Un total de 18 traballadores do Concello Carballiñés recibiron nas últimas semanas a carta na que se lles comunica a extición do contrato laboral que mantiñan coa institución municipal, perdendo esa condición contratual a partir do 31 deste mes de decembro.

No transcurso dos últimos meses, e tralo cámbeo político no goberno municipal, foron moitas as conxeturas que se fixeron sobre o futuro da política laboral do Partido Popular. Non obstante, atá o de agora non se produciron apenas variacións na composición do cadro de persoal e funcionamento dos distintos departamentos municipais.

As primeiras novidades chegan agora co despedimento de 18 traballadores. Os departamentos afectados son o de Servizos Sociais, onde se prescinde de 7 traballadores adscritos ao servizo de axuda a domicilio. Os responsables municipais teñen previsto contratar a prestación deste servizo a unha empresa privada. Ademáis, comunicouselle a extinción do contrato a dous técnicos de medio ambiente e obras, 1 educador e 1 peón de limpeza. A lista de traballadores aos que remataba o contrato e non se lle renovará, ampliase a un informático, o Coordenador das escolas deportivas. o Xerente do Campig Municipal, un auxiliar administrativo, un monitor e unha limpadora. 

Cun marcado carácter lúdico e humorístico, no contexto da festividade dos Santos Inocentes, arredor de 150 persoas participaron na primeira convocatoria de protesta da Coordenadora Veciñal contra a instalación da incineradora.

Os manifestantes concentraronse a partir do mediodia na Praza do Concello da localidade, onde depositaron bolsas de lixo e representaron "o funeral polo concello do Irixo". Despois, dirixironse atá o domicilio do Alcalde Manuel Penedo ao que lle recordaron que "O Irixo está en loita, Penedo escoita" e "no Irixo non queremos lixo":

Desde a "Coordenadora Veciñal Incineradora no Irixo Non", o Portavoz da mesma, Alberto González, consideraba ao rematar a manifestación que "o acto de hoxe anunciámolo con tan só 4 dias de antelación e simplemente veu a xente co boca a boca, pero aínda asi veu moita xente, calculamos que máis de 150 persoas, tranquilamente aquí reunironse 200 persoas e para un Concello pequeno como O Irixo é unha participación moi alta", suliñou.

CHEO NA CASA DA CULTURA DO CARBALLIÑO

A Casa da cultura do Carballiño rexistrou un cheo no seu aforo para escoitar os especialistas traidos a este acto pola "Plataforma Incineradora Non".

Na disertación participaron, Serafín González Prieto, biólogo e membro da Sociedade Galega de Historia Natural e Anxo Saborido, da Federación Ecoloxista Galega. Os técnicos confirmaron que “non hai razóns técnicas, nin económicas, nin enerxéticas, nin loxísticas, nin ambientais para instalar unha incineradora no término municipal do Irixo”. Ambos insistiron en que o modelo de Sogama, é un erro, e que xa no ano 1997 a SGHN afirmaba que a incineración para o tratamento de residuos non era a máis axeitada.

Durante a súa intervención, o biólogo Serafín González, sinalou que o Irixo está afastado dos principais centros de produción de lixo no Sur de Galicia, concretando as distancias por ferrocarril (entre 140 e 180 quilómetros) e por estrada (entre 80 e 100 km). Ademais, lembrou que os residuos en Galicia Sur proceden entre o 70 e o 75% da provincia de Pontevedra, e o 25-30% restante de Ourense, xa que ten “3 veces máis poboación, 4 veces máis industria e máis lixo por habitante que a provincia ourensá”.

Os técnicos lembraron que o Plan de Xestión de Residuos Urbanos alude á proximidade e suficiencia, xa que este favorece que a xestión dos residuos se faga en instalacións próximas ás zonas de xeración. Ademais incidiron en que o propio Plan recolle que “os custos relativos á xestión dos residuos terán que correr a cargo do produtor inicial de residuos”, situación que non se estará dando no caso do Irixo.

