A Área de Deportes considera "un éxito total" esta actividade, que conseguíu un novo record da participación, ao superar os 600 ciclistas inscritos.

Pais, fillos e avós, como o caso do participante de máis idade -de 82 anos- participaron neste paseo de 10 kilómetros polo Carballiño e arredores, nun ambiente lúdico e familiar. Tamén con algúns participantes chegados de fora do Carballiño, entre eles un turista de Nova Zelandia. 

A proba servíu, ademáis como inicio da campaña "1,5", coa que se recorda a a todos os conductores a obrigación de deixar esa distancia cando se adianta a un ciclista, asi como o resto da normativa de tráfico.

O Arenteiro suma outros tres puntos tras a súa visita a Xinzo de Limia, eso si, cunha segunda parte dos verdes difícil de explicar, complicandose un partido que gañaban aos 11 minutos por 0-3, e por 0-4 aos 47 minutos. 

C.D. Arenteiro: Perdiz, Carlos, Diego López, Dabarca, Oscar, Alex, Victor Gallego, Bardelás, Canexón, Martín e Quiroga. Tamén xogaron no transcurso da segunda parte, Omar, Prada, M. Sotelo e Manu.

Goles:

0-1. Minuto 4, Canexón.

0-2. Minuto 9, Victor Gallego.

0-3. Minuto 11, Victor Gallego.

0-4. Minuto 47, Quiroga.

1-4. Minuto 57, Pablo.

2-4. Minuto 58, Camilo Vila.

3-4. Minuto, Javier Vispo.

O Partido: Pasoulle en Celanova fai quince dias e volveulle pasar esta tarde en Xinzo de Limia, o Arenteiro domina claramente no marcador e en poucos minutos parece irse do partido propiciando a reacción rival. Pudo o Arenteiro acadar unha goleada escandalosa ao seu favor e acaba pedindo a hora, algo que so pode explicar a falta de concentración de algúns xogadores, un defecto que debería correxirse cara futuros partidos. Para máis inri, o árbitro (Alejandro Castro, do Colexio de Pontevedra, moi desafortunado, tragouse un clarísimo penalti na área do Boado e perdonou a expulsión do meta local ) expulsou con vermella directa ao adestrador do Arenteiro Miki López  e a Victor Gallego, ao interpretar que deu un codazo a un contrario, perderáse o partido ante o Verín. 

O servizo prestaráse no local de "Bo Dia Familia", na rúa Calvo Sotelo. A inciativa "nace da política transversal das concellerías de Benestar e Educación" manifestou o alcalde Marnotes.

A este comedor poderán acudir como usuarios do mesmo os escolares carballiñeses entre os 3 e os 12 anos de idade, e terá un coste diario de 3,62 euros ao dia. Está pensado "para aqueles escolares que se quedaron sen praza no comedor do colexio público ou para todos aqueles que queiran utilizalo, desta maneira o concello pon a disposición das familias un servizo para axudarlle a conciliar a vida laboral e familiar", subliñou o rexedor municipal.

A empresa "Visama" encargaráse de ofrecer "menús equilibrados, que farán cociñeiros e nutricionistas e adaptados ás idades dos nenos". O prazo para incribirse está aberto ata o dia 20 deste mes de Outubro e comezará a funcionar a partir do mes de Novembro.

O Grupo Municipal Socialista denuncia a falta de rigor na contratación do persoal para  o concello de Leiro .

O Portavoz, Manuel Rodríguez  "ten constancia de dende o pasado luns nas brigadas de Cooperación hai un traballador que se censou fai dous meses no concello de Leiro,  e que ante a petición de explicacións do grupo municipal o alcalde escudouse en que o servizo Galego de Colocación foi quen lle enviou os candidatos pero quen fai a selección e o  propio concello", dixo.

Dende o Grupo Municipal Socialista esixínlle ao alcalde "que faga unhas bases de contratación que garanticen os principios de igualdade mérito e capacidade e que non quede en entredito que no concello de Leiro se contrata sin máis criterio que o de a amizade, e favores...cando  moitos veciños están en situación de desemprego e non se lles da ningunha opción para traballar no mesmo", manifesta Rodríguez.

