Nova entrega da Tertulia dos Venres en COPE O Carballño, a deste venres dia 15 de decembro e na que participaron Fátima Gómez, Manuel Nogueira e José Antonio Barge, e moderada por Xan Pinal.

Podes escoitála no audio adxunto:

O Grupo Socialista impulsa no Parlamento de Galicia unha iniciativa para que se cubran as dúas prazas de pediatría do centro de saúde do Carballiño. Os e as socialistas critican a “falla de previsión” do goberno galego á hora de cubrir as prazas que quedaron vacantes por unha xubilación e un traslado xeográfico e amosan o seu “total” respaldo e apoio á veciñanza do Carballiño que está a demandar uns servizos dignos e xustos para as súas crianzas.

A iniciativa saíu adiante por unanimidade. A deputada do PSdeG-PSOE de Ourense no Parlamento de Galicia, Marina Ortega Otero, defendeu esta mañá na comisión de sanidade, política social e emprego unha proposición non de lei na que instan á Xunta a que, a través da consellería de sanidade, cubra ás dúas prazas de pediatría do centro de saúde do Carballiño. A parlamentaria socialista alertou de que a falla do servizo de pediatría durante as tardes e a ausencia deste especialista no servizo de urxencias “obriga aos pais e nais dun centro que atende a 27.000 persoas de 9 concellos e a case 2.500 crianzas a desprazarse ao servizo de urxencias do Hospital de Ourense, moitas veces colapsado, ou directamente optar pola sanidade privada”.

Ortega Otero aproveitou tamén a súa intervención para sinalar que “é preciso que o goberno galego acolla estas demandas que trasladan os veciños e veciñas do Carballiño para blindar os servizos de matrona, xinecoloxía e pediatría”. Explicou que estes servizos resultan “básicos para afianzar poboación nun dos principais núcleos con maior habitantes da provincia e remontar a grave crise demográfica que fai de Ourense unha das provincias co peor saldo vexetativo de España”.

“Escoiten á veciñanza que leva anos saíndo a rúa para reivindicar, non só que se cubran as prazas de pediatría, senón unha praza adicional de matrona ou a necesidade dunha maior cobertura da atención xinecolóxica e pediátrica”, afeoulle a deputada do PSdeG-PSOE de Ourense ao Partido Popular. Marina Ortega fixo fincapé tamén na mobilización deste pasado domingo no Carballiño, na que asegurou que a veciñanza “saíu a rúa para reivindicar dende o respecto os dereitos dos nosos fillos e das nosas fillas. Un pobo unido por unha causa xusta e que crearon unha plataforma veciñal e recolleron firmas para reivindicar que se cubran as prazas de pediatría”.

Neste senso amosou o seu agradecemento pola mobilización do domingo, afirmando que “sen a loita dos pais e nais e da veciñanza do Carballiño non sería posible que se cubran as prazas”. Os e as socialistas subliñan que Carballiño é un dos núcleos máis importantes da provincia en termos de poboación, motivo polo que afirman que “é preciso que o goberno galego acolla estas demandas que a veciñanza está trasladando, para así garantir servizos públicos de calidade e dignos, que permitan tamén afianzar poboación”.

O equipo técnico adxudicatario desta actuación arqueolóxica no castro de San Vicenzo iniciou os traballos que están financiados pola Dirección Xeral de Patrimonio Cultural da Xunta de Galicia.

Arqueólogos de "Breogán Arqueoloxía" e "Arqueolladas, Colectivo de Arqueoloxía" deron comezo a unha intervención que é xa unha realidade por medio dunha iniciativa conxunta da Asociación Cultural Vive Avión, a Comunidade do Monte Veciñal en Man Común de San Xusto e o concello de Avión.

En datas próximas, está prevista a organización de visitas guiadas a esta primeira fase das excavacións deste xacemento arqueolóxico, que se ubica nun lugar que ademáis conta cun gran actrativo natural e paisaxístico, con espectaculares vistas.

