Política

Na mañá do venres dia 30 de novembro falecia Casimiro Campo Fernández no Complexo Hospitalario Universitario de Ourense, onde se atopaba ingresado desde fai unhos dias atrás, tras un empeoramento do seu estado de saúde. Tiña 47 anos de idade.

Era na actualidade portavoz do Partido Popular no concello de Maside, tras encabezar a candidatura popular nas últimas dúas eleccións municipais de 2007 e 2011 no municipio de Maside. Anteriormente exercera durante varios mandatos como concelleiro da corporación municipal do concello de Maside, do que foi 1º Tenente Alcalde.

Trala derrota electoral dos populares en 2007, Casimiro Campo  foi elexido para sustituir ao ex-alcalde Benigno Alvarez á cabeza do Partido Popular de Maside.

Os seus restos mortais velanse no local social de Dacón. O Funeral terá lugar o sábado 1 de decembro ás catro menos cuarto da tarde na Igrexa Parroquial de Dacón.

O grupo de goberno socialista rexeitou a moción do Partido Popular na que se demandaba o acordo do pleno "para a renuncia e anulación do procedemento aberto para a contratación da concesión da xestión do servizo municipal de abastecemento de auga potable e alcantarillado e do concello de Maside".

A sesión plenaria da corporación masidá subíu de tono cando se tratou a petición dos populares, que deu lugar a un enfrontamento verbal entre o alcalde Celso Fernández e o portavoz da oposición, Juan Álvarez. Nun momento do debate, e cando se debatía sobre a posiblidade de que a Deputación se fixera cargo do servizo, o Alcalde afirmou que "xa sabemos que da Deputación saben vostedes moito porque non sei quen ten familiares traballando na Deputación, miremos o arredor e saberémolo".

As afirmacións do rexedor foron contestadadas polo portavoz popular, éste reprochoulle que "vostede vai vender por 25 anos ó pobo de Maside por 500 mil euros, eu estou aquí para defender os intereses dos veciños, e non coma tí que eres un alcalde marioneta que está aquí para defender intereses particulares dun empresario", espetoulle.

No transcurso do pleno tamén se cruzaron descalificacións entre concelleiros do goberno e a oposición, e mesmo desde o público algún dos veciños presentes se dirixiu en tono despectivo ao alcalde, que chamou por varias veces á órde tanto ao público como ao portavoz popular.

En apenas dúas semanas, a Plataforma Veciñal que se opón á privatización do servizo recolleu máis de mil sinaturas de apoio a un escrito no que piden "que se paralice o procedemento aberto" polo concello masidao.

A concesión que prepara o concello de Maside, e pola que podería recibir máis de medio millón de euros á sinatura do contrato,  sería por un periodo de 25 anos, que en opinión da Plataforma Veciñal "hipoteca a xestión do servizo, que se vende a un empresa privada con ánimo de lucro, e que vai supoñer unha suba considerable nos recibos que pagarán os veciños". Demandan dos gobernantes municipais que "se valoren outras opcións, entre elas que o concello de Maside estude a posiblidade real de continuar xestionando o servizo".

A portavoz da Plataforma, Maria Luisa Rodríguez, considera un éxito que en apenas 15 dias lograsen reunir a sinatura de máis de mil veciños "o que representa máis do 50% do número total de abonados que ten o abastecemento de auga no municipio de Maside, o que pon de manifesto a inquietude que existe entre a veciñanza por esta decisión, a nosa intención é que toda a veciñanza teña información de todo o procedemento e poida asi ter unha opinión sobre un acordo que consideramos vai perxudicar gravemente tanto ao concello como aos propios usuarios do servizo", manifestou.

Pola súa parte, o Alcalde Celso Fernández está remitindo unha carta aos veciños no que defende o proceso de privatización que puxo en marcha. Neste escrito, manifesta as "moitas dificultades" que nestes últimos anos tivo o concello para ofrecer un servizo de abastecemento coas garantías requeridas tanto en calidade como na cantidade suficiente "sobre todo na época de verán, cando non se pode bombear desde o Barbantiño".

