A tradición de entroido está tan arraigada  que ata as parellas escollen estas datas para casarse no concello, e fano como debe ser no carnaval, disfrazados., noivos, testigos e convidados.

Aconteceu este lúns de entroido ao mediodia no concello do Carballiño. A Noiva cadever contraeu matrimonio con zombie, acompañados do SombreireiroTolo, Alicia, e ata a mismisima Carapuchiña Vermella. 

Oficiou a ceremonia de casamento civil o Gran Rei "Elvis"

Un ano máis o martes de entroido no Carballiño estará marcado polo gran  desfile no que participarán máis de 700 comparsitas.  Percorrerá as principais rúas carballiñesas, enchendo de música, cor e animación a tarde do dia grande do carnaval carballiñés . En total serán 15 as agrupaciones que participarán neste desfile, o primeiro deles deste ano, xa que o domingo 22 -Festa da Cachucha- terémos o segundo.

O percorrido deste desfile comezará na rúa Otero Pedrayo,  para continuar por Conde Vallellano, rotonda da Alameda, avenida de Xullo Rodríguez Soto, Calvo Sotelo, ata a Praza Maior, onde estará o xurado que emitirá o fallo deste Carnaval 2015. Esta xornada de martes é festivo de carácter local no municipio do Carballiño.

Para que este percorrido non teña ningunha incidencia, desde a Policía local recórdase que estará prohibido o aparcamiento nas rúas Otero Pedrayo e Conde Vallellano, o martes 17, desde as 14:00 ás 22:00 horas.

Nesta edición repartiranse un total de 7.640 euros en premios para as mellores agrupaciones. Abrirá o desfile -fora de concurso- a tradicional comparsa carballiñesa Os Liborianos.

O fin de festa, na Praza Maior, estará amenizado pola orquestra América S.L., logo da verbena deste lúns de antroido coas orquestras Gran Parada e Atenas.

O Grupo Municipal do PSdeG esixe a Marnotes que faga as xestións oportunas para a apertura inmediata da Residencia do Tempo Libre.  Lembra a importancia económica que supón para O Carballiño poder ofrecer este servizo e reclama ao alcalde que "se poña firme ante a Xunta para que a apertura das instalacións se leve a cabo canto antes".

Os socialistas sinalan que este ano os remeiros que compiten no Embalse de Castrelo aloxáronse no Balneario de Laias, cando en anteriores ocasións o fixeran na Residencia do Tempo Libre "deste xeito, perdeuse unha oportunidade de contar con visitantes na nosa vila e darlle así un impulso económico que tanto precisa".

Por iso, esixen a Marnotes "que deixe de dar lagas e  que se poña firme ante a Xunta para que a Residencia abra as súas instalacións, xa que isto demostra a existencia de demanda. O que falta é vontade política", e engaden ademáis que "a falla de xestións de Marnotes para conseguir a apertura da Residencia demostra que en Santiago os do seu partido non lle fan ningún caso, e as consecuencias pagámolas os cidadáns do Carballiño".

O Arenteiro, que co 1-0 no marcador no minuto 21 desperdiciou un penalti ao seu favor , podemos decir que acabou o partido salvando un punto, despois de quedarse con 10 xogadores no campo desde o minuto 8 da segunda parte tras a expulsión de Lois, unha inferioridade numérica que acentuouse máis no último cuarto de partido tras ser expulsado V. Gallego.

CD Arenteiro: Marcos Nieto, Gele, D. López, Lois, Pana, Ocampo, V. Gallego, Bardelás, Sanginés, Martín Pérez e Marcos Sotelo.  Tamén xogaron Dani Arbo, Carlos, D. Vázquez e Brais.

Goles:

1-0.  Minuto 13. Falta lateral sobre a portería do Gondomar, Ocampo remata de cabeza e o balón, describindo unha parábola perfecta, fai inútil a estirada do meta visitante.

1-1. Minuto 26. Xogada por banda do Gondomar, Victor centra cara o punto de penalti para que Maikel fusile a placer o gol do empate.

