No concello do Carballiño foi a concelleira de igualdade, Silvia Baranda, a encargada de presentar o acto institucional conmemorativo do 8M que terá lugar este próximo venres ás 812:00 do mediodia no salón de plenos da casa do concello, e no que a concelleira procederá á lectura dun manifesto, e que contará coa actuación musical de Lorena (voz) e María (piano).

O sábado dia 16 de marzo, no auditorio do Carballiño, ás 20:00 horas, a compañia teatral "A Panadaría" presentará o seu espectáculo "As que limpan", unha sátira "inspirada na loita organizada das camareiras de piso de hoteis por conseguiren dereitos laborais e socias xustos", reza na sinópse desta representación teatral que chegará a O Carballiño despóis de acadar diversos premios tanto en Galicia como en Castela-León.

No concello de Avión, o Centro de Información á Muller ten organizado para este mércores 6 de marzo ás 17:00 h. no centro multifuncional a charla-coloquio "Aceptaicón corporal e autocoidado". O 8M iniciaráse a programación ás 16:30 h. coa "Andaina pola Igualdade" que sairá do Centro Alvetus ata o multifuncional, e que culminará coa lectura dun manifesto pola igualdade, e posteriormente serviráse un piscolabis e sorteo de agasallos, tamén con reparto de merchandising entre todos os participantes.  Quedará aínda par o domingo 17 de marzo a obra de teatro "Vexo Vexo Que non ves? ás 18:00 h. no multifuncional de Avión.

O concello de Piñor conmemora o Dia da Muller coa proposta “ENREDOS POLA IGUALDADE 2024”, unha xornada de actividades vinculadas á temática da igualdade de xénero, onde nenos, nenas e tódolos membros da familia poderán desfrutar de xogos variados, sorteos e agasallos. Terá lugar o vindeiro domingo 10 de marzo de 16:00h a 19:00h na Praza do Arenteiro. Non obstante, no caso de choiva, as actividades trasladaranse ó Centro Social de Albarona.

 Unha tarde de xogos tradicionais en familia, con monitores e acompañamento musical para animar a xornada, tamén con outras actividades e mesmo cun “Fotocall da igualdade”: As familias e cativos poderán levarse un recordó desta xornada, cun espazo Fotocall con elementos e mensaxes en prol da igualdade. A xornada incluirá un sorteo de contos de igualdade e agasallos para nenos e nenas.

As intalacións da Escola de Equitación de San Amaro acollen este sábado dia 2 desde as 10 da mañá en adiante concursos e carrreiras de cabalos, nunha intensa xornada que continuará ás 14:00 h. cun xantar popular cun menú para o público en xeral a base de empanada, carne ao caldeiro, e viño de San Amaro. Pola tarde haberá ruta cabalar turística polo municipio. Máis de 150 cabalos e outros tantos xinetes están inscritos nestas actividades.

A Escudería Motor Piñor organiza este sábado dia 2 o 1º Ralli Sprínt de Piñor, un ralli de asfalto no que competirán 84 equipos en 40 quillómetros cronometrados, en dous tramos, e con dúas pasadas en cada un deles. O Ralli comezará as 14:50 horas, e as mellores zonas para velo será nas zonas de Lousado, O Reino, Coiras e A Corna, e tamén con bos accesos a través do Rio de Oseira.

A O Carballiño chega este sábado un dos históricos do fútbol español, que fai apenas unhos anos competía na primeira división, o Nastic de Tarragona será o rival do Arenteiro este sábado dia 2 ás 16:00 horas no estadio de Espiñedo, en partido correspondente á xornada 26 na Primeira RFEF.

O Cine-Club Carballiño proxecta o venres dia 1 ás 20:00 e 22:30 h. no auditorio a película xaponesa "Dias Perfectos". E ata tres películas para estes dias no Novocine de Leiro: "Guardinanes del museo", "Kung-Fu Panda 4", e "El color púrpura".

O gaiteiro carballiñés, Isidro Vidal, embarcarase nunha emocionante xira internacional, marcando o inicio do seu “Todo ou Nada Tour”. Esta xira levará a súa música única e vibrante a diversas cidades este mes de marzo.

