Deportes

Sensacional imaxe a dada por este novo Arenteiro no municipal de Barreiro en Vigo, ante o Celta B, en partido en horario matinal xogado este mércores no histórico estadio do barrio de Lavadores, por dúas veces os verdes estiveron por diante no marcador con dous goles de Joni, ao final empate a dous tantos.

Primeira parte equilibrada, aínda que por dúas veces o Arenteiro logrou adiantarse no marcador, con dous goles no primeiro cuarto de hora, dous golazos do ribeirán Joni,  o primeiro cunha volea dende unhos 30 metros que sorprendeu ao gardameta internacional costarricense do Celta B, Sequeira Mejias, que tampouco pudo facer nada  no segundo gol do Arenteiro, tamén obra de Joni, que cabeceou un balón á escadra da portería celtiña. Solís e Raúl fixeron os goles do equipo vigués. Na segunda parte apretou o Celta, pero igual que ante o Compostela, o Arenteiro aguantou ben e apenas pasou por apuros.

Enorme partido do Arenteiro de Fran Justo, que en todo momento tuteou ao Celta B, e mesmo dispuxo de dúas boas ocasións para gañar o partido, nun libre directo que lanzou Alex Fernández e que rexeitou con apuros o gardameta local, que tamén se lucíu especialmente nun remate de cabeza de Naveira cunha incríble parada evitando o gol do xogador verde.

O que non puido facer o Arenteiro nestes últimos tres anos en terceira división, gañar un partido ao Compostela que ademáis agora militará na segunda división b, fixoo no amigable que ademáis marcou o regreso do fútbol na provincia de Ourense nos tempos do coronavirus, deixando atrás máis de seis meses de inactividade.

O partido deixa boas sensacións para os afeccionados verdes, que ocuparon o aforo dispoñible no graderío de Espiñedo, no que se activou o protocolo ante o Covid-19, antes, durante e ao rematar o partido, cando todas as persoas que estaban no estadio abandonaron de forma ordenada as instalacións, observando en todo momento as medidas de seguridade.

O Arenteiro sacou adiante o partido ante un equipo de superior categoria e fixoo con nota alta, con detalles moi bos e outros nos que se pode mellorar. Os verdes entraron mandando no partido, e tras avisar Joni que tivo unha boa ocasión para marcar o primeiro gol da tarde, Rubén Arce quixo deixar claro que está de volta en Espiñedo e cunha volea de cine levou o 1-0 ao marcador. Tamén volveu ser protagonista no segundo gol do Arenteiro tras sorprender a toda a defensa do Compos cun toque de calcaño e habiitar un balón de ouro a Marquitos para facer o 2-0., outro golazo para enmarcar.

Antes do descanso, Brais Abelenda recurtou distancias para o Compos, e xa na segunda parte o marcador non se movería, os santiagueses apretaron e buscaron o empate, pero o Arenteiro apenas pasou apuros para manter o resultado ao seu favor.

Fran Justo utilizou aos 19 futbolístas que ten no plantel, nun partido moi entretido e mesmo intenso, por ambos equipos.

As seguintes probas para o Arenteiro serán o próximo mércores dia 30 ás 11:30 horas no municipal de Barreiro en Vigo ante o potente Celta B, para volver a Espiñedo o sábado 3 de Outubro ás 18 horas ante o Lugo-B, e para completar a pretempada o domingo 11 no campo do Vao en Vigo ante o Coruxo.

Será o sábado dia 26 de Setembro dende as 18 horas no Estadio de Espiñedo, o Arenteiro recibirá á SD Compostela, equipo recén ascendido á Segunda-B, no que será ademáis o primeiro partido da pretempada para os verdes.

Non asi para a SD Compostela, que leva adestrando dende principios de mes e xa xogou a pasada semana co Estradense. Será o primeiro partido de fútbol que se vai xogar na provincia de Ourense algo máis de seis meses despóis dende que no pasado mes de marzo quedasen paralizadas todas as competicións deportivas, que posteriormente foron canceladas. 