O Partido: Cunha acción que resultou clave, o gol fallado por Sanginés no minuto 21, que houbese siñificado o 2-0. Ata daquela o Arenteiro controlaba perfectamente o partido, pero a partir dese momento o Gondomar veuse arriba e o Arenteiro abaixo.  Na segunda parte o partido estivo condicionado pola inferioridade numérica coa que o Arenteiro quedou no terreo de xogo, primeiro coa expulsión de Lois e despois de Victor Gallego. O partido convertiase en practicamente un monólogo por parte do Gondomar, aínda que asi e todo tan so foi capaz de crear un par de ocasións de gol, que non souberon materializar. Cando mellor soubo aguantar o Arenteiro, cando se quedou con 9 xogadores, nos últimos 15 minutos.

Desde as catro e media da tarde deste domingo 15 de Febreiro o Arenteiro terá enfronte a un duro rival que chega a Espiñedo como o sexto clasificado, o Gondomar C.F.

Para este encontro os carballiñeses teñen as baixas dos sancionados Pachi, Dafonte e D. Quiroga, o primeiro expulsado o pasado domingo no partido ante o Valadares, e os outros dous cumplindo ciclo de 5 amarelas. Regresará á convocatoria, recuperado dunha lesión, Ocampo.

O acordo adoptouse por unanimidade do pleno corporativo, partindo dunha moción do PSdeG e unha enmenda transaccional promovida polo Partido Popular.

O concello carballiñiñés instará a Renfe e Adif a non supresión do Tren-Hotel dos sábados, o único servizo ferroviario de viaxeiros entre a estación do Carballiño e Madrid.

Tamén se vai instar á Xunta de Galicia para que poña en funcionamento un "tren de cercanias operativo" entre as estacións do Carballiño e Ourense, e que -ademáis- aposte decididamente pola creación dunha estación intermodal para O Carballño, que debería ubicarse na propia estación de ferrocarril.

Finalmente, o concello do Carballiño vai presentar alegacións ao expediente da Consellería de Medio Ambiente, Territorio e Infraestructuras en relación a regularización da concesión administrativa da empresa Mombus para transporte de viaxeiros por estrada. A corporación municipal acordou demandar da empresa que poña en marcha servizos por autovia entre O Carballiño e Ourense, con intervalos de hora e media, desde as 7 ás 20,30 horas, asi como desde Ourense a O Carballiño, entre as 7,30 ás 21,30 horas.

A secretaria xeral da Igualdade, Susana López Abella, incidiu na importancia do traballos dos concellos en prol da Igualdade, e destacou a enorme relevancia da posta en marcha do Plan de Igualdade de Oportunidades entre Mulleres e Homes dos concellos de Avión e Melón.

Susana López Abella asistiu, xuntos aos alcaldes de Melón, Cristina Fernández, e de Avión, Antonio Montero, á presentación do Plan de Igualdade de Oportunidades 2015-2018 presentado por ambos concellos, no CIM de Avión, que reflicte o compromiso firme e decidido das dúas institucións por seguir camiñando na senda e que consolida a perspectiva de xénero e a prevención da violencia de xénero como eixos transversais de actuación en todas as políticas levadas a cabo dende os dous concellos.

A titular de Igualdade felicitou a ambos concellos polo traballo levado a cabo, comprometidos por acadar a Igualdade real e efectiva entre os seus veciños e veciñas, e que se reflicte neste Plan que ademais contou na súa elaboración cunha nutrida representación da veciñanza, asociacións, centros educativos, servizos de saúde, servizos sociais, persoal técnico e responsables políticos así coma outros axentes implicados no desenvolvemento da contorna.

O Plan de Igualdade de Oportunidades é unha ferramenta de traballo que posibilita materializar a vontade dos concellos de Avión e Melón no camiño da igualdade e reflicte unha proposta de actuación conxunta para a realidade concreta dos dous concellos, recollendo diferentes eixos de actuación en coherencia coa política municipal e as necesidades, intereses e problemas detectados na cidadanía.

