O conselleiro de Emprego, Comercio e Emigración, José González, acompañado do delegado territorial da Xunta en Ourense, Manuel Pardo, e do director xeral de Comercio e Consumo, Gabriel Alén, visitou este pasado sábado a praza de abastos do Carballiño no marco da celebración da campaña Quere o teu mercado, unha iniciativa internacional á que Galicia sumouse en máis de 60 mercados de toda a Comunidade como parte do compromiso estratéxico da Xunta co fortalecemento das prazas de abastos como espazos fundamentais do comercio de proximidade e elementos vertebradores do territorio.
José González destacou que a praza do Carballiño é un exemplo do potencial que teñen estes espazos cando contan co apoio e impulso necesarios de todas as administracións implicadas. Este mercado recibiu en 2024 unha axuda para a diagnose e, este ano, dispón dunha achega próxima aos 53.000 euros para avanzar no proxecto técnico e na execución das melloras estéticas e funcionais.
Durante a visita, o conselleiro puxo en valor a importancia desta campaña que contribúe a dar visibilidade aos mercados, atraer novo público consumidor e promover o produto galego de calidade. Destacou que as prazas de abastos non son só espazos de venda, senón tamén lugares de encontro e parte esencial da identidade dos municipios galegos. Nese sentido, salientou o traballo que está a realizar a Xunta a través do Plan estratéxico de comercio de Galicia, con actuacións específicas como o pulo ao selo Mercados Excelentes ou a futura iniciativa Prato de mercado que promoverá sinerxías cos mellores restaurantes das súas contornas.
A edición deste ano de Quere o teu mercado conta coa participación de 63 prazas de abastos localizadas en 52 concellos de toda Galicia, entre eles catro da provincia de Ourense —O Carballiño, O Barco de Valdeorras, Ribadavia e Ourense—, que suman arredor de 2.550 praceiras e praceiros implicados. Ao longo desta xornada, a Xunta distribuirá máis de 4.300 mandís e 18.250 bolsas de algodón nos mercados participantes. Ademais, desenvolveranse diferentes actividades de dinamización como showcookings, actuacións musicais, sorteos de cestas de produtos, obradoiros infantís e concursos de debuxo, contribuíndo así a crear un ambiente atractivo e participativo.
Fernando Redondo (San Amaro, 1977) é o novo presidente do Partido Popular en San Amaro, como así referendou a militancia que participou no congreso desta agrupación local. Unha nova etapa, dixo o tamén alcalde, na que pretende que a agrupación popular “dun concello pequeno do rural como este contribúa a seguir facendo máis grande o PP”.
No congreso local, Fernando Redondo estivo acompañado polo presidente provincial, Luis Menor, e a vicepresidenta Marta Novoa, así como por un numeroso grupo de simpatizantes e alcaldes e portavoces de toda a comarca.
Redondo marcouse como obxectivos “seguir traballando para mellorar o concello e estar sempre a disposición da veciñanza”. Para este fin afirmou contar cun gran equipo ao que lle pediu “facer pobo, facer concello e facer provincia desde o partido para que a xente se sinta orgullosa de San Amaro”. O xa presidente local tamén tivo un emotivo recoñecemento público para o seu predecesor, Ernesto Pérez, ao que agradeceu que lle invitase a participar na vida política local e os seus consellos”.
“Ernesto Pérez fixo unha gran transición buscando a renovación e elixindo ao mellor sucesor”, dixo pola súa banda o presidente provincial, que puxo en valor o traballo de Fernando Redondo por unha política baseada en “ideas en positivo e poñendo moita ilusión na mellora do pobo”.
Os congresos locais, destacou Luis Menor, serven para “avaliar, organizar e proxectar o partido”, labor importante cando se cumpre o ecuador do mandato municipal”. Por esta mesma razón e comprobando o traballo feito, subliñou o líder dos populares ourensáns, “no 2027 Fernando Redondo revalidará a maioría que lle permite dar a San Amaro a estabilidade de goberno que merece”.
Un solo local y sola terraza ...sin fin : y nadie hace nada.
Un abuso
O PSdeG-PSOE de Leiro vén de denunciar publicamente o estado de abandono absoluto no que se atopa o Camiño da Petada, en San Clodio, unha actuación executada no ano 2008 coa colaboración da Xunta de Galicia e un investimento conxunto de 224.988 euros de fondos públicos.