Ao final da charla, membros de distintos colectivos da comarca manifestaron a súa preocupación ante a instalación e posta en marcha da incineradora no Irixo, e confirmaron que seguirán fomentando accións conxuntas para facer chegar á Administración o desencanto de moitos cidadáns ante esta arbitraria decisión da Xunta  menosprezando os habitantes do interior de Galicia, rematando así coas posibilidades de desenvolvemento desta zona.

As Xociviga 2011 presentan un novo ciclo nesta derradeira semana do ano, desta vez dedicado ao cine galego de estrea.

Entre os días 28 e 30 de decembro poderanse ver no Carballiño 11 produccións diferentes distribuídas en 14 proxeccións que se levarán a cabo tanto no Auditorio como na Casa da Cultura, onde a entrada será libre. Tamén será gratuíta a gala de inauguración coa proxección de Sinbad,  o mércores 28  ás 23:00 horas no auditorio, contando coa presenza do director da película para a súa presentación. Farase outro pase o día 29 ás 18:00 horas adicado máis ao público infantil e xuvenil.

 A programación da Casa da Cultura está adicada ao cine documental, cun ciclo sobre a obra do director galego Lois Patiño, onde se proxectará una escolma da súa producción máis recente, contando coa súa presenza o día 28, mércores. O 29 proxectarase As silenciadas, con música en directo a cargo do compositor da banda sonora, Pilo Sierra, e coa asistencia do director Pablo Ces e a guionista, Aurora Marco. Pecharase a programación o venres 30 coa proxección de Non che doe?. Loreto Costa, a súa directora, falaranos da labor de axuda humanitaria e médica que leva a cabo Solidariedade galega e que se ve reflectida na película.

     No auditorio proxectaranase as últimas producción galegas, aparte da xa mencionada Sinbad. Tralas luces, presentada no último festival de San Sebastián con éxito de crítica e público contará o xoves pola noite coa presenza da súa directora, Sandra Sánchez. Tamén poderemos ver Anos despois, una producción galego-mexicana que aínda non se estreou comercialmente en España, dirixida pola neta do ourensán Carlos Velo, Laura Gárdos Velo. Por último Todos vós sodes capitáns, de Oliver Laxe, premiada no festival de Cannes do 2010, que todavía non se vira no Carballiño. As entradas terán un prezo de 4 euros para o Auditorio, excepto Sinbad, que como dixemos será de entrada gratuíta.

Os socialistas de Leiro alertan da necesaria reparación do pavimento da rúa Prado antes de que cause danos a peatóns ou mesmo provoque un accidente a algún vehículo. O Grupo Municipal Socialista presentou no pasado pleno unha moción pola vía de urxencia dada a situación de perigosidade que constitúe o al estado do pavimento da calzada desta rúa do casco urbán de Leiro.

O portavoz, Manuel Rodríguez, critica que “como de costume a moción non se chegou a debater ao ser rexeitada a súa urxencia polo propio alcalde, quen xa no seu día nos tildara de alarmistas nun medio de comunicación”. O edil socialista considera que gretas de máis de 30 centímetros nunha calzada que se está resquebraxando precisan de medidas urxente para evitar calquera tipo de accidente.

Neste sentido, Rodríguez lembra que “o Concello ten a obriga de manter e conservar as rúa públicas así como garantir a seguridade en lugares públicos”, polo que reclama unha solución, “tendo en conta ademais o superávit nas contas municipais das que fala o alcalde”. A rúa en cuestión linda cunha viña que os seus donos cultivan, e que poden sufrir danos dado o perigo de derrubamento cada vez maior.

As Comarcas do Carballiño e o O Ribeiro situaránse así entre as que máis poboación perderán nos próximos dez anos no conxunto galego, según revela un estudio feito público polo Instituto Galego de Estatística.

