Sucesión de cortes no sumistro eléctrico durante a mañá do domingo tanto no casco urbano do Carballiño como na zona rural

27, Setembro 2020

As anomalías no sumistro eléctrico en forma de cortes no sumistro afectaron a miles de usuarios da rede eléctrica na mañá deste domingo no municipio do Carballiño, tanto no casco urbano como na zona rural.

Entres as 8 e as 10 da mañá rexistráronse tres cortes no fluido eléctrico,  o último preto das 10 da mañá prolongouse durante 20 minutos. Na páxina WEB da empresa sumistradora aparecía a avería localizada no municipio do Carballiño, pero non explica o motivo. As condicións meteorolóxicas nesta mañá de domingo son de total normalidade.