Ambos poderán estar o domingo ás órdes de Romero para o partido ante o C.D. Choco en Redondela.

O dianteiro Walter Martín regresa asi ao Arenteiro dúas tempadas despois desde que abandonara o club con destino ao Barbadás, chega a piques de cumplir os 37 anos de idade para reforzar o ataque carbaliñés, no que causaba baixa Iglesias fai unhas semanas.

Pablo Piñeiro Taboadela, de 27 anos, é un medio centro polivalente, xogou na pasada tempada no Ordes, da 3ª división.

Causan baixa no equipo Cristian Dacosta e Javi López, que non estaban cumplindo as expectativas que o club tiña fixadas para ambos xogadores.

Ademáis, para o partido en Redondela serán baixa Xurxo -ten para un mes-, Tacón -2 semanas para recuperarse dunha lesión-, Iago- por motivos personais- e Adrián Cancelas, que arrastra molestias.

Presentaron unha serie de medidas no plen da corporaicón municipal "para que a veciñanza non se vexa perxudicada  pola suba de taxas  de agua, lixo e alcantarillado". O Grupo socialista propuxo o grupo de goberno, que fora o Concello o que se fixera cargo de abonar a suba do IPC 3,4 % das diferentes taxas, para que asi non repercutira tanto nos bolsillos das familias.

 Os socialistas , a través do seu portavoz Manuel Rodríguez, explican que "os cidadáns de Leiro teñen que soportar a suba do IVE, asi como o novo canon de auga aprobado pola Xunta de Galicia o 22 de xuño de 2012, e o  coeficiente de verquido que lle vai a supoñer pagar máis dun 140%, sendo os da empresa concesionaria os únicos que van a sacar tallada deste asunto".

Rodríguez continua decindo que ademais das medidas mencionadas anteriormente se lle propuxeron outras tales como as de lineas de bonificación dun 30% para discapacitados, pensionistas, xubilados e familias numerosas que non poideran sobrepasar os 680 € de renda , e 916€ o que é o nucleo familiar, e un 10% de bonificación para os desempregados do concello.

Por último o portavoz dí que "todas estas medidas foron rexeitadas polo grupo popular e denuncia a falta de sensibilidade ante as situacións de necesidade que están a padecer os cidadáns neste momento de crise económica , invirtindo os cartos na mancomunidade do Ribeiro que é o verdadeiro cancro que está levando a ruina o concello, xa que o goberno municipal aprobou unha modificación de crédito de 68.000€ para a mesma facendo un total de 226.000 € máis do 30% do presuposto municipal".

Na adminstracción local carballiñesa a folga foi secundada por 3 traballadores, no concello do Carballiño dun total de 145 traballadores, tan só 3 apoiaron a protesta dos sindicatos.

Na adiminstracción autonómica, o coordenador do centro de saúde do carballiño informou a esta emisora de radio que "o seguimento da folga entre o persoal foi anecdótico" e a afluencia de pacientes a dun dia calquera. Na ensinanza, a maior participación rexistrouse nos institutos carbaliñeseses, aínda que de forma bastante desigual, mentres no IES nº 1 apoiaron a folga 25 dos 44 profesores que ten o centro, no IES Chamoso Lamas tan só secundaron o paro 17 dos 62 profesores que forman o claustro.

No comercio, salvo algún caso puntual, e na hostelería carballiñesa a actividade desenvolveuse con total normalidade. No parque empresarial e a zona industrial da Uceira, a folga tivo unha incidencia minoritaria.

Aseguran que foi o tenente-alcalde Manuel Cerdeira o encargado de convidar desde o teléfono da casa do concello a esta festa na que os asistentes degustaron chourizos, empanada, panceta, pan, viño, chocolate e licór café.

O menú era de balde "convidaba o concello" e á convocatoria celebrada o pasado sábado asistiron arredor das 300 persoas "a maioria delas afíns o grupo de goberno", según poñen de manifesto veciños críticos con esta festa de magosto na que tampouco faltou a actuación de grupos musicais e incluso unha sesión de fogos artificiais.

"O Alcalde perdeu a confianza e pretende recuperala dando pan e circo como se estivese na Roma dos emperadores, quere ser emperador pero non ten imperio" comentou no programa "A mañá de COPE" Luis González Tosar, veciño do Irixo, e apostilou "foi unha chourizada impresentable nestes momentos de crise e recortes, é unha provocación que un alcalde organice e convide a unha paparota, porque pensa que asi compra as vontades, e as vontades das persoas non se mercan no bandullo".

