No PODCAST adxunto podes escoitar a última tertulia de COPE O Carballiño, correspondente a este venres dia 2 de febreiro. Desta vez, participan na tertulia José Antonio Barge, Sebas Lamazares, Fátima Gómez e María Luisa Rodríguez, e moderada por Xan Pinal.

Representantes dos consorcios provinciais contraincendios e salvamento e das forzas sindicais dos bombeiros comarcais mantiveron este xoves dia 1 de febreiro unha xuntanza no Consello Galego de Relacións Laborais onde se chegou a un principio de acordo para desconvocar a folga dos últimos meses, según informa nun comunicado a Xunta.

O texto, asinado por representantes da Xunta, das catro deputacións provinciais e dos sindicatos, prevé melloras nas condicións laborais referidas tanto ao reforzo de efectivos como aos salarios e horarios, entre outras. Así, continuarase coa negociación para acadar melloras laborais nos centros de traballo dos consorcios provinciais de bombeiros das catro provincias galegas, é dicir, nos 24 parques comarcais repartidos por toda a xeografía galega, entre eles o do Carballiño-Ribeiro, con sede no parque empresarial do Carballiño

No acordo prevese tamén crear unha mesa de negociación para concretar a redacción dun novo convenio colectivo e dunha nova Relación de Postos de Traballo (RPT).

Martes, 6
AUDICIÓN DO CMUS e ESMU
20.00 h no Auditorio

Venres, 9 na Praza Maior e nas rúas
12.00 h - Desfile de entroido escolar a partir das
20.30 h – 21.30 (1º pase) - FESTA DE COMADRES E COMPADRES - Disco Show Eletium
23.30 h – 01.30 (2º pase)

Sábado, 10
ENTROIDO INFANTIL na Praza Maior e rúas
De 11.30 á 13.30 h Obradoiro infantil de máscaras e complementos de entroido
16.00 h - Batucada PERCUCAR
16.30 h - Concurso infantil de disfraces
18.30 h - Animación musical

Domingo, 11 na Praza Maior e rúas
12.30 h - Grupo FEITIZO DE PAU
19.00 h - OS LIBORIANOS

Luns, 12 na Praza maior e rúas
20.00 h - FANFARRIA FURRUXA

Martes, 13 na Praza Maior e rúas
17.00 h - GRAN DESFILE-CONCURSO DE COMPARSAS E CHARANGAS
19.00 h - ORQUESTRA ALKAR

Mércores, 14 na rúa Principal e Praza Maior
19.30 h - Representación do ENTERRO DA SARDIÑA por ASPADISI e DAR TRELA
Animación CHARANGA CASTRO BELLO
CHOCOLATADA

Sábado, 24 na Ínsua dos Poetas. Organiza Fundación Ínsua dos Poetas
16.30 h - ENTROIDO DAS NENAS E NENOS (Concurso de disfraces, premios e agasallos, música e xogos, merenda de entroido)

Domingo, 25
XXIX FESTA DA CACHUCHA
11.30 h polas rúas - DESFILE DE FOLIÓNS, COMPARSAS E CHARANGAS
Comparsas (Amoeiro, Cea, Pontevedra, Poio...), folións (Petín, Tameirón...), Os Liborianos

14.00 h nos restaurantes - XANTAR DA CACHUCHA
Charanga Doctor Anchoa - Charanga CLK - Charanga Castro Bello - Grupo Tokaide

17.30 h polas rúas - GRAN DESFILE DE FOLIÓNS, COMPARSAS E CHARANGAS
Os da Caña de Marín, Solfamidas de Campo Lameiro, As Sonecas de Campelo, Os Rexoubeiros de Ourense, O Son da Pedra de Pontevedra, comparsas de Amoeiro, de Cea, folións de Petín, de Tameirón, de Chandrexa de Queixa... ademais das comparsas da vila.

19.30 na Praza Maior GRAN BAILE - ORQUESTRA AMÉRICA

Outras actividades: teatro, cine, exposicións fotográficas...

Sábado, 24 de febreiro no Auditorio
REDE GALEGA DE TEATROS E AUDITORIOS (RGTA)
Teatro para bebés
Obra: CHEGADOS A ESTE PUNTO. BEBÉS
Compañía: Titiribaile
Público: de 0 a 3 anos

PROGRAMA - CINE CLUB CARBALLIÑO
Ás 20 e 22.30 (VOS) no Auditorio

Venres, 2 – FALLEN LEAVES
Venres, 9 – EL SOL DEL FUTURO
Venres, 16 – ANATOMÍA DE UNA CAÍDA
Venres, 25 – DISPARARON AL PIANISTA

EXPOSICIÓNS FOTOGRÁFICAS de Asociación fotográfica O POTIÑOS

CASA DO CONCELLO - FOTOS DE PELICULAS
CASINO - INSPIRACIONS
RUA PRINCIPAL - GALICIA BALEIRADA DE A.F. O POTIÑOS
ASADOR VERACRUZ - AZUL
CAFÉ PLAZA - VIAXES DE SEVE FERREIRO
HOTEL ARENTEIRO - PREMIOS CONCURSO´23
GALERIA ANGO - POTI´21
CAFETERÍA MANXARES - CONCURSO FOTOS

A directora xeral de Xuventude, Participación e Voluntariado, Cristina Pichel, estivo hoxe cos estudantes do IES Manuel Chamoso Lamas que se achegaron ao longo da xornada ao Punto de Información Xuvenil itinerante habilitado no centro. Cristina Pichel explicou que o obxectivo é que os estudantes coñezan de preto todos os recursos, programas e axudas existentes en materia xuvenil e, ademais, poidan activar nestes puntos o Carné Xove, que o Goberno galego enviou gratuitamente a todas as mozas e mozos entre os 12 e os 30 anos de idade.

A Consellería de Política Social e Xuventude iniciou a comezos de 2022 esta iniciativa nos sete campus universitarios de Galicia e o ano pasado estendeuse aos Centros Integrados de Formación Profesional. Este curso sumáronse os centros de Secundaria e Bacharelato. Cristina Pichel apuntou que a través destes puntos de información achégase e mellórase a difusión de información de interese para a mocidade.

Os centroS educativos interesados nesta proposta deben solicitala a través do formulario dispoñible na páxina web de Xuventude, indicando o mes do curso escolar no que lles interesa recibir a visita do punto itinerante de información xuvenil. O horario deste punto estenderase, como máximo, ao longo dunha xornada lectiva.

A vicepresidenta primeira da Deputación de Ourense, Marta Nóvoa, mantivo hoxe un encontro de traballo no Centro Cultural Marcos Valcárcel coa Conselleira de Infraestruturas e Mobilidade, Ethel Vázquez, para analizar as liñas de axudas aos concellos para a xestión do ciclo da auga. No encontro tamén participaron a xefa territorial da Consellería de Infraestruturas en Ourense, Pilar Fernández, o director da Área de Medio Ambiente da Deputación, Javier Bobe; e o director técnico de AquaOurense, Víctor Comesaña, empresa mixta formada por Deputación e Viaqua.

A vicepresidenta primeira da Deputación destacou a importancia dunha reunión na que se abordaron as axudas aos concellos para coñecer as perdas de auga que teñen na súa rede e tamén para colaborar na súa mellora.

Na reunión, a conselleira de Infraestruturas informou que a Xunta vén de publicar no Diario Oficial de Galicia de hoxe (DOG) dúas convocatorias de axudas por máis de un millón de euros destinadas a realizar auditorías municipais das redes de saneamento para a detección de infiltracións cun importe total de 300.000 euros, e outra liña de axudas para a execución de obras que minimicen as perdas de auga en entidades locais de Galicia cun investimento global de 737.606 euros.

O Diario Oficial de Galicia ven de publicar unha Resolución da Dirección Xeral de Recursos Humanos do Sergas, polo que se procede ao nomeamento como persoal estatutario fixo e á adxudicación de destino definitivo aos aspirantes seleccionados no proceso selectivo, polo sistema de concurso, para o acceso á condición de persoal estatutario fixo da categoría de facultativo especialista de atención primaria, convocado pola Resolución do 4 de maio de 2023. As persoas nomeadas disporán do prazo máximo dun mes para incorporarse de modo efectivo no destino elixido.

Deste xeito, darase cobertura estable a seis novas prazas de atención primaria en varios centros de saúde da comarca do Carballiño, que se atopaban vacantes ou estaban cubertas por persoal interino. Catro destas prazas xa foron adxudicadas e outras dúas serán ofertadas próximamente

Estas adxudicacións prodúcense trala publicación no Diario Oficial de Galicia, o pasado 15 de decembro, da resolución pola que se fixo público o acordo do tribunal que xulga o proceso selectivo, polo sistema de concurso, para o acceso á condición de persoal estatutario fixo da categoría de facultativo especialista de atención primaria, relativo á baremación definitiva dos méritos do concurso, á publicación dos aspirantes seleccionados e pola que se convoca para o acto de elección de destino.

En concreto, nas próximas semanas e no prazo de menos xa dun mes deberán tomar posesión das súas prazas os novos facultativos que exercerán o seu traballo de forma compartida nos centros de saúde do Carballiño-Punxín, Coles-Piñor, O Irixo-San Amaro e Punxín-San Amaro.

Ademáis, O Sergas volverá ofertar a través dunha nova convocatoria as dúas prazas que quedaron sen adxudicar neste último concurso de méritos, que no caso da comarca do Carballiño son dúas prazas de médico de atención primaria con destino, unha delas compartida para os centros de saúde do Carballiño e Beariz, e a outra con dedicación exclusiva para o centro de saúde do Carballiño
·
Desta forma, nas próximas semanas incorporaranse 64 profesionais de medicina familiar e comunitaria a estes centros de saúde.

O Novocine de Leiro proxecta esta fin de semana dúas películas, "Wonka" ás 4 da tarde e estrea "El Correo" en pases ás seis e oito e cuarto da tarde.

O Instituto de Estudios Carballiñeses celebra a Asamblea Xeral de Socios, ás once da mañá deste sábado dia 27 de xaneiro no salón de actos do Casino do Carballiño. Posteriormente, desde as 12 do mediodia, e xa para o público en xeral, terá lugar a presentación do número 41 da revista "Ágora do Orcellón", despedindo a xornada a música de Maria do Ceo.

A localidade de Sampaio, no concello de Maside, celebra esta fin de semana a tradicional romaría na honra a San Pablo. Ábrese a programacion ás cinco da tarde do sábado cunha misa solenme na capela, e pola noite na verbena actuarán o DJ Marcos Kintana e a gran orquestra Finisterre. O domingo 28 as misas sucederánse desde as nove da mañá e solemne á unha da tarde. despóis será a tradicional subasta de productos da terra, antes do inicio do xantar da XII Festa do Cocido de Sampaio, no que poderá degustarse un cocido galego por 23 euros comensal. A xornada festiva estará amenizada coa música de Feitizo de Pao e o dúo Trasnos.

Na axenda deportiva, volve o fútbol da 1ª RFEF a Espiñedo, que por vez primeira na historia visita o equipo aragonés do Club Deportivo Teruel, visitante para o Arenteiro na 21ª xornada do campionato de liga.

A conselleira de Promoción do Emprego e Igualdade, Elena Rivo, visitou hoxe empresas do Carballiño, entre elas "Frigoríficos Arcos" (na foto) onde puxo de relevo os apoios autonómicos ás persoas traballadoras autónomas. Alí, destacou que xa se contabilizan máis de 2.100 solicitudes de profesionais que queren optar ás axudas para a promoción do emprego autónomo, incluída a cota cero para novas altas.

Así, a Consellería de Promoción do Emprego e Igualdade, explicou Rivo, mantén aberto ata o 30 de setembro o prazo de solicitude para financiar os primeiros gastos da actividade dos traballadores por conta propia a través de dúas liñas que suman un orzamento de 28,9 millóns de euros. Neste total inclúese unha partida de 9,6 millóns de euros para subvencionar ao 100 % a cota reducida dos novos autónomos durante os 12 primeiros meses de actividade.

O Diario Oficial de Galicia convocou este mesmo luns outros dous programas de axudas ao emprego autónomo que suman 9,5 millóns de euros. Diríxense, por unha banda, aos traballadores autónomos que teñan unha antigüidade superior aos 42 meses para que poidan ofrecer novos servizos e realizar investimentos que impulsen a súa capacidade competitiva (Bono Autónomo) e, por outra, axudar aos profesionais por conta propia que desexen volver emprender tras o cesamento de actividade (Bono nova oportunidade).

Polo do Carballiño

Na visita, a conselleira tamén aproveitou para poñer en valor o traballo feito desde o Polo de emprendemento e apoio ao emprego do Carballiño. Así, das máis de mil persoas emprendedoras atendidas en toda Galicia, arredor de 240 proxectos foron asesorados na provincia de Ourense e, deles, preto de 80 pasaron polo Polo do Carballiño. Das persoas emprendedoras que acudiron ao centro, o 55 % son mulleres e o 45 % homes. Con todas elas lévanse realizado un total de 190 titorías.

No eido do emprego, cómpre referirse tamén á última enquisa de poboación activa (EPA) de 2023, que amosa que Galicia pechou o ano con menos paro, máis emprego e de maior calidade e con máis persoas activas que o exercicio anterior. As cifras son boas tanto a nivel xeral como nos colectivos prioritarios.

Os traballadores do Grupo de Emerxencias do concello do Carballiño manifestaron hoxe o seu malestar polas condicións nas que, afirman, están desenvolvendo o seu traballo, con notables carencias no servizo debido a unha situación de precariedade –aseguran- polo déficit de medios e e a falla de mantemento de equipamentos.

Para resolver as súas reivindicacións laboráis, reclaman ao concello do Carballño que convoque unha mesa de negociación, e recoñeza a súa condición de bombeiros. Lamentan ademáis que o servizo estea en precario en canto efectivos, xa que das 20 prazas que están contempladas na RPT, tan so están cubertas 14 na actualidade, e tendo en conta que contan con dúas baixas de longa duración.

Pola súa parte, o concelleiro de seguridade Alberto Otero defende a xestión municipal, e facendo mención á mellora das instalación nas que ten a súa sede este servizo municipal, e nas que se investiron máis de 200.000 euros, afirma que o concello seguirá aberto a negociar coa representación dos traballadores aínda que matiza que son traballadores para atender emerxencias pero que non son bombeiros.

No audio adxunto podes escoitar tanto as manifestacións de Jonatan Dominguez, portavoz dos traballadores, como do concelleiro de seguridade do concello do Carballiño, Alberto Otero.