O grupo de goberno do Partido Popular entende asi que non incrementará a presión fiscal sobre os cidadáns cara o ano que ven, ao conxelar o recibo da auga e ofrecer os contribuíntes a oportunidade de bonificar os recibos máis elevados, os que se pagan pola recollida do lixo,  circulación de vehículos e o IBI. Eso si, para obter ese premio deberán proceder á domiciliación bancaria dos pagos, se o fan beneficiaránse desa bonificación, que será polo mesmo importe do incremento que verán nos seus recibos os contribuíntes que non domicilien, en base o correspondente Indice de Prezos ó Consumo. 

Experimentarán un incremento as taxas por ocupación de vía pública, as terrazas, aínda que tanto BNG como PSOE consideran que este incremento non debería ser uniforme "porque non é o mesmo ter a terraza ó lado do cuartel da Garda Civil que no centro do pobo", dixo a portavoz nacionalista Aúrea Francisco, un argumento que tamén fixeron seu os socialistas.

Sí se verán incrementadas siñificativamente para o 2012 algunhas outras taxas, como as que se abonarán por "Bó Dia Familia" ou nas escolas deportivas. No primeiro caso os usuarios pasarán a pagar 30 euros ao mes en vez dos 20 que se pagaban ao ano, aínda que se contempla o coste cero para familias en situación de exclusión social, igual que nas taxas das escolas deportivas municipais, que pasan dos 55 euros que se pagaban aos 95 que deberán abonarse o ano que ven. O Grupo de Goberno xustificou este incremento polo alto deficit destas actividades, O Alcalde asegurou que malia este incremento, o Concello do Carballiño "ten unhas taxas moi por debaixo de concellos similiares, como os de Verín ou Lalín, que se moven entre os 120 e os 260 euros". Non foi da mesma opinión o Portavoz Socialista, para Paco Fumega "as subas son salvaxes nos asuntos que máis tocan á cidadanía" en relación os servizos de "Bó Dia Familia"- que calificou de despiadada- e as escolas deportivas municipais.

O Grupo de Goberno do Partido Popular sacou adiante a súa proposta recurrindo ao voto de calidade do Alcalde, toda vez que a esta sesión non asistíu o concelleiro de facenda Emilio Carballeda e a oposición votou en contra, o que motivou inicialmente un empate a 8 votos.

O Alcalde do Carballiño foi o encargado de abriu o mitín do Partido Popular no auditorio do Carballiño, primeiro que se celebra na localidade nesta campaña electoral,  que rexistrou un cheo total de público. Portando na man un libro de imaxes biográficas de Mariano Rajoy, Marnotes lembroulles aos presentes que "aquí están fotografias do Carballiño das que Mariano Rajoy falou con moito cariño, igual que cando xa estivo aquí entre nós coa muller que o cuidou de neno, recordando como foi aquí no Carballiño onde tivo o seu primeiro dia de escola, igual que fai pouco nos acompañaba na festa do pulpo, porque síntese veciño do Carballiño, porque nunhos dias un fillo e veciño ilustre do Carballiño será Presidente de España". Desta maneira recordaba Marnotes aqueles anos da infancia qie o Candidato do Partido Poipular pasou no Carballiño. Despois, o Alcalde referíase aos primeiros meses de goberno municipal  "o cámbeo que chegará a España xa chegou fai unhos meses O Carballiño, e xa melloramos a recollida do lixo, encargamos unha auditoria, estamos traballando para mellorar o transporte con Ourense, formando a 150 persoas en distintos cursos, e mañá mesmo -anunciou- aprobarémos no pleno da Corporación a conxelación da taxas municipais, como o recibo da auga, para o ano 2012"".

Despois, tomou a palabra o Presidente Provincial do Partido Popular, José Manuel Baltar, que comezou a súa intervención felicitando a Marnotes "por esa gran maioria absoluta lograda no Carballiño polo Partido Popular, e tamén temos por esos magníficos resultados en todos os concellos do partido xudicial do Carballiño". O Candidato nº 1 ao congreso pola provincia de Ourense, Celso Delgado, amosou a súa preocupación "polas 54 empresas do Carballiño e os moitos autónomos que desapareceron nos últimos 4 anos, e tamén me preocupan esos 1.239 traballadores en paro que hai no Carballiño", dixo.