Preto de 800 alumnos de educación infantil de máis de 20 concellos de Galicia poderán realizar as súas peticións de Nadal a Papá Noel grazas á rede de videoconferencia das aulas CeMIT ata o día 21 de decembro. Entre os concellos participantes encóntranse os de Leiro, Beariz e Castrelo de Miño, dentro do noso ámbito intercomarcal O Carballiño Ribeiro

O obxectivo desta actividade, que este ano cumpre o seu décimo sexto aniversario, cunha grande aceptación entre a comunidade educativa, é facilitar a comunicación entre Papá Noel e os nenos e nenas destas localidades, que poderán falar e interactuar con el poucos días antes da Noiteboa, cando se atendan as peticións de agasallos de todos os nenos e nenas do mundo.

Ademais dos alumnos de educación infantil dos diferentes colexios de Galicia, tamén terán a posibilidade de solicitar en directo os seus agasallos a Papá Noel as persoas adultas en situación de dependencia psíquica do Centro de día de Guitiriz ou do Centro Aspromor de Ortigueira.

Con este tipo de experiencias, a Rede CeMIT da Xunta de Galicia busca converter estas aulas multimedia en puntos de encontro dos municipios e dar a coñecer todas as posibilidades que ofrece este tipo de espazos de comunicación e a tecnoloxía da que dispoñen.

A Rede CeMIT
A Rede CeMIT (Rede de Centros para a Modernización e a Inclusión Tecnolóxica) é unha iniciativa posta en marcha pola Amtega que conta coa colaboración de 91 concellos e está integrada por 94 centros en 52 comarcas que ten entre os seus obxectivos o de promover o uso das novas tecnoloxías entre a poboación, con especial atención aos colectivos máis afectados pola fenda dixital, fomentar a formación dixital entre os profesionais galegos e mostrar á pemes e micropemes as vantaxes da sociedade da información.

A Rede conta con máis de 110.000 usuarios e leva planificadas máis de 500.000 horas de formación, desde a súa posta en marcha. A rede conta con máis de 980 "aliados dixitais" entre empresas, entidades e voluntarios. A listaxe completa e a localización das aulas CeMIT poden ser consultados en: http://cemit.xunta.es/centros.

A Deputación de Ourense, en colaboración coa Estación de Montaña de Manzaneda, organiza unha nova edición do programa deportivo EsquiOU, que conta este ano con 735 prazas para os nenos nacidos entre o 1 de xaneiro do 2012 e o 31 de decembro do 2015. O total de prazas estará dividido en sete quendas de 105 prazas cada unha.

O vicepresidente segundo e deputado de Deportes César Fernández, presentou hoxe no Pazo Provincia, xunto ao responsable de Grupos da Estación de Montaña de Manzaneda, Nacho Pereira, os detalles desta actividade de inverno que ten unha “gran demanda” desde a súa posta en marcha no ano 2015.

O obxectivo principal deste programa é que os nenos e nenas da provincia aprendan a esquiar, pero tamén poderán realizar durante os tres días diferentes actividades lúdico-deportivas como tiro con arco, sendeirismo ou natación.

A duración da estancia é de tres días e dúas noites, sempre de luns a mércores e inclúe aloxamento, pensión alimenticia, curso de esquí e as demais actividades complementarias. O programa desenvolverase por quendas nas que se fai un reparto dos nenos por proximidade xeográfica para lograr grupos máis homoxéneos.

A primeira quenda será do 22 ao 24 de xaneiro para as comarcas da Terra de Celanova e Baixa Limia; a segunda quenda, do 29 ao 31 de xaneiro, será para as comarcas do Ribeiro e O Carballiño; do 5 ao 7 de febreiro será a quenda para os nenos de Verín-Viana; do 12 ao 14 de febreiro para Ourense; do 19 ao 21 de febreiro para Valdeorras; do 26 ao 28 de febreiro para Allariz-Maceda-A Limia; e finalmente do 4 ao 6 de marzo para Terra de Caldelas-Terra de Trives.

Inscricións abertas desde hoxe ata o 10 de xaneiro de 2024

A inscrición no programa pódese realizar a partir de hoxe a través do correo electrónico esquiou@depourense.es, axuntando o formulario de inscrición do ano 2024 cuberto e unha fotocopia do DNI do participante. O prazo para presentar as solicitudes remata o día 10 de xaneiro de 2024 ás 14.00 horas. O prezo da estancia por participante será de 29 euros e a selección dos participantes farase por orde de inscrición. Se algún participante quedase sen praza na quenda que lle corresponde, pasaría a unha lista de agarda para ser inscrito no caso de quedar prazas baleiras noutras quendas.

