Tras un cruce de acusacións entre Goberno Municipal e oposición, culpandose mutuamente de facer unha utilización política e partidista da polémica sobre o muro de contención da nova praza da Veracruz, o Partido Popular anuncia agora unha reunión para o vindeiro dia 15 ás 12 da mañá á que asistirá a Secretaria Xeral de Ordenación do Territorio e Urbanismo e co obxetivo de buscar unha solución técnica más axeitada que poña fin a esta polémica pola construcción do muro, tal como veñen demandando amplos sectores da cidadanía carballiñesa. A esta reunión tamén se espera que asistan os responsables municipais do Carballiño, técnicos relacionados có proxecto e a empresa construtora, asi como outros axentes sociais que viñeron manifestando a súa preocupación por esta problemática.

O Partido Popular manifestou por medio do seu portavoz Argimiro Marnotes que " a Xunta  personase coa firme intención de buscar unha solución de consenso, dado que o Concello desvelase incapaz de propoñer unha alternativa, asunto que nos preocupa, que un Concello de 14.000 habitantes non teña capacidade para plasmar una proposta técnica, cando o departamento de obras conta con bós profesionais". Marnotes tamén dixo que o Partido Popular do Carballiño xa transmitíu a propia Secretaria Xeral que "a mellor solución sería a adoptada no outro lado da praza, ou sexa, un talude vexetal e máis atrás un pequeno muro atá acadar a cota da praza".

A empresa adxudicataria terá un prazo de dous meses e medios para a execución do proxecto, os traballos darán inicio á volta das festas do Setembro, a partir do vindeiro dia 20. Consistirán na construcción da rotonda definitiva no cruce da casa azul, finalmente decidiuse conservar o carballo -como árbore representativa do Carballiño- e ademáis, según adiantoou o Concelleiro de Obras e Ubanismo está previsto ubicar neste espazo o monumento ás polbeiras de Arcos. Manuel Amil tamén asegurou que se conservarán os aparcamentos para vehículos en bateria na rúa Francisco Castelló, xa existentes na actualidade nas inmediaciós da nova rotonda. O proxecto completaráse coas actuacións que quedaron pendientes na primeira fase do mesmo, como serán a consturcción de beirarrúas no tramo da Avenida 25 de Xullo, na zona xa máis próxima á rotonda da Fontela, dónde se conservarán os tilos existentes, e levaráse a cabo a reposición da rede de abastecemento de augas e saneamento, conducción de augas pluviais, asi como instalación de nova iluminación. Pola súa parte, o Alcalde Carlos Montes recordou como o reformado introducido no proxecto foi o motivo do retraso na súa execución, e polo que se refire a esta segunda fase, que terá unha dotación económica de 1.100.000 euros.

Unha desfortunada xogada cando corría o m. 80 bastaríallle ó Porriño Industrial para dobregar a un correcto C.D. Arenteiro. Os de Mindo xogaron un partido serio, no que foron de máis a menos, os primerios 45 m. de claro cor carballiñes, con dúas moi boas ocasións, unha de Kennedy e outra do portugués Joao, para poder adiantarse no marcador. Xa no reinicio, sería de novo o Arenteiro o que disfrutaría da gran ocasión do encontro, o ír parar á cruceta un golpe franco executado por Kennediy. A partir de entón, o Arenteiro baixou a intensidade e o Porriño comezou a irse arriba, coincidindo cós cámbeos feitos por Mindo, que retirou do campo a Kennedy e Joao, igual que xa fixera 7 dias antes en Espiñedo ante A Peroxa, decisión bastante criticada pola afeción carballiñesa. Nese conexto, e xa co Arenteiro que asinaba o empate, chegaría o gol do Porriño nunha xogada sen aparente perigo na que o meta Samuel mide mal o bote do balón e acaba concedendo un gol que deixaría os tres puntos no Louranbal. Nos carballiñeses destacron o lateral Martín, que remataría expusado por doble amarela, e o centrocampista Juan, auténtico baluarte do equipo.