Calcúlase que o saldo vexetativo negativo acadará cifras dramáticas: no ano 2021 O Carballiño-O Ribeiro perderá o 13,3% da súa poboación actúal, esto é, arredor das 6 mil persoas. Dunha poboación actúal de 48.000 habitantes, quedarémos no 2021 nunha cifra no entorno dos 42.000.

Ademáis, outro danto certamente relevante, dentro da poboación intercomarcal do ano 2021, as persoas maiores de 85 anos representarán o 25% da poboación maior de 65 anos, é decir, que xa non só se falará de poboación envellecida, senón sobreenvellecida. A proxección apunta tamén a que o 36% do total da poboación intercormarcal superará os 65 anos de idade. Precisamente o envellecemento da poboación e as baixas taxas de natalidade son as causas que propiciarán na vindeira década esta dramática caida demográfica no conxunto das dúas comarcas

A nivel galego, o estudio reflicte que se perderá o 3, 2 por cento nos próximos dez anos. Por provincias, o IGE calcula que Lugo sufrirá a caída demográfica máis grande, que será do 7,5 por cento, seguida de Ourense, que perderá o 7 por cento da súa poboación, mentres que na Coruña e Pontevedra o descenso situaráse no 2,4 e 1,4 por cento, respectivamente.

A Coordenadora intensificará nos próximos dias a súa actividade convocando á veciñanza para que acuda a manifestación de protesta que terá lugar o vindeiro dia 7 de xaneiro, sábado, ás 4 da tarde. A manifestación partirá do lugar do Abanico e recorrerá a estrada Lalín-O Carballiño achegandose atá As Laxas, para rematar coa lectura dun manifesto na Praza do Concello do Irixo. Antes, este mércores dia 28 de decembro, ás 12 do mediodia, a Coordenadora Veciñal acudirá á Praza do Concello do Irixo, onde depositarán lixo e celebrarán unha concentración de marcado carácter lúdico, no dia dos Santos Inocentes.

Estas primeiras accións de protesta acordáronse no transcurso dunha reunión que se celebraba este pasado sábado no Centro Social da Parroquia de Loureiro, onde os membros da Coordenadora atoparonse " con que non había luz, chamamos a un electricista e pudo comprobar que alguén ordenou a Fenosa cortar o sumistro, parécenos unha medida moi rastrera por parte do Alcalde", manifestou Alberto González en declaracións a COPE O Carballiño.

Mentres, o Alcalde Manuel Penedo, explicou que esta incidencia debeuse a un trámite burocrático coa empresa suministradora tralos cámbeos feitos na instalación en todos os centros sociais, nos que se implantou un sistema de aforro enerxético financiado polo plan E "quen me coñece sabe que eu esas cousas nunca as fixen nin as faréi, ningúen nos avisou no Concello desta circustancia como fixeron noutros pobos, porque aquí o importante era facer daño da forma que se pudese e punto, e eu daño non llo desexo a ninguén",  suliñou o Alcalde do Irixo.

CHARLA INFORMATIVA NA CASA DA CULTURA DO CARBALLIÑO

A "Plataforma Incineradora Non" promovida no Carballiño polo PSdeG programaou para este martes dia 27 unha charla informativa "Sobre os efectos dunha posible incineradora na nosa Comarca". Celebraráse na Casa da Cultura do Carballiño ás 20,30 horas, e na mesma falarán Anxo Saborido, representante da Federación Ecxoloxista Galega, e Serafín González, biólogo e membro da Sociedade Galega de Historia Natural.

No intervalo de 9 dias, A Corporación Municipal do Carballiño será convocada dúas veces en sesión plenaria, según confirmou a esta emisora de radio o Alcalde Argimiro Marnotes.

A primeira convocatoria foi fixada para as 12 do mediodia deste próximo martes dia 27 de decembro, e na mesma  someteráse á aprobación do pleno o expediente relativo ás ordenanzas fiscais para o ano 2012, unha vez que rematou o prazo para a presentación de alegacións, procederáse á aprobación definitiva do documento.

