Deportes

A Segoviana marcou o único gol mediada a segunda parte, suficiente para gañar un partido no que acaso o máis xusto houbese sido un empate, polo visto no estadio segoviano no cómputo dos 90 minutos de xogo.

Na primeira parte non pasou absolutamente nada destacable, pero o partido cambiou radicalmente tras o paso por vestiarios. Ambos equipos sairon decididos a dar un paso adiante e irse a polos 3 puntos, e chegaron as ocasións ante ambas porterías. E pasou que a Segoviana aproveitou a que tivo para marcar, e o Arenteiro fallounas, ou tamén podía decirse, por dúas veces o porteiro local foi o gran salvador do seu equuipo con paradas de moito mérito. O árbitro anulou un gol por fora de xogo a Sylla, sinalado a instancias do auxiliar de banda.

Con este resultado, o Arenteiro deixa atrás unha série de 7 partidos invicto, e queda no mesmo noveno posto no que estaba na clasificación, a 3 puntos da promoción de ascenso e a outros 3 dos postos de descenso.

Crónica do partido en "El adelantado de Segovia"
https://www.eladelantado.com/todo-el-deporte/deporte-local/la-segoviana-...

Domingo matinal de paixón e de paixón arenteirista en Espiñedo con goleada ante os asturianos da UD Llanera, que chegaba a Espiñedo entre os tres mellores equipos da segunda volta no grupo 1º da Segunda RFEF, tras esta xornada o Arenteiro quédase en solitario como o mellor equipo desta desta segunda volta e da un gran paso para conseguir o obxetivo da permanencia.

O partido foi un monólogo de principio a fin do Arenteiro, que mesmo pudo conseguir marcador moito máis amplo, porque foron cinco goles e puderon ser algunhos máis, mentres que o LLanera marcou o seu gol da honra no único balón que conseguíu enviar entre os tres paus dun Diego García que foi desta vez un espectador máis do partido. Renan Zanelli marcou dous goles, un deles de penalti, tamén fixo doblete Raúl Blanco, e Marquitos completaron a nómina goleadora dos verdes.

Vídeo-resumen da TVG: https://www.g24.gal/-/o-arenteiro-e-o-mellor-equipo-da-segunda-volta-e-m...

Ficha do partido: https://www.rfef.es/actas?pid=3499161

Tarde soleada pero moi fria no campo de Miramar de Luanco para un partido que tivo a súa xogada polémica no tempo de desconto cando Joseca que avanzaba como un obús sobre a portería do Marino foi pisoteado por un defensor local dentro da área, o árbitro non quixo pitar a pena máxima.

Ademáis, tras a polémica acción, o colexiado expulsou con cartón vermello ao local Lora e ao xogador do Arenteiro Pibe, aínda que o partido xa estaba practicamente finiquitado co empate inicial sen goles.

O partido transcurríu sen ocasións claras ante ambas porterías, ambos gardametas tiveron moi pouco traballo, que resolveron con solvencia. Os primeiros minutos foron para o Arenteiro, pero logo o Marino apretou algo máis, aínda que con pouca profundidade. Na segunda metade o Arenteiro foi máis dominador pero tampouco logrou chegar con claridade ante a portería local.

Ficha-acta do partido: https://www.rfef.es/actas?pid=3499151

Video-resumen da TVG: https://www.g24.gal/-/empate-sen-goles-nin-case-ocasions-entre-arenteiro...

O Arenteiro conseguíu sumar un punto ao empatar a un gol co Palencia CA na Nova Balastera, un estadio moderno cunhas magníficas instalacións pero cun deficiente terreo de xogo, en moi mal estado para a práctica do fútbol.

O gol do empate dos palentinos chegou no último suspiro do partido, cando os afeccionados do Arenteiro desprazados a Palencia e a todos os que seguían a restransmisión televisiva xa cantaban unha nova victoria dos verdes, ao final quedáronse co mel nos beizos, aínda que conseguir sumar nun estadio e cun rival como o Palencia Cristo At. sempre pode considerarse como positivo, e serve para prolongar a boa dinámica na que está e equipo. 

O Arenteiro saíu ao partido creendo nas súas posiblidades, e tras forzar un córner e dar mostras de perigo na área local, en apenas 3 minutos conseguíu adiantarse no marcador con conexión brasileira, Renán lanzou unha falta sobre a portería do Palencia e Cassio conectou un testarazo que levou o balón ao fondo da portería local. Un gol que probablemente marcou o resto do partido, ao que se chegaba ao descanso sen que en ningún momento houbese sensación de que perigase a victoria momentánea do Arenteiro.

