A Garda Civil detén a dúas persoas ás que imputa varios roubos de maquinaria industrial, que logo vendían nun establecemento clandestino no Carballiño
Axentes da Garda Civil do Carballiño levaron presas a dúas persoas ás que lle imputa varios delitos de roubo de maquinaria industrial, dentro da denominada "Operación Pala", na que se recuperou diverso material e procedeuse a incautar un rifle ilegal do calibre 5,6 mm.
A operación da Garda Civil púxose en marcha tras varias denuncias formuladas nas provincias de Ourense e Pontevedra por empresas dedicadas ao aluguer de maquinaria industrial para a realización de obras, desde ese momento, a área de investigación da Garda Civil do Carballiño levou a cabo un dispositivo que supuxo a desarticulación desta organización dedicada á sustracción e posterior posta no mercado negro deste tipo de maquinaria, de forma ilícita.
Os dous detidos son F.G.H., nacido en 1976, natural de Piñor e con veciñanza na actualidade en Ourense, e A.G.F., nacido en 1948 e veciño do Carballiño. Ambos, según o relato da Garda Civil, alugaban ferramentas de obra, tales como martelos eléctricos, grupos electróxenos, mini excavadoras, para posteriormente vendelas a particulares nun establecemento clandestino sito no Carballiño, tras haber manipulado previamente os números de série e demáis marcas identificativas das diferentes empresas de aluguer, chegando incluso a intercambear pezas e compoñentes entre as máquinas, para difucultar o seu recoñecemento.
A operación continúa aberta, e non se descartan novas detencións, tendo en conta as investigacións feitas atá o momento, según información facilitada pola propia Garda Civil do Carballiño.