Plan de Igualdade de Oportunidades
O Plan de Igualdade de Oportunidades entre Homes e Mulleres dos concellos de Avión e Melón consta de catro eixos de actuación, que engloban a sensibilización e promoción da Igualdade; a coeducación en Igualdade; o mercado laboral e usos de tempo e a Violencia de Xénero. Ten coma finalidade mellorar a calidade de vida e o benestar dos veciños e veciñas de Avión e Melón, a través do impulso de políticas transversais e accións destinadas a trocar actitudes, comportamentos e valores que supoñen unha barreira para o logro da igualdade real das persoas.

A comarca de Carballiño destaca como a segunda da provincia, só por detrás da de Ourense, en xeración de empregos dentro do sector tecnolóxico, tal e como trascendeu hoxe na presentación de resultados do Observatorio Económico da Deputación Provincial de Ourense que tivo lugar no Salón de Plenos do Concello do Carballiño diante dos alcaldes, técnicos de emprego, axentes empresariais e sociais, e representantes de distintas asociacións e agrupacións da comarca.

 Segundo os datos divulgados hoxe, Carballiño concentra o 14% das afiliacións á Seguridade Social no sector tecnolóxico, moi por diante das dúas comarcas que lle siguen no ranking provincial: Valdeorras, co 5,9% das afiliacións da provincia nas actividades tecnolóxicas, e Allariz-Maceda co 5,1%. A primeira comarca en representatividade é a de Ourense, co 56,7% dos 3.482 empregos tecnolóxicos da provincia, segundo datos do Observatorio Económico da Deputación.

  No período de dous anos que vai entre setembro de 2012 e o mesmo mes de 2014, as afiliacións do sector tecnolóxico creceron un 26,5% en Carballiño, onde o maior peso laboral se concentra no grupo formado pola industria química, automoción, fabricación de material e equipamento eléctrico, e fabricación de maquinaria e equipamento.

Segundo motor do emprego

 Máis alá da análise específica do sector tecnolóxico, os resultados xerais do Observatorio Económico destacan que Carballiño afiánzase como o segundo motor laboral da provincia, ao ampliar ata 110 afiliacións o seu diferencial sobre Valdeorras. A finais de 2014 tiña un total de 7.930 traballadores en alta, ao conseguir limitar a baixada interanual ao 0,75% -e ao 0,6% no caso concreto do concello do Carballiño-, cifra que reflicte a estabilización do seu mercado laboral.

 Na evolución do paro, en 2014 logrou o importante fito de acadar baixadas xeralizadas en todos os concellos da comarca, exclusividade que só aconteceu noutras tres comarcas ourensás: Allariz-Maceda, O Ribeiro e Terra de Celanova. Así, pechou o ano cun descenso do 3,5% no número de parados, proporción que a nivel local achegouse ao 10% nos municipios de Boborás, Beariz e Punxín.

Novos criterios de financiación

 A través desta iniciativa do Inorde, as presentacións comarcais do Observatorio permiten coñecer os novos criterios de selección de proxectos financiables pola Unión Europea durante o período 2014-2020, nos que resultará básica a cooperación intermunicipal e a acción coordinada entre administracións, entidades locais e axentes económicos e sociais.

  O xerente do Inorde, José Manuel Rodríguez, destacou na su intervención que a comarca de Carballiño terá un acentuado protagonismo nas catro liñas estratéxicas da Deputación en materia de fondos europeos: os proxectos “Ourense Provincia Intelixente”, “Ourense Termal” e “Competitividade Ourense”, e a nova Axencia Provincial de Enerxía e Medio Ambiente que canalizará accións orientadas á eficiencia enerxética, á sustentabilidade e á renovación de estruturas. A través desta iniciativa do Inorde, os concellos da comarca e as diferentes entidades e colectivos locais realizarán propostas para definir novos proxectos integrados, para identificar focos de interés e para activar a captación de fondos europeos adaptándose aos renovados criterios de financiamento.

 Por outra parte, á hora de trasladar os principais resultados comarcais do Observatorio -integrado no Plan de Xestión e Estratexia Operativa da Deputación de Ourense (Plan OU92)-, o xerente do Inorde asegurou que  “o máis tranquilizador da situación actual da provincia é comprobar que o emprego máis estable estase a dar nos chamados sectores estratéxicos, como é o caso da industria, da alta e media tecnoloxía e das actividades do sector servizos de maior compoñente innovador”.