Según o PSdG o concello do Carballiño perdeu  "en torno os 10.000 euros" ao ser denegada unha liña de axuda que sería destinada aos programas de de fomento da conciliación, mentres que a concelleira de Benestar Social considera que a información socialista é "errónea e malintencionada".

Os socialistas afirman que a subvención foi denegada por un defecto na tramitación da solicitude ao "non declarar os ingresos xerados polos cobramento de cotas, taxas ou similares por participación na actividade". Engaden ademáis que "non é a primeira vez que nos atopamos con que na concellería de Benestar Social se perde unha axuda necesaria, debido, supoñemos, á ineptitude coa que se dirixe esta área, recordamos que dende que está o PP no goberno municipal xa se perdera unha axuda destinada ao CIM", remarcan.

Versión ben distinta é a da concelleira. Purificación Alberte asegura que "vimos de recibir unha axuda para as actividades do CIM de 28.800 euros, é lamentable que o Partido Socialista intente confundir os veciños e veciñas do Carballiño con este tipo de críticas, e máis cando eles saben que o CIM creouse o ano 2007 gobernado eles e ata o ano 2001 foron incapaces de xestionar subvención algunha, polo que o coste do servizo sempre foi a cargo do concello ata que chegamos nos". En relación á liña de axuda rexeitada, a concelleira manfestou que "foron catro as liñas de axuda solicitadas, e delas unha denegada, que agora temos un mes para recurrir".

Asi o recolle o informe da oficina municipal de turismo sita na Alameda, afirmando que visitarona un total de 1.228 persoas fronte ás 634 que o fixeron druante a mesma tempada estival en 2012.

O informe tamén reflicte a procedencia dos turistas, sendo maioritaria a galega "aínda que constatase un aumento dos procedentes doutras comunidades, destacando Andalucía, dende onde chegaron 187, seguidos de Madrid con 179 e Cataluña con 138".

En canto os turistas que rexistrou a oficina municipal de turismo procedentes do extranxeiro durante o pasado verán o número ascende a 94, e dentro das distintas nacionalidades ocupan o primeiro posto os franceses, 27.Sobre o intereses amosado polos visitantes, o informe destaca a preferencia polas rutas de sendeirismo, o patrimonio cultural e "onde comer polbo á feira".

    Prema no enlace:  http://www.youtube.com/watch?v=gh_TX0GVtEc

O Arenteiro conseguíu na sexta xornada acabar coa imbatibilidade do Ponte Ourense nesta liga, nun partido no que os visitantes comezaron mellor asentados sobre o terreo de xogo, ainda que todo cambeou a partir do minuto 23, despois de que Martín inaugurase o marcador cun gol para enmarcar.

C.D. Arenteiro: Pachi, Carlos, Diego López, Lois, Oscar Portos, Alex ( Omar, m. 83 ), Canexón ( Prada, m. 72 ), Victor Gallego, Martín, Bardelás ( Adrián Núñez, m. 68 ), e Quiroga ( Marcos Sotelo, m. 75 )-

Goles:

1-0. Minuto 23 : Golazo de Martín, dende propio campo chuta a unhos 60 metros da portería, vendo adiantado o porteiro visitante.

2-0. Minuto 67: Quiroga anota o segundo aprobeitando un balon que lle chega tras pelexalo Martín,

3-0. Minuto 82. Marcos Sotelo, ao lanzamento dun libre directo.

3-1. Minuto 87. Martín, tamén de libre directo, por toda a escadra.

O Partido: O golazo de Martín cambeou radicalmente o signo do encontro, atá ese momento controlado polos pontinos. A partir de entón, o Arenteiro deixou atrás os titubeos iniciais e foi indo a máis conforme avanazaba o partido, que dominou con autoridade na segunda parte, na que gozou de varias ocasións para marcar, as máis claras nas botas de Victor Gallego -por dúas veces- e Quiroga. Con todo, o mellor do partido foron os catro goles que poideron verse esta tarde en Espiñedo, todos de bonita factura.

O Consello da Xunta aprobou na súa reunión desta semana a modificación puntual das normas
subsidiarias de planeamento do Concello de Maside , no ámbito da rúa Outeiro
Grande e o seu contorno.

