O autor do atraco logrou fuxir levandose un botín de 6.000 euros, tras amenzar a traballadora da oficina cunha arma branca.

A Garda Civil, que abríu unha investigación para aclarar as circustancias do atraco, tivo coñecemento do suceso sobre as 13 horas. Minutos antes, un home a cara descuberta presentabase na axencia colaboradora do Banco de Santander na rúa Alameda de Maside e amenazaba cunha arma branca á única persoa que a esa hora se atopaba na oficina, a encargada da axencia, conseguindo levarse 6.000 euros de diñeiro efectivo.

A axencia na que se cometeu o atraco non está dotada de cámaras de vixiancia.

Ramón Dacosta xa non é adestrador do C.D. Arenteiro, tras o partido do pasado xoves en Lalín o club prescinde dos seus servizos.

O Presidente José Antonio "Cadavid" volve confiar o futuro do equipo a Francisco Romero, tal como xa fixera fai dous anos cando o actúal presidente xa o chamara para dirixir aos verdes, daquéla, xa coa competición bastante avanzada, non poidera reconducir a situación e o equipo consumaba o descenso de categoria. Ademáis de Romero, que é finalmente o elexido, tamén se fixeran contactos co adestradror ourensano Peluso.

Agora, tras once xornadas de competición ligueira, e co equipo clasificado no antepenúltimo lugar e xa eliminado do torneo de copa, os responsables do club esperan que o cámbeo de adestrador sexa o revulsivo que necesita o C.D. Arenteiro.

Asi o anunciou o concelleiro de obras e urbanismo do Carballiño, Magín Daparte, as alegacións á mellora do entorno da Veracruz serán rexeitadas polo goberno municipal "porque non temos posiblidades orzamentarias para atendelas".

O grupo municipal socialista presentou 4 alegacións, todas elas en forma de proposta para "mellorar a funcionalidade e a estética do lugar", anunciaba o portavoz dos socialistas no concello carballiñés, Paco Fumega.

As aportacións socialistas pretendian o empedrado dos camiños peonís previstos na futura praza, que se executarán a base de xábrego. Ademáis, propoñían a construcción dunha "fonte claustral na parte dereita da Veracruz", tal como xa deseñara no proxecto orixinal o arquitécto Palacios, e tamén a creación dun parque de xogos infantís, que estaría protexido "con árbores e mesas de pedra que permitise crear espazos de sombra".

Ningunha das aportacións serán tidas en conta "xa que para poder introducir estas melloras necesitaríamos renunciar a outras que xa foron contempladas neste reformado do proxecto, neste momento temos que adaptarnos ó orzamento que temos, aínda que non descartamos que cara o futuro poidamos acometer algunha destas melloras", dixo.

Magín Daparte lamentou que "estas propostas cheguen tan tarde e non se presentaran no seu dia cando dese o concello se pretendeu chegar ao consenso social con este proxecto".

Dezanos e carballiñeses enfrentabanse nun partido marcado polas urxencias de ambos na táboa clasificatoria, ao final repartiron os puntos nun partido que estivo bastante igualado e cun marcador final que pode considerarse xusto polo visto no terreo de xogo.

C.D. Arenteiro: Macía, Cote, Xurxo, Dabarca, Pana, Gabriel ( Iago), Bardelás ( R. Dacosta ), kennedy, Tazos ( Cancelas ), David Soares e Marcos Sotelo ( Prada ).

Goles:

1-0. Minuto 26, falta sobre a portería do Arenteiro, o balón cólase axustado áo pau dereito da portería de Macia.

2-0- Minuto 35, a mellor xogada do partido, Tazos centra un balón medido aos pés de David Soares, éste xira sobre sí mesmo e cruza maxistralmente fora do alcance do meta local.

Comentario: Partido igualado tanto en xogo, bastante cativeiro por ambos equipos, como en ocasións de gol ante a portería contraria, un par de oportunidades por parte tanto de lalinenses como dos carballiñeses, ambos terán que mellorar bastante se non queren verse abocados ao fracaso nesta liga. Na tarde de hoxe deixaron ver bantantes carencias e xustificaron os postos que ocupan na clasificación.

Asi o confirmaron os responsables municipais. O investimento do Obradoiro de Emprego será de 250.000 euros, dos que o concello deberá aportar algo máis de 20.000 euros.

