cos propietarios e tamén coñecer a opinión dos demais grupos da que será a nova Corporación Municipal".

Paco Fumega e o Grupo Municipal do PSdeG afirman rotundamente que "a operación de compra, tal e como pretendía levala a cabo Marnotes, sen consenso, sen informes, sen taxación e a un prezo desorbitado, non se levará a cabo".

O PSdeG, que foi a lista máis votada nas eleccións do pasado domingo e a que terá o maior número de concelleiros na vindeira Corporación, "mantén que cumprirá todos e cada un dos seus compromisos electorais, avanzados durante a campaña nun programa de 115 propostas, e por suposto manterá tamén o seu compromiso respecto á antiga ferraxería Soto".

A casa levaba anos deshabitada e descoñecese cál pudo ser a causa que orixinou o lume, na tardiña deste martes 26 de Maio.

O Servizo de Emerxencias do Concello do Carballiño trasladou a varios efectivos e o camión de bombeiros, que traballaron na extinción do incendio.

A casa, sita na rúa posterior á Estación de Autobuses do Carballiño, resultou calcinada e so quedan en pe as paredes de pedra.

Revolcón electoral no concello do Carballiño, fundamentalmente debido á debacle do Partido Popular, que non so perde a maioria absoluta - Marnotes tiña 9 concelleiros- senón que retrocede ata os 6 concelleiros (2.517 votos)

O gran gañador da xornada electoral é o socialista Paco Fumega, que será o próximo alcalde do Carballiño. Os socialistas pasan de 7 a 8 concelleiros (3641 votos), e quedanse ao borde da maioria absoluta.

O BNG logra, con Chema Ferreiro, doblar a súa representación na próxima corporación, obtendo 2 concelleiros (1023 votos).

E finalmente, tamén logra colarse na futura corporación municipal carballiñesa a Alternativa Veciñal  de Bernardo García, cun concelleiro (471 votos)