Trátase dunha edición na que "asumimos o risco de apostar por unhos espectáculos de moita calidade e tamén moi arriscados en canto a súa proposta estética", asi se refería a actirz carballiñesa Josi Lage, coordenadora do Festival de Teatro Galego, ós 3 espectáculos que poderémos ver durante esta semana no auditorio do Carballiño. Abre a programación o martes dia 7 a compañia "Obras Públicas" coa súa obra "Life is a Paripé", escrita e dirixida por José Prieto Alvarez e con interpretación de César Goldi, Iolanda Muiños, Mos. O mércores 7 será para compañia do Morrazo "Teatro de Ningures", que elexíu o FETEGA carballiñés para estrear o seu novo espectáculo "Homes...Mulleres", con Paula Carballeira, Maria Armesto e Santiago Cortegoso no reparto, e baixo dirección de Etelvino Vázquez. O xoves dia 9 sumase á carteleira do Festival "Nut Teatro", con outra arriscada proposta en "Wake Up", con dirección de Carlos Neira, e 4 mulleres no reparto, Nerea Barros, Xiana Cancelas, Arantza Villar e a carballiñesa Iria Sobrado. Xa finalmente, o venres dia 10 celebraráse a sesión de clausura coa xa habitual "Gala de entrega de premios", que se será presentada polo actor galego Josito Porto, e na que tamén actuará o bailarín arxentino Marco González. Para esta gala de clausura a entrada ó auditorio será de balde, mentres que para o resto dos espectáculos o prezo das entradas será de 5 euros. No acto de presentación do Festival, na casa do Concello do Carballiño, estiveron presentes o Director Xeral de Promoción e Difusión da Cultura, Francisco López, e a Concelleira carballiñesa de Cultura, Asunción Rivero, que comprometeron a continuidade do apoio económico para este evento cultural, malia que as subvenciós este ano reducironse á metade, en relación ás dos ultimos anos. Este recorte das achegas públicas, levou a organización a buscar axudas no sector privado, destacando as aportadas por Frigoríficos Florindo e Hijos,  Centro Comercial Aberto do Carballiño e Empresa Montañesa.

A recentemente creada plataforma contra a Planta de Compost esixe a inmediata paralización das obras da pranta de compostaxe que se está a construír no lugar das Fontaíñas, no concello de Cea. Do mesmo xeito, esixen unha explicación por parte do alcalde de Cea e da Consellería de Medio Ambiente sobre as repercusións deste proxecto nos acuíferos, nos terreos colindantes e nas poboacións próximas pertencentes ós concellos de Maside, O Carballiño e Cea. O BNG e o PSOE de O Carballiño presentaban no día de onte unha moción conxunta a prol da paralización de dita pranta e hoxe o alcalde de O Carballiño, Carlos Montes, anunciaba a convocatoria dun pleno extraordinario de urxencia para o mércores día 1 de setembro ás 21:00 horas, así como tamén o fará o concello de Maside no día de mañá. Dende hoxe a primeira hora estanse a recoller sinaturas, na Praza Maior de O Carballiño, de todos aqueles veciños afectados que queiran apoiar esta iniciativa. Mariña Arbor, ex concelleira do BNG de Cea, mostraba por unha banda, o seu apoio en contra da instalación do futuro proxecto industrial que tanto impacto medioambiental vai ocasionar nos concellos limítrofes, e por outra banda o reixamento polo modo de actuar do alcalde de Cea, José Luis Valladares que levou todo o asunto nun silencio absoluto. A campaña extenderanse a outros concellos e nestes momentos estase a realizar unha páxina web onde os afectados poderán deixar as súas queixas.

O incerto novo proxecto do C.D Arenteiro comezaba a tempada con tres puntos e o segundo posto momentáneo na clasificación, pouco máis se lle pode pedir á primeira xornada do campionato. En canto ó encontro, pouco que resaltar dun partido cativeiro xogado baixo un sol de xustiza. A victoria carballiñesa consolidábase na segunda parte cando Iago conquería o primeiro gol no minuto 67. O definitivo 2-0 sería obra do capitán Marcos Castro no minuto 81, un sobervio gol que finiquitaba un partido no que os de Mindo mandaron de principio a fin e non tiveron excesivos atrancos para doblegar a un debutante A Peroxa certamente limitado. Non moito máis sobrado está tampouco o C.D Arenteiro que terá que mellorar moito para evitar complicacións de cara a salvar a categoría, en todo caso seguimos agardando que poida chegar algunha fichaxe máis nos vindeiros días para seguir sumando.

O PSOE da comarca de O Carballiño esixe a paralización da execución da pranta de compostaxe que se está a construír na localidade de Fontaíñas, no concello de Cea, e solidarízanse cos veciños afectados por este proxecto. Os socialistas esixen, ademais, unha resposta por parte do alcalde de Cea, ao recoñecer nunhas declaracións que non tiña ningún coñecemento de que se estivesen realizando obras no lugar onde se ubicará a pranta. Sen embargo, xa hai dous meses que se está a traballar en ditas obras, e según o PSOE comarcal de O Carballiño, o concello de Cea deulle o visto bo a este proxecto o pasado mes de maio a sabendas de que afectaba directamente ós concellos de O Carballiño, Maside e Cea. Resulta sospeitoso, según o PSOE, que o "Proxecto de zona de maduración de compostaxe e nave de almacén", que é así como se denomina a pranta, fose redactado por unha concelleira do PP de Cea, a cal votou a favor da súa instalación en Fontaíñas. Todos estes interrogantes, según o PSOE, deberán ser explicados polo alcalde de Cea e polo Delegado Territorial da Xunta en Ourense, Rogelio Martínez, o cal foi o principal opositor da construcción dun Parque Empresarial Medioambiental no Riberio, que non contemplaba nin residuos urbanos nin queimas, e agora aproba a tramitación dunha pranta de compostaxe. A agrupación comarcal do PSOE de O Carballiño considera que un proxecto destas caracteríastas non pode ser levado a diante desta maneira, xa que se  trata dunha instalación que debe reunir unhas condicións medioambientais excepcionais debido a que afecta a moitas localidades, terreos e acuíferos lindantes, e por iso, esixen ao PP de O Carballiño e Maside que se manifesten en contra deste proxecto e axuden á súa paralización, como xa o están a facer os alcaldes de ambos municipios. Do mesmo xeito, o BNG presentaba esta mañá unha moción onde solicita ao Concello de Cea a inmediata e definitiva paralización tanto das obras como do transporte do lixo que está a converter a zona nun vertedoiro ilegal, así como tamén a intervención das autoridades tanto das Consellarías de Medio Ambiente como de Medio Rural e Sanidade para que elaboren as súas correspondentes avalización e informes ao tratarse dunha problemática que está por riba, según o BNG, das competencias municipais.

(Redacción. Rocío Campos) Situado no corazón do Ribeiro, a tan so 10 km do Carballiño e de Ribadavia atópase o concello de Leiro e ata alí trasladáronse os micrófonos da Cope con motivo da XXI edición da Festa da Vendima que se celebra o vindeiro domingo 29 de agosto. O seu alcalde, Francisco José Fernández, aseguraba que se por algo se coñece Leiro é polo seu viño. Pero no so o viño é importante neste concello, senón que o eslogan fai mención a outras dúas xoias "Leiro terra de pedra, auga  e viño".  Pedra referida á da Perna Corneira e das grandes obras arquitectónicas como o Mosteiro de Clodio e a ponte romana, a auga do río Avia e do balneario de Berán e por suposto, o famoso viño do Ribeiro. Foi en Leiro onde se formou a primeira cooperativa de viño. Pero o alcalde tamén tivo ocasión de falar dos diferentes temas municipais que afectan ó concello. Un deles, o balneario de Berán onde o concello está a traballar na súa posta en funcionamento, neste caso parada por un problema de tipo económico debido á profunda crise, aínda que xa existen tres empresas interesadas na súa posta en funcionamento e no hotel. Pero este non é o único problema, xa que algún membro da entidade local de Berán, así como algún veciño, están a poñer continuas trabas. Outro dos proxectos que se levaron a cabo nos últimos meses foi a remodelación da Praza do Cruceiro, onde "a maioría dos veciños están encantados co resultado final", anunciaba o alcalde. Non tanto o están os membros da oposición, que o xoves presentaban unha moción onde denunciaban graves deficiencias na remodelada praza, onde o piso non é uniforme a pesar dos 300.000 euros investidos. Outro dos temas tratados foi o traslado da biblioteca municipal ó Centro Social, e nas mesmas instalacións da biblioteca, gracias a unha subvención recibida, albergarán as oficinas de atención ó cliente para favorecer o acceso ás persoas maiores. Hai uns días, según aseguraba o alcalde, solucionáronse tamén os problemas da TDT e gracias a Alfonso Rueda, conqueriuse que Leiro fose un dos primeiros concellos que recibise a emisión vía satélite directamente. Franciso José Fernández adiantou, nos micrófonos da Cope, que a tramitación do Plan Xeral de Ordenación Municipal (PXOM) do concello vai máis rápida do previsto. Presentáronse de novo as respostas en diversos organismos e xa se está traballando na resposta das alegacións que fixo a confederación hidrográfica. En canto ó proxecto do Centro de Día xa foi encargado por parte da Xunta de Galicia e agora so falta esperar para realizar posibles correccións, e a partir do vindeiro ano procederase ós trámites de licitación da obra.