Na segunda parte os palentinos saíron a por todas, rondaban unha e outra vez a área da portería pero Diego apenas tiña que intervir porque a liña defensiva do Arenteiro estaba soberbia cerrando espacios e facendo estéril o dominio local, e mesmo desperdiciaron os verdes dúas claras ocasións para sentenciar, unha primeira de Raúl Blanco e unha segunda na que Victor Eimil fixo todo ben pero non culminou a súa gran xogada personal e malogrou a sentencia.

O árbitro concedeu cinco minutos de desconto, e foi precisamente cando xa se cumplía o tempo da prolongación cando empata o Palencia cun bo remate de cabeza dentro da área.

Vera ficha do partido:https://www.rfef.es/actas?pid=3499142

Vídeo resumen do partido da TVG: https://www.youtube.com/watch?v=8qifimDcwQE

O Arenteiro sumou outros 3 puntos de ouro e volve ser, pendiente dos partidos dominicais, o equipo que suma máis puntos da categoria no que vai de ano 2022, en total son total 21 puntos, tras colleitar 6 triunfos, 3 empates e unha única derrota.

O partido desta tarde de sábado co Bergantiños estivo cheo de intensidade e emoción, e decidíuno unha gran xogada de ataque dos verdes, con ata catro toques de balón que culminaron Cruz cun centro medido á area pequena que rematou impecablemente de cabeza Marquitos. Unha primeira parte na que o Arenteiro foi netamente superior a un Bergantiños que estaba incómodo e claramente superado polo Arenteiro.

Na segunda parte, o adestrador visitante fixo cámbios para tratar de buscar unha posesión que non lograra ter en ningún momento do partido, pero o Arenteiro soubo xogarlle a un Bergantiños que apenas lograba xerar perigo real, mentres que sí o facía facía o Arenteiro, que tivo ata 3 claras ocasións para pechar o partido, primeiro nunha falta lateral que Raúl rematou fora por moi pouco cando se cantaba o gol na grada, igual que noutras sendas oportunidades que malograron Sobrido e Sylla. Non marcaron e matívose a emoción ata o pitido final, despois dun libre directo moi perigo a favor do Bergantiños que non colleu portería.

ARENTEIRO: Diego García; Víctor Eimil, Germán Novoa, Pol Bueso, Joseca (Portela 83’); Raúl Blanco (Álvaro Naveira 76’), Adrián Cruz, Renan Zanelli, Álex Fernández, Markitos Alonso (Cassio Góes 71’) e José Sobrido (Alassane Sylla 83’)

BERGANTIÑOS: Santi Canedo; Blas (Cano 46’), Agulló (Brunet 58’), Hugo, Brais; Uzal (Concheiro 79’), Boedo (Martín Lamelas 79’) , Remeseiro, Yelco; Escobar e Christian (Carlos López 46’).

Goles: 1-0 Markitos Alonso 17’.

Árbitro: Guillermo Cueto Amigo (Comité Castelá-leonés). Asistentes: Lidia Lombardero Díaz y Guillermo García Presa. Non tivo complicacións nun partido moi fácil para arbitrar. Amonestacións: Cartón amrelo a Álex Fernández 18’, Blas 36’, Boedo 44’, Agulló 55’, Brunet 61’, Pol Bueso 77’, Germán Novoa 88’.

Vídeo-resumen da TVG: https://www.g24.gal/-/o-solitario-gol-de-marquitos-dalle-o-triunfo-ao-ar...

Con esta victoria na tarde deste sábado na cidade deportiva de Butarque o Arenteiro, á espera dos resultados dominicais, o Arenteiro convertese no mellor equipo da categoria no que vai de 2021, ao sumar cos 3 de hoxe en Leganés un total de 18 puntos no que levamos de 2022.

Os verdes sempre foron por diante no marcador,ao descanso chegouse co 0-1, e foi na sgunda parte cando chegou o festival goleador con ata catro goles e un carrusel de ocasións que mantivo a emoción ata o pitido final, un triunfo que ademáis achega ao Arenteiro á zona intermedia da apretada clasificación da Segunda Federación, antes de recibir o próximo sábado en Espiñedo a un dos equipos revelación do campionato, o Bergantiños CF

No partido desta tarde ante o equipo pepinero, o Arenteiro consigue sumar 3 importantísimos puntos grazas desta vez ao seu acerto en ataque, nun encontro no que Fran Justo sorprendeu -e acertou- no once titular con Sobrido e Markitos. Ambos tiveron moito que ver no resultado, porque Sobrido foi o autor do primeiro gol dos verdes e Marquitos sobre quen a defensa madrileña cometeu penalti que transformaría Renán no terceiro gol da tarde, antes o propio Renan marcaba o segundo de libre directo.

LEGANÉS: Sergio Valero; David López, Ofoli Quaye, David Alba, Camacho; Álex, Rentero (Caio Lopes 45’), Óscar (Mario Rivas 64’), Luis Forcén (Íker 68’); Mourid e Diego García.

ARENTEIRO: Diego García; Víctor Eimil, Germán Novoa, Pol Bueso, Joseca Márquez; Raúl Blanco, Adrián Cruz (Cassio de Góes 75’), Renan Zanelli, Álex Fernández, Markitos Alonso(Alassane Sylla 67’) e José Sobrido(Portela 86’).

Goles: 0-1 José Sobrido 13’, 1-1 Luis Forcén 52’. 1-2 Renan Zanelli 58’, 1-3 Renan Zanelli 63’, 2-3 Caio Lopes 70’.

Árbitro: Daniel Miranda Bolaño (Comité Extremeño). Asistentes: Alberto Ramos Martín Romo e José Antonio Muñoz Blázquez. Correcta arbitraxe do trio extremeño. Amonestacións: TA: Germán Novoa 22’, Víctor Eimil 37’, Rentero 45+1’, Caio Lopes 55’, Álex 85’.

Vídeo-resumen da TVG:https://www.g24.gal/-/segunda-vitoria-seguida-dun-arenteiro-que-se-afast...

O Arenteiro foi de menos a máis e tras unha primeira parte igualada fíxolle co mando do partido nunha completa segunda parte no que os verdes fixeron méritos suficientes para conseguir un triunfo que sabe a gloria a unha entregada afección carballiñesa que despedíu ao equipo cunha gran ovación.

O Móstoles entrou no partido impoñendo un ritmo trepidante, non obstante  a defensa do Arenteiro lograba anticiparse para frenar as acometidas dos madrileños. Co avance do partido, o Arenteiro foi paseniñamente gañando terreo aos mostoleños, poñendo pausa no xogo e neutralizando a un bo Móstoles. Asi chegamos ao descanso sen apenas ocasións claras aínda que cun xogo moi intenso por ambos bandos.

A segunda parte xa foi outra historia. O Arenteiro deu un paso adiante ante un Móstoles que era agora o que se vía obrigado a meterse atrás a defender o empate. Os verdes fíxorense definitivamente co dominio  e non tardou moito en adiantarse no marcador, no m. 57, tras un ataque sobre a portería madrileña o arxentino Montovani despexa como pode, o balón caelle a Raúl Blanco que coloca o balón pegado ao poste inalcanzable para o meta Tejero.

O gol acabou por asentar a un Arenteiro que se gustaba e buscaba o segundo, pero nun regalo local o pichichi Álvaro Sánchez marcou a placer. O empate non impedíu que o Arenteiro seguise ao mesmo gran nivel no que estaba no partido, Alex Fernández abríu ao fondo sobre Eimil, que escorado pola súa banda servíu un balón á cabeza de Renan Zanelli e o brasileño emarcou case polo mesmo sitio polo que entrara o primeiro gol.

A reacción visitante non chegou ata o tempo de prolongación, cando Diego García tivo que empregarse a fondo para evitar o empate, mentres que polo Arenteiro foi Sobrido o que tamén pudo marcar. Pitido final e alivio en Espiñedo, o Arenteiro suma 3 puntos que son de ouro.

ARENTEIRO: Diego García; Víctor Eimil, Daniel Portela, Pol Bueso, Álvaro Naveira; Raúl Blanco (José Sobrido 78’), Adrián Cruz, Renan Zanelli, Álex Fernández, Pibe (Cassio de Góes 84’) E Alassane Sylla (Markitos Alonso 84’). 

MOSTOLES: Tejero; Paco Torres (Fernando 66’), Tito (Recalde 73’), Martín Mantovani, Alex Alonso (Calarge 66’); Abel (Belima 73’), Chupe (Romera 84’), Sanjurjo, Ledesma, Portilla e Álvaro Sánchez. 

Goles: 1-0 Raúl Blanco 57’, 1-1 Álvaro Sánchez 68’, 2-1 Renan Zanelli 74’.

Árbitro: Martín Carlos Agudo Daza (Comité Asturiano). Asistentes: Sergio Álvarez Pardo y Santiago Quirce Lorenzo. Por fin unha arbitraxe correcta en Espiñedo.  Viron cartón amarelo  Sanjurjo 21’, Tito 39’, Álex Alonso 56’, no Móstoles e  Renan Zanelli 87’, no Arenteiro

Vídeo-resumen da TVG:https://www.g24.gal/-/aire-para-o-arenteiro-co-sufrido-triunfo-diante-do...

Nin as numerosas baixas por sancións e lesionados nin a rigurosa expulsión de Ger que deixouu ao equipo en inferioridade no terreo de xogo impediron que un serio e combativo Arenteiro lograse un meritorio punto na súa visita a Santiago de Compostela.

Saíron sen medo os verdes ao partido no tapete de San Lázaro, que tras solventar un par de acometidas dos locais, apenas permitiron que o Compos chegase con perigo sobre a portería de Diego García, mentres que co paso dos minutos o Arenteiro a base de posesións longas lograba impoñerse no xogo e poñer nervioso a todo un Compostela.

Tras o paso por vestiarios, o Arenteiro volveu saír mellor, agora maniatando aos xogadores do Compos, sabedores que o reloxio comezaba a xogar ao seu favor, e mesmo pudo puido facer salta a banca no San Lázaro Vero Boquete cando Sylla conectou un tstarazo que enviou o balón baixo para que un felino Pato Guillén se lucise. Pero no minuto 74 o Arenteiro sufre a enésima expulsión dos últimos partidos, tocaba gardar a roupa e esperar algunha posible oportunidade.

O Compostela aprobeitou a superioridade para lanzarse definitivamente sobre a portería do Arenteiro, que resistíu con solvencia. Tivoas o Compostela e tamén a tivo o Arenteiro, aínda con arrestos para poñer en perigo a portería do Pato Guillén.

SD COMPOSTELA: Pato Guillén, Roque, Salado (Jimmy, min 78), Álvaro Casas (Joel, min 78), Guille Torres, Pablo Antas, Jordan, Parapar (Rafa Mella, min 65), Fer Beltrán (Josiño, min 65), Escudero y Primo (Pablo Durán, min 57).

CD ARENTEIRO: Diego García, Eimil, Joseca (Joni, min 86), Ger, Portela, Marquitos (Sylla, min 70), Cassio de Goes, Pibe, Álex Fernández, Raúl Blanco e Sobrido (Naveira, min 77).

GOLES: 0-0.

ÁRBITRO: Javier Figueirido Comesaña, do comité galego. Outra mala arbitraxe que sufre o Arenteiro, non quuixo ver un penalti na área local.No minuto 74, expulsou a Ger por doble amonestación, rigurosísima, que condenou ao Arenteiro a volver a xogar os últimos 22 minutos de partido en inferioridade numérica, e xa perdimos a conta de cantos partidos van.Tamén viron cartón amarelo Primo, Pablo Antas, Guille Torres y Álvaro Casas, polo Compos; e Cassio de Goes, Sylla y el segundo adestrador, no Arenteiro.

Vídeo-resumen da TVG: https://www.g24.gal/-/empate-entre-compostela-e-arenteiro-con-protagonis...

Todo saíu ao revés para o Arenteiro no partido ante o Pontevedra, con dúas enormes afeccións que non se merecían que un árbitro chegado dende Asturias se cargase antes de tempo un partido exquisito de deportividade por ambos bandos sobre o terreo de xogo, pero deslucido pola actuación arbitral.

Cando o Pontevedra xa gañaba 0-1 e o Arenteiro tivera unha clara ocasión de empatar nun cabezazo de Uxío que se foi un chisco alto, o trencilla expulsou con vermella directa ao local Adrián Cruz, que tras cometer unha falta, na caída pisou ao futbolista do Pontevedra, para o árbitro foi motivo de expulsión cando se xogaba o minuto 40 de partido. Deixou ao Arenteiro con 9 xogadores sobre o campo mediada a segunda parte por expulsión a Pol Bueso, que viña de reclarmarlle un penalti na área pontevedresa. Co 1-4 no marcador engadíu 7 minutos de desconto, un detalle que recrimiron dende a grada. Segunda arbitraxe consecutiva con polémica en Espiñedo, tras a sufrida no partido co Arousa.