  Argumentou que á industria, á tecnoloxía e ós servizos especializados van ligados habitualmente maiores salarios e cotizacións sociais máis elevadas, “coa conseguinte repercusión sobre o consumo, sobre a capacidade de gasto das familias, sobre o aforro e sobre as futuras pensións”. Ademais, o xerente do Inorde lembrou que “os sectores tecnolóxicos e os servizos máis desenvolvidos son precisamente a chave para acadar o crecemento económico rexional e local”.

  Despois de pormenorizar nos datos comarcais, José Manuel Rodríguez precisou que a pesares do leve empeoramento dos últimos meses, a provincia pechou o ano 2014 con seis comarcas e con 46 concellos en situación de xeración neta de emprego, e co pleno das doce comarcas e con 78 dos 92 concellos reducindo a cifra de paro en taxa interanual.

Os alumnos do Obradoiro dos concellos do Carballiño, Boborás e San Amaro 2014, finalizaron os seus traballos, que no caso do municipio carballiñé centraronse principalmente no arranxo da entrada ao cemiterio de Señorín, onde executaron obras de lousado e axardinamento.

Así mesmo procedeuse a executar obras de axardinamento nas beirarrúas de entrada, plantando os tradicionais cipreses dos cemiterios, a lárgoa do muro.

Por outro lado os alumnos deste Obradoiro de emprego tamén realizaron a rehomologación do sendeiro que vai dende A Ponterriza ata O Carballiño.

Este Obradoiro Carbosam 2014 contou cun investimento de 250.000 euros, dos cales a achega do concello do Carballiño foi de 20.000 (neste estaban tamén os concellos de Boborás e San Amaro)

En total traballaron nesta iniciativa laboral 27 persoas, 7 no cadro directivo, docente e administrativo, e 20 alumnos, repartidos en módulos de albanelaría e xardinaría.

A edil de Traballo teresa Cerdeira sinalaba que "como todos os obradoiros, foi unha experiencia máis que positiva para os alumnos, que completaron en moitos casos a súa formación para afrontar un futuro laboral," así mesmo recordou que contaremos cun novo obradoiro de emprego este ano, que permitirá ofrecer máis oportunidades aos nosos veciños no campo laboral".

O Arenteiro acabou cedendo un empate nun partido que pudo e debeu sentenciar antes de que o Valadares igualara o marcador ao transformar un penalti cometido polo meta local Pachi, que ademáis foi expulsado nesa xogada. Os vigueses, que con este empate suman 10 partidos consecutivos sen perder, levaronse de Espiñedo un excesivo premio para o visto esta tarde.

CD Arenteiro: Pachi, Gele, D.López, Lois, Pana, Dafonte, V. Gallego, Bardelás, Sanginés, Martín Pérez, e M. Sotelo. Tamén xogaron Marcos Nieto, Manu, D.Vázquez, D. Quiroga e Brais.

Goles:

1-0. Minuto 5. Marcos Sotelo lanza un córner e Calao, no intento de despexe, introduce o balón en propia meta.

1-1. Minuto 76. Doble erro, do meta local Pachi cometendo penalti sobre un dianteiro do Valadares, e erro do trio arbitral (Montoto Taboada con Diaz Álvarez e García Carrera, do colexio de Pontevedra) porque o xogador que é obxeto do penalti está en fora de xogo. Marquitos transforma a pena máxima, xa con Marcos Nieto na portería do Arenteiro.

O Partido: Dominado desde principio a fin polo Arenteiro, incluso os últimos 18 minutos nos que o Arenteiro xogou cun home menos. Volveu o Arenteiro ser o equipo intenso do tramo final da primeira volta e tan so a falta de definición ante a portería rival e, porque non decilo, as sensacionais intervenciós do meta visitante Adrián, impediron que o Arenteiro gañase este encontro, que polo ofrecido por unhos e outros, sería o máis xusto.