O concello abre o museo dos muiños e a oficina municipal de turismo da Alameda e agarda "a chegada masiva de visitantes a O Carballiño esta Semana Santa". Tamén recorda que a feira adiántase ao sábado dia 30.
![](http://copecarballino.es/sites/default/files/styles/nodo/public/carballino-org_parque_etnografico.jpg?itok=kqWTvFCZ)
O concello do Carballiño comunica que os horarios diarios de atención ao público ata o próximo domingo dia 31 de marzo tanto no museo do Parque Etnográfico do río Arenteiro como na oficina municipal de turismo sita na Alameda será de 11:00 a 14:00 horas, e de 17:00 a 19:30 horas.
Nestas datas, o concello "agarda a chegada dun importante numero de visitantes a O Carballiño" e tamén recorda a toda a veciñanza "a importancia de apostar tamén nestas datas polo comercio e a hostalaría da vila, sectores que forman tamén parte do reclamo turístico do Carballiño".
Asemade, recordan que ao coincidir o dia 31 a domingo, adiántase a feira ao sábado 30, "animando a facer as reservas para comer con debida antelación", ao considerar que ao coincidir esta feira de final de mes en plena Semana Santa e no medio de dous festivos, espérase un cheo nos comedores da hostalaría carballiñesa.