O proxecto, financiado pola Xunta e elaborado pola Área de Industria e Promoción de Emprego do concello carballiñés comezará a desenvolverse no mes de Decembro, antes deberá poñerse en marcha o proceso de selección do persoal, monitores e alumnos, en total serán 24.

Durante 6 meses, desenvolverán traballos de forxa e xardineiría, cada unha destas actividades contará cun módulo de 8 alumnos.  Os traballos de forxa centraránse na execución dunha pérgola ornamental que se instalará na Praza do Emigrante, a xeito de refuxio para o sol e a choiva, mentres que o módulo de xardineiría desenvolverá a súa actividade nas zonas axardinadas e o parque municipal.

Ademáis, o Obradoiro contará cun módulo de Atención Socio-Sanitaria, que se incluíu neste proxecto en atención a gran demanda que existe para a formación de profesionais para este sector.

O Concelleiro Manolo Dacal lamentou que "se abandonen unhas instalacións polas que pasaron máis de 15.000 persoas cando nós estabamos no goberno".

Dacal puxo como exemplo desta situación "o derrubamento do pendello do muiño do Anxo" que forma parte deste Parque Etnográfico do Río Arenteiro "xa que fai dous meses que caeu o chan e desde entón permanece en tan lamentable estado, dando unha imaxe moi mala da zona e do abandono ó que está sometido por este goberno".

O concelleiro socialista salientou "o gran esforzo que se fixo nesta zona, que era un basureiro, recuperando e poñendo en valor unha zona que debería ser ún dos grandes activos para o turismo no Carballiño, todos sabemos como estaba aquelo e do traballo que se fixo nas sucesivas escolas taller, para agora deixar que se estrague todo", apuntou Dacal, que no anterior mandato dirixira a área municipal de turismo do concello carballiñés.

O episodio tivo lugar na tarde deste pasado domingo no Carballiño e o seu protagonista foi D.V.P. de 36 anos de idade, que intentou vender hachis a un Garda Civil.

Daquéla, o axente tras identificarse como tal, solicitou a documentación ao vendedor, éste respostou agredindo ao Garda Civil. Máis tarde, o agresor foi detido como "presunto autor dun delito de atentado contra un axente da autoridade", según a nota informativa difundida dende a Subdelegación do Goberno.

Os carballiñeses non levantan cabeza e caen novamente derrotados en Espiñedo, desta vez ante o Valadares Vigués, aínda que nesta ocasión o Arenteiro mereceu algo máis, pero non tivo sorte ante a portería visitante.

C.D. Arenteiro: Pachy; Cote, Escudero, Dabarca, Pana (Iago), Gabriel, Bardelás (Cristián), Dacosta, Kennedy, Soares e Marcos Sotelo (Tazos).

Goles:

0-1: Minuto 77. Corner sobre a portería local e os carballiñeses repiten o mesmo erro que no partido anterior ante a A.D. Atios, ninguén cubre o primeiro pau e por alí entra un dianteiro do Valladares que remata un balón que Pachy non pode evitar que entre na portería.

Comentario: Unha pena que outra xogada de estratexia se leve os 3 puntos de Espiñedo, unha derrota que non se mereceu esta tarde o Arenteiro. Na primeira metade o Valadares dominou territorialmente, aínda que a única ocasión de gol foi para o Arenteiro tras cabecear Soares dentro da área e salvar Adrián. Na segunda metade os carballiñeses xogaron máis que o rival, tras o gol do Valadares, Kennedy pudo empatar o partido, pero o seu remate de cabeza salvouno prodixiosamente o meta visitante Adrián.

O PARTIDO EN LALÍN XOGASE O XOVES ÁS 16:30 HORAS

O encontro de liga que dezanos e carballiñeses desputan correspondente á 11ª xornada de liga adiantase ao xoves dia 1 de Novembro, festividade de Todos os Santos, o partido xogaráse no Miguel Anxo Cortizo e comezará ás 4,30 da tarde.

Os carballiñeses recuperan para este partido aos sancionados polas expulsións de O Grove, Xurxo, Prada e Cancelas.

O partido de Lalín presentase como un importante test para os carballiñeses, necesitados con urxencia de sumar puntos para sair canto antes dos postos de descenso. Enfronte terá a un Lalín que vive tamén horas baixas, polo que será unha boa oportunidade para puntuar por parte dos carballiñeses.

Foi o único premio de primeira categoria rexistrado no sorteo da bonoloto deste pasado mércores dia 24, o boleto foi validado na Administracción de Loterias  do Carballiño.A combinación gañadora, 6,8,10,11,15 e 21, levase un premio de 579.124 euros,  foi o único boleto deste sorteo da boloto que acertou os seis números.

A xerente da Adiminstracción de Loterias do Carballiño, Ana Prada, comentou en COPE O Carballiño que "o boleto foi vendido o pasado lúns dia 22, trátase dun boleto semanal de 2 apostas polo que o seu posuidor- de identidade non coñecida- pagou 4 euros".

 Noite electoral carballiñesa de euforia na sede do Partido Popular, emocións encontradas entre a militancia de AGE, e desolación entre BNG e socialistas.

O "efecto" Pachi non funcionou, e nin sendo Vázquez candidato á Presidencia da Xunta consiguen os socialistas gañar ao Partido Popular nunha eleccións autonómicas no Carballiño, tampouco en ningún concello da comarca, nin xiquera en Maside e Piñor, onde os socialistas obstentan o goberno do concello. Aínda que no PsdG carballiñés eran conscientes das adversas perpectivas electorais, non se esperaban un castigo tan grande como o que sufriron no ámbito galego, tampouco na comarca o resultado foi o esperado. En relación ás útlimas autonómicas o PSOE perde case catro puntos no Carballiño.

A outra cara da moeda estaba na sede do Partido Popular, onde a alegría se desbordaba por momentos tanto polos resultados a nivel autonómico como en clave local e comarcal. Os populares están especialmente satisfeitos do resultado no municipio do Carballiño, onde se extrapolamos o resultado destas eleccións a unhas teóricas municipais o Partido Popular mantería a maioría absoluta. Os populares melloran no Carballiño 5 puntos en relación ás autonómicas de 2009.

Alternativa Galega de Esquerdas situase como terceira forza política do municipio carballiñés tras estas eleccións autonómicas, aínda que superando tan só simbolicamente ao BNG por 7 votos.

No concello do Carballiño o Partido Popular acadou 3.735 votos, o PSdG 2.857, AGE 430, e BNG 423. A abstención foi do 30,06%, case 4 puntos máis en relación ás autonómicas de 2009.

O IRIXO

A polémica sobre a incineradora non parece pasar factura ao Partido Popular, que consigue neste municipio unha ampla maioria de votos, atá o 64,20%, fronte o 22,33% do PSdG e o 6,15 de AGE. En votos, 678 do PP, 233 de PSdG, e 85 de AGE.

MASIDE E PIÑOR

Nos dous concellos gobernados polos socialistas, éstes non consiguen parar a marea popular. EN PIñor os populares fanse co 50% do electorado (474 votos) e o PSdG obtén o respaldo do 39,(7% (378 votos). O BNG 41 e AGE 23.

En Maside, os populares quedanse co 47,91% do electorado (930 votos), e os socialistas có 40,59% (788 votos). AGE, con 76 sufraxios, tamén supera neste municipio ao BNG, que obtén 61.

AVIÓN E BEARIZ

O Partido Popular arrasa en ambos concellos outra convocatoria máis en ambos concellos. En Beariz consigue o 88% de votos (543) e o 87,54% en Avión (907).  Os demaís partidos repartense o resto, os socialistas apenas representan o 4% do voto escrutado.

SAN AMARO

No concello onde reside Pachi Vázquez, o candidato socialista foi votado polo 28,75% dos electores fronte ao 60% que o fixeron ao Partido Popular.

BOBORÁS

Os populares superan neste concello os resultados das autonómicas de 2009 ao acadar atá o 66,84% dos votos, daquéla fora o 64%. Os socialistas quedanse no 18,96%, e tamén neste municipio AGE situase como a terceira forza co 5,57% foronte ao 5,03 do BNG.

CEA E LEIRO

Tamén con amplas maiorias para o Partido Popular en ambos concellos, os útltimos en escrutarse ao 100%. En San Cristovo de Cea os populares fanse co 63,35% do electorado, o PSdG co 21,34% e o BNG conserva a 3ª posición co 9,32 de apoios. En leiro, O PP obtén o 59,64% de voto válido, fronte ao 21,34% dos socialistas e o 9,32 do BNG, que tamén neste concello logra superar a AGE.