Asi o confirmou a directora xeral de emprego e formación da Xunta, Ana María Diaz, tras unha entrevista cos alcaldes do Carballiño e San Amaro.
Tratase, asi pois, dun proxecto supramunicipal que terá un orzamento que ronda os 200.000 euros e dará formación a un total de 22 alumnos, que se repartirán en tres módulos, os de xardinería, albanelaría e axuda a domicilio. O Obradoiro terá unha duración de seis meses e comezará a súa actividade no vindeiro mes de outubro.
O alcalde do Carballiño aproveitaba o acto de homenaxe para anunciar o compromiso de “crear unha brigada, de polo menos dúas persoas, que de forma estable se ocupe do cuidado tanto do parque municipal como de toda a área natural do río Arenteiro”.
( Redacción. Estefanía Bernárdez ) Marnotes comprometíase á creación desta birgada “no próximo exercicio orzamentario do concello”, que tería a súa sede na casa do peón caminero.
“O Bastoncito” foi o primer operario do parque municipal do Carballiño, dende 1934, e tamén dos primeiros en plantar moitas das árbores que hoxe forman parte deste espazo natural. Con motivo da próxima festa do polbo quíxose homenaxear a este traballador que tanto fixo polo parque do Carballiño.
No acto estiveron o alcalde Argimiro Marnotes, a edil de turismo Pilar Caride e varios familiares do homenaxeado. Consistiu na inauguración dunha placa conmemorativa co seu nome, no centro do parque municipal.
A familia, moi emocionada, quixo neste acto agradecer que “O Bastoncito” sexa recordado ao lado do nome do parque, lugar ao que tanto se dedicou. Tamén recordaron anécdotas do seu traballo, e como un dos fillos, alí presente, o relevaba cando era necesario.
José María Otero non só se adicou ao parque do Carballiño senón que tamén actúou de forma totalmente altruista na Saleta de Astureses, onde plantaba árborees e realizaba tarefas de mantemento.
Serán tres partidos de corenta e cinco minutos cada un os que se xogarán neste triangular de fútbol no municipal de Espiñedo, dende as oito e cuarto da tarde deste venres 9 de agosto. Ás nove e cuarto xogaráse o segundo partido do triangular, e finalmante, ás dez e cuarto o último e definitivo
O torneo servirá para seguir avanzando na pretempada para os tres equipos. C.D. Cea e Maside F.C. con vistas á súa posta a punto pensando na competición na que a próxima tempada volverán ambos coincidir, na 2ª autonómica, mentres que C.D. Arenteiro competirá na 1ª autonómica.
C.D. Arenteiro 0 Barbadás 1
No primeiro partido da pretempada xogado este pasado domingo en Espiñedo, o equipo da terceira división gañou aos carballiñeses por un solitario gol, acadado cando estaba a piques de cumplirse os primeiros 45 minutos, antes, Óscar e Marcos Sotelo tiveron ocasións para adiantar ao Arenteiro. Na reaunudación o marcador xa non se moveu.
O C.D. Arenteiro, que chegaba a este partido con apenas 4 sesións de adestramento, deixou boas sensacións, sobre todo na primeira parte. Neste encontro aínda non poideron xogar, por diversos motivos, Walter Martín, Prada, Manu, Omar, nin tampouco as novas fichaxes Adrián Núñez e Diego Quiroga.
Exentos na primeira ronda da COPA
O C.D. Arenteiro quedou exento na primeira eliminatoria da Copa Deputación, tras o sorteo celebrado na Delegación Provincial de Fútbol.

A área de Voluntariado que dirixe a edil Pilar Caride iniciou unha campaña de información e sensibilización entre os propietarios de cans, para evitar que os cans deixen as súas feces no chan, manchando as beirarrúas e as rúas, e ofrecendo unha mala imaxe do Carballiño .
Caride sinalaba que "somos conscientes que a maioría dos propietarios de cans son respectuosos con estas accións, pero queremos chegar a todos e, sobre todo, atender unha demanda veciñal sobre este problema de limpeza".
