Deportes

Estéril victoria (4-2) dos carballiñeses en Espiñedo xa que os descensos de Céltiga e Vilalonga dende a terceira, condenan ao Arenteiro ao descenso e xogar o ano que ven na 1ª autonómica. De nada valeu aos verdes o triunfo no derradeiro partido de liga, únicamente para chafarlle o ascenso ao Portonovo.

C.D. Arenteiro: Pachi, Xurxo, Carlos Escudero, Dabarca, Tazos (Prada), Gabriel (Tacón), Iago, Piñeiro, Kennedy (Bardelás) David Soares e Marcos Sotelo (Martín).

O Partido: Xogado no municipal de Espiñedo ante a mellor entrada da tempada, con unha moi numerosa presenza de siareiros do Portonovo que viron como ao seu equipo escapouselle o ascenso con esta derrota, acaso demasiado castigo para o visto sobre o terreo de xogo. Pero asi é o fútbol, o Arenteiro tivo hoxe a fortuna que se lle negou outras tardes e en dous inspirados minutos, 25 e 27 de partido,  púxose con 2-0 ao seu favor, tras o goles de Xurxo e David Soares. O Portonovo reducía distancias no derradeiro minuto da primeira parte. Trala reanudación, os portonovenses foronse a polo partido, aínda que o empate -minuto 65- tivo que chegar por medio dun gol do defensor local Tazos en propia meta. Con 25 minutos de partido parecía que o Portonovo, empuxado pola súa afección ía darlle a volta ao marcador, pero no Arenteiro obtiña premio ao seu derroche de pundonor Pablo Piñeiro, él so fabricou o terceiro gol que volvía adiantar aos verdes. Xa no minuto 89 claro penalti sobre David Soares, que o propio xogador encargase de transformar.

A Federación Galega de Fútbol Sala deu a cifra de 1.500 espectadores asistentes, o que representa unha das entradas de público históricas no pazo de deportes carballiñés. A selección Galega senior gañou na gran final a de Extramadura por 5-3, remontando un partido que perdian os galegos ao descanso por 2-3.

A selección galega adestrada polo carballliñés Antonio Colmenero revalida asi o título de campión que xa acadara o ano pasado en Valladolid, e volve conseguir agora no Carballiño. Tamén o combinado galego femenino senior gañou o título, ao impoñerse con contundencia á Castela León por 9-0. Finalmente, na categoria xuvenil masculina os extremeños levaronse o título ao impoñerse a Galicia por un apretado marcador final de 7-6.

A organización agasallou con 300 camisetas conmemorativas aos asistentes a esta gran festa do fútbol sala vivida este fin de semana nos polideportivos de Cea e O Carballiño. Ao rematar os actos de entrega de trofeos, o alcalde do Carballiño posou cos campións galegos.

Oportunidade perdida, o Arenteiro regresa do campo da Baiuca da Estrada cunha derrota nun partido que pudo sentenciar ao seu favor nos últimos minutos, sen embargo foi o Estradense quen no tempo de desconto logrou os 3 puntos e certificou a permanencia na categoria. O Arenteiro deberá gañar o domingo ao Portonovo en Espiñedo e esperar unha derrota do Mondariz, se quere ter opcións de xogar o ano que ven na Preferente.

C.D.Arenteiro: Macia, Xurxo, Carlos Escudero, Dabarca, Tazos, Iago, Pablo Piñeiro, Kennedy, Martín (Bardelás), David Soares e Prada (Tacón).

O Partido: Malo por ambos bandos, os dous equipos xogabanse moito e a ansiedade e as imprecisións marcaron un partido no que o Arenteiro adiantouse aos 5 minutos nun cabezazo de Xurxo dentro da área ao saque dun córner. Pero todo se torceu para o Arenteiro á media hora de partido, nun intervalo de apenas dous minutos, o Estradense deulle a volta ao marcador en dúas aciagas accións para os verdes, o gol do empate en propia meta de Pablo Piñeiro e a continuación nun regalo de Macia que propicia o segundo gol do Estradense. Na segunda parte a xogada clave chegou aos 62 minutos, o árbitro sinala con pena máxima unha man de Unai que ademáis siñifica a súa expulsión, quedando dende ese momento o Estradense con 10 xogadores no campo. Tazos transforma o penalti e con media hora por diante de partido o Arenteiro parecía que podia gañalo, e pudo ser asi se nos últimos 5 minutos o Arenteiro aprobeitase as súas ocasións, sobre todo unha moi clara no minuto 90 de Carlos Escudero co porteiro local xa batido, pero o balón foise fora. Xa no tempo de desconto, e co Arenteiro máis pendiente de atacar que defender, chega un balón largo dos locais sobre a área carballiñesa, a indefinición entre a defensa e o porteiro Macia propicia o terceiro gol do Estradense. Nun minuto pasamos do posible 2-3 ao 3-2 definitivo.

O Arenteiro conseguíu ante o C.D Pontellas 3 puntos transcendentais para seguir loitando pola permanencia na categoria, e ademáis fixoo merecidamente, remontando o temperán gol dos porriñeses que se adiantaban no minuto 4 de partido.