O partido terá aforo limitado según o protocolo que autoriza a celebración do mesmo tanto por parte da RFGF como da Xunta de Galicia, e os espectadores deberán acceder e permanecer no recinto deportivo cumplindo todas as medidas de seguridade polo Covid.

As instalacións da Uceira acolleron na matinal deste 16 de Setembro a presentación e primeiro adestramento do novo Arenteiro, con moitas novidades no equipo e cun inicio de pretempada condicionado polo protocolo de seguridade pola Covid-19, tras unha breve alocución e benvida do presidente Argimiro Marnotes, Fran Justo e os seus auxiliares dirixiron a primeira sesión preparatoria.

E todos coa vista posta no 18 de Outubro, data fixada para o primeiro partido de liga.

Tras realizar os test físicos no transcurso da pasada semana, un total de 19 fútbolistas tomaron parte nesta primeira sesión de traballo, con tan so catro xogadores do ano pasado, que son Padrón, Pol, Joni e Javi Pazos. 

As 15 incorporacións, por órden de fichaxe, son Rubén Arce (UD Ourense) Marquitos (UD Ourense) Diego García (Ourense CF) Manu Bardelás (Maside) Germán Nóvoa (Ourense CF) Álex Fernández (Pontevedra CF) Eimil (Fabril Deportivo) Martín Torres (Barbadás) Sylla (Coruxo) Germán Pérez (UD Ourense) Adrián Presas (UD Ourense) Manu Mariña (Ourense CF) Portela (Ourense CF) Naveira (Pontevedra CF) e Ángel Expósito (Rápido Bouzas)

Nos próximos dias e pendentes das autorizacións da Federación Galega de Fútbol poderían confirmarse ata tres amigables de pretempada no Estadio de Espiñedo, aos que poderá acceder público.

Ademáis, o club prepara o lanzamento da campaña de socios , tanto para renovación como para altas de cara a próxima tempada na que a categoria da terceira división tera tres fases, a primeira fase cos 24 equipos divididos en dous subgrupos, correspondendolle ao Arenteiro o grupo sur, no que competirá con Ourense CF, UD Ourense, CD Barco, UD Atios, CD Pontellas, Rápido de Bouzas, CD Choco, Alondras CF, CD Ribadumia, Arosa SC e CD Estradense.

O Arenteiro apura a composición da plantilla do equipo de terceira división e faino anunciando outra incorporación de nivel, o lateral esquerdo Álvaro Naveira, que chega procedente dende o Pontevedra CF, equipo co que competíu na Segunda-B.

Era unha das posicións que restaban por completar no esquema do equipo verde para a vindeira tempada. Álvaro Naveira ten 24 anos, criado nas categorias do Depor, xa xogou en Espiñedo vestindo fai dous anos a camisola da SD Compostela, antes de que o fichara o Pontevedra CF, co que xogou en segunda b a pasada tempada.

O club tamén anunciara a chegada do xoven gardameta búlgaro de 19 anos Vicktor Nikolov, unha fichaxe que finalmente foi descartarda polo equipo de Espiñedo, tras recibir unha oferta do Socuéllamos, equipo manchego da segunda b.

Un ano despóis de abandonar o equipo verde o central Daniel Portela regresa a Espiñedo, a onde chegara na primeira tempada do Arenteiro na actúal época en terceira división, e tanto esa tempada como a seguinte sería preza clave no obxetivo de consolidarse na categoria.

Tras un ano no Ourense CF, co que xogou a promoción de ascenso a Segunda-B ás órdes de Fran Justo, agora seguiráo estando, pero de novo defendendo a CD Arenteiro.

Doutra parte, o club tamén ven de confirmar as fichaxes do defensa Manu Mariña, que tamén chega do Ourense CF e o medio centro sub-23 Adrián Presas, que xogou as dúas últimas tempada na UD Ourense.

O novo Arenteiro continúa dando pasos para configurar un equipo de garantías cara a próxima tempada na terceira división, confirma a renovación do dianteiro Javi Pazos e a fichaxe do medio centro Germán Pérez.

O dianteiro pontevedrés chegou  ao Arenteiro dende o Pontevedra CF en Febreiro, polo que apenas que apenas desputou un mes de competicion da tempada rematada inesperadamente o domingo 8 de Marzo, antes de incorporarse ao Pontevedra de Segunda-B, fora pichichi da terceira nun Arousa no que coincidíu con Sylla. Agora volven coincidir no Arenteiro.

O outro futbolista que ven de incorporar o club tamén ten experiencia en Segunda-B, o medio centro Germán Pérez, que xogou as últimas tempadas na UD Ourense. 

Chega procedente do Coruxo, co equipo vigués participou na pasada tempada en 20 partidos na Segunda-B, a tempada anterior marcou 24 goles co Arousa en terceira, o Arenteiro faise cos servizos doutro futbolísta recoñecido no fútbol galego, o dianteiro senegalés Sylla.

Foi un dos primeiros obxetivos do club, fai máis dun mes que comezaron as negociacións en Pontevedra, a súa cidade de residencia, e finalmente culminaban con éxito, e Sylla convertíase este mércores 19 de Agosto en novo xogador do Arenteiro.

Non é a única incorporación ao novo proxecto verde que ven de fraguarse nos últimos dias, tamén veñen de comprometerse co Arenteiro para a próxima tempada Victor Eimil, que chega para reforzar a liña defensiva dende o Deportivo Fabril, un fútbolista de 21 anos e con moito futuro por diante, asi como o centrocampista Martín Torres, que foi un dos xogadores importantes do último ano no Barbadás.

O novo Arenteiro vai tomando forma e continúa asinando fútbolístas contrastados para conformar un equipo que pode dar moito que falar a próxima tempada na terceira división, desta vez todo un fútbolista "TOP" para a categoria, que chega a Espiñedo co aval de 14 tempadas na segunda b, as cinco últimas sendo un dos capitáns e xogadores destacados do Pontevedra CF.

Alex Fernández,  ourensano de 32 anos recén cumpridos, chega ao plantel que dirixirá Fran Justo co aval dunha traxectoria de 14  anos na segunda división b, en equipos como o Celta B, Lorca Deportiva, CD Ourense, Coruxo, e as últimas cinco tempadas militando no Pontevedra, no que foi un dos seus piares e capitán.

O expontevedrés ven desta maneira a sumarse ás fichaxes confirmadas polo club nos últimos dias, Rubén Arce (UD Ourense) Marquitos (UD Ourense) Diego García (Ourense CF) Germán Nóvoa (Ourense CF) e Manu Bardelás (Maside FC).

Ademáis, da anterior tempada están xa oficialmente renovados Pol, Padrón e Joni. 

O Club Deportivo Arenteiro fáise cos servizos dun dos técnicos xóvenes con mellor proxección do fútbol galego da actualidade. Chega a Espiñedo avaliado polo seu gran traballo no Ourense CF, equipo ao que ascendeu de Preferente a Terceira división, e no que protagonizou as últimas tres magníficas tempadas, un traballo que culminaba esta última clasificando ao equipo para a final da promoción de ascenso a Segunda-B.

O club confirma o acordo, que xa está cerrado por ambas partes, polo que Fran Justo (Ourense, 1989) convértese en novo adestrador dos verdes na terceira división. Con él, tamén se incorporan ao corpo técnico de CD Arenteiro, Alex Vázquez e Millán Fernández, como adestradores e Nico López como preparador físico.

Este lúns dia 3 de Agosto, tras asinar o contrato co que se vinculan a CD Arenteiro, terá lugar o acto de presentación oficial no Estadio de Espiñedo ás 20:30 horas.