Outro dos convidados no noso programa foi Ramón Álvarez, concelleiro de cultura do Concello de Leiro e coordinador da Festa da Vendima. Ramón contábanos que a súa pasión polo viño ven de familia e que este ano a colleita das uvas está mellor nas zonas baixas, onde hai máis lentura na terra, mentres que nas zonas altas, hai menos lentura e a colleita está máis verde. O concello de Leiro conta con importantes adegas, as cales crean postos de traballos tanto directos como indirectos, facendo desto a industria máis importante para o concello. Ramón Alvárez adiantábanos o programa da Festa da Vendima que este ano espera batir récord de participación en canto ó desfile de carrozas, un dos principais atractivos da festa. A xornada festiva e de lecer comezará as 10:00 horas coa recepción de Acios na Praza do Cruceiro, os cales se presentan a concurso; o mellor acio recibirá un premio de 90 euros, o segundo mellor acio levará 60 euros e o acio de bronce quedará con 30 euros. No concurso valorarase ante todo, a calidade da uva, a presentación e o grado de maduración. Ás 12:00 horas terá lugar a lectura do pregón a cargo da Secretaria Xeral de Familia e Benestar, Susana López Abella e ás 12:30 horas dará comezo o tradicional desfile de carrozas e charangas desde a rúa Gabino Bugallal ata o Campo da Feira. Os premios das carrozas consérvanse con respecto ós do ano pasado. A carroza de adultos gañadora recibirá 1000 euros, a segunda 750 e a terceira 500. Ademais tódalas carrozas participantes recibirán un premio de 300 euros. Os máis cativos non quedan fora deste festexo e a mellor carroza recibirá 450 euros, a segunda levará 350 e a terceira, 250 euros; 150 euros será o que leven só por presentarse. Un mercado artesanal con 18 postos no paseo fluvial será outra das actividades programadas para este día. Ademais todo aqueles que queira comer, a partir das 14:00 horas terá lugar o xantar oficial no Salgueiral cun menú do máis variado. As entradas que teñen un custo de 23 euros aínda están á venda nos diferentes bares de Leiro ata o sábado á noite. Na sobremesa farase a entrega de premios ós gañadores do concurso de Acios e das carrozas. Despois do xantar, ás 20:30 horas, as corais do Val de Avia, Berre e Portugal darán un concerto na Igrexa de San Pedro de Leiro. A partir das 22:00 horas, unha orquestra amenizará a verbena ata que o copo aguante.