"Ao alcalde, ao que tanto lle preocupaban os postos de traballo dos seus veciños, gasta os fondos municipais en paparotas, e segue mantendo a exclusividade súa e do tenente alcalde cobrando entgre ambos aproximadamente 50.000 euros ao ano", comentaba José Castro.

Pola súa parte, desde a "Coordenadora veciñal Incineradora no Irixo Non", que organizou un magosto na carballeira do Campo no que cada asistente pagou 20 euros, lamentan "que o alcalde siga dividindo aos veciños con este tipo de actitudes".

Os datos do mes de outubro rompen unha racha de cinco meses e volven ser negativos, tras sumar 99 novos parados no ámbito comarcal.

No municipio do Carballiño a lista de traballadores en situación de desemprego aumentou en 64 persoas durante o mes de Outubro, o que supón un 4,44% de incremento, o que deixa a actualización da cifra en 1.505 parados, dos que 700 son homes e 805, mulleres.

En  Maside, Outubro deixa 11 novos parados, e son xa 284 neste municipio. En San Cristovo de Cea, engrosan as listas do paro 8 persoas, outras 10 fano no municipio de San Amaro, 4 nos municipios do Irixo e Punxín, e 2 en Beariz.

Finalmente, en Boborás e Piñor producese un simbólico descenso do paro no mes de Outubro, en cada ún destes municipios atoparon traballo 2 persoas.

O lider da categoria deixou o partido visto para sentencia na primeira parte, con 0-3 ao descanso, os ponteareáns deixaron patente a súa superiorade no municipal de Espiñedo ante un Arenteiro que non mellora malia o cámbeo de adestrador.

C.D. Arenteiro: Macia, Tazos, Xurxo (Pachi), Dabarca,Pana (C. Escudero), Iago (Gabriel), Tacón (Bardelás), R. Dacosta, Kennedy, D. Soares, e Marcos Sotelo (Javi López).

O novo adestrador local, Romero, debutou con derrota nun Arenteiro que non sae da súa depresión, os visitantes foron moi superiores desde o inicio do partido, donos desde o minuto 1 do centro do campo, ben asentados na súa cobertura e descaradamente lanzados pola victoria.

 Moi pronto se lles puxo en franquicia o partido aos ponteareáns, no minuto 8 Tacón perde un balón na liña de 40 metros e o dianteiro visitante Carlitos aproveita para batir a Macia cun tiro desde fora da área axustado ao pau dereito. Aos 23 minutos, chegaba o segundo gol para a C. Areas nunha bonita xogada combinativa dos visitantes, que sentencian no minuto 41 co 0-3, tras outra xenialidade do seu dianteiro Carlitos.

Xa no segundo periodo, a Cultural Areas baixou o acelerador e propiciou que o partido estivese máis equilibrado. Co tempo cumplido, escapaselle das mans un balón a Macia, que siñifica o 0-4 definitivo.

Medio centenar de veciños acudiron a esta convocatoria de pleno extraordinario no que a corporación municipal debía aprobar as propostas da alcaldia para a modificación das ordenanzas fiscais relativas ao abastecemento de auga e saneamento, que fixaban un incremento dacorde ao establecido polo IPC.

Non obstante, o Alcalde da localidade Manuel Vázquez, ante a numerosa presenza veciñal, optou por deixar en suspenso a proposta e finalmente accedeu a reunirse cos representantes da plataforma veciñal que ven demandando a revisión do contrato con Aquagest, ao considerar que os prezos que pagan pola auga "son altamente abusivos e desproporcioandos", tal como veñen manifestando. O rexedor municipal reuniráse ao longo da vindeira semana cos veciños para escoitar os seus plantexamentos e estudar unha posible fronte común entre concello e veciños para presionar á empresa concesionaria.

Antes e durante o desenvolvento da sesión plenaria, producironse momentos de moita  tensión entre veciños presentes no concello, entre os partidarios do Alcalde e os que criticaban a súa xestión. O momento máis álxido chegou cando un veciño recriminou aos concelleiros socialistas -agora na oposición- por asinar durante o anterior mandato municipal o polémico convenio con Aquagest, o que provocou un forte enfrontamento verbal entre o público e o concelleiro socialista Amadeo Vázquez.