Para iso dende hai unhas semanas un grupo de voluntarios do Carballiño, nesta ocasión todos mozos da vila, realizaron varias reunións para poñer en marcha este programa. Trátase de informar directamente os propietarios de cans, e os veciños en xeral. Neste sentido os voluntarios realizaron xa un mapa das zonas onde deben actuar, despois de comprobar cales son as rúas e prazas onde máis van os cans cos seus amos. Prazas como a da Veracruz ou o Parque Municipal.
Tamén están a marcar un horario para poder informar directamente os usuarios. A primeira hora da mañá e a última da tarde, que é cando saen a pasear cos seus cans.
Sobre a información, estanse a realizar uns panfletos onde se explica que deben facer cando o seu animal de compañía deposite as súas feces na rúa, onde se encontran os lugares para depositar as bolsas unha vez usadas. Nos mesmos panfletos se informará tamén das sancións consideradas para os que non cumpran a normativa municipal a este respecto.
En pouco tempo estas "brigadas caninas" estarán na rúa, informando a todos os veciños. Estes voluntarios estarán debidamente identificados, con petos e camisetas que indiquen que pertencen a ese grupo. Segundo sinalaba Pilar Cardide "esta é unha das accións que pretendemos realizar para conseguir un carballiñomáis limpo, e polo tanto máis atractivo tanto aos veciños coma aos visitantes. Nestes momentos existen outras accións que estamos a proxectar e que en pouco tempo poderemos xa anunciar", subliñou.

www.festadopulpodocarballino.es está xa na rede para mostrar as excelencias do Carballiño e da súa festa gastronómica, declarada de interese turístico nacional, a todo o mundo.
Así o comentaba o alcalde Argimiro Marnotes na presentación desta nova ferramenta turística, destacando que "só nos falta poder levar o sabor único do noso polbo a través de internet, pero iso por agora é imposible, ao igual que a hospitalidade de todos oscarballiñeses para recibir os visitantes. Pero todo o demais poden velo nesta nova web, que a máis dun vai a sorprender, mesmo os propios carballiñeses,".
O museo virtual está ambientado no propio Parque Municipal onde se desenvolve a Festa do Pulpo. Cada ambiente representa unha década onde o visitante pode navegar virtualmente polo parque, visualizando os diferentes os diferentes carteis, imaxes e recortes de prensa.
Pola súa banda outra das seccións máis vistosas desta nova web é a visita virtual ao Carballiño, esta realízase dende as diferentes zonas e monumentos da vila, podendo acceder o visitante e moverse de xeito virtual en todos eles.
O libro electrónico, tamén incluído nesta web, ilustra con textos e imaxes a propia festa, o parque onde se desenvolve, ou Carballiño, o polbo e, por suposto, os pulpeiros e pulpeiras do Carballiño.
O punto de partida de todas estas visitas virtuais é a páxina web antes mencionada, dende a cal o visitante pode acceder a todos os elementos, á vez que pode proporcionar información actualizada da propia festa e a vila carballiñesa, a través de seccións como a axenda, hemeroteca ou a galería de imaxes. Isto é algo que destacaba o propio alcalde "é unha web aberta, viva, onde todos van apoder colaborar e onde se actualizarán os seus contidos segundo o pida a actualidade".
Esta web ten un deseño adaptable ao dispositivo dende onde se accede xa sexa ordenador, tlablet ou smartphone. Os creadores desta son as empresas Inova3 e Imasv, e para a súa creación o concello do Carballiño contou cunha subvención do AGADER.
Será o sábado dia 3 de agosto cando a parroquia de Mudelos celebre as festas do patrón, suspendidas o pasado 25 de Xullo en sinal de loito pola traxedia de Santiago.
A comisión de festas decedira a suspensión da actividade festiva, atendendo a petición do alcalde do Carballiño. A orquestra "Arabia" amenizará a verbena este próximo sa´bado no campo da festa de Mudelos.
