Deportes

Duas victorias, ante Coruxo F.C. e Valenzá, e dúas derrotas, as colleitadas ante Barbadás e C.D. Ourense, é o balance do C.D. Arenteiro nesta pretempada.

O primeiro partido ante a U.D. Barbadás saldouse cunha derrota por 0-1, nun partido cos dous equipos aínda pouco rodados e no que o Arenteiro deu a cara ante o recén ascendido á 3ª división. Neste partido a nota negativa foi a lesión do porteiro local e nova fichaxe do Arenteiro, Macia.

No único dos catro partidos que se desputou fora de Espiñedo, ante a Valenzá de 1ª autonómica, os carballiñeses golearon por 0-6, nun partido no que os carballiñeses foron netamente superiores, como indica o marcador.

Ante o C.D. Ourense, outravolta en Espiñedo, os carballiñéses xogaron unha moi interesante primeira parte na que se foron o descanso con empate a ún tanto no marcador, tras adiantarse o C.D. Ourense, David Soares empataba para os carballiñeses. Xa na reanudación,  e con moitos cámbeos en ambos bandos, o equipo de segunda B marcou outros dous goles para deixar o tanteo final de 1-3. O Arenteiro xogou un bó primeiro tempo ante o empuxe ourensanista.

A sorpresa chegou o dia da festa do pulpo, no que o Arenteiro logrou impoñerse por 1-0 a o outro equipo galego da segunda B, o Coruxo de Vigo. Foi suficiente un solitario gol conseguido maxistralmente por David Soares, tras unha xogada persoal. Durante toda a primeira parte os carballiñeses mantiveron a raia ao equipo vigués. Na reanudación, tras ir dando Dacosta entrada no equipo a varios xuvenís o partido desequiliboruse e o Coruxo pasou a dominar claramente, aínda que non conseguíu materializar. Incluso o porteiro local Pachi se permitíu o luxo de desviar o balón nun penalti.

Un total de 23 xogadores iniciaron este pasado lúns as sesións de pretempada ás órdes de Ramón Dacosta. A falta de algunha incoporación de última hora para reforzar a parte de atrás do equipo, dase por practicamente pechada a composición dun plantel que terá unha media de idade de 23,5 anos.

O Presidente José Antonio Iglesias "Cadavid" dirixíu unhas palabras de benvida neste primeiro adestramento en Espiñedo, nas que animou aos xogadores "a levar o nome do Arenteiro e do Carballiño con orgullo e dignidade e pelexar para estar entre os mellores da categoria".

Dos 23 futbolístas que defenderán ao Arenteiro 2012-2013 na preferente sur do fútbol galego, 10 son da casa, e o resto, salvo Kennedy, proceden do fútbol provincial.

PORTEIROS: Continuan Pachi e Samuel e incorporase Macia, procedente do C.D. Lalín, última fichaxe.

DEFENSAS: Dabarca, Escudero, Prada, Pana, e Igor, que continuan do ano pasado. Incoporanse Tazos, Xurxo e o xuvenil Somo.

MEDIOS: Takón, Gabriel, Marcos Sotelo, Bardelás e  Kennedy, que xa estiveron na tempada anterior, e aos que se suman Roberto Dacosta, Iago Garrido e o xuvenil Oscar.

DIANTEIROS: Continuan no equipo Iglesias, Cancelas e Canexón. As novas altas son Cristian Dacosta e David Soares.

PARTIDOS DE PRETEMPADA:

O domingo dia 5 de agosto ás 7 da tarde presentaráse o C.D.Arenteiro en Espiñedo en partido fronte á U.D. Barbadás, da 3ª división. O domingo seguinte, 12 de agosto, xogaráse o trofeo "Festa do polbo", tamén en Espiñedo, ante o Coruxo F.C., o equipo vigués da segunda división B.

COPA DEPUTACIÓN NA PEROXA

No terceiro fin de semana de agosto o Arenteiro xogará a fase previa da Copa Deputación entre equipos de preferente e 1ª autonómica, a eliminatoria a partido único será no campo da Peroxa, ante o equipo local.

PRIMEIRO PARTIDO DE LIGA EN SANXENXO

O C.D. Arenteiro xogará o primeiro partido de liga a domicilio, será o domingo 26 de agosto viaxando ao campo do recén descendio Xuventú de Sanxenxo. O primeiro partido de liga como equipo locatario en Espiñedo será o domingo 2 de setembro ante o Mondariz. Na terceira xoranda de competición ligueira, os carballiñeses desplazaránse atá o campo da Lomba de Vilagarcía, para enfrontarse ao Arosa S.C.