Tras subliñar que o servizo é altamente deficitario na actualidade para o concello de Maside, o rexedor municipal explica que o concello realizou un estudio económico do coste do servizo e "en función do resultado o plen municipal aprobou o 28 de marzo de 2012, sen votos en contra, a ordenanza fiscal que fixou o coste dos servizos e os novos prezos". Asegura o Alcalde na súa misiva á veciñanza que "a empresa que resulte adxudicataria do servizo de abastecemento e alcantarillado terá que manter o prezo fixado na ordenanza de marzo durante 25 anos, coa única variación do IPC".

Ésta é a declaración de intencións do goberno municipal, tras a celebración esta semana no Carballiño do Forum Redintur e o Congreso Internacional da AECIT.

Os dous eventos achegaron ata O Carballiño a 600 persoas durante esta semana, 200 universitarios participaron no Forum da Rede Intur e 400 persoas -según os datos da organización-- asistiron durante os 3 dias da súa celebración no auditorio do Carbaliño ás sesións do Congreso Internacional  da Asociación Española de Expertos Científicos en Turismo. Neste último caso, parte dos congresistas aloxaronse durante a semana en establecentos hoteleiros da comarca, concretamente, no Pazo da Almuzara, Aparthotel Arenteiro e Hotel Munumento do Mosteiro de San Clodio. Entre os congresistas de fora de España, os países con máis representación foron Brasil, China e México.

Ante os congresitas no auditorio e tamén no acto ofrecido aos organizadores na casa do concello, o Alcalde Argimiro Marnotes salientou "o gran potencial turístico do Carballiño e comarca, que vai desde a gastronomia ata os recursos naturais, o termalismo, a cultura e a gran riqueza patrimonia que temosl" e manifestou que "éste congreso será ademaís un punto de partida para encamiñarnos como destino turístico de congresos".

Marnotes pretende que O Carballiño "chegue a ser co tempo unha referencia para este tipo de eventos, congresos e reunións sectoriais, temos un excelente auditorio para este tipo de actos, e ademáis contamos con máis de 500 prazas hoteleiras, é un potencial que debemos aproveitar", subliñou o rexedor municipal, que anunciou futuras reunións co sector da hosteleria para estudar este obxetivo e tamén "para falar de algunhos aspéctos nos que sería preciso incidir para poder ofrecer unha proposta o máis atractiva posibel".

O Grumir carballiñés queda desde este 24 de novembro con tan só 3 efectivos e cun futuro incerto cara o ano que ven, condicionado pola posta en marcha do parque comarcal de bombeiros.

Na actualidade, o grupo municipal de emerxencias contaba con 12 traballadores, dos que 9 causarán baixa ao rematarlle o contrato laboral. Esta mesma situación xa se presentara o ano pasado, xa que os contratos realizanse por medio dunha convocatoria autonómica, que a súa vez utiliza fondos europeos para outorgar as axudas aos concellos e asi manter estes servizos de emerxencias. Sucede que as axudas convocanse a principios de ano, polo que durante algúns meses e ata que se resoven esas axudas, os GRUMIR permanecen co persoal baixo mínimos.

Ademáis, o mapa de emerxencias de Galicia, que a Xunta acordou coa FEGAMP, contemplaba a desaparición dos GRUMIR no ano 2013 naqueles concellos que contan con parques de bombeiros. Sería éste o caso do Carballiño, pendiente da posta en marcha do parque comarcal de bombeiros o ano que ven.

Sexa como sexa, de momento, o servizo de emerxencias do concello carballiñés verá reducida a súa operatividade, ao quedarse só con 3 efectivos, os que viñan exercendo como encargados dos 3 turnos.

O científico bobarense, recoñecido internacionalmente, sentíuse indisposto e falecía cando estaba pronunciando unha conferencia nunha universidade estadounidense.