A segunda convocatoria faráse para o xoves dia 5 de xaneiro de 2012, ese dia celebraráse o pleno ordinario do ano no que se debatirá  a instalación da planta incineradora no municipio do Irixo. Iniciamente, estaba prevista a convocatoria para o dia 3 de xaneiro , tal como solicitaran os socialistas trataríase dunha sesión extraordinaria, pero finalmente acordouse trasladar a petición á convocatoria ordinaria fixada para o primeiro xoves do mes. Tamén a Concelleira do BNG, Aúrea Francisco solicitara do Alcalde do Carballiño a convocatoria dun pleno extraordinario para tratar este mesmo asunto

A Corporación do Irixo aprobou, coa abstención do concelleiro do PSOE, o avance inicial do Plan Xeral de Ordenación Municipal do municipio. A esta sesión de pleno non acudiron dous concelleiros do Partido Popular, ún deles Manuel Cardedo Fernández que tería comunicado a súa decisión de demitir do cargo, ainda que" é unha decisión que non é definitiva", asegurou o Alcalde Manuel Penedo. Non obstante, o Portavoz Socialista Javier Rodríguez manifestou "que non é o único Concelleiro do Partido Popular que seguirá ese camiño".

No transcurso da sesión plenaria, de apenas 5 minutos de duración, o Concelleiro do PSOE recriminou ao Alcalde que se negase a tratar no pleno a ubicación no municipio da incineradora.

Antes e despois da celebración da sesión plenaria, un grupo de 50 persoas increparon ao Alcalde e 1º Tenente Alcalde, ós que fan responsables directos de esta decisión, coreando frases como "O Irixo desperta, os traidores madrugan" ou "non vos escondades, dade a cara". Despois, e sen que se rexistrasen incidencas reseñables, os manifestantes seguiron as súas protestas no entorno da Casa do Concello.

A loteria do nadal repartiu 900.000 euros entre os clientes do Bar Pascuas de Cea, no que se venderon 150 décimos do número 92.202, un dos quintos premios da tradicional loteria de nadal.

 Os décimos foron adquiridos na admistracción de loterias de O Barco de Valdeorras, e posteriormente vendidos entre a clientela do Bar, na súa gran maioria veciños do Concello de San Cristovo de Cea. Cada décimo obtén un premio de 6.000 euros, nada máis coñecerse a noticia xa comezou a celebración entre moitos dos afortunados no Bar Pascuas.

Centos de persoas rendiron hoxe unha homenaxe de despedida a Edelmiro Mateo Prado, un dos 7 feridos graves no incendio do pasado 12 de novembro, falecido este pasado lúns no hospital Povisa. A conducción desde os Velorios San Ramón e o funeral no Templo da Veracruz convertironse nunha masiva manifestación de despedida a quen foi durante 20 anos Concelleiro da Corporación Municipal do Carballiño,

Desde o pasado lúns, cando se instalou o velorio, sucederonse as mostras de condolencia á súa familia e ás 4 da tarde deste mércores 21 de decembro saíu a conducción, acompañada por varios centos de persoas, entre elas unha moi numerosa presenza do mundo da política.

Detrás do vehículo fúnebre,  os fillos do finado, José Edelmiro e Ramón Antonio, ós que acompañaban familiares e amigos, e moi preto o Ex-Alcalde e Secretario Xeral do PSdeGa Pachi Vázquez e a súa Dona Maria José Pérez, asi como o Alcalde do Carballiño Argimiro Marnotes, e numerosos concelleiros, alcaldes e ex-concelleiros, tanto do Carballiño como doutros concellos das comarcas do Ribeiro e  O Carballliño. Tamén se achegaron outros persoeiros´políticos,, como o Subdelgado do Goberno Camilo Ocampo e o Alcalde de Ourense, Francisco Rodríguez.

Tralo funeral celebrado no Templo da Veracruz, o cortexo fúnebre dirixíuse ó cemiterio da Parroquia de Xurenzás, da que era natural Edelmiro Mateo, onde recibiu sepultura e xa Descansa en Paz