A CONCENTRACIÓN MOTEIRA SERÁ O SÁBADO 31 DE AGOSTO
A outra actividade suspendida no Carballiño tralo accidente ferroviario, a "1ª Concentración Moteira Urbana do Carballiño" terá lugar o sábado dia 31 de agosto.

( Redacción. Estefanía Bernárdez ) A programación da festa do Festa do Pulpo comezará a partir do venres 2 ás 23:00 horas cando se encenderá a iluminación nas rúas e na fachada do Concello, que tamén será utilizada para as festas do setembro, con algunha posible mellora. O sábado celebrarase o XX Festival de Habaneras no Auditorio Municipal ás 20:30 e unha orquestra actuará na Praza Maior. Este mesmo día pola mañá, ás 11:00, na Praza Maior haberá a Feira de Artesanía de Galicia.
O domingo 4 teremos a II Andaina Festa do Pulpo ás 9:00 que sae do Parque Municipal, e ás 12:00 a apertura da Feira da Mostra de Artesanía e Antigüidades na Praza das Galiñas e rúa Tomás Mosquera.
O luns 5 terá lugar unha homenaxe a José María Otero Pérez "O Bastoncito", primeiro operario do parque dende 1934, no Parque Municipal ás 12:00. O luns e o martes ás 11:00 haberá actividades infantiles para os pequenos na Praza Emilia Pardo Bazán.
O Carballiño volverá intentar conseguir a ración máis grande de polbo do mundo o martes ás 20:00 na Praza Maior, e coceranse 260 kilos de polbo.
Dende o mércores 7 ata o venres 9 levaranse a cabo as Xornadas técnicas gastronómicas sobre o polbo na Praza Emilia Pardo Bazán con diversos restaurantes, e sendo a xornada do venres con especial dedicación ós cativos. Ademáis o mércores celebrarase a XXX edición das Xornadas de Folclore Internacional, con grupos de Serbia, Brasil e Filipinas na Praza Maior a partir das 22:30.
Para os pequenos tamén se organizará un campionato infantil 3x3 de fútbol/baloncesto na Praza da Alameda os días 5,6,7,8 e 9 para o que haberá que inscribirse na Área de Educación do Concello do Carballiño.
O venres día 9 teremos á 13:00 Sesión vermut na Praza Emilia Pardo Bazán, ás 20:30 o Fútbol do pulpo no que xogará o CD Arenteiro, e ás 23:00 verbena con orquestra na Praza Maior.
Como cada festa do Pulpo voltará o concurso das camisetas de grupos xuvenís dende as 20:00 na Praza Maior e amenizado por un desfile e batucadas. Ás 00:00 farase a II Gran Tirada de fogos artificiais que como novidade será dende a Praza do Templo da Veracruz, e a continuación a Noite de Batucada polas rúas do Carballiño. O propio día da festa, domingo 11, as actividades estarán emplazadas no Parque Municipal e serán algunhas coma o desfile dos grupos folclóricos, o festival folclórico ou o xantar no recinto do concello. No Parque estarán 32 postos de polbo e no casco urbán colocaranse arredor de 20. A festa pecharase cunha nova verbena con orquestra na Praza Maior que acturará a partir das 19:00.
O equipo ourensano da terceira división será o rival do C.D. Arenteiro no primeiro amigable da pretempada, que os carballiñeseses comezaron este pasado lúns, e tras catro sesións de adestramento que completarán durante a semana, o domingo 4 ás sete da tarde chegará o primeiro amigable de agosto. O venres dia 9 xogaráse un triangular dende as oito da tarde, tamén en Espiñedo, no que participarán C.D. Cea, Maside F.C e C. D. Arenteiro.
A primeira sesión de adestramento faltaron Prada e Escudero, que se incorporan ao grupo no transcurso da semana. Un total de 23 xogadores tomaron parte nesta primeira sesión baixo a dirección de Miki López e Borja Quintas. Ademáis dos xa confirmados anteriormente, sumaronse ao grupo Diego López, que xogou nos últimos anos no Barbadás, e os xogadores locais Oscar e Marcelo.