Rocio Valiñas e Carlos Nemesio, da Plataforma Cidadán pola defensa da sanidade pública do Carballiño, móstrase satifeita pola participación na manifestación deste pasado domingo "porque a pesar de que o dia non invitaba a sair da casa e de que coincidíu cunha prolongada ponte festiva, reunimos a máis de 500 persoas".

Escoita aquí a entrevista na que, ademáis anuncian a folla de ruta que seguirán nas súas reivindicacións ante o SERGAS.

A manifestación convocada pola "Plataforma pola Defensa da Sanidade Pública do Carballiño" reuníu na mañá deste domingo a centos de persoas que se concentraron ao mediodia na praza da Veracruz, para logo continuar polas rúas máis céntricas do Carballiño ata a Praza Maior, onde finalizou.

A protesta estivo motivada pola situación de precariedade na que se encontra o servizo de pediatría no centro de saúde do Carballiño, que atende tanto á poboación en idade pediátrica do Carballiño como do resto da comarca -máis de 2.000 nenos- que desde fai meses está atendido por médico puericultores, despóis de que as dúas pediatras que atendían o servizo causasen baixa, unha delas ao xubilarse e a outra en comisión de servizos.

A promesa do Sergas de concocar con carácter de urxencia e por concurso de méritos unha nova praza de pediatría para o Centro de Saúde do Carballiño non convence ás familias, que xa reuniron miles de sinaturas demando do Sergas que repoña o servizo coas dúas prazas de pediatría en horario completo de 08:00 a 15:00 horas, e amplíe o servizo en horario de tarde.

Nesta manifestación participaron concelleiros de todos os grupos da corporación municipal do Carballiño, que na última sesión celebrada acordou o apoio incondicional ás reivindicacións desta Plataforma Cidadán.

CINE. Este venres día 8 o Cine Club pon fin á programación do ano 2023 coa proxección dunha das grandes sorpresas do cinema español nesta tempada, "Tierra de nuestras madres", de Liz Lobato. Comedia con tintes surrealista, é unha obra orixinal , diferente e refrescante, ambientada na España rural e vaciada. Conta ademais cunha excelente interpretación do veterano Saturnino Garcia. Os pases serán ás 20:00 e ás 22:30 horas no Auditorio do Carballiño

No Novocine de Leiro temos cine de estrea coa película "Wonka", cine de comedia, fantástico e de aventuras, para todos os públicos. Do xoves 7 ao domingo 10 ás 16.00 18.00 e 20.00 horas.

RUTA DAS TAPAS DO OUTONO. Este venres 8 de 20:00 a 23.00 horas  nova edición desta ruta na hostalaría carballiñesa, con exquisitas tapas a 3 euros e actividades de animación nos locais participantes.

CONCERTO CONXUNTO DA BANDA DE MÚSICA DE VILATUXE E A CORAL DO CASINO. Unha nova edición deste concerto de nadal que ofrecen ambas formacións musicais, que interpretarán desta vez música e polífonía universal, co mítico Nabucco de Verdi ou algún dos temas máis populares do grupo sueco ABBA. Sábado dia 9 ás 20:00 horas no auditorio co Carballiño.

MAXIA. O Mago Pedro Volta presenta no Carballiño o seu espectáculo de maxia "Ilusionante". Domingo 10 ás 18:00 no auditorio do Carballiño.

A "Tertulia dos Venres" de COPE O Carballiño foi esta semana a "Tertulia do Xoves", adiantando a súa emisión ao coinicider este venres en festivo. 

José Antonio Barge, Fátima Gómez, Manuel Nogueira e Sebas Lamazares, moderados por Xan Pinal, solidarizáronse coas queixas manifestadas por numerosos oíntes do ámbito rural, que veñen padecendo nos útlimos dias os consabidos cortes no suministro eléctricos, e os máis recentes nesta mesma mañá de xoves.

A manifestación da Plataforma pola defensa da sanidade do Carballiño que convoca unha manifestación para este próximo domingo ao mediodia, ou a crise aberta no grupo de goberno do concello do Irixo polas discrepancias que mantén alonxado da actividade municipal ao concelleiro Juan Manuel Villanueva, foron outros dos asuntos comentados.

Podes escoitar íntegra a nosa tertulia no audio adxunto: