Dende as cinco da tarde deste xoves 1 de Maio xogaráse o partido de volta de cuartos de final da copa Deputación de Fútbol. No encontro de ida desputado en Calabagueiros os valdeorreses cobraron ventaxa de 1-0. Ambos equipos chegan a este partido con sensacións ben distintas, o Arenteiro no peor momento da tempada tras a derrota en liga co Covadonga, mentres que o C.D. Barco ven de gañar o seu último partido na preferente na casa do líder Ribadumia.

Responsables da multinacional e autoridades locais e provinciais asistiron ao acto de inaugación das novas instalacións, na antiga estación de Renfe na Touza.

O proxecto industrial, no que CEPSA invstiu 4,5 millóns de euros, está ideado para abastecer a zona noroeste de España, cunha previsión de producción de 1.400 toneladas de almacenaxe de butano e propano, para a súa comercialización en botellas e a granel.

A posta en marcha da planta xa siñificou a creación de 15 postos de traballo, aínda que cara o futuro o proxecto pode chegar a dar traballo a 25 persoas.

No acto de inauguración, o alcalde masidao, Celso Fernández, congratulouse que "por fin despois de 5 anos esta planta sexa xa unha realidade, que confirma unha aposta polo interior de Galicia e pola nosa comarca".

Asi o aprobou o pleno da corporación municipal co voto en contra do concelleiro socialista que califica o acordo como "unha vergonza e un escándalo".

Javier Rodríguez responsabiliza ao alcalde Manuel Penedo "permitindo este desprezo aos veciños en tempos tan complicados como os que estamos a vivir". Para o concelleiro socialista non é de recibo que o tenente alcalde Manuel Cerdeira "vaia cobrar o mesmo soldo cando se produce un cámbeo de dedicación exclusiva a media xornada, se despois de once anos cobrando por dedicación exlcusiva sen facer nada por este concello, menos aínda fará agora".

O pleno municipal tamén aprobou os orzamentos municipais para este ano 2014, que ascenden a 1,1 millón de euros. E tamén a Relación de Postos de Traballo, que contempla a creación de dúas novas prazas, un encargado de biblioteca e un tractorista.

Continúa a crise de resultados dos verdes. Unha derrota que é un duro golpe para este equipo ao que nas útlimas xornadas non lle sae nada e que complica e moito as posiblidades de ascenso a preferente.

C.D. Arenteiro: Pachi, Carlos, Dabarca, D.López, Lois, Álex, Breogan, V. Gallego, Quiroga e Bardelás. Tamén xogaron M.Sotelo, Caneiro e Manu.

Goles:

1-0. Minuto 75. Daniel Gil de cabeza tras un centro de Toni.

2-0. Minuto 86. Córner que aproveita Miguel, totalmente libre de marcas, para facer o segundo, tamén de cabeza.

O Partido: O Covadonga gañou o fútbol de corpo a corpo que se xogou nun campo de moi reducidas dimensións, que propiciou que as ocasións se sucederan en ambas porterías. O Arenteiro pudo adiantarse nun balón que enviou ao pau Gallego ou nun par de ocasións que Quiroga non acertou a culminar. O gol do Covadonga, cando o Arenteiro máis apretaba, deixou tocado aos verdes, superados polas circustancias e xa sen capacidade de reacción.

Asi o anunciou o alcalde do Carballiño. A partir de Maio, tres traballadores destinaránse específicamente aos traballos de mantemento desta gran área natural e recreativa os sete dias da semana.

Ocuparánse, inicialmente, das labores de desbroce no parque e no paseo fluvial do río Arenteiro, dende a Ponte de Toscaña ata a zona dos muíños. Unha vez rematado o desbrozamento, os traballadores estarán ao cuidado do parque municipal carballiñés, realizando labores diarias de mantemento propias de cada época do ano.

A nova brigada tera a súa sede na casa do Peón Caminero, dando asi utilidade a esta propiedade municipal, onde poderán gardar ferramentas e maquinaria necesaria para desenvolver o seu traballo. Ademáis, contarán coa dotación dun vehículo eléctrico con remolque, co que poderán moverse polo parque.

O PSdeG entende que o alcalde está a incorrer nunha ilegalidade, e que o fai “nun exercicio de escapismo, para evitar enfrontarse aos problemas da cidadanía e debater sobre eles”.

 Os socialistas consideran que o alcalde tenta así evitar as preguntas incómodas da oposición e as protestas da cidadanía por temas que causaron moita polémica nos últimos meses. “É capaz incluso de chegar a cometer unha ilegalidade pola súa covardía para enfrontar a situación”, afirma o PSdeG.

 Sinalan que o alcalde convoca pleno extraordinario, como o que terá lugar mañá, no que non teñen cabida nin os rogos e preguntas nin as mocións presentadas pola oposición. Ademais lembran que celebrar un pleno extraordinario non o exime de ter que convocar un ordinario como máximo  cada dous meses, segundo marca a lei.

 Afirman que Marnotes tenta así evitar debater sobre temas como a reapertura do matadoiro, o futuro dos xulgados, a falta de servizos de emerxencias, ou a situación das traballadoras de axuda a domicilio, entre outras; que forman parte das mocións presentadas pola oposición.

“O alcalde quítalle así aos cidadáns a posibilidade de expresar as súas queixas e debater sobre cuestións que lles preocupan, eludindo a súa responsabilidade”, sinalan os socialistas

O Equipo Redactor xa entregou aos responsables municipais as modificacións que adaptan o PXOM a Lei do Solo de Galicia.

Para acceder aos documentos prema no enlace: http://www.carballino.org/contenido.asp?idseccion=179

Entregaron un escrito no rexistro municipal con 41 sinaturas dos profesionais do sector no Carballiño e comarca no que piden a reapertura das instalacións.

O matadoiro permanece sen actividade dende finais de 2012, daquela xestionado aínda pola empresa "Carnes de Carballiño" por medio dunha concesión administrativa que xa non estaba en vigor. Unha avería na caldeira foi o detonante que motivou o cerre das instalacións.

Os extraballadores do matadoiro recordan que "fai catro meses que se presentaba o proxecto co Clúster da Carne de Galicia, era o enésimo proxecto que se nos presentaba e asegurandonos que o 15 de Xaneiro estaríamos traballando, pero a realidade é que o próximo dia 3 de Maio cumpliranse 20 meses co matadoiro pechado, queremos unha solución xa".

Comparando con anos anteriores "os datos son moito mellores no que a afluencia de turístas se refíre", apuntan.

Dende este departamento municipal fan un balance positivo da afluencia de turistas e salientan o éxito das actividades da Cofradía da Veracruz.

"Os restaurantes do Carballiño rexistraron un gran movemento de clientes durante esta pasada semana santa, rozando en moitos casos o cheo completo tanto en ceas como en comidas, destacando ademáis que a procedencia dos comensais eran maiormente de fora do Carballiño, en canto a aloxamentos, algúns dos hoteis e hostais rondaron o 70% de ocupación, que foi do 100% no camping municipal", afirman.

En canto á procedencia dos turistas, os que chegaron dende Galicia fixerono dende As Rías Baixas e A Coruña, mentres que entre os visitantes de fora de Galicia, os maioritarios soron os vacos, madrileños e andaluces, aínda que tamén se rexistraron turistas doutros territorios, como Murcia ou Castela-León.

A responsable municipal de Turismo, Pilar Caride, subliña que "a vista dos datos, podemos concluir que estamos traballando na boa dirección, apostando nestas datas por un turismo familiar, de estancias curtas e apoiando iniciativas como a da Cofradía da Veracruz, que son un atractivo máis para atraer a moitos visitantes".

Poñen como exemplo da "nula preocupacion do goberno municipal" o estado no que se atopa o parque.

“Para unha vila con proxección turística e que conta cunha infraestrutura hoteleira e hostaleira considerable, a imaxe que se ofrece nesta Semana Santa non se corresponde nin moito menos coa que se debería dar, e isto só ten un responsable: o goberno municipal presidido por Argimiro Marnotes, que leva tempo dedicándose ao seus asuntos xudiciais en vez de preocuparse polos veciños e o seu pobo”, afirman os socialistas.

 Apuntan que o Concello debería esforzarse por atraer ao turismo en épocas como a Semana Santa,  e como mínimo manter en bo estado as zonas de maior interese.  “É unha mágoa que un patrimonio tan salientable como os case 500.000 metros cadrados do parque municipal, da piscifactoría e do parque etnográfico estean esquecidos e abandonados polo goberno municipal”, engaden.

Sinalan que no parque “a herba e a maleza medran ao seu antollo, hai troncos e ramas rotas por todas partes, e os camiños e sendeiros están intransitables”.

Insisten en que a despreocupación do goberno municipal chega ata tal extremo que incluso as fontes do casco urbano, así como a da explanada do parque, presentan un estado deplorable,  cheas de cristais, botellas rotas, latas, pedras e suciedade.

Tamén critican o mal estado do mobiliario, fundamentalmente do da zona de xogos infantís do parque “que están tan deteriorados e sucios que os pais e nais xa non poden utilizar esta zona de esparcimento para levar aos cativos”.

A mala conservación das zonas verdes e espazos públicos non só afecta aos cidadáns, senón que calquera turista que nestes días visitase O Carballiño “levaría unha imaxe desastrosa, con rúas cheas de fochancas e espazos naturais invadidos pola maleza, sucios e deteriorados, e todo pola desidia e desinterese do goberno municipal do PP”.

Por elo, esixen a Marnotes “que en lugar de ocuparse de cousas que só a el lle interesan, se preocupe polo que é patrimonio de todos os cidadáns e proceda a limpar e acondicionar o parque e o seu entorno, algo que xa tiña que ter feito antes da Semana Santa”.

“Non é lóxico que coa situación económica actual, coa taxa de desemprego máis elevada dende que hai rexistro do paro, o goberno municipal non se preocupe por reforzar o atractivo turístico do Carballiño e dinamizar así a economía, a hostalería e o comercio cando tanta falla fai”, rematan.