Evaristo Riande García, veciño natural de Boborás, localidade que visitaba con bastante frecuencia, foi membro do Consello Superior de Investigacións Científicas dende o ano 1984, levando a cabo unha inmensa labor de investigación no eido da física, con maís de 300 traballos e artigos publicados,

O Concello de Boborás promovera no ano 2006 un expediente de honra recoñecendo a Evaristo Riande García como ún dos seus fillos máis insignes, dende entón unha rúa leva o seu nome na capitalidade municipal.

O CONCELLO DE BOBORÁS DECRETA 3 DIAS DE LOITO

O Alcalde Cipriano Caamaño asinou hoxe un decreto da alcaldia no que manifesta que "tras ter coñecemento do pasamento de D. Evaristo Riande García, brilante científico e investigador, nada en Boborás" resolve "que as bandeiras da fachada da casa do concello de Boborás ondeen a media asta desde o dia 21 ao 23 de novmebro de 2012, en sinal de loito polo pasamento de tan ilustre persoeiro".

O Partido Popular fixo valer a súa maioria no pleno para sacar adiante os expedientes de modificación das ordenanzas fiscais 2013, a disolución do Patronato de Deportes ou o sistema de control dos traballadores municipais.

A proposta da alcaldia de control horario dos traballadores municipais que se vai implantar na casa do concello, na nave da Uceira e en Servizos Sociais, foi duramente criticada pola concelleira do BNG, que votou en contra, Áurea Francisco dixo que "se estaba violentando a intimidade dos veciños" referíndose á instalación de cámaras de vixiancia e tres reloxios de control horario, "o que se pretende facer en servizos sociais é propio dun estado policial". Paco Fumega -os socialistas abstiveronse- demandou que "se manteña a privacidade dos veciños, especialmente en servizos sociais, onde hai que ter un trato exquisito coa xente". O Portavoz Popular asegurou que "se vai cumplir a lei e a privacidade, que é fundamental, para nada se vai violentar, trátase dun control normal dos traballadores", dixo Martín Nogueira. O Alcalde anunciou que o sistema terá un custo de 7.000 euros e manifestou "non entender o concflicto que lle provoca á oposición este tema cando na época do bipartito xa se fichaba, solo terán problema os traballadores que non cumplan co seu traballo".

O outro punto de debate e maior discrepancia entre goberno e oposición foi o relativo á modificación das ordenanzas fiscais para o ano 2013. Varias taxas experimentarán un notable incremento "para adaptalás ao plan de axuste e saneamento do concello" explicou o rexedor municipal, que fixo referencia "a herdanza recibida que nós estamos pagando, esto non é máis que unha responsabilidade de todos con todos para que este concello poida pagar". Desta maneira xustificou o alcalde carballíñés subidas como as que se experimentarán no conservatorio de música e nas escolas municipais. dun 20% e 15%, respectivamente. Outras taxas, como a auga elevanse dacorde ao incremento do IPC máis un punto, ou o IBI, que terá un aumento como consecuencia do novo coeficiente municipal, fixado con carácter xeral para todos os municipios. Os dous grupos da oposición votaron en contra ao entender "que son subas brutais ás que terán que facer fronte os veciños". 

A corporación certificou a defunción do Patronato de Deportes, un organismo municipal que levaba máis dunha década sen actividade, a oposición abstivose.

O pleno -a proposta da concelleira nacionalista Áurea Francisco- gardou un minuto de silencia en memoria das 50 mullleres que no último ano foron víctimas da violencia de xénero. Precisamente, no trancurso da sesión  trataronse mociós do BNG e PSOE sobre o dia da non violencia contra as mulleres  e dia internacional contra a violencia de xénero, que se conmemora o 25 de Novembro.

Presentaron unha serie de medidas no plen da corporaicón municipal "para que a veciñanza non se vexa perxudicada  pola suba de taxas  de agua, lixo e alcantarillado". O Grupo socialista propuxo o grupo de goberno, que fora o Concello o que se fixera cargo de abonar a suba do IPC 3,4 % das diferentes taxas, para que asi non repercutira tanto nos bolsillos das familias.