Para elo instalará un sistema de placas solares fotovoltaicas que abastecerá as necesidades enerxéticas do edificio municipal.

O Alcalde de San Amaro, Ernesto Pérez, avanzou nesta emisora de radio que "con este sistema de aforro enerxético non só conseguirémos o custo cero para a electricidade que necesita o consistorio, senón que servirá para cambear o sistema de calefacción, que na actualidade é de gasoleo por outro eléctrico". O rexedor municipal explicou tamén que "o coste de mantemento do sistema é minimo, polo que o aforro vai ser importante".

A Xunta de Goberno adxudicou o proxecto, que representa un invstimento de 40.000 euros, dos que o concello de San Amaro tan só aportará o 20%, xa que o 80% do custo cubrese por medio dunha subvención autonómica do fondo de cooperación medio-ambiental.

Os datos son os que figuran no proxecto presentado pola sociedade "Aerogeneración Galicia",  280 persoas terán traballo na construcción do complexo enerxético que se ubicará en montes do municipio do Irixo.

A Consellería de Industria somete a información pública o estudo de impacto ambiental e a execución do proxecto, que ocupará unha superficie total de 254 hectáreas, das que 175 están localizadas no ámbito xeografico do Irixo, e as 79 restantes no concello de Lalín. No caso da superficie que abrangue ao municipio do Irixo, as 175 hectáreas que serán ocupadas ubicanse nas parroquias de San Cosme de Cusanca e Espiñeira. A relación de propietarios afectados pode consultarse na delegación provincial da Consellería de Industria.

O investimento previsto por Aerogenación Galicia, sociedade promovida pola constructora lalinense Taboada e Ramos, é de 27,3 millóns de euros. As características técnicas do proxecto contemplan a instalación de 8 aeroxeradores de 3.000 kilovatios de potencia nominal unitaria, cunha altura de 94 metros e  e un diámetro de rotor de 112, asi como unha estructura meteoróloxica de 100 metros de alto. O proxecto industrial obtivera en novembro de 2010 unha das puntuacións máis altas no concurso eólico da Xunta.

A Confederación Hidrográfica do Miño-Sil comeza esta semana as "Obras de acondicionamento dos ríos Avia e Arenteiro", nos municipios do Carballiño, Leiro e Ribadavia.O obxecto destas actuacións é a limpeza das ribeiras de ambos os dous ríos procedendo á curta e retirada de árbores secas afectadas pola "praga dos ameneiros" que apareceu na primavera de 2009 e que afectou a soamente a esta especie. Ademais, levaranse a cabo actuacións de restauración ambiental, procedendo á estabilización dos noiros que se esborrallasen por caída das árbores enfermas.

Para levar a cabo estas actuacións de restauración utilizaranse técnicas de bioingeniería colocando estacas de salgueiro verde cravadas ao firme e atadas entre se e aos biorrollos para completar a estacada. Por último taparanse e acondicionarán os noiros coa mesma terra extraida, colocarase malla de coco para suxeitar o terreo e se estaquillará con brotes de salgueiro recollidos na zona para consolidar a estabilización.

Co ánimo de minimizar os impactos das actuacións a realizar, daranse as instrucións oportunas para que os traballos respecten ao máximo a vexetación e a fauna autóctonas. Por outra parte, a madeira extraida torarase e preparará para o seu posterior amoreado e transporte un xestor de residuos vexetais apropiado.

No Concello do Carballiño actuarase en ambas as dúas marxes do río Arenteiro e incidirase no tramo comprendido entre a ponte medieval de Veiga e a entrada á piscifactoría do Carballiño. En Leiro actuarase en ambas as dúas marxes do río Avia ao seu paso por esta localidade e incidirase no tramo comprendido ente a ponte da Esperela e a ponte románica de San Clodio. No Concello de Ribadavia a actuación desenvolverase en ambas as dúas marxes do río Avia ao seu paso por este Concello e sobre todo no tramo comprendido entre o regato Eigón e a ponte de Ribadavia, tramo no que encontramos maior incidencia de afección de Phythophthora Alni.  As actuacións teñen un orzamento de 169.459 euros.