A 72 horas por diante da celebración da sesión plenaria da Corporación muncipal, convocada para este xoves dia 14 de maio ás doce e media da mañá, na que se deberán votar os orzamentos para este  ano no Concello Carballiñés, Psoe e Bng reuníronse para negociar un posible acordo que permita o grupo de goberno sacar adiante o seu proxecto de orzamentos. A pasada semana, o Alcalde Carlos Montes remitira unha carta-invitación dirixida ó portavoz do Bng Manuel Amil, para celebrar unha reunión e chegar a un acordo que permita aprobar as contas do 2009. Finalmente, a reunión celebrouse a primeira hora desta tarde, e á mesma non acudíu Amil, senón que en representación do Bng fixerono os concelleiros Bernardo García e Aúrea Francisco. Unha reunión bipartita á que non foi invitado o Partido Popular.

Do encontro entre socialistas e nacionalistas, pouco trascendeu de momento. Estiveron reunidos por espacio dunha hora e quedaron emplazados para unha nova xuntanza este martes dia 12.  Mentres, desde o Partido Popular, Argimiro Marnotes, manifestou no programa "A Mañá de Cope O Carballiño" que a "actitude do Alcalde do Carballiño é dunha total irresponsabilidade" por deixar fora desta negociación o Partido Popular, e máis agora que o PP tería moito que decir e aportar desde o Goberno da Xunta de Galicia. Marnotes considera ademáis que esta actitude do Alcalde Carballiñés "que se pón a venda antes da ferida" é un desprecio para os miles de veciños que apoian o Partido Popular.

Lo siento tu navegador necesita flash para ver este contenido

Declaracións a Cope O Carballiño de Argimiro Marnotes

Un completo carrusel de prreguntas, atá un total de 75, son as que ven de presentar o portavoz do Partido Popular para que sexan contestadas na comisión constiuída para aclarar os sucesos na canceira do Carballiño, e outros aspectos relativos ás obras de construcción destas instalacións municipais. As preguntas, asinadas polo portavoz municipal, Argimiro Marnotes, foron feitas por escrito, tal como esixira o Alcalde do Carballiño cando se levou a cabo a constitución da comisión,  que él mesmo preside, e na que participan dous representantes por cada ún dos tres grupos políticos da Corporación Carballiñesa. En varias preguntas pídense explicacións sobre as circustancias nas que morreron 76 cans que según o infome oficial do Seprona desapereceron da canceira en apenas unhas semanas, e nunha das interrogantes que plantexa o Partido Popular preguntase expresamente "se foi golpeado algún can no seu craneo para matalo". A esta preguntase chégase despois de outras nas que se solicita información sobre os procedementos que se utilizaban cos cans feridos, e unha vez que se constatou que non existía servizo veterinario na canceira.

Outro conxunto de preguntas ten que ver coa existencia dunha fosa na que se enterraban os cans mortos, dentro das propias instalacións da canceira, e a este respecto o Partido Popular quere saber "quén díu a orde de abrir e ter aberta esa fosa" e ademáis porque os responsables municipais negaron a súa existencia. Tamén son obxeto de pregunta diversas cuestións relativas o proceso de adxudicación das obras feitas polo Concello do Carballiño, asi como do proxecto de conexión eléctrica. Según a inspección do Seprona o dia 3 de marzo non existía suministro eléctrico, e dous días despois sí, polo que o Partido Popular quere saber quén fixo a conexión, "se Fenosa ou o electricista do Concello", si se conta con boletín de instalación e " se se conta cos permisos de industria ouse conectou de forma irregular para sacar de encima a inspección do Seprona"

A camiñada comezará ás 10 da mañá deste domingo 17 de maio, con saída desde a praza do Concello de Piñor, e percorrerá por Albarona, Lousado, Arenteiriño, Arenteiro, Casarellos, Pereira, Barreiros, Cales, Casmoniño e Barrán, completandose asi unha distancia dunhos 15 kilótmetos de dificultade media. O roteiro achegaráse a lugares de interese histórico como a antiga fábrica de papel de Lousado ou o camiño dos arrieiros, lugares de gran valor etnográfico como os muiños de Lousado ou os cabaceiros de Barrán, e desde logo, zonas de gran importancia paisaxística  e  natural como as Fervenza da Fareixa e o Peilán ou o pozo da Area, entre outros moitos. O longo do roteiro haberá 3 puntos de avituallamento e tras a camiñata celebraráse un xantar saudáble para repoñer forzas.

Con esta inciativa, preetendese fomentar hábtos de vida saudables entre persoas de todas as idades, como o exercicio físico ó aire libre, a comida saudable e as relacións sociais. Os participantes deberán presentarse na praza do Concello de Piñor media hora antes do inicio da camiñada para recoller os seus dorsais, previa inscripción que será grautíta e que deberá formalizarse na casa do Concello ( Tfno 988 403 326)  atá o 15 de maio. A organización tén previsto entregar varios premios, e ademaís coincidindo con esta camiñata levaráse a cabo do 2º concurso fotográfico, que terá como tema central destacar os valores humanos, deportivos, organizativos, culturais e paisaxísticos.

A Corporación Municipal de Maside aprobará na vindeira sesión, a celebrar o martes dia 12 de maio, o expediente  polo que a rúa Santa María, na localidade de Dacón, pasará a denominarse oficialmente "rúa Alfonso Roo Gil". A proposta levase  o Pleno da Corporación Masidá cando está proximo a cumplirse o primeiro cabodano do pasamento deste veciño de Dacón, falecido tras sufirir un accidente laboral, e cando contaba 63 anos de idade. Alfonso Róo Gil foi, duante 15 anos, entre 1991 e 2007, concelleiro do psoe na Corporación Municipal de Maside, e durante moitos anos -practicamente desde a súa creación- presidira a Asociación de Veciños de Dacón. Agora, dandolle o nome dunha rúa do seu pobo, O Concello de Maside pretende recoñecer o traballo público que durante tantos anos realizou en favor da comunidade.

Ademaís, nesta mesma sesión plenaria, a Corporación debatirá a aprobación de dous convenios de cooperación co veciño concello de Punxín, para a recollida do lixo e a xestión dos servizos sociais, tras abandonar ambos Concellos a Mancomunidade Comarcal. Tamén se someterá á consideración do pleno a adhesión do Concello de Maside ó convenio marco de colaboración  entre a Xunta de Galicia  e as Entidades xestoras para a recollida selectiva de residuos de aparellos eléctricos e electrónicos e aprobaráse unha operación de permuta dun sendeiro público.

Con data do dia 23 de abril de 2009, a sala do contencioso-administrativo do Tribunal Superior de Xustiza de Galicia

desestimou o recurso de súplica interposto polo Concello de Leiro, contra un acto anterior desa mesma sala na que non se lle adimitía a inexecución da sentencia do Tribunal Supremo, que consideraba non se axustaba a dereito o proceso de expropiación dos terreos nos que se construíu a entrada ó novo balneario de Berán.

No mesmo auto requíreselle o Concello de Leiro que "lleve a puro y debido efecto" a sentencia do Tribunal Supremo. Chegados a este punto, ó non proceder ningún outro tipo de recurso, o Concello de Leiro terá necesariamente que negociar co particular afectado ou levar a cabo o proxecto dunha nova entrada de acceso ás instalacións balnearias.

O vindeiro dia 26 de xuño celebraráse a 2ª Gala do Deporte Carballiñés, que terá o seu acto central no auditorio coa entrega das distincións ós e ás deportistas locais que pola súa traxectoria  durante o último ano se fagan merecedores do recoñecemento do xurado, que deberá seleccionar os mellores en 10 modalidades. Mellor alumno e alumna das escolas deportivas municipais, mellores deportistas dos ximnasios carballiñes, asi como en fútbol-sala, fútbol e motor. Tamén se recoñecerán os deportistas da 3ª idade e históricos, asi como as empresas colaboradoras a través dos patrocinios e a promoción do deporte local nos medios de comunicación.

A presentación de candidaturas podese realizar tanto a nivel individual como polos clubs, asociacións ou entidades deportivas, e deberán formalizarse na área de deportes do Concello do Carballiño. Desde este mesmo departamento muncipal, que dirixe o concelleiro Manuel Dacal, xa se levaron a cabo varios contactos con deportistas de elite para que asistan a esta gala, estando aínda pendiente de confirmación.

No mesmo dia no que estaba convocada a Comisión de facenda para fixar a postura dos grupos políticos en relación o proxecto de orzamentos elaborado polo grupo muncipal de goberno, o alcalde do Carballiño remitíu un escrito ó voceiro do Bng, Manuel Amil, solicitándolle a colaboración dos nacionalistas para a aprobación dos orzamentos deste ano 2009, e con vistas a convocatoria da sesión do pleno da Corporación Municipal, onde os socialistas están en minoria, polo que necesitan do apoio ou abstención dun dos dous grupos da oposición.