As últimas incorporacións que se suman ás xa anunciadas con anterioridade son as de Borja Lorenzo "Tazos", Roberto Dacosta e a renovación de Kennedy, que fora inicialmente descartado.

"Tazos" procede do Ourense B, ainda que este mesmo ano xogou varios partidos co primeiro equipo do C.D. Ourense, xoga de lateral e ten 22 anos. Tamén se confirma a continuidade de Kennedy, que chegou na súa segunda etapa ao Arenteiro mediada a pasada tempada.

Roberto Dacosta chega ao Arenteiro para reforzar a zona de creación do equipo, procedente da A.D. Covadonga da 1ª autonómica, aínda que anteriormente militara en categorias superiores co Ponte Ourense, e mesmo co C.D. Ourense en 3ª división, ten 31 anos.

A DÉBEDA DO CLUB REDUCESE EN 18.000 EUROS

Cerrada a contabilidade do último exercicio, o club que dirixe José Antonio "Cadavid" logrou reducir a débeda en 18.000 euros, polo que a débeda actúal queda en 53.000 euros, según os datos facilitados desde o propio club.

Xa cara a vindeira tempada, os carnés de socio terán un prezo de 80 euros para homes e 40 euros para mulleres. O orzamento previsto para a tempada 2012-2013 rondará os 120.000 euros, esperando que a xestión económica permita seguir rebaixando a débeda actúal.

O Carballiño contará no próximo curso futbolístico con dous novos equipos en competición federada. O Arcos F.C. e o Sporting Casino militarán na vindeira tempada na 3ª autonómica.

No caso do Arcos F.C. trátase dun regreso ás competicións, nas que xa participou atá chegar á 2ª autonómica, e chegando incluso a ser ún dos equipos punteiros da segunda categoria provincial. En canto ao Sporting Casino Carballiño, o mesmo tomará parte en competición federada por vez primeira, e nace ao amparo do Casino Cultural do Carballiño, como unha nova alternativa deportiva impulsada desde a propia entidade.

Os catro primeiros xogadores en asinar a súa ficha para a tempada que ven na preferente son David Soares, Cristian Dacosta, Xurxo Bouzo e Iago Garrigo.

Son os catro primeiros, e nos próximos dias chegarán máis. David Soares -dianteiro centro- de 28 anos de idade, procede do C.D. Lalín, equipo do que foi ún dos seus máximos goleadores nas últimas tempadas. Tamén é dianteiro Cristian Dacosta, que xogou esta pasada tempada no Ourense B, e que agora estará ás órdes do seu primo e adestrador do C.D. Arenteiro, Ramón Dacosta.

Regresan ó Carballiño Xurxo e Iago, defensa e medio centro, que xa xogaron no Arenteiro de fai dúas tempadas en preferente. Ambos estiveron este ano ligados ao Sp. Celanova.

En canto a baixas, están xa confirmadas as de Gele, Viñas, Vilachá, Kennedy e César. Esta relación de baixas aínda está pendiente de cerrarse, toda vez que o club quere manter a varios xogadores da tempada pasada, ainda que negocia con eles unha posible cesión a equipos da comarca.

Asi o confirmou a esta emisora de radio o Presidente Antonio Iglesias "Cadavid", o técnico ourensano que ascendeu ao equipo á preferente continuará ao fronte do C.D.Arenteiro para a tempada 2012-2013.

Ramón Dacosta e o Presidente cerraron a pasada semana o acordo. Agora, traballase xa na confección do plantel, unha vez que tanto o técnico como Presidente coinciden na necesidade de reforzar o grupo para acadar un equipo de garantías cara o ano que ven.

Aínda que non quixo apuntar nomes concretos, Antonio Iglesias "Cadavid" avanzou que "vai continuar arredor do 60% da plantilla que tivemos este ano, asi que podemos decir que non continuará o 40% restante". Tampouco quixo o Presdiente adiantar nada sobre posibles fichaxes aínda que sí aclarou "que calquera reforzo que chegue este ano deberá ser de xente contrastada, que xunto o que xa temos, pensamos que farán un equipos de garantias, para non pasar apuros, e sen descartar metas máis ambiciosas se a temporada vai ben".

Eses posibles "reforzos contrastados" apuntados polo Presidente poderían chegar desde Lalín e Ourense, de feito existen contactos con varios xogadores que esta pasada tempada militaron na 3ª división, e que poderían vestir de verde no próximo curso futbolístico, de materializarse estas negociacións.