Antes de comezar a sesión, gardouse un minuto de silencio en memoria das víctimas da traxedia ferroviaria de Santiago. Logo, o presidente do club, Xan Pinal, deu a benvida a todos os que inician este novo curso "que comezamos co obxetivo de situar ao Arenteiro entre os mellores da categoria", dixo. Pola súa parte, o responsable técnico, Miki López, solicitou o apoio da afición e anunciou "traballo e máis traballo",
Os socialistas presentaron a iniciativa por medio dunha moción para que sexa tratada no pleno da corporación carballiñesa.
A creación da nova ordenanza implicaría unha taxa que deberían abonar as entidades bancarias que teñan instalados caixeiros automáticos nas fachadas das rúas. O grupo socialista incluso propón a contía económica da nova taxa, serían 3.600 euros por cada caixeiro. Explican que "a lexislación permite de forma clara o cobro desta taxa por aproveitamento da vía pública".
Desta maneira, o concello tería unha nova vía de recadación "distinta á de esquilmar continuamente os petos dos contribuíntes", subliñan os socialistas. Solicitan ademáis, que non se aplique ningunha exención e que a nova ordenanza entre en vigor coa maior premura posible.

( Redacción. Estefanía Bernández ) O Concello de Avión está moi marcado pola emigración, non só mexicana, senón tamén arxentina, alemana, venezolana, estadounidense, e de outras nacionalidades que voltan cada verán ás súas raíces. A emigración foi variando as súas datas pero a maioría concéntrase a finais de xullo e principios de agosto, polo que agora estamos no punto álxido de afluencia.
Esta maior concentración fai idónea a celebración de festas, como a Festa Mexicana que se celebra o último venres de Xullo e as festas patronais que serán o 3,4, e 5 de agosto, ambas na capitalidade municipal. Ademáis, durante Xullo e Agosto cada parroquia do municipio celebra a súa festa.
Un dos factores que fixo que a emigración disminuise durante os últimos anos foi a entrada do euro. “A situación económica afecta, pesa moito e a afluencia de visitantes disminue, pero a morriña e o arraigo familiar fan que volten” decía Montero.
A emigración non só se mantén na xente maior “cada vez vemos xente máis nova, o que nos agrada. É importante manter o cariño hacia a patria”. Avión é un concello rural que sen o apoio dos que veñen de visita non sería igual.
O aumento de xente no periodo estival fai que teñan que aumentar os servizos públicos. Moitos deles vense incrementados como a recollida de lixo, persoal de desbroces, deportes, piscina municipal, actividades culturais…
Avión tamén conta cunha brigada de incendios que xa está operativa, e ao igual que as do resto da comarca farán tareas de limpeza mentras non se requiran para incendios. Ademáis desta brigada, tamén contarán por primeira vez cun Grupo de Emerxencias Supramunicipal, os GES, que comezarán a mediados de agosto.
Esta localidade xa contaba cun grupo de Protección Civil e dúas ambulancias que seguirán prestando esos servizos. Como nos contaba o alcalde, os primeiros minutos de actuación son os máis importantes e a lonxanía do Carballiño, onde se ubicará o parque intercomarcal de bomberios, fan necesarios este grupo de emerxencias.
Antonio Montero tamén nos falaba das obras do programa AGADER. “Son proxectos prácticamente rematados e pendientes de que se poidan utilizar”. Estas obras consistiron na ampliación do comedor do Centro Integral de Servizos Sociais “Alvetus” para prestar mellor servizo e tamén na ampliación do centro de día, para que poidan estar máis cómodos, “os servizos sociais sempre son prioritario para nos”, manfestaba o rexedor.
As obras tamén beneficiaron as instalacións da piscina pública climatizada.
Páxinas
- « primeira
- ‹ anterior
- …
- 650
- 651
- 652
- 653
- 654
- 655
- 656
- 657
- 658
- …
- seguinte ›
- última »