O presidente do PPdeG, Alberto Núñez Feijóo, sinalou que no debate de mañá "estará con Rajoy a realidade dos españois e ao outro lado, o de Rubalcaba, o disimulo, os tópicos e a ciencia ficción, e dun lado estarán estes oito anos que podemos converter en pasado e doutro o futuro que precisamos".

 Segundo o líder do PPdeG, mañá escoitaremos no debate, na metade do tempo, verdades e realidades, e na outra metade de tempo  "unha película de ciencia ficción como a que nos contaron estes anos: carísima e cun elenco de excepción constituído por Zapatero, Rubalcaba e Blanco. Trátase, pois, da mesma película de ciencia ficción que contou o Goberno socialista mentres o que de verdade sucedía era un drama", enfatizou.

 Así se expresaba o líder do PPdeG no seu mitin carballiñés, onde engadía que "no debate de mañá seguramente os dun partido dirán unha cousa e os do outro, outra distinta, pero o que é seguro é que os cidadáns son os gañadores do debate de mañá porque por fin se tratará sobre o que durante catro anos se quixo negar; porque un e outro, aínda que de diferente xeito, coincidirán en que non se pode volver repetir un Goberno como o que temos vivido estes anos e, sobre todo, porque dentro de quince días todos poderemos votar polo cambio".

 O presidente do PPdeG apuntou que "non  é máis ciencia ficción o que precisa España senón verdades; non é intrigas o que se precisa senón certezas; non é amnesia senón sentido común; non é o pasado que non debemos volver repetir senón o futuro ao que debemos aspirar; non é un partido desorientado senón un Goberno; e non é un contacontos, senón un Presidente –coma Rajoy- que conte con todos".

O Ramirás chegou a Espiñedo co propósito de gañar o encontro e conseguíuno, cun plantexamento do partido moi valente, o Ramirás sacou a relucir as carencias que sigue amosando nesta liga o Arenteiro. Nin indo por diante no marcador os de Ramirás se botaron atrás, pola contra, seguiron practicando a súa proposta de fútbol ofensivo, e consegurion o seu obxetivo, levarse os 3 puntos en xogo.

 No primeiro minuto de partido xa se adiantaban no marcador os visitantes, aínda que logo chegaría a resposta do Arenteiro cunha combinación -das poucas desta primeira parte- que nacía nas botas de Canexón e culminaba dentro da área Marcos Sotelo, cumpliase o minuto 8 de partido, e parecía que o Arenteiro logo se faría co mando do encontro. Nada máis lonxe da realidade, porque apenas 7 minutos tardaría o Ramirás en volver situarse por diante no marcador, faciao por medio dun zurdazo que o seu lateral lanzaba desde as inmediacións da área que se colaba na portería carballiñesa. Aínda había moito partido por diante, pero o marcador sería xa inamovible. Durante toda esta primeira parte o Ramirás xogou máis e mellor, estivo moi ben posicionado no campo e xogando sen ningún tipo de complexo, multiplicando os seus efectivos cada vez que atacaban e replegando moi ben as súas liñas cando trataban de facélo os locais. Mentres, o Arenteiro era incapaz de aproximarse con perigo á portería visitante, o seu  recurso era enviar balóns aéreos a Iglesias, que pouco podía facer en solitario. 

 Xa no inicio do segundo periodo, os carballiñeses tiveron unha boa ocasión de empatar, pero o remate de Iglesias saíuse fora. Tras unhos minutos iniciais nos que parecía que o Arenteiro ía polo partido, o xogo volveu nivelarse atá o tramo final, cando o Arenteiro volveu apretar, con duas boas oportunidades que Marcos Sotelo e Iglesias non souberon aproveitar. Tralo pinchazo desta tarde, o Arenteiro perde fuelle nesta liga, e tras sumar unicamente un punto nos dous últimos partidos, situase fora de postos de ascenso.

Os feitos aconteceron pola mañá na localidade da Granxa, na carballiñesa parroquia de Seoane, dous individuos encapuchados accederon ao interior da vivenda de Dolores Bernárdez Rodríguez, de 69 anos de idade,  obligarona a subir á planta de arriba da casa  e -según manifestaciós da propia víctima a esta emisora de radio- a punta de pistola, agredirona, e tras amordazala, procederon a atála a unha silla da cociña. Posteriormente, os  individuos forzaron cunha radial unha caixa forte, que estaba baleira, sen xoias nin diñeiro, apropiandose unicamente dun teléfono móbil e dous reloxios

A victima permaneceu atada atá que unha veciña advertíu que as portas da casa estaban abertas, extrañada por esta circustancia, e tras chamar varias veces e non obter resposta, decidíu entrar na vivenda, atopandose coa muller atada e amordazada. Os feitos xa foron postos en coñecemento da Garda Civil do Carballiño, que investiga o suceso.

A iniciativa foi presentada polo Alcalde Argimiro Marnotes, e o primeiro paso será unha enquisa que se fará entre a veciñanza para determinar as necesidades e preferencias da poboación "no próximo mes faráse unha sondaxe no Carballiño e Ourense preguntado cales son os mellores horarios e os destinos que a xente do Carballiño necesita en Ourense, preguntaráse pola frecuencia das viaxes e tamén o motivo do desplazamento", explicou o Rexidor Municipal.

En base a ese estudio, para o que se farán unhas 300 enquisas, un traballo encargado a 3 estudiantes de cencias políticas que realizan prácticas no Concello do Carballiño, trasladaráse unha petición de mellora do servizo á empresa concesionaria, entendendo que "Monbus non está a facer o servizo que ten fixado na concesión da Xunta de Galicia, teñen contratados unhos servizos que na actualidade non están a facer", dixo Marnotes.

O Alcalde do Carballiño tamén anunciou que "se esto non se consigue con Monbus nun tempo razonable, o Concello do Carballiño está en condicións de crear un servizo propio de transportes coa cidade de Ourense". Sería entón cando o propio concello promovería un convenio coas empresas locais para poñer en marcha este servizo público de autobús entre O Carballiño e Ourense, que se regularía a través dunha nova taxa municipal.

O Alcalde de Leiro, Francisco José Fernández, manifestou en COPE a "a alegria que sentín ó coñecer esta noticia, non é que desconfiase de quen tiña comprometida a súa palabra, pero agora xa está no papel, e eso asegura que este proxecto vai para adiante". Fernández espera que "nos primeiros 4 meses do ano que ven debería xa procederse a licitación da obra", que inclúe ademáis do proxecto museístico a rehabilitación da edificación anexa ao mosteiro de San Clodio.

O investimento previsto, e para o que o Decrreto Lei dos Orzamentos da Xunta para o ano 2012, fixan unha partida presupostaria de 971.000 euros, terá como obxeto a creación do "Espazo dos Sentidos do Viño", e según a memoria do proxecto, consistirá "nun espazo das emocións que produce o viño, e no que se tratará de mergullar aos visitantes no fascinante mundo das percepcións sensitivas que ofrece, artellaráse como un percorrido conceptual e de aproximación sensorial ao mundo do viño".

NOVA ETAP PARA O MUNICIPIO DE LEIRO

O Rexidor Municipal tamén confirmou a esta emisora de radio a próxima construcción dunha nova Estación de Tratamento de Auga Potable  "unha vez que a obra xa foi adxudicada pola Xunta á empresa EXTRACO", a nova infraestructura, para a que se destinou un investimento de 236.000 euros por parte da Consellería de Medio Ambiente, Territorio e Infraesctructuras, posibilitará mellorar o abastecemento de auga á vila de Leiro, e tamén a algunhas outras localidades do municipio de Leiro.

O Arenteiro volveu ofrecer fora de Espiñedo a súa pior versión nesta liga, igual que 15 dias atrás en Taboadela, os carballiñeses volveron xogar un lamentable partido, desta vez no campo dos Carrís, ante a S.D. Valenzá. A diferencia entre aquél e este partdo foi que de esta vez o Arenteiro contou coa sorte ao seu favor, e tamén porque os locais fallaron varias ocasións de gol, ún par delas  moi claras, unha delas a porteria valeira, e outra como consecuencia dunha falta lanzada sobre a área carballiñesa, atá 3 dianteiros da S.D.Valenzá viron pasar por diante un balón que ningún deles acertou a rematar, indose directamente fora de portería. Ainda no primeiro periodo os da Valenzá enviaron un disparo desde fora da área que foi pegar na cruceta da porteria defendida por Pachi. O Arenteiro non era capaz de entrar no partido e o único que parecía querer ganalo era a S.D. Valenzá.

Xa na reaunudación, chegarían os dous goles do partido. Aos 8 minutos adiantabanse os locais nun balón que cun bote envenenado nin a defensa nin o porteiro carballiñeses lograron atallar e introdúcese no fondo da porteria, apenas unhos minutos despois, cando se xogaba o minuto 15 desta segunda parte empataba o  Arenteiro. Marcos Sotelo facíase cun balón, íase pola banda esquerda para sacar un centro raso que Iglesias rematou tal como viña, logrando unha igualada no marcador que xa non se movería atá o final.

Non mereceu máis este Arenteiro, acaso o punto obtido esta tarde pode considerarse un premio excesivo para o feito no campo dos Carrís, que foi moi pouco, e se gañou un punto foi porque os dianteiros da Valenzá non tiveron a súa tarde. Mentres, os carballiñeses tiveron hoxe unha altísima efectividade, xa que rentabilizaron a única ocasión que tiveron en practicamente todo o partido. Por quedarnos con algo positivo, farémolo co regreso ao equipo de Takón, que xogou o último tramo do partido, asi como de César, recuperado da súa lesión. Tamén é de xustiza salientar o traballo de Luis Vilachá no medio campo.

 A segunda parte xogouse con lúz artificial, cunha iluminación  deficiente. e bastantes afeccionados do Arenteiro na grada, que regresaron ao Carballiño decepcionados con este Arenteiro, malia sumar un punto.

A Corporación Municipal de San Amaro, cos votos do Partido Popular, ven de aprobar a cesión indefinida á xunta de Galicia dos terreos municipais nos que se construíu o "Centro de Interpretación da Cultura Castrexa", o Alcalde Ernesto Pérez explicou este acordo "como necesario e para completar a tramitación que esixían os servizos xurídicos da Xunta para proceder xa a rematar todos os pasos precisos para proceder a apertura das instalacións".

Non o entenden asi os socialistas ao advertír que o Alcalde de San Amaro "presentouse ante o pleno co incríble propósito de regalarlle á Xunta de Galicia, e sen ningún tipo de contraprestación, o Parque Castrexo de San Cibrao das Lás, e recalcamos o feito de que a cámbeo de perder a nosa principal referencia cultural e histórica, asi como unha das potenciais fontes de ingresos dos que dispomos, San Amaro non vai recibir  nada máis que seguramente unha palmada por parte dos seus xefes de Santiago", apuntan desde a Agrupación Local do PSOE de San Amaro.

Axentes da Garda Civil do Carballiño levaron presas a dúas persoas ás que lle imputa varios delitos de roubo de maquinaria industrial, dentro da denominada "Operación Pala", na que se recuperou diverso material e procedeuse a incautar un rifle ilegal do calibre 5,6 mm.

A operación da Garda Civil púxose en marcha tras varias denuncias formuladas nas provincias de Ourense e Pontevedra por empresas dedicadas ao aluguer de maquinaria industrial para a realización de obras, desde ese momento, a área de investigación da Garda Civil do Carballiño levou a cabo un dispositivo que supuxo a desarticulación desta organización dedicada á sustracción e posterior  posta no mercado negro deste tipo de maquinaria, de forma ilícita. 

Os dous detidos son F.G.H., nacido en 1976, natural de Piñor e con veciñanza na actualidade en Ourense, e A.G.F., nacido en 1948 e veciño do Carballiño. Ambos, según o relato da Garda Civil, alugaban ferramentas de obra, tales como martelos eléctricos, grupos electróxenos, mini excavadoras, para posteriormente vendelas a particulares nun establecemento clandestino sito no Carballiño, tras haber manipulado previamente os números de série e demáis marcas identificativas das diferentes empresas de aluguer, chegando incluso a intercambear pezas e compoñentes entre as máquinas, para difucultar o seu recoñecemento.

A operación continúa aberta, e non se descartan novas detencións, tendo en conta as investigacións feitas atá o momento, según información facilitada pola propia Garda Civil do Carballiño.

Un lume provocado por un raio destruíu por completo o galpón do circuíto de trial da Pedriña, no municipio do Irixo, acontecía sobre as 10 da noite deste pasado mércores e coincidindo a esa hora cunha treboada que descargaba abundante aparello eléctrico. Todo o material almacenado no interior do galpón, incluido un tractor utilizado polo seu propietario, Raúl López, para traballos de mantemento do circuíto, quedaron destruídos tralo incendio. Malia esta adversidade, a organización do campionato galego de trial 4x4 mantén a celebración desta proba, estes vindeiros sábado e domingo, neste mesmo escenario, no circuíto de trial da Pedriña.