Xa no aspecto social, "Cadavid" espera poder chegar aos 500 socios para a próxima tempada. Tamén confirmou a ampliación da xunta directiva "na que causarán baixa algunhas persoas que viñan manifestandome que estaban algo cansadas".

Finalmente, o Presidente do C.D. Arenteiro avanzou que todos os socios terán a súa disposición o balance económico do club, que "arrastra un deficit de 70.000 euros, que puxemos os directivos, porque a dia de hoxe o club ten saldadas todas as débedas, non se lle debe un euro a ninguén".

Un ano despois os carballiñeses regresan á preferente pola porta grande, tras proclamarse campións da 1ª autonómica. Fixeróno tras impoñerser no derradeiro partido de liga xogado ante o Barbadás-B no campo municipal de Espiñedo, que volveu rexistrar unha gran entrada, con máis de 700 persoas no graderio nunha tarde de calor, o partido xogouse cunha temperatura de 30 graos.

Tres goles na primeira parte certificaron o ascenso do Arenteiro, que desde o minuto ún de paritdo amosouse moi superior ao seu rival, que apenas aguantou o arreón do Arenteiro nos minutos inicias. Inaugurou o marcador o capitán Takón ao cabecear impecablemente un balón medido que lle enviou Kennedy. O segundo gol chegou por medio dunha xenialidade de Cancelas dentro da área, tras dous sutíles regates o dianteiro carballiñés cruzou o balón inalcanzable para o gardameta visitante. Un chisco antes do descanso, unha brillante xogada persoal de Marcos Sotelo deixaba o partido visto para sentencia.

A segunda parte pudo sobrar, aínda que aos 47 minutos un mal entendemento da defensa do Arenteiro parecía dar vida a un moribumdo Barbadás, non obstante o gol visitante non fixo perigar en ningún momento o resultado, cun Arenteiro que -igual que o Barbadás- acusou o esforzo e a excesiva calor, e baixou bastante no seu rendemento. Asi e todo, aínda dispuxeron os locais de dúas magníficas oportunidades para ampliar a súa ventaxa no marcador

3 puntos que fan do Arenteiro campión de liga no grupo 3º da 1ª autonómica e certifican o seu ascenso á categoria superior, a preferente, na que o Arenteiro militará na tempada vindeira. 

Ao final, ledicia nos moitos seguidores do Arenteiro, e celebración con champán entre xogadores, técnicos e directivos. A vindeira tempada, espera a preferente. 

A celebración polo ascenso do C.D.Arenteiro trasladouse á Casa do Concello do Carballiño, onde a plantilla de xogadores, corpo técnico e directiva, foron obxeto dunha recepción no salón de actos por parte do Alcalde do Carballiño Argimiro Marnotes, que felicitou ao club polo ascenso de categoria e desexoulles os maiores éxitos para o futuro. Tamén tomaron a palabra o adestrador Ramón Dacosta, o capitán Takón, e o Presidente Antonio Iglesias "Cadavid", que agradeceron os apoios recibidos.

A punto estivo de complicarse a vida o Arenteiro no partido matinal xogado no campo de Oira, e que xa gañaban os carballiñeses ao descanso por 0-2. Non obstante, as xogadas a balón parado deron vida aos locais que, aínda xogando a maior parte do partido en inferioridade numérica, chegaron a empatar a 3 goles.

Prada adiantou aos carballiñeses ao aproveitar un rexeitamento do porteiro local cando se completaba o primeiro cuarto de partido. Á media hora, o árbitro -que estivo rematadamente mal durante todo o partido perxudicando por igual a ambos equipos-  deixou aos locais con 10 xogadores. Curiosamente, a expulsión expoleou ao Ponte Ourense, atá ese momento superado polo Arenteiro, que curiosamente malia quedarse con superioridade numérica no campo, comezou a ceder terreo en favor dos locais.

Xa a piques de rematar a primeira parte, claro penalti sobre o dianteiro carballiñés Cancelas, que transformaría Igleisas.  Outro penalti, esta vez na área do Arenteiro, e dúas xogadas a balón parado  farían cambiar o rumbo do partido . Sen embargo, o Arenteiro  volvería ampliar o resultado ao seu favor co saque dun corner que Iglesias cabecea ao fondo da portería local. E apenas en 10 minutos, o Ponte Ourense empataba o partido. Ambas xogadas foron calcadas, falta do Arenteiro preto da área grande, e por duas veces balón que salva a barreira carballiñesa e cólase polo pau que cubría o porteiro Samuel.

Quedaba aínda moito partido e cando o nerviosismo parecía apoderarse dos carballiñeses, afortunadamente aparecía Pana en misión ofensiva, conectaba un zurdazo que siñificaría o gol da victoria para o Arenteiro. O marcador xa non se movería aínda que algunha ocasión máis terían os carballiñeses paa ampliar a súa renda.

3 puntos de ouro para o Arenteiro que chegan líder á última xornada ante o Barbadás B, con posiblidades de proclamarse campión e conseguir o ascenso á preferente.

Plácido partido do Arenteiro, que dominou de principio a fin, cómodo triunfo dos carballiñeses que neste sprint final da liga dan un paso adiante para lograr o ascenso, mentres que para os masidaos a derrota en Espiñedo complica as súas aspiracións para manterse na categoria.

Lonxe dos clásicos partidos de rivalidade Arenteiro-Maside, nos que case sempre dominaba a igualdade, nesta ocasión o Arenteiro foi amo e señor no terreo de xogo, froito da superioridade física e táctica que demostraron os carballiñeses.

Aos 5 minutos de partido chegaba o primeiro gol do Arenteiro, ao aproveitarse Iglesias dun rexeitamento do porteiro visitante, que non foi capaz de atrapar o balón e propiciou que o dianteiro carballiñés se aproveitase da circustancia. Aos 36 minutos, outra vez Iglesias, recibe un balón ante a pasividade da defensa masidá e envia mansamente ao fondo da portería. Unhos minutos antes o árbitro anulou un gol ao Maside por fora de xogo. O terceiro gol do Arenteiro chegou no minuto 38 de partido, tras unha gran xogada persoal de Cancelas pola dereita que envia a Kennedy e éste marca a placer no segundo pau.

Na reaunudación, no minuto 48 de partido,  lograba o seu gol o Maside, que parecía meterse asi no partido. Non obstante, resultou ser un espellismo porque aos 53 minutos Kennedy cun tiro raso desde o borde da área poñía o 4-1 no marcador, resultado que xa sería definitivo, aínda que o Arenteiro tería varias ocasións no resto do partido para incrementar a súa ventaxa.

Tras esta victoria ante o Maside e a derrota do Nogueira de Ramuín en Ramirás, o Arenteiro aupase ao liderato da clasificación a tan so dous partidos para rematar o campionato. Eso si, Covadonga e Allariz non aflouxan e resolveron ao seu favor os seus respectivos partidos, asi que igual que o Nogueira de Ramuín situanse os tres equipos a 2 puntos do Arenteiro, que ten por diante duas auténticas finais, a primeira a vindeira fin de semana en Oira ante a Ponte e no derradeiro partido de liga en Espiñedo ante o Barbadás B.

Os carballiñeses resolveron sen problemas a súa vistia ao campo do colista da categoria, e con goles de Iglesias, Tacón e Cancelas conseguiron unha victoria vital cara o obxetivo do ascenso de categoria.

O partido puxose moi pronto de cara para o Arenteiro, malia que as primeiras xogadas  de perigo foron ante a portería carballiñesa, logo chegaría o primeiro gol para os verdes. Foi nunha xogada de Kenndy que tras irse pola banda de dous contrarios puxo o balón á area pequena, alí tras dous rexeitamentos Iglesias conseguía enviar ao fondo da rede. E tampouco tardou en chegar o segundo gol carballiñés, no minuto 20 de partido, Tacón engancha desde preto da área unha volea sen que o balón tocase no solo, logrando un bonito gol.

Apenas comezar a segunda parte, outra xogada de Kennedy pola banda esquerda  da portería do AT. Vilariño,  o seu centro é rematado no segundo pau por Cancelas, subindo o 0-3 ano marcador do campo do Medo. No minuto 24 desta segunda parte marcaba o seu gol o AT. Vilariño. Despois, os locais aínda enviarían un balón ao longueiro da porteria defendida por Pachi, aínda que en ningún momento a victoria carballiñesa correu perigo. Kennedy e Bardelás tiveron inmellorables ocasións de ampliar a renta carballiñesa no marcador, pero fallaron ante a portería local.

Partido entretido e xogado con bastante intensidade por ambos equipos, sobre todo na primeira parte. Con esta nova victoria, o C.D. Arenteiro suma 3 puntos que o manteñen na segunda posición da clasficicación, agora a un so punto do líder Nogueira que non pasou do empate coa Velenzá. Non obstante, as victorias de Covadonga  e Allariz, que saldaron con éxito os seus respectivos partidos, obrigan ao Arenteiro a non fallar nos próximos partidos,  o máis inmediato, o domingo que ven en Espiñedo ante o Maside.