A intervención, promovida polo Concello de Leiro en colaboración coa Consellería de Vivenda e Solo da Xunta de Galicia, tiña por obxectivo recuperar un camiño histórico que conecta a Praza de San Clodio co río Avia, no corazón do núcleo tradicional. Tratábase dun proxecto coidadosamente deseñado para integrar os accesos ás vivendas e ás adegas, con materiais de alta calidade e baixo mantemento (adoquín de pedra morena, formigón rayado, elementos deseñados a medida como sumidoiros, rexistros pavimentables, barandillas de aceiro cortén e marquesiñas), coa canalización soterrada de todos os servizos e a instalación de iluminación pública.
17 anos despois da súa execución, o goberno municipal de Leiro non foi capaz de realizar unha mínima acción de mantemento ou conservación. A vexetación invade parte do percorrido e a marquesiña instalada naquela actuación atópase completamente cuberta por silvas, ofrecendo unha imaxe de total deixadez e desleixo. A zona está descoidada, sen limpeza nin control, e non hai sinais de que se teña previsto actuar.
Para o PSdeG-PSOE de Leiro, esta situación é intolerable, porque non só supón un deterioro do espazo público e do patrimonio urbanístico de San Clodio, senón que representa unha burla ao investimento de cartos públicos, que foron destinados á posta en valor do camiño, á mellora da mobilidade peonil e á integración paisaxística da contorna.
“Non estamos pedindo grandes obras nin novas actuacións, simplemente pedimos respecto polo xa feito. Manter en condicións dignas unha intervención financiada con diñeiro de todas e todos non é unha opción, é unha obriga”, declarou o portavoz municipal socialista, Manuel Rodríguez.
Desde o grupo municipal socialista esíxese ao alcalde e ao seu equipo de goberno que deixen de mirar para outro lado e acometan de inmediato labores básicas de conservación e mantemento, comezando por recuperar a funcionalidade da marquesiña e limpar os accesos do camiño, devolvéndolle a dignidade a un espazo que formou parte da memoria histórica, comercial e cultural de Leiro.
“O Camiño da Petada non é só unha rúa. É un símbolo da conexión entre barrios, do viño, do San Clodio histórico. E merece algo máis que o abandono. Merece coidado, atención e respecto”, conclúe o grupo socialista.
No pleno de onte do Concello do Carballiño, houbo unha intervención lamentable da concelleira de Educación, na que lendo nun papel respostaba a moción en defensa do galego presentada por Sofía García. Pois ben, está concelleira veu a decir que hai que defender un "bilingüismo cordial", que seica ben sendo que cada un fale o que lle pete, que hai menos galego falantes por causa dos inmigrantes, e que non hai que facer nada en favor do galego, porque disque non é necesario. E tamén dixo sen pestanexar que o modelo actual da Xunta era estupendo e o que defende o BNG, so busca confrontar. Ahí queda eso. E logo reivindican a un tal Castelao, din ser galeguistas e o dezasete de maio petan no peito. Manda nabo.
Eu tamén defendo que cada un fale o que quiera, faltaría máis, pero de ahí a decir que o galego goza dunha saúde envexable hai un treito. Non hai máis que escoitar ós nosos rapaces e mozos. Cantos menores de trinta años falan galego habitualmente no Carballiño? Un dez ou un quince por ciento?
Certo que dende o Concello non se pode facer moito, pero algo si. Por EXEMPLO:
- Promover cultura en galego. Teatro, música, cine...
- Crear premios de música actual, de curtas, de poesía, de relatos, de monólogos no noso idioma.
- Comunicación institucional en correcto galego.
- Campañas de difusión e axudas para rotular os negocios en galego.
- Rueiro e sinalética en galego.
Xa ve, señora concelleira que se poden facer moitas cosas en defensa do noso idioma cada día, non só o dezasete de maio para quedar ben. Fágao. Ten vostede a obriga de defender, promover e difundir o noso principal patrimonio. E déixese de ler panfletos inspirados por Galicia Bilingüe. Lembre que " se ainda somos galegos é grazas o idioma". don Daniel dixit.
A Xunta destina 200.000 euros as obras de reforma do centro integral para as persoas de maiores do concello, onde se prestan servizos de atención residencial, de centro de día e de vivenda comunitaria. O xerente do Consorcio Galego de Servizos de Igualdade e Benestar, Perfecto Rodríguez, visitou hoxe este equipamento de titularidade municipal para comprobar o avance desta actuación recentemente iniciada e estivo acompañado do alcalde, Antonio Montero.
Perfecto Rodríguez sinalou que a actuación financiada consiste en varias reformas interiores, así como na renovación do mobiliario das habitacións e de espazos comúns. Ademais, indicou que a mellora deste centro é unha da vintena de proxectos que forman parte do Plan de Investimentos da Xunta. A través deste Plan, o Goberno galego destina 18,5 millóns de euros de fondos europeos do Mecanismo