C.D. Arenteiro: Pachi, Prada (Bardelás), Xurxo, Carlos Escudero, Tazos, Dabarca, Gabriel (Tacón), Pablo Piñeiro, Martín (Kennedy), David Soares e Marcos Sotelo.

O Partido: O fútbol foi xusto neste partido co Arenteiro,  dominando de principio a fin ao Pontellas, que tras adiantarse no marcador cando os equipos aínda se estaban asentando no campo, viuse superado polo empuxe dos verdes. Aos 20 minutos David Soares empataba o partido tras enganchar un bó tiro dende fora da área. Salvo unha segunda clara ocasión que erraron os do Porriño, o Arenteiro pudo irse xa o descanso con ventaxa no marcador se tivese un chisco de acerto para aprobeitar as varias ocasións de gol que tiveron ante a portería visitante. No segundo tempo o Arenteiro tivo múltiples ocasións para adiantarse no marcador, froito do dominio que exercia no xogo, non obstante tivo que esperar ao minuto 85 para que Pablo Dabarca marcase ao lanzamento dunha falta, axustando o balón ao poste da portería do Pontellas, que víu truncada en Espiñedo unha magnifica racha de resultados.

Os polideportivos de O Carballiño e Cea acollerán os partidos durante os dias 10, 11 e 12 de Maio neste campionato no que participarán os equipos de cinco seleccións autonómicas.

Xunto co edil de deportes do Carballiño Rodrigo González,  estiveron na presentación o vicepresidente da federación ourensana de futbol sala, Javier, Caldas "Butra", o seleccionador galego Colmenero, o edil de Deportes de Cea Roberto Vázquez, e a secretaria xeral da federación galega.
Serán cinco as comunidades autónomas que participan neste campionato, as absolutas de Castela León, Castela a Mancha, Valencia, Extremadura e Galicia, esta última que defende o título nesta fase final. Cada unha das autonomías presenta equipos masculino, feminino e xuvenil. Os partidos, que empezarán o venres 10 de maio, repartiranse da seguinte forma: as seleccións masculinas xogarán no pavillón Paco Chao, a xuvenil no anexo do Paco Chao e as seleccións femininas no pavillón de Cea.
Todas as finais xogaránse o domingo no pavillón Paco Chao do Carballiño. Nesas finais repartiranse 350 camisetas conmemorativas deste campionato entre os asistentes a este espectáculo deportivo.

O Arenteiro conseguíu os tres puntos no partido matinal xogado no campo de Oira con un gol en cada periodo. Os pontinos marcaron o seu xa co tempo cumplido.

C.D. Arenteiro: Pachi, Xurxo, Carlos Escudero, Dabarca, Tazos, Gabriel, Iago, Pablo Piñeiro, Prada ( Bardelás ), Martín ( Oliver Pájaro ) e Marcos Sotelo ( David Soares ).

O Partido: Comezou con ímpetu o Arenteiro que aos 6 minutos adiantabase no marcador tras un disparo de Marcos Sotelo que repelen primeiro o porteiro e despois o longueiro, o balón chega a Prada que marca a placer. Nos minutos seguintes o Arenteiro pudo sentenciar con dúas ocasións de Martín e outra posterior de Pablo Piñeiro, que desaproveitaron ambos. Non obstante,  o Arenteiro foi indo de máis a menos e antes do descanso dispuxeron os locais doutra clarísima ocasión para empatar o partido, pero Pachi rexeitou o ún contra ún e evitou o gol pontino. No arranque da segunda parte o Arenteiro volveu a facerse co control do xogo e no minuto 61 chegaba o 0-2 en xogada persoal de Marcos Sotelo. Depois, o árbitro anularía un gol a David Soares e co tempo xa cumplindose, no minuto 90, ao saque dun córner Schuster consigue de cabeza o gol local.

Sumar dun nun non lle vale ao Arenteiro, asi que o empate ante o Centro de Deportes Barco en Espiñedo representa un novo paso atrás nas posibilidades dos verdes na loita por salvarse do descenso de categoria.

C.D. Arenteiro: Macía, Xurxo, Carlos Escudero, Tacón, Dabarca, Iago, Gabriel, Kennedy, Martín ( Bardelás ), David Soares e Marcos Sotelo ( Prada ).

O Partido: Outra xornada máis o Arenteiro non soubo aguantar o resultado ao seu favor, unha circustancia que se ven repetindo durante a maioria dos partidos esta tempada. Desta vez, os carballiñeses adiantabanse moi pronto, aos 6 minutos ao aprobeitar David Soares un rexeite da defensa visitante. O equipo valdeorrés empataba o partido no minuto 24, e asi transcurría o resto da primeira parte, con moi poucos argumentos futbolísticos por ambas partes. Na reaunudación, o cansancio físico e o mal estado do terreo de xogo condicionaron un partido que asi e todo pudo resolverse a favor de calquera dos dous equipos, que pelearon atá o último minuto acuciados pola necesidade dos puntos en xogo, precisamente nese último suspiro de partido Gabriel pudo sentenciar a favor do Arenteiro pero o seu remate saíu moi desviado da portería valdeorresa.