 Os socialistas , a través do seu portavoz Manuel Rodríguez, explican que "os cidadáns de Leiro teñen que soportar a suba do IVE, asi como o novo canon de auga aprobado pola Xunta de Galicia o 22 de xuño de 2012, e o  coeficiente de verquido que lle vai a supoñer pagar máis dun 140%, sendo os da empresa concesionaria os únicos que van a sacar tallada deste asunto".

Rodríguez continua decindo que ademais das medidas mencionadas anteriormente se lle propuxeron outras tales como as de lineas de bonificación dun 30% para discapacitados, pensionistas, xubilados e familias numerosas que non poideran sobrepasar os 680 € de renda , e 916€ o que é o nucleo familiar, e un 10% de bonificación para os desempregados do concello.

Por último o portavoz dí que "todas estas medidas foron rexeitadas polo grupo popular e denuncia a falta de sensibilidade ante as situacións de necesidade que están a padecer os cidadáns neste momento de crise económica , invirtindo os cartos na mancomunidade do Ribeiro que é o verdadeiro cancro que está levando a ruina o concello, xa que o goberno municipal aprobou unha modificación de crédito de 68.000€ para a mesma facendo un total de 226.000 € máis do 30% do presuposto municipal".

Na adminstracción local carballiñesa a folga foi secundada por 3 traballadores, no concello do Carballiño dun total de 145 traballadores, tan só 3 apoiaron a protesta dos sindicatos.

Na adiminstracción autonómica, o coordenador do centro de saúde do carballiño informou a esta emisora de radio que "o seguimento da folga entre o persoal foi anecdótico" e a afluencia de pacientes a dun dia calquera. Na ensinanza, a maior participación rexistrouse nos institutos carbaliñeseses, aínda que de forma bastante desigual, mentres no IES nº 1 apoiaron a folga 25 dos 44 profesores que ten o centro, no IES Chamoso Lamas tan só secundaron o paro 17 dos 62 profesores que forman o claustro.

No comercio, salvo algún caso puntual, e na hostelería carballiñesa a actividade desenvolveuse con total normalidade. No parque empresarial e a zona industrial da Uceira, a folga tivo unha incidencia minoritaria.

Aseguran que foi o tenente-alcalde Manuel Cerdeira o encargado de convidar desde o teléfono da casa do concello a esta festa na que os asistentes degustaron chourizos, empanada, panceta, pan, viño, chocolate e licór café.

O menú era de balde "convidaba o concello" e á convocatoria celebrada o pasado sábado asistiron arredor das 300 persoas "a maioria delas afíns o grupo de goberno", según poñen de manifesto veciños críticos con esta festa de magosto na que tampouco faltou a actuación de grupos musicais e incluso unha sesión de fogos artificiais.

"O Alcalde perdeu a confianza e pretende recuperala dando pan e circo como se estivese na Roma dos emperadores, quere ser emperador pero non ten imperio" comentou no programa "A mañá de COPE" Luis González Tosar, veciño do Irixo, e apostilou "foi unha chourizada impresentable nestes momentos de crise e recortes, é unha provocación que un alcalde organice e convide a unha paparota, porque pensa que asi compra as vontades, e as vontades das persoas non se mercan no bandullo".

"Ao alcalde, ao que tanto lle preocupaban os postos de traballo dos seus veciños, gasta os fondos municipais en paparotas, e segue mantendo a exclusividade súa e do tenente alcalde cobrando entgre ambos aproximadamente 50.000 euros ao ano", comentaba José Castro.

Pola súa parte, desde a "Coordenadora veciñal Incineradora no Irixo Non", que organizou un magosto na carballeira do Campo no que cada asistente pagou 20 euros, lamentan "que o alcalde siga dividindo aos veciños con este tipo de actitudes".