A marxe da calamitosa arbitraxe, o Pontevedra foi xusto vencedor e xustificou a súa candidatura ao ascenso de categoria cun equipo que dominou o xogo en todas as súas fases. O Arenteiro, que viña de seis partidos sen perder, tivo unha tarde na que todo se lle torceu, e non xa polas expulsións que o deixaron en inferioridade numérica, senón as lesións do gardameta Diego García e o dianteiro Uxío, a deste último parece a máis preocupante, podería ser de gravidade según as primeiras estimacións médicas.

CD ARENTEIRO: Diego (Iago, min.48), Ger, Pol Bueso, Pibe (Cassio, min.73), Álex Fernández (Portela, min.73), Renan, Adrián Cruz, Raúl (Sobrido, min.48), Joseca, Eimil e Uxío da Pena (Markitos, min.48).

PONTEVEDRA CF: Cacharrón, Seoane, David Soto, Churre (Samu Santos, min.77), Samu Araújo (Oier Calvillo, min. 80), Miguel Román (Javi Rey, min.77), Yelko Pino (Romay, min.77), Álex González, Rubio, Brais Abelenda e Charles (Rufo, min.56). 

Árbitro: Francisco García Riego, auxiliado nas bandas por Mier Rodríguez e Quirós Pérez (Comité asturiano)Amoestou a Renan e Joseca no Arenteiro e a Charles e Seoane no Pontevedra. Expulsou no Arenteiro a Adrián Cruz (min.40) e a Pol Bueso (min.70) por vermella directa, e tamén mostrou vermella directa ao delegado local, Chechu. Goles: 0-1 Álex González (min.24); 0-2 Seoane (min.44), 0-3 Rubio (min.72); 1-3 Sobrido (min.75); 1-4 Rufo (min.87); 1-5 Seoane (min.94)

INCIDENCIAS: 1.500 espectadores no estadio de Espiñedo, gardouse un minuto de silencio en memoria dos falecidos no naufraxio do Vila de Pitanxo.

O Arenteiro conseguíu unha histórica vitoria histórica no estadio Helmántico de Salamanca, xa que era a primeira vez nos 63 anos de historia do club carballiñés que visitaba o templo futbolístico salmantino, fixoo acompañado por máis dun cento de seguidores verdes que gozaron que non cesaron de animar durante os 90 minutos e ao final festexaron co equipo 3 puntos de ouro.

A primeira parte resultou igualada, sen apenas ocasións, un partido con ritmo lento que desesperaba á afección local, que vía como o seu equipo era incapaz de crear perigo ante a portería de Diego.

Na segunda metade, o partido xa se xogou a outro ritmo, cunha marcha máis. O Salamanca introdocíu cámbios no seu once e comezou a aproximarse con certo perigo á area do Arenteiro,os locais deron un paso adiante, pero o Arenteiro non se quedou atrás e tamén o deu, o partido abríuse e xeráronse ocasións claras de gol en ambas porterías. Raúl e Uxío gozaron de dúas boas oportunidades para marcar. Cando máis apretaba o Salamanca e o Arenteiro parecía decidirse a asegurar o empate, xa con Sylla e Marquitos sobre o terreo de xogo, chegou o gol da vitoria, tras un balón que filtrou Marquitos e no que Sylla gañou o man a man co meta local.

Tras o mazazo na grada e no campo para os locais, o Salamanca volcouse enviando balón sobre a área carballiñesa, pero o marcador xa non se movería, a pesar de que Marquitos tivo unha ocasión moi clara para marcar o segundo, pero precipitouse e o seu remate saíu moi alto.

SALAMANCA CF: Javi Benítez, Luis Martínez (Diego Benito, min 46), Kristian, Arencibia, Álex Menéndez, Gustavo, Amaro (Amaro, min 67), Liam, Manu Moreno (Iban Ribeiro, min 46), Mikel Bueno (Raúl Uche, min 65) e Juancho (Gonzaga, min 78).

CD ARENTEIRO: Diego García, Eimil, Germán, Pol Bueso, Joseca, Álex Fernández, Renan, Adrián Cruz (Cassio, min 80), Raúl Blanco (Marquitos, min 75), Pibe (Portela, min 80) e Uxío (Sylla, min 72).

GOL: 0-1, min 81: Sylla.

ÁRBITRO: García Padilla (Comité madrileño). Amonestou con cartón amarelo a Manu Moreno e Diego Benito; Diego García e Marquitos, no Arenteiro.

Vídeo da G2 co gol de Sylla: https://www.g24.gal/-/o-arenteiro-asalta-o-helmantico-0-1-