O Arenteiro deixou escapar unha magnífica oportunidade de levarse os tres puntos na súa visita ao José Arjiz ante un flouxo Verín, ao final o equipo carballiñés rematou con 9 xogadores o partido polas expulsións de Pablo Piñeiro e Tazos, e consigue un punto que non vale para moito.

C.D. Arenteiro: Macia, Xurxo, Carlos Escudero, Dabarca, Tazos, Gabriel, Iago ( Tacón ), Pablo Piñeiro, Kennedy, Martín ( Marcos Sotelo ) e David Soares ( Bardelás ) .

O Partido: O gardameta do Arenteiro Macía pasou completamente inédito durante todo o partido, o que da unha idea da escasa bagaxe ofensiva dos verinenses. Aos carballiñeses funcioaballe a presión que exercian sobre o rival e conforme ían pasando os minutos os locais amosabanse máis nerviosos e imprecisos, unha mágoa que o Arenteiro non soubese aproveitarse desta circustancia durante o tempo no que mantivo os 11 xogadores no campo atá o minuto 70 cando unha doble amarela a Pablo Piñeiro equilibrou un partido que ata ese momento dominaba o Arenteiro. A unhos minutos para o final o árbitro, que estivo moi mal, deixa ao Arenteiro con 9 xogadores no campo ao expulsar, tamén por doble amarela a Tazos, tras sancionalo cunha falta que non foi.  Aínda asi, o Arenteiro non se descompuxo e aguantou o resultado ata o final sen ningún perigo.

Reparto de puntos entre dous equipos que necesitaban da victoria, aínda que por motivos ben diferentes, os de Redondela para entrar en postos de ascenso e os carballiñeses para escapar do descenso directo, ao final un punto que deixa tan insatisfeitos a unhos como a outros.

C, D, Arenteiro: Pachi, Xurxo, Carlos Escudero, Pablo Dabarca, Tazos, Gabriel, Alex (Iago), Kennedy (Prada), Martín (Marcos Sotelo), David Soares (Bardelás) e Pablo Piñeiro.

O Partido: Malia que por Espiñedo pasou un dos equipos máis en forma do campionato nos últimos meses e aos 8 minutos mandou un balón ao poste da portería de Pachi, Choco e Arenteiro desputaron un encontro bastante equilibrado e no que ambos -pero máis os verdes- desperdiciaron boas ocasións para levarse os tres puntos. Pero igual que o pasado domingo en Ponteareas, ao Arenteiro fáltalle pólvora nos metros finais, de feito tivo que ser un defensa -Xurxo- quen adiantase aos carballiñeses no marcador no minuto 51. Eso sí, xusto é recoñecer que o equipo loita ata o último minuto de partido.

O C.D. Arenteiro pudo gañar os tres puntos pero a fortuna aliouse coa Cultural Areas, ata por dúas veces os paus da portería local repeleron nos últimos minutos os balóns dos dianteiros carballiñeses. Antes, o Arenteiro dispuxera dunha inmellorable ocasión para marcar e o árbitro non quixo ver unha xogada na área local, na que os xogadores do Arenteiro reclamaron con insistencia penalti sobre Pablo Piñeiro.

C.D. Arenteiro: Pachi, Xurxo ( Marcos Sotelo, m.45 ), Carlos Escudero, Dabarca, Tazos, Gabriel, Iago, Bardelás ( Oliver Pájaro, m. 89 ), Pablo Piñeiro, Martín e David Soares.

O Partido: Comezou xogando máis e mellor o Arenteiro, chegando con máis facilidade á área que o seu rival, non obstante durante este periodo non se rexistraron ocasións de gol en ningunha das dúas porterías. Foi a partir da reanudación cando se viron as mellores oportunidades para desnivelar o marcador, as máis claras a favor do Arenteiro. Aos 58 minutos Pablo Piñeiro supera en carreira ata tres defensores da Cultural Areas e cando se dispoñía a culminar a galopada acaba no chan, os carballiñeses reclaman o penalti que o árbitro non pita e as protestas valenlle a expulsión ao delegado do Arenteiro. Os locais moven con fluidez o balón atrás pero teñen moitas dificultades para superar o hoxe ben armado sistema defensivo do Arenteiro, de feito Pachi só ten que empregarse a fondo para repeler un tiro lonxano que levaba moito perigo. Aos 73 minutos o Arenteiro sae á contra con tres atacantes por un único defensor local, non obstante a xogada culmina sen éxito atallando o porteiro local o centro de Marcos Sotelo. Nos últimos miuntos veñen as outras dúas ocasión de gol para o Arenteiro. Aos 86 m. o balón vaise ao poste tras unha xogada de David Soares e cando o meta local xa estaba batido. E aínda tería o Arenteiro a última do partido, no m. 91, unha falta que tira Marcos Sotelo, o balón vaise directamente á cruceta da portería da Cultural Areas. Meritorio partido dos carballiñeseses no campo do líder, malia presentarse con tan só 13 xogadores do primeiro equipo, nunha convocatoria que tivo que completarse con tres xuvenís.