O Voceiro do Grupo Municipal Socialista do Concello do Irixo, Iago Fariñas Valiña, presentou as pasadas semanas unha moción para ser debatida no pleno instando ao Concello Á ADQUISICIÓN PARA A SÚA CONSERVACIÓN E POSTA EN VALOR DAS CASAS REITORAIS ABANDONADAS NO CONCELLO DO IRIXO.

O concello do Irixo, do que forman parte doce parroquias, ten a meirande parte das súas casas reitorais en auténtica ruína como a de San Cosme ou a de Reádegos , Froufe ou Espiñeira; ou en semi-ruína, como a de Dadín, Cangues ou Corneda, esta última dun gran valor artístico e arquitectónico e en continua espoliación. Xa no ano 2002 o concello anunciou publicamente a adquisición da casa reitoral de San Cosme para turismo Rural e así fora reflectido nos medios de comunicación, pero pasados, máis, de 14 anos nada se sabe da compra de ningunha destas casas reitorais que forman parte do noso rico patrimonio, aínda que non sexan propiedade deste Concello.

O Grupo Municipal Socialista, indica que estas accións se poden realizar sen prexuízo de incluír outras casas reitorais, edificacións ou terreos que puideran quedar en desuso como a do Campo, ou en estado de abandono progresivo, pero actualmente de forma mais urxente centrándose claramente na Parroquia de Cangues (Santo Estevo), Parroquia de A Cidá (Santa Mariña), Parroquia de Corneda (Santiago), Parroquia de Dadín (San Pedro), Parroquia de Espiñeira (San Pedro), Parroquia de Froufe (San Xoan), Parroquia de Reádegos (Santa Baia) e Parroquia de San Cosmede de Cusanca (San Cosmede) As casas reitorais do Concello do Irixo, conforman, en gran parte, un conxunto artístico e arquitectónico que merece, sen lugar a dúbidas, a pena ser conservado e posto en valor e uso con múltiples posibilidades.

Debido ao estado destas propiedades, e a que a Igrexa hai xa uns anos que decidiu vender algunhas propiedades en desuso e especialmente as que están en estado ruinoso ou practicamente, como é o caso das anteriores sinaladas, sería moi asumible negociar coas autoridades eclesiásticas para que o Concello do Irixo adquirise a titularidade de todas estas antigas casas reitorais para recuperalas e poñelas en valor. Todas estas casas, algunhas situadas estratexicamente e outras con enormes posibilidades segundo o caso, poderían, despois dun laborioso proceso de restauración, non so albergar espléndidas vivendas de turismo rural ou albergues, que darían un pulo importante ó concello no ámbito laboral e turístico; senón tamén poderían ser convertidas en centros culturais, dotacionais ou municipais que darían servizo social para todos os veciños e veciñas do Irixo.

Xa que logo, poderían ser puntos de ocio e reunión dos veciños de cada unha das parroquias. É, ademais, unha obriga moral non deixar que se perda o patrimonio deste concello, senón arranxalo, conservalo e destinalo para uso e desfrute dos veciños ou dotar, nesas instalacións, outros servizos a este concello, porque non esquezamos que o patrimonio do concello é dos veciños e veciñas de todas as parroquias. Debido ao seu estado de deterioro á inversión inicial non debería ser moi elevada e perfectamente asumible por este concello, sempre e cando se axuste o seu presuposto, dotando unha partida orzamentaria, ou chegado o caso, unha modificación de crédito para acometer a compra despois dunha negociación coas autoridades eclesiásticas.

A rehabilitación de todas estas propiedades, que se iría prolongando no tempo, podería contar con diversas subvencións de distintas administracións e mesmo poderían dar lugar á creación dun obradoiro de emprego, xerado polo propio concello ou en colaboración con outros concellos veciños, o que xeraría traballo e riqueza no concello.

Os socialistas, queren destacar que a negociación para a adquisición destas casas reitorais coas autoridades eclesiásticas, debería incluír espazos ou metros de terreos da Igrexa que sexan necesarios para mellorar as comunicacións ou as infraestruturas do concello. Sirva como exemplo, que coa cesión duns dous ou tres metros na fachada do destro da parroquia do Campo se podería acometer o ancheamento e a urbanización do entorno con beirarrúas, que mellorarían considerablemente o entorno e garantirían a seguridade dos peóns que actualmente circulan pola estrada para desprazarse á igrexa; ao non dispoñer, no entorno da parroquia, de accesos axeitados.

O Grupo Municipal Socialista do Concello do Irixo, presentou, hai semanas, para a súa consideración e dada a importancia da conservación e posta en valor deste patrimonio existente no concello, que ademais serviría conxuntamente con outras accións para dinamizar o turismo e a economía do concello, unha moción instado ó Pleno municipal á adopción do seguinte ACORDO: “Que o Concello do Irixo negocie coas autoridades eclesiásticas, sexa o Bispado ou quen ostente a representatividade deste para tales cuestións, a adquisición na fórmula máis vantaxosa, preferiblemente a compra, das casas reitorais existentes no Concello, deshabitadas e en estado de abandono para rehabilitalas coa solicitude das axudas das distintas administracións autonómicas, estatais ou europeas, aproveitando a rehabilitación das mesmas para a creación dun Obradoiro que xere emprego e dinamice a economía do municipio e finalmente destinalas a vivendas de turismo rural, albergues, centros culturais, dotacionais ou municipais, etc. para todos os veciños e veciñas de O Irixo.”

