Invictus Arenteiro remonta ante o Raio Cantabria e continúa como líder, pensando na final do mércores en Alzira.
![](http://copecarballino.es/sites/default/files/styles/nodo/public/raio_cantabria.jpg?itok=lkuKcu57)
O Arenteiro sigue pulverizando os seus rexistros en categoria nacional e acumula xa 16 partidos consecutivos como equipo invicto tras derrotar aos santanderinos do Raio Cantabria en Espiñedo, apenas 24 horas antes de emprender viaxe cara terras valencianas onde o mercores xogará ante o Alzira a final da Copa Federación.
Desta vez, os verdes tiveron que remontar o marcador xa que o filial do Racing de Santander adiantouse cun gol no minuto 25, aínda que xa antes do descanso o Arenteiro deulle a volta con goles de Marquitos e e Alex Fernández. Na segunda parte, Pibe sentenciou cun terceiro gol.
Agora, sen tempo para o descanso, o Arenteiro súbese ao autocar este lúns ás 23:00 horas para viaxar toda a noite ata Valencia. O martes pola tarde adestrará na cidade deportiva do Valencia C.F, velando armas para a gran final da Copa Federación, que se xogará no estadio Luis Suñer ante os locais da UD Alzira, o mércores dia 2 ás 19:30 horas, en partido que será ofrecido en directo pola G2, a segunda canle da Televisión de Galicia.
Vídeo-resumen do partido na G24.gal: https://www.g24.gal/-/remontada-de-lider-acadada-polo-arenteiro-3-1-
Crónica do partido en "La Voz de Galcia": https://www.lavozdegalicia.es/noticia/ourense/2022/10/31/arenteiro-remon...
Crónica do partido en "La Región": https://www.laregion.es/articulo/deporte-local/arenteiro-quien-tosa/2022...