A Casa do Concello de Boborás acolleu a reunión do xurado que fallou a XXVII edición do premio literario Antón Losada Diéguez, ao que este ano concurriron 16 obras na modalidade de ensaio e investigación, e 18 no apartado de creación literaria.

Xesús Alonso Montero mereceu o recoñecemento do xurado pola súa obra "Anibal Otero. Lingüistica e política", na modalidade de ensaio e investigación. Agustín Fernández Paz é o gañador do apartado de creación literaria coa súa obra "Non hai noite tan longa´". As publicacións gañadoras repartense un premio de 6.000 euros.

A entrega dos premios, que convocan os concellos de Boborás e O Carballiño, será o vindeiro 9 de xuño no transcurso dun acto que se celebrará no Pazo da familia Losada Diéguez, na localidade bobarense de Moldes.

CREACIÓN LITERARIA

Por parte dos membros do Xurado analízanse todas e cada unha das obras que se incluíron no campo de Creación Literaria e como resultado do estudo e deliberación resulta premiada por unanimidade o libro “Non hai noite tan longa” do autor Agustín Fernández Paz e da editorial Xerais.

En este caso o xurado destacou que se trata dunha obra narrativa impecable que indaga na conciencia nacional e nos reconcilia coa nosa memoria. Inciden en que se nota a madurez do autor e que foi unha obra que chegou a todo tipo de públicos.

INVESTIGACIÓN E ENSAIO

Neste caso tamén resulta premiada e por unanimidade  a obra “Anibal Otero. Lingüística e política” do autor Xesús Alonso Montero e da editorial Xerais.

O xurado valorou neste caso que é unha obra que rescata unha figura moi significativa do que foi a cultura galega do século XX. O investigador, Xesús Alonso Montero,  manexa unha grande riqueza de fondos documentais, poñendo de manifesto a súa familiaridade coas circunstancias históricas que marcaron as vidas de intelectuais e investigadores galegos na guerra e inmediata posguerra.

O Portavoz do grupo muncipal socialista considera que o primeiro ano de goberno popular no concello carballiñés serviu para "que se incrementasen taxas e impostos" e tamén para que as políticas do Partido Popular provocasen "unha puñalada á comarca do Carballiño".

Paco Fumega referíuse expresamente "ao decreto de paralización das enerxias renovables do goberno de Madrid motivando que un dos focos fundamentais do noso polígono industrial  como é o sector eólico estea pasando un momento difícil". Non foi a única mención que fixo o portavoz socialista a área industrial do Carballiño, afirmando que "no plan sectorial de ordenación das áreas empresariais da Comunidade Autónoma Galega, a comarca do Carballiño queda totalmente excluida da posiblidade de crear solo industrial"

Fixeron especial fincapé os socialistas na perda de postos de traballo durante o primeiro ano de mandato municipal do Partido Popular no concello carballiñés "cando no programa electoral se recolle a dotación de fondos para o emprego, e non vemos ningunha inicitava que permita albiscar que se está traballando nesa liña, e lamentablemente cada dia son máis os S.O.S de familias desesperadas pola súa situación que estamos recibindo no partido".

Fumega tamén lamentou a perda de postos de traballo no sector público e como exemplo puxo "a non apertura da residencia do Cornubal, onde se perderían 90 postos de traballo, cando no goberno bipartito fixerase daquéla un gran esforzo para dotar O Carballiño desta residencia, pola necesidade que hai de prazas, e ao mesmo tempp como unha aposta clara polo futuro e o desenvolvemento dun sector que está chamado a ser un elemento fundamental". Recordou tamén como no programa electoral do Partido Popular figuraba a apertura todo o ano da residencia de tempo libre "e tampouco eso se cumplíu", dixo.

Outro dos aspectos máis criticados polo portavoz socialista da xestión do Partido Popular foi o incremento dos prezos das taxas municipais e o IBI "o abstecemento de auga incrementouse un 4%, e asi seguirá a facerse atá o ano 2020, igual que as escolas deportivas que suben un 15%, a escola e teatro un 3,5% ou outros servizos de educación como o conservatorio, cun incremento do 20% anual, cando o Partido Popular o que prometera fora rebaixar a carga impositva", concluíu Fumega.

Representantes dos 4 sindicatos que forman parte do comité de empresa do persoal da Xefatura Territorial da Consellería de Traballo e Benestar concentraronse ás portas da residencia de maiores do Carballiño en sinal de protesta "pola amortización de 3 prazas de camareiras e limpadoras" neste centro.

Os representantes sindicais incidiron "no continuo recorte de servizos púlbicos  e de persoal por parte da consellería nesta provincia, co peche do centro de menores de Montealegre, e coa perda continua de postos de traballo".

Como exemplo desta política de recortes, o carballiñés Manuel Gallardo Canitrot, responsable de CIG-Administracción pública puxo de manifesto "o caso da non apertura da residencia de tempo libre do Carballiño, que permanece pechada e só se vai abrir 4 meses do ano, o que siñifica que se perdan outros 25 postos de traballo".

O representante do sindicato nacionalista tamén criticou o estado no que se atopan as novas instalacións da residencia de maiores do Cornuval "que costaron preto de 5 millóns de euros e permanecen pechadas, coa sospeita que temos que estemos ante unha nova privatización deste servizo". Manuel Gallardo suliñou que "esto é unha falta total de respecto na situación na que nos atopamos, na que desde a Xunta quere vendersenos que coa intalación na comarca da incineradora promoveríase a creación de moitos postos de traballo, cando coa apertura desta residencia crearianse 70 postos de traballo e ofreceríase atención a 90 persoas dependentes, e sen crear contaminación, remarcou.

A Asociación "Adro Novo" aplaude os cambios introducidos en relación ao polémico proxecto inicial, recoñece a labor feita polo goberno municipal do Partido Popular, pero demanda da Xunta de Galicia "unha solución definitiva para que se reanuden as obras".

Con data de 26 do pasado mes de xaneiro,  o Concello do Carballiño e o Bispado asinaron un documento no que se recolle o acordo das propostas consensuadas de modificación do proxecto. A representante do Bispado, Rita Alén, recordou en COPE O Carballiño que "nese acordo incluiuse a conservación da actúal zona axardinada e o muro de sillería existente, a reserva dunha zona para actos públicos na confluencia das rúas Canteiros e Antonio Palacios, o tratamento da parte norte con zonas axardinadas, asi como o uso peonil e supresión das beirarrúas na rúa de nova apertura entre Evaristo Vaamonde e Florentino Cuevillas, unificando os espazos verdes entre ambos lados".

No acordo reflictese, ademáis, a demolición do polémico muro de formigón que se construíu, e por parte do Bispado autorizase ao Concello do Carballiño "a ocupación dos terreos a fin de continuar e rematar as obras do entorno da Veracruz".

O Alcalde do Carballiño, Argimiro Marnotes, manifestou que "toda esta documentación xa foi trasladada á consellería e constanos que se están dando pasos importantes, o máis seguro é que os redactores do proxecto renuncien ao mesmo, e eso vai facilitar moito todo o proceso, espero que nos próximos dias teñamos noticia ao respecto".

Asi o recoñecía nesta emisora de radio o Alcalde do Carballiño "aquí durante anos estivose decindo que se realizaban xestións para conseguir a declaración de interese internacional e resulta que aínda non temos a declaración de interese nacional".

Marnotes confesou a súa sorpresa "cando nos puxemos, vemos como o único distintivo que ten a festa é de interese turístico, que é un distintivo autonómico que concede a Xunta de Galicia, e o problema que se nos presenta agora é que para acadar a distinción internacional terán que pasar unhos anos, porque antes aínda terémos que solicitar a declaración de festa de interese turistico nacional".

En efecto, para optar ao recoñecemento internacional terán que pasar ao menos cinco anos, ademáis de cumplir con outros requisitos, entre os que se valora o arraigamento popular, a antigüidade e continuidade, a repercusión nos medios de comunicación e os aloxamentos e servizos turísticos existentes nun entorno de 50 kilómentros. Non parece que a festa gastronómica carballiñesesa teña dificultades para aspirar á concesión de esa distinción internacional, non obstante, antes deberá conseguir a concesión de festa de interese turístico nacional.

O Alcalde do Carballiño anunciou que "no próximo pleno que celebremos imos xa tratar de poder tomar o acordo da corporación para aprobar o expediente da solicitude e trasladar o mesmo ó Ministerio correspondente".

O grupo municipal do PP Piñor "alerta das prácticas discriminatorias que utiliza habitualmente o alcalde socialista deste municipio, negando servicios básicos a veciños en función da súa vinculación política".

Un claro exemplo que exponen os populares é o de Sonia Muñoz Vázquez, propietaria do coñecido restaurante “Ateneo”, un dos máis frecuentados na N-525 cara Santiago, todo un referente no sector. Segundo o grupo municipal do PP en Piñor, esta veciña leva meses solicitando telefónicamente en reiteradas ocasións que lle reparasen ou substituísen os contedores de lixo que dan servicio ao seu restaurante, xa que se atopan rotos e seriamente deteriorados.

 Tal e como manifesta a propietaria do local "o deterioro dos contedores provoca que o lixo caiga constantemente ao chan, provocando non só unha mala imaxe cara os seus clientes, senón as consecuentes molestias hixiénicas que esto supón". Os populares lembran que esta veciña, ao non ver solucionadas as súas queixas telefónicas, presentou un escrito no Concello de Piñor en novembro de 2011, sen que ata o de agora recibise resposta algunha.

 Tanto os concelleiros populares como a veciña afectada atribúen esta discriminación por parte do alcalde á vinculación de Sonia Muñoz Vázquez ao Partido Popular, xa que esta formou parte da candidatura popular nas pasadas eleccións municipais, cun axustado resultado entre os partidos maioritarios.

O movemento social contra a contrucción dunha planta incineradora de residuos continua programando actos de protesta, o próximo terá lugar o vindeiro domingo 22 de abril, e desta vez a convocatoria será na vila de Lalín.

Tras a celebración este pasado sábado do festival-protesta na carballeira do Campo, no Irixo, organizado pola Coordenadora Veciñal Incineradora no Irixo Non, estaba previsto un novo festival musical para este vindeiro sábado dia 21 en Lalín, non obstante a dificultade para contar cun local apropiado para a súa celebración, motivou a renuncia a súa organización. No celebrado este pasado sábado no Irixo, as desapacibles condicións meteorolóxicas, o frio e a choiva influiron negativamente na asistencia de público, que foi moito menos do que se esperaba.

No seu lugar, a Asociación Medioambiental Incineradora no Deza Non convoca unha unha nova manifestación "contra a pretensión da Xunta de Galicia de contrucción dunha planta incineradora de resíduos", que terá lugar este próximo domingo dia 22 de abril ás 12 da mañá. O lugar de concentración e saída da protesta será desde a rúa da Habana, diante do Concello de Lalín.

O mellor do partido foi o resultado favorable, que de novo sitúa ao Arenteiro na senda das victorias, un gol en cada periodo que dan aos carballiñeses 3 puntos vitais na loita polo ascenso.

E cando decimos que o mellor ante o C.D.Velle foi o 2-0, tamén estamos concluindo que o Arenteiro volveu  a xogar un partido moi gris ante a súa afección, que en bó número volveu acudir a Espiñedo nunha tarde de ambiente invernal, cunha temperatura de apenas 7 graos.

A media hora de partido, e tras varios rexeitamentos sobre a portaría do C.D. Velle, Cancelas acertou a enviar o balón dentro da portería, abrindo o camiño da victoria carballiñesa, nunha primeira parte dominada polos carballiñeses aínda que sin grandes agobios para o porteiro visitante.

No segundo periodo o C.D. Velle foise para arriba en búsqueda do empate, dominando o partido, e cando mellor estaban xogando e máis dificultades tiña o Arenteiro para sacudirse do dominio visitante, chegaría o segundo local por medio de Iglesias, tras unha xogada na que o banquiño e os xogadores do C.D. Velle reclamaron ao árbitro que non pitase unha falta anterior, a xogada continuou e Iglesias colou o balón ao fondo da portería visitante cando xa transcorría o minuto 65 de partido.

Con esta victoria, os carballiñeses conservan a 2ª posición na táboa clasificatoria, aínda que por detrás a tan só 2 puntos Covadonga e Allariz siguen metendo presión, tras as súas respectivas victorias nesta xornada, mentres que o líder Nogueira -que perdeu precisamente có Covadonga- queda agora a 3 puntos dos carballiñeses.

"Como resposta social a aposta da Xunta de Galicia pola inceneración de residuos como modelo de negocio, e a sua intención de instalar unha Incineradora de RSU no Concello de O Irixo" convócase o sábado, 14 de abril  un festival protesta "para defender a Reducción, a Reciclaxe e a Reutilización de residuos e loitar contra a instalación de outra incineradora en Galicia", organizado pola Coordenadora Veciñal Incineradora no Irixo Non e a Asociación Musical 8 Notas do Carballiño.

As actuacións sucederanse dende as 13:30 ata a 1:45, hora a que dará comezo o último concerto. Contaráse con 2 escenarios nos que soará música para todas as idades, sortearanse lotes de productos artesáns e da terrra, haberá servizo de comida e bebida a prezos moi populares e tamén se intalará unha carpa ante as previsións de choiva.

O lugar onde se celebrará é unha carballeira centenaria situada a 3 minutos andando da estación de tren de Irixo, na cal ten lugar a festa da Parroquia do Campo (GPS pobo da Lama).

O Cartel de actuacións previstas é o seguinte:

-Serandeiros de Boborás.

- As Piconas do Irixo.

-Ce Orquestra Pantasma.

-Roberto Sobrado.

-Xosé Constenla e Andrés Fernández.

-Os Varacuncas.

-A Quenlla.

-Atake Skampe.

-Zënzar.

-Skarmento.

-Kambotes.

-A Banda Desarmada.

Asi o acredita a 1ª ondada de 2012 do "Estudio General de Medios" que ven de publicarse esta semana, que ademáis situa a COPE O Carballiño como a 2ª emisora con máis audiencia de radio convencial na provincia de Ourense en horario de mediodia, entre as 13 e 15 horas, incluidas as que emiten desde a capital provincial.

A diario, 7.000 oíntes sintonizan a programación local de COPE O Carballiño, tan só a emisora da Cadena SER en Ourense consigue un dato mellor en todo o ámbito provincial. Nas Comarcas do Carballiño e O Ribeiro, COPE O Carballiño consigue o mellor "share" da súa historia, ao acadar o 78% da audiencia das emisoras de radio das dúas Comarcas.

 No ámbito local, no Carballiño o "share´" diario chega ao 90%, é dicir, de cada 10 oíntes 9 sintonizan COPE O Carballiño, según pon de manifesto o EGM.