A Xunta destina 200.000 euros as obras de reforma do centro integral para as persoas de maiores do concello, onde se prestan servizos de atención residencial, de centro de día e de vivenda comunitaria. O xerente do Consorcio Galego de Servizos de Igualdade e Benestar, Perfecto Rodríguez, visitou hoxe este equipamento de titularidade municipal para comprobar o avance desta actuación recentemente iniciada e estivo acompañado do alcalde, Antonio Montero.

Perfecto Rodríguez sinalou que a actuación financiada consiste en varias reformas interiores, así como na renovación do mobiliario das habitacións e de espazos comúns. Ademais, indicou que a mellora deste centro é unha da vintena de proxectos que forman parte do Plan de Investimentos da Xunta. A través deste Plan, o Goberno galego destina 18,5 millóns de euros de fondos europeos do Mecanismo de Recuperación, Transformación e Resiliencia (MRR) para reforzar a rede de servizos de proximidade que dependen dos concellos. En concreto, con este orzamento estanse construíndo ou ampliando residencias de maiores, centros de día, vivendas comunitarias e centros sociais.

Neste sentido, o xerente do Consorcio apuntou que coa execución deste Plan, acordado coa Federación Galega de Municipios e Provincias (Fegamp), porase a disposición das familias que viven en concellos máis rurais e de menor poboación un total de 650 novas prazas públicas para o coidado dos seus maiores.

Outro venres de tertulia en COPE O Carballiño, desta vez con Fátima Gómez, Sebas Lamazares e Manuel Nogueira, xunto a xan Pinal, e coma sempre coa destacada participación da audiencia desta emisora de radio.

Escóitaa aquí:

Os vindeiros venres 30 e sábado 31 de maio, a Praza Maior do Carballiño converterase no epicentro da solidariedade con “AMORAS CON CAUSA a favor de I’TICS”, un evento cheo de sabor e corazón que marcará a estrea da FRUITRUCK AMORAS STREET, a nova proposta sobre rodas da Furtaría Amoras, dirixida por Ana Rodríguez García.

A cita celebrarase ambos días en horario de 18:00 a 21:00 horas, e non só presentará esta innovadora Fruitruck de froita saudable, senón que o fará cun fin solidario: apoiar á entidade sen ánimo de lucro I’TICS, Institución Turística Inclusiva Cultural e Social, no seu inspirador e transformador proxecto WeddingPack Solidario Cásate no Camiño.

Co apoio do Concello do Carballiño e a implicación de empresas locais e galegas, este evento invita a veciños e visitantes a gozar de dúas tardes únicas, repletas de actividades para todos os públicos:

-Degustacións solidarias de vasos de froita Amoras.
-Photocall con recordo fotográfico personalizado.
-Música en directo con artistas locais.
-Xogos populares e actividades infantís.
-Sorpresas e propostas lúdicas con fin solidario.

Todo o recadado destinarase integramente a impulsar WeddingPack Solidario Cásate no Camiño, o proxecto que transforma a experiencia da organización dunha voda nun acto de compromiso coas persoas, coa inclusión, a diversidade, a sustentabilidade e o turismo responsable no Camiño de Santiago.

“Amoras con Causa” é máis ca un evento, é unha invitación a transformar momentos cotiáns en oportunidades para axudar e construír unha sociedade máis xusta.

Desde Amoras anímase a toda a veciñanza do Carballiño e da súa contorna a sumarse a esta festa solidaria, onde cada froita compartida será un paso máis cara a un mundo con máis igualdade, máis cultura... e máis amor.

O Club Deportivo Arenteiro prolonga a mellor etapa dos seus 67 anos de historia e por terceira temporada consecutiva seguirá competindo na categoria de bronce do fútbol español, na Primeira RFEF.

Tras certificar a súa permenencia na categoria, Espiñedo continuará a vivir na máxima categoria da RFEF, na antesá da liga de fútbol profesional, para a próxima temporada 2025-26, que arrancará no próximo mes de agosto, e co Arenteiro inmerso no proceso para a súa reconversión en SAD.

A falta de coñecer a composición do grupo no que competirá, sí que xa sabemos que entre os 20 equipos estarán 6 galegos, os 4 que se quedan na categoria: Arenteiro, Celta B, Ourense CF e Lugo, ademáis do Racing de Ferrol descendido de Segunda División e o Pontevedra, ascendido da Segunda RFEF. O Arenteiro continuará por terceiro ano consecutivo entre os mellores equipos galegos, que completan Celta en Primeira División  e Deportivo en Segunda División.