Os socialistas califican de "esperpéntica situación" a que vive a entidade supramunicipal e solicitan "de forma enérxica a disolución e o cesamento da súa actividade".

"Vimos denunciando desde fai anos un funcionamento que lonxe de buscar a eficacia na prestación de servizos aos seus membros, derivou  nun nicho de favores para concelleiros do PP, cando non familiares ou simpatizantes, que entraron a traballar neste organismo a través de contratacións a dedo", afirmou Guillermo Dopazo.

O Secretario da Agrupación Comarcal do PSdG fixo referencia ao abandono dos concellos gobernados polo Partido Popular, O Irixo e San Amaro os últimos en facélo "que deixa en evidencia a esta institución supramunicipal e ven a confirmar o que desde fai tempo vimos denunciando".

Dopazo recordou que "o concello do Carballiño, cando contaba cun goberno serio e preocupado de verdade polo bo goberno da vila, xa abandonou esta institución no ano 2004, e daquela os argumentos foron os mesmos que agora dan os alcaldes do Partido Popular, o excesivo gasto e o seu nefasto reparto".

Finalmente, consideran os socialistas unha "paradoxa que o alcalde do Carballiño anunciase que o vindeiro 1 de xaneiro este concello volverá a formar parte da Mancomunidade, outra demostración máis da súa falta de visión política".

A muller presentouse nas dependencias municipais "coa idea de non abandonalas e pemanecer en folga de fame ata que se entere España enteira e mentres non solucionen o problema".

Lidia Duro, de 75 anos de idade, afirma que en reiteradas ocasións ven advertindo aos responsables municipais desta problemática "a finca sigue sen limpar e a vivenda corre perigo, como ocorreu o 15 de setembro cando se rexistrou un incendio forestal que de non ser polos 3 camións de bombeiros que viñeron, ardía todo, a nós dixeronos no catastro que a finca non tiña dono coñecido e que tiña que ser o Alcalde quen nos solucionese esto, pero non acaban de facélo", manifestou.  A muller considera que o concello é responable da situación e que a súa vivenda está en perigo de orixinarse un lume na zona, xa que o terreo continúa sen desbrozarse.

O Alcalde, Argimiro Marnotes, explicou que desde o concello "temos feito todo o posible para atender esta denuncia, estamos facilitandolle información diaria a esta familia, o que sucede é que neste caso atopámonos cun titular da finca recentemente falecido, e tras as xestiós feitas xa están localizados e notificados os 2 propietarios das parcelas afectadas, teñen 15 dias para desbrozar e limpar, e ata que se cumpla ese prazo o concello non pode entrar nas fincas, porque estariamos delinquindo".

Marnotes salientou que agás casos puntuais a maioria dos veciños cumplen coa normativa "unhas 1.500 fincas foron este ano desbrozadas polos seus propietarios en todo o ámbito municipal, é un dato importante porque nunca antes se desbrozara tanta superficie como este ano", subliñou.

Recordan que o SERGAS ven de licitar nos útlimos dias´"algúns centros de saúde que o goberno galego se comprometera a construir nesta lexislatura" entre os que non está o do Carballiño.

Desde a Agrupación Local do PSdG manifestan  que a construcción dun novo centro de saúde no Carballiño fora "un proxecto anunciado no seu dia polo Alcalde do Carballiño" e mesmo recordan "a promesa que fixera a Conselleira de Sanidade Pilar Farjas na súa visita electoral a O Carballiño en plena campña electoral nas pasadas eleccións municipais cando se aseguraba que este concello contaría cun novo centro de saúde neste ano 2012".

Os socialistas carballiñeses critican que o proxecto anunciado no programa electoral do Partido Popular de centralizar os servizos de transporte de viaxeiros, trasladando á estación de ferrocarril a de autobuses, onde se ubicaría o novo centro de saúde, fose "unha farsa política ás que nos tivo acostumados o Sr. Feijóo, e como outras tantas promesas para este concello, o goberno do Partido Popular e o seu presidente non investiron nada do prometido", remarcan.