Na carta enviada por Montes o grupo do Bloque Nacionalista galego, o Alcalde convida formalmente ós nacionalistas a manter unha xuntanza o vindeiro lúns dia 11 de maio, para "analizar e consensuar as contas para este ano", según unha nota informativa difundida a última hora desta mañá polo gabinete de comunicación do Concello do Carballiño. A invitación chega nun contexto bastante paradóxico, xa que hoxe mesmo, tamén esta mañá, celebrouse a comisión de facenda, preceptiva á convocatoria do Pleno. Nesta comisión, tanto Partido Popular como Bng  abstiveronse. Se  mantiveran esta mesma postura no Pleno, o grupo de goberno non tería problemas para que os orzamentos resultasen aprobados, pero en ambos casos xa advertiron que necesitan aínda tempo para estudiar detalladamente a documentación e fixarán a súa postura definitiva na sesión plenaria da Corporación Municipal. Asi que calquera posibilidade está aberta.

Un dos espacios naturais maís embletáticos da Serra da Martiñá, Pena Veidosa, será obxeto dun acto informativo organizado pola asociación medioambiental "Terra de Osos", que terá lugar este domingo 10 de maio á unha da tarde na casa parroquial de Oseira. Pena Veidosa en un lugar de interese comunitario (L.I.C), integrado na Rede Natura, unha paraxe singular cualificada pola Unión Europea como lugar a conservar, pola riqueza da súa flora e a súa fauna.

O L.I.C. Pena Veidosa ocupa unha superficie de 2.354 ha. e desde o ano 2004 está considerada como Zona Especial de Protección dos Valores Naturais. Neste espacio teñen especial importancia as formacións de uceiras, especialmente a carqueixa, e as zonas de hidoromorfia, especialmnete turbeiras. Entre a fauna, destacan o anfibio pintega rabilonga, que é unha especie exclusiva do noroeste penínsular, e entre os invertebreados, a vacaloura .

Varios focos de incendios rexistrados á beira da via de ferrocarril á altura dos Concellos de Maside e Punxín, obrigou a cortar o tráfico ferroviario, entre Maside e Ourense, no trascurso desta tarde de mércores. Según a información facilitada polo Adif, esta incidencia motivou que o tren talgo Galicia-Madrid, tivera que permanecer detido durante máis dunha hora a altura do Concello do Carballiño, con 400 pasaxeiros a bordo. Nun primeiro momento sospeitouse que os lumes, todos localizados á beira da vía férrea, foran provocados polas chispas desprendidas por un tren mercancias, ainda que das inspeccións realizadas posteriormente desmentíuse  esa posiblidade. Tras a intervención dos equipos anti-incendios forestais, o tráfico ferroviario entre O Carballiño e Ourense quedou novamente restablecido.

En apenas 48 horas, desde que recibiron esta semana o expediente, deberán posicionarse partido popular e bloque nacionalista galego na comisión informativa de facenda, convocada para este xoves dia 7 e na que se presentarán os orzamentos do Concello do Carballiño para este ano 2009, unha comisión informativa previa á convocatoria da sesión do pleno da corporación. Tamén este xoves está convocado o consello de participación cidadán, órgano de carácter consultivo, que se reunirá para dar cumplimento o regulamento de tramitación dos orzamentos, antes de sometelos á aprobación plenaria. Os grupos da oposición, PP e BNG, estudan contra reloxio o documento elaborado polo grupo de goberno, unhos orzamentos cifrados para este ano en dez millóns seiscentos mil euros, un millón por debaixo en relación ó exercicio económico do ano pasado. Daquéla, o grupo de goberno socialista - en minoría no Pleno- lograría sacar adiante os orzamentos, grazas á abstención do bng.

¿Que pasará este ano? Pois velahí a gran incognita que se plantexa, xa que a dia de hoxe desde o grupo de goberno non se levou a cabo ningún tipo de negociación cos grupos da oposición e para conseguir os apoios suficientes e necesarios para que os orzamentos sexan aprobados. Se non fose así, a situación complicaríase para os responsables municipais, porque terían que prorrogarse os orzamentos  do 2008, de maneira que non poderían facerse operacións de tesorería, e tampouco se aprobaría a RPT, entre outras consecuencias. Pero quen o tería aínda máis complicado é Montes, toda vez que anunciou xa publicamente que si son rexeitados os orzamentos presentaría unha cuestión de confianza ante o Pleno, unha arma perigosa xa que  se a supera tamén automaticamente quedarían aprobados os orzamentos, pero do contrario, se non supera a moción de confianza, entón a maioria da Corporación tería un mes de prazo para presentar ó pleno un novo candidato á Alcaldia do Carballiño.