Outro dos convidados foi Ernesto Romero, propietario do Cine de Leiro. Ernesto leva 27 anos co cine e neste tempo "houbo momentos moi complicados" onde tivo que pechar a sala. Foron momentos difíciles pero o cine é unha das súas pasións e pensou en implantar o cine en 3D, o cal lle ocasionou un custo de 90000 euros. Foi co fenómeno da película Avatar cando se pasaron por Leiro cerca de 5000 persoas e onde o novo cine do concello se convertIu no centro de atención. Este éxito, según anuncia o propietario, quizais nunca se volva a repetir porque cidades como Ourense ou Xinzo de Limia xa contan agora con cine en tres dimensións. Ernesto anunciábanos algúns dos vindeiros estrenos como "Come, reza, ama" de Julia Robertes e Javier Bardem, "Los viajes de Gulliver", "Las Crónicas de Narnia 3", mentres que durante esta semana e a que ven a película en carteleira será "The Karate Kid". Ernesto, "espera xubilarse e disfrutar co seu cine e oxalá os espectadores o disfruten tanto como o fai el".

Maside celebra as súas festas do San Vitorio cun programa de tres días que se abrirá este venres. Pero desde o día 21 son moitas as actividades culturais que se veñen celebrando nesta vila, como a tradicional Festa do Cabalo. As actividades previstas para o mércores 25 corren a cargo da obra de teatro "A familia do Pindirico" que terá lugar ás 19:30 horas na Praza Julio Rodríguez Soto e a exhibición da película "Ace Age 3" ás 22:00 horas na Praza Maior. O xoves 26 remata a programación cultural de Maside 2010 coa actuación do monologuista "Avelino González " na Rúa Principal ás 21:30 horas e cunha sesión de fogos artificiais á medianoite. En caso de que o tempo non o permita as actividades trasladaranse ó Pavillón de Deportes e á Casa da Cultura. O venres 27 unha salva de bombas de palenque e un pasarrúas cunha banda de música anunciarán o inicio dos festexos á primeira hora da mañá. A misa cantada pola Coral A Torre e a procesión celebrarase ás 12:30 horas. As 20:30 da tarde a Banda de Gaitas de Maside ofrecerá un pasarrúas e desde as 22:00 horas as orquestras Montes e Combo serán as encargadas de amenizar a verbena. Á medianoite terá lugar unha sesión de fogos de artificio. O sábado 28 haberá misa cantada polo Coro Parroquial e procesión ás 12:30 e a partir das 22:00 horas verbena amenizada polas orquestras Lamas e Alcotán. Ás 24:00 horas interrumpirase a festa cunha sesión de fogos de artificio. O domingo 29 terá lugar unha festa campestre na Rañoa cun xantar que organiza a Comisión de Festas, con servizo de restaurante incluido onde a charanga "Castro Vello de Maside" se encargará de animar a tódolos asistentes ás 13:00 horas, na sobremesa a partir das 16:30 horas e pola noite cunha terceira actuación ás 23:30 horas. Pola noite,unha afamada orquestra encargarase de pechar os festexos de Maside. O domingo 5 está prevista unha carreira Popular en honra ás Festa do San Vitorio.

O Concello de Beariz procedeu ó fallo do "Concurso Literario 2010" que se enmarca dentro da programación cultural do verán. O primeiro premio, cunha dotación económica de 550 euros, concedeúselle a un veciño de Torrejón de Ardoz, pola súa obra "Un espejo ovalado". O segundo premio, de 350 euros recaeu nun veciño de Sevilla e o terceiro, de 250 euros foi parar ás mans dun veciño de Beariz. Dende o concello tamén se presentou  a edición nº 20 da súa revista cultural "O Quince". A revista cunha tirada de 1000 exemplares edítase anualmente pola Comisión de Cultura do Concello de Beariz. Un ano máis intentaron mergullarse na cultura da xente do pobo, debido o especial interese que estes temas despertan sobre aquelas persoas ás que se lle solicita algún tipo de coloboración ou que por iniciativa propia presentan os seus traballos para que sexan incluídos na revista. Pero esta non foi a única presentación que se fixo durante os últimos días no Concello de Beariz. Unha exposición de pintura, de María Ofir Janeiro Ramos, e outra de escultura, de Juan Manuel Paz son outras actividades que se presentaron e que se encontran dentro da programación do verán cultural do concello. As esculturas expostas son da súa serie de inspiración medieval e están elaboradas en diferentes tamaños e materiais. A exposición estará aberta os días lectivos en horario de mañán na casa do Concello de Beariz ata o día 31 de agosto.