O salón de actos da casa do concello do irixo acolleu o primeiro acto celebrado na comarca pola Alternativa Galega de Esquerda, unha das candidaturas que concorren as eleccións galegas.

No acto falaron, ante medio centenar de persoas, Carmen Iglesias, Jon Sáez e o número 1 na candidatura pola provincia David Fernández Calviño, que foron presentados por Andrés Fernández, veciño do Carballiño e membro da candidatura da AGE.

Non foi casual que a candidatura elixise O Irixo para a súa presentación "porque no Irixo estivemos loitando activamente contra a incineradora, porque aquí seguimos para non permitir a instalación dunha macroplanta incineradora".

A Alternativa Galega de Esquerda presentou o seu modelo de xestión de residuos "que está baseado nun modelo descentralizado, de reciclaxe e reducción".

Os candidatos incidiron de maneira especial na problemática da despoboación do rural "consecuencia da desaparación do agro galego, do noso sector primario, que está a ser desmantelado polo goberno do Partido Popular que dirixe Feijóo; abocando á mocidade a emigrar igual que antes tiveron que facer os seus pais, nais e avós porque no rural non hai traballo nin futuro", recalcaron.

O momento emotivo do acto estivo no recordo polo pasamento de Xosé Mejuto "histórico militante do Irixo que durante tantos anos traballo a prol do concello do Irixo".

Un gol na segunda parte valeu ao Gondomar para levarse os 3 puntos de Espiñedo ante un Arenteiro que continúa indo a menos nesta liga, na que os carballiñeses parecen decididos a instalarse en zona de descenso.

C.D. Arenteiro: Macía, Carlos Escudero, Xurxo, Dabarca, Tazos ( Marcos Sotelo, m. 45 ), Gabriel ( Bardelás, m.75 ), Iago, Roberto Dacosta, Cancelas ( David Soares, m. 45), Iglesias e Javi López ( Manuel, m. 75).

Goles:

0-1. Minuto 66 de partido, tiro cruzado desde o borde da área grande que bate a Macia.

Comentario: Outro mal partido do Arenteiro que xenerou unha única ocasión de gol en toda a tarde, no minuto 42 cando Javi López se plantou so ante o meta visitante, pero éste arrrebatoulle o balón nunha magnífica interevención. Na primeira parte o Arenteiro xogou a empuxós esporádicos sobre a área rival, na segunda metade nin xiquera eso, os carballiñeses desapareceron do partido, que controlou en todo momento o Gondomar.

A finais da pasada semana os gobernantes municipais reunianse cos responsables de Aquagest para encargarlle un proxecto para a reposición integral da rede de tuberias nesta rúa.

A decisión de acometer un proxecto de renovación da rede chega despois de numerosas roturas das tuberias, unha problemática que ven desde fai tempo, aínda que nas útlimas semanas as averías foron de tal magnitude que afectaron a establecementos comerciais e sotos de edificios, con danos bastante considerables. Ademáis, as averias motivan o corte no suministro de auga aos usuarios da zona e tamén teñen incidencia no tráfico, xa que a rúa cerrase á circulación de vehículos.

Esta última rotura incluso pudo provocar posibles danos estructurais nun edificio, de feito os propietarios levantaron acta notarial sobre esta incidencia, ao observarse que a riada de auga pudo afectar á base da edificiación.

O matrimonio, que é titular dunha empresa que realiza traballos forestais, declarou durante 2 horas ante a Xuíza, que decretou a súa liberdade sen fianza, e cos cargos de suborno e tráfico de influencias.

Tras o seu arresto no Carballiño onde teñen o seu domicilio habitual, aínda que o home é veciño natural do municiipio do Piñor, chegaron ao xulgado en coches separados, tras pasar as últimas 24 horas en dependencias policiais.

A sociedade familiar que está sendo investigada no marco da operación Pokémon contra a corrupción, desenvolve a súa actividade en labores de desbroce, plantacións, movementos de terra e saneamento. Desde fai anos, ven realizando traballos a distintos concellos e outras entidades da adiminstracción pública, mediante a adxudicación de contratos.

O Grupo de Goberno do Partido Popular do Concello do Irixo decide abandonar a Mancomunidade do Carballiño.

A decisión foi comunicada e aprobada no pleno  municipal deste municipio, tras unha proposta presentada polo Partido Popular, que conta con 8 dos 9 concelleiros que integran a corporación deste concello, o acordo colleu de sopresa ao único concelleiro da oposición, o socialista Javier Rodríguez.

O acordo plenario recolle que o Concello do Irixo causará baixa na Mancomunidade de Concellos do Carballiño, que preside o Alcalde de Beariz, con data do vindeiro 1 de xaneiro de 2013. O Alcalde, Manuel Penedo, xustificou esta decisión no alto coste que ten para o municipio os servizos que recibe da entidade intermunicipal.

Tras a retirada do Irixo, tan so 4 concellos continuarán na Mancomunidade, os de Beariz, San Amaro, San Cristovo de Cea e Boborás.

A Consellería de Economía e Industria iniciou un  procedemento administrativo á empresa Estela Eólica debido ao incumprimento dos compromisos fixados no seu plan industrial asociado para a construción dun complexo de xestión de residuos.

No mes de Decembro de 2011 o Conselleiro de Medio Ambiente dera a coñecer que o municipio elixido era O Irixo, para ubicar a planta de tratamento do lixo para o sur de Galicia, unha ubicación e un proxecto industrial que xerou o rexeitamento de amplos sectores da poboación comarcal.

"A non xustificación dos investimentos requiridos nos prazos previstos, dentro da tramitación do concurso eólico, así como a non creación dos postos de traballo fixados ante a Comisión de Seguimento dos Plans Industriais, levou á comisión, seguindo a normativa relativa ao concurso, á apertura dun expediente por incumprimento", pon de manifesto a Consellería por medio dun comunicado informativo publicado na páxina web da Xunta de Galicia

Agora, iníciase un prazo de presentación de alegacións por parte da empresa e unha posterior fase de análise das mesmas por parte dos técnicos da Comisión de Seguimento na que se determinarán as medidas a tomar, según informa a Xunta de Galicia

O CONSELLEIRO DE MEDIO AMBIENTE ANUNCIA QUE SE OPTA POLA AMPLIACIÓN DE SOGAMA

O Titular de Medio Ambiente, Agustín Hernández, aproveitou unha comparecencia co Alcalde do Carballiño, no que se daba conta da sinatura do convenio para as obras de urbanización na contorna da Veracruz, para anunciar que - independientemente do expediente aberto a Estéla Eólica por parte da Consellería de Industria- a Xunta procederá á modifícación do Plan de Residuos Sólidos Urbanos de Galicia, que contemplaba a instalación dunha planta incineradora no sur de Galicia.

No seu lugar, a Xunta aposta pola ampliación das instalacións de SOGAMA en Cerceda, asegurou o Conselleiro de Medio Ambiente, Territorio e Infraestructuras.

O lume que se lle imputa tivo lugar na parroquia de San Xoán Laxas, no concello  de Boborás, o día 19 de setembro.

Resultaron queimados 3.000 metros cadrados de monte arborado e outros 3.000 metros cadrados de monte raso, según os datos facilitados pola Policia Autonómica, que deu conta da detención dun home, como presunto autor do lume.

O incendio produciuse, segundo as investigacións, nun camiño sito nunha zona forestal e as lapas estenderonse rapidamente pola contorna. Por estes feitos, foron tramitadas dilixencias que foron remitidas ao Xulgado de Instrución do Carballiño