Co seu último álbum, “Todo ou Nada”, Vidal conquistou a escena musical, e agora prepárase para compartir a súa arte con audiencias de todo o mundo. A xira comezará cun concerto especial na tenda carballiñesa OzocoGz, onde os asistentes poderán gozar da súa música nun ambiente íntimo, seguido dunha firma de discos e unha animada foliada.

Un dos puntos destacados da xira será a interpretación da súa composición “Muiñeira do Polbo”, que cruzará o charco para ecoar nos Estados Unidos. Esta peza porma parte do seu extenso repertorio, que inclúe máis de 400 composicións musicais, resultado do seu proxecto #composicion365 realizado en 2018.

A elección do polbo como símbolo distintivo da xira non é casual. Este molusco non só é o prato distinguido do Carballiño, o pobo natal de #Vidal, senón que tamén representa un símbolo arraigado na cultura e vida do artista. O polbo convértese así nun elemento significativo que conecta a música de Isidro coas raíces da súa terra. A xira continuará con actuacións en cidades estadounidensas como Brooklyn, Manhattan (New York) e Newark (New Xersei).  Ademais dos concertos, Vidal impartirá masterclass de música tradicional galega e abrirá dúas Irish Sessions, enriquecendo aínda máis a experiencia cultural.

De regreso, a xira continuará en España con concertos en Ponteareas e Barcelona. Isidro Vidal, gaiteiro urbano do século XXI, fusiona a tradición oral con estéticas modernas, utilizando a gaita galega como o seu instrumento principal. A súa música, de creación propia, distínguese pola incorporación de tecnoloxía e unha técnica instrumental depurada. Vidal, que forma parte da xeración de gaiteiros que revoluciona a música galega, non só destaca como artista senón tamén como profesor de música tradicional no Centro Superior de Música de Galicia e outras escolas de música das provincias de Ourense e Pontevedra.

Última entrega da Tertulia dos Venres en COPE O Carballiño, correspondente a este dia 1 de marzo, no que participan Fátima Gómez, Sebas Lamazares, José Antonio Barge e Manuel Nogueira, moderada por Xan Pinal.

A conselleira de Promoción do Emprego e Igualdade en funcións, Elena Rivo, clausurou en Castrelo de Miño unha xornada organizada desde o Polo de emprendemento e apoio ao emprego do Carballiño, con sede no antigo centro comarcal do Carballino no Cornuval, con casos de éxito entre os arredor de cen proxectos atendidos neste centro. Así, tres persoas emprendedoras deron conta das súas iniciativas e da súa experiencia de asesoramento nunha Rede que conta na provincia de Ourense tamén cos Polos de Verín e do Barco de Valdeorras, á espera de que abra en breve un máis en Baños de Molgas.

Elena Rivo puxo en valor a oportunidade da xornada de hoxe de crear sinerxías e redes de colaboración entre o tecido produtivo, os emprendedores e a Administración. Fixo fincapé en que a Rede de polos presta especial atención ao rural, apoiando os proxectos en calquera das fases en que se atopen, de principio a fin, co obxectivo de seguir xerando riqueza e emprego de calidade.

Na provincia de Ourense téñense atendido case 300 proxectos dos máis de 1.350 rexistrados en toda Galicia. Deles, o Polo do Carballiño aglutina arredor dun cento, a meirande parte deles pertencentes ao sector da hostalaría, seguida das actividades profesionais, científicas e técnicas, e do comercio.

Coas case cen persoas emprendedoras apoiadas no centro carballiñés -o 54% delas mulleres- realizáronse máis de 230 titorías. Así mesmo, leváronse a cabo máis de 30 reunións e unha ducia de accións entre formacións e eventos coma o de hoxe. Neste Polo están activos ademais cinco proxectos de remuda, co gallo de garantir a súa continuidade grazas ao interese de novos emprendedores nestes negocios.

Na xornada tamén se fixo referencia aos múltiples apoios dispoñibles por parte da Xunta de Galicia, como os 6,5 millóns de euros que se poden solicitar para apoiar o emprendemento por parte de autónomos, mutualistas, pequenas e medianas empresas, sociedades cooperativas e laborais, así como de empresas de inserción e centros especiais de emprego.