Esta modificación puntual ten por obxecto a recualificación dun ámbito de 9.017 m² como
solo urbanizable, conforme o establecido na disposición transitoria 13 da Lei de solo, para
integrar e ordenar normativamente o asentamento da rúa Outeiro Grande e o seu contorno
no planeamento vixente.

Este ámbito de actuación é un asentamento xurdido á marxe do planeamento arredor da rúa
Outeiro Grande, contiguo ao núcleo urbano de Maside capital, que afecta dúas zonas
separadas conectadas pola citada rúa, situadas segundo as normas subsidiarias (NNSS) en
solo non urbanizable (actualmente solo rústico) e en solo non urbanizable de especial
protección (rústico de especial protección).

Coa modificación puntual pasan a ser solo urbanizable delimitado un total de 7.602 m² de
solo non urbanizable (solo rústico) e 1.415 m² de solo non urbanizable de especial
protección (solo rústico de especial protección).

Deste modo, a modificación puntual establece a regulación detallada do sector co contido e
determinacións necesarias para o seu desenvolvemento ordenado.

Aprobación das modificacións de planeamento
O expediente tramítase ao abeiro do disposto nos artigos 93 e 95.2 e 4 da Lei 9/2002, do 30
de decembro, de ordenación urbanística e protección do ambiente de Galicia (Lei de Solo),
que determina que a competencia para a aprobación definitiva das modificacións de
planeamento municipal que terán por obxecto a reclasificación de solo rústico de especial
protección corresponde ao Consello da Xunta de Galicia, logo do informe favorable da
Comisión Superior de Urbanismo.

En abril de 2012 a Secretaría Xeral de Calidade e Avaliación Ambiental decidiu non someter
esta modificación a avaliación ambiental estratéxica. Posteriormente o Pleno municipal
aprobou inicialmente a modificación puntual e expúxoa ao público.

Finalmente, o propio Pleno aprobou as correccións da modificación e remite a
documentación á Xunta de Galicia, constando o 18 de setembro de 2013 o informe
favorable da Comisión Superior de Urbanismo.

A día de hoxe, o Concello de Maside dispón de normas subsidiarias de planeamento
aprobadas en outubro de 1985, que tiveron dúas modificacións puntuais.

Na rúa Ourense afundíronse varios metros da beirarrúa, provocando un gran socavón. Na Avenida de Compostela e a rúa Alexandre Bóveda o deficiente funcionamento das canalizacións provocaron inundacións en numerosas vivendas.

Na Avda do Arenteiro acumulouse unha gran cantidade de terra como conscuencia dos arrastres dende a rúa Astureses e a zona do parque municipal. O concelleiro de Obras, Magín Daparte, explicou nesta emisora de radio que esta problemática "e consecuencia de dúas deficiencias gordas que teñen a mariora das rúas do Carballiño, dunha parte carecen de rede separativa de pluviais e ademáis tratase de tuberías que en moitos casos son moi antigas e de fibrocemento que agotaron o seu tempo útil"

En relación ás problemáticas concretas na Avenida de Compostela e a rúa Alexandre Bóveda, Daparte lamentou "que se trata de dúas rúas nas que se acometeron proxectos nos que se fixeron investimentos millonarios pero con notables deficiencias que agora provocan estes problemas, que nós estamos tratando de solucionar".

En canto o derrubamento na beirarrúa da rúa Ourense, o concelleiro de Obras manifestou que "xa contactamos con Aquagest e xa están procedendo a reparar a tuberia, para logo poder acometer a reposición da beirarrúa".

Non obstante, para o grupo municipal socialistas, todas estas anomalías son consecuencia "da ineficiacia e incapacidade do goberno Marnotes, coas rúas cheas de fango, o que provocou que coas primeiras chuvias do outono toda a vila se víu anegada, todos sufrimos as consecuencais dunha inexistente planificación, ante algo tan previsible". Recordan os socialistas que "por varias veces xa advertimos e denunciamos esta situación no pleno da corporación, cos sumidoiros cheos de lixo...unha vila sen goberno".