Tamén hai achegas para persoas traballadoras autónomas, incluída a cota cero coa que se financia ao 100% a cota reducida dos novos autónomos durante os 12 primeiros meses. En total, téñense convocado xa 86 millóns de euros dos máis de 100 millóns previstos para 2024 en axudas ao emprendemento e ao traballo autónomo.

Por último, neste capítulo tamén cabe lembrar o acordo do Consello da Xunta de hoxe, autorizando a sinatura dun convenio de colaboración coas tres universidades públicas galegas para desenvolver actuacións a prol do emprendemento. Entre elas, a celebración de feiras de apoio ao emprego e ao emprendemento nos sete campus e a creación de premios ao emprendemento universitario en cada unha das universidades.

O vicepresidente primeiro e conselleiro de Presidencia, Xustiza e Deportes en funcións, Diego Calvo, acompañado da directora xeral de Administración Local, Natalia Prieto e o alcalde da localidade Antonio Montero, visitou o concello de Avión para comprobar melloras realizadas o ano pasado a través das distintas liñas de apoio ao eido local.

Este apoio forma parte dos máis de 1,2 millóns de euros investidos nos últimos anos no municipio que permitiron financiar proxectos a prol da calidade na prestación dos servizos municipais. Por unha parte, visitaron a reforma realizada na casa consistorial co obxectivo de mellorar as dependencias municipais que son utilizadas a diario pola veciñanza. Así, a Xunta investiu case 35.000 euros nestes traballos ao abeiro da Orde de infraestruturas de uso público.

Esta liña de axudas beneficiou o ano pasado a máis dun cento de entidades locais de menos de 30.000 habitantes como Avión e este ano xa se publicou a nova convocatoria mantendo o orzamento de 3,5 millóns de euros. Por outra banda, a través do fondo adicional do Fondo de Cooperación Local actuouse na mellora da eficiencia enerxética do pavillón deportivo e do centro integral de servizos sociais Alvetus coa substitución das caldeiras existentes por outras novas de biomasa.

Deste xeito, cunha dotación de case 114.000 euros contribuíuse a reducir as emisións cunha enerxía máis limpa, ao mesmo tempo que se reduciron custos. O apoio enmárcase na liña do fondo adicional do Fondo de Cooperación Local destinada á mellora da eficiencia enerxética dos edificios de titularidade municipal en concellos de menos de 15.000 habitantes.

Tamén mediante o fondo adicional do Fondo de Cooperación Local (FCL) pero doutra das liñas de axudas destinada á compra de maquinaria, equipamento ou vehículos para a prestación de servizos municipais, o concello de Avión recibiu 29.000 euros da Xunta para a adquisición dunha miniexcavadora que facilite o traballo dos operarios municipais do servizo de obras.

A conselleira de Política Social e Xuventude en funcións, Fabiola García, asistiu esta mañá á inauguración da nova residencia de Aspadisi no Carballiño, en cuxa construción o Goberno galego colaborou cunha axuda de máis de 600.000 euros. Durante o evento sinalou que a Xunta colabora co tecido social para levar a mellor atención ás persoas con discapacidade de toda Galicia.

Neste acto tamén participaron representantes doutras institución que tamén contribuiron a financiar este proxecto, que superou un orzamento de 1,2 millón de euros, como foron a Deputación Provincial representada pola deputada de Politicas Sociais Patricia Torres e o concello do Carballiño, cuxa representación encabezou o alcalde Francisco Fumega, ambas institucións achegaron 300.000 e 50.000 euros, respectivamente. A estas axudas hai que sumar as aportacions privadas, tanto de empresas como os donativos de veciños a título particular.

Este centro contará con 32 prazas de atención residencial que estarán operativas nesta mesma semana e que se completarán coa atención prestada no centro ocupacional desta entidade, con capacidade para 25 persoas. A Xunta colabora con Aspadisi no financiamento de prazas nestas instalacións e tamén lle acaba de conceder unha axuda para a adquisición dun vehículo adaptado que mellore a atención dos seus usuarios.

O alcalde de San Amaro, testigo de excepción do incendio que na tarde deste pasado martes destruíu unha parte do mosteiro budista Ventoselo, relata en primeira persoa como en poucos minutos o lume, imparable, destruía o edificio principal do mosteiro.

Podes escoitalo no audio adxunto:

A conselleira de Promoción do Emprego e Igualdade en funcións, Elena Rivo, mantivo no edificio multiusos de San Cristovo de Cea un encontro con representantes municipais e con persoas traballadoras autónomas da comarca do Carballiño, onde se explicaron os distintos apoios activos por parte da Xunta que se prevén unificar para facilitar a súa tramitación e resolución, segundo o anuncio feito polo presidente Alfonso Rueda.

Na reunión, a conselleira en funcións destacou a contribución dos autónomos da comarca do Carballiño á economía da provincia de Ourese e á galega. Para impulsar as novas altas, precisamente, está aberto o prazo de solicitude da cota cero, coa que o Goberno galego financia ao 100% a cota reducida dos novos autónomos durante os 12 primeiros meses. Tamén poden optar a achegas para os primeiros gastos da actividade, cun orzamento global de de 28,9 millóns de euros.

Así mesmo, están activos outros programas dirixidos aos traballadores autónomos: 8 millóns para conceder axudas de ata 7.000 euros co gallo de desenvolver melloras nos establecementos, 1,5 millóns para outorgar achegas de ata 8.000 euros para volver emprender tras o cese de actividade, 1,3 millóns de euros para a contratación por parte de autónomos de persoas traballadoras indefinidas ou 1 millón para que os autónomos con persoas ao seu cargo poidan contratar a alguén que os substitúan cando o precisen.

A maiores, pódense solicitar as axudas que -cun orzamento de 6,5 millóns de euros- buscan apoiar o emprendemento por parte de autónomos, mutualistas, pequenas e medianas empresas, sociedades cooperativas e laborais, así como de empresas de inserción e centros especiais de emprego. Cómpre sinalar outros apoios importantes como o programa Galicia Emprega, co que se mobilizan 17,5 millóns de euros para incentivar a contratación indefinida dos colectivos máis vulnerables.

Na xuntanza, houbo unha mención especial para a Rede de polos de emprendemento e apoio ao emprego, que presta asesoramento personalizado e gratuíto en centros como o establecido no Carballiño. Uns centros a través dos que se está a facilitar a remuda xeracional para garantir a supervivencia de moitos negocios, poñendo en contacto as persoas que os queren deixar coas interesadas en retomalos.

Axudas á formación
No encontro tamén se deu conta das axudas dispoñibles á formación, con dúas convocatorias que veñen de publicarse e que poden ser solicitadas por entidades locais ou doutro tipo, coa previsión de dotar logo de persoal empresas da contorna. Trátase da de obradoiros duais, con máis de 39,1 millóns de orzamento cos que se prevé beneficiar 1.820 persoas sen emprego a través da realización de 91 accións. Tamén da de programas mixtos de formación e emprego dirixidos a persoas mozas que, con case 6,6 millóns prevé beneficiar 240 persoas inscritas no Sistema nacional de garantía xuvenil a través de 15 actuacións.

Tamén está aberta a convocatoria de 8 millóns de euros para que empresas galegas cualifiquen máis de 3.000 persoas desempregadas en 2024 a través dunhas 290 accións, con compromiso de contratar polo menos ao 60% do alumnado entre 6 e 12 meses e ao 40% no caso de relacións laborais de maior duración.

Cómpre aludir tamén ás microformacións que se seguirán realizando en colaboración cos clústeres, na liña do sistema de microcredenciais polo que avoga Europa, que permite actualizar competencias de xeito áxil e mellorar as oportunidades laborais dos participantes ao tempo que se dá resposta ás necesidades detectadas en distintos sectores.

Un lume que, ao parecer, orixinouse desde unha chimenea do edificio principal calcinou nas primeiras horas da tarde deste martes unha gran parte do mosteiro budista de Ventoselo, no concello de San Amaro, un dos centros budistas máis importantes de Europa, inaugurado en 2014.

A intervención dos bombeiros do Carballiño evitou que o lume se propagase ao resto do mosteiro, aínda que a cuberta de madeira amenaza con virse abaixo. Calcúlase que máis da metade do mosteiro quedou arrasado polas lapas.

Os bombeiros enfriaron o resto das dependencias da edificación para evitar que se reavivase o lume.

Ningunha persoa resultou afectada polo incendio, ainda que o operativo mobilizado desprazou a efectivos sanitarios, ademáis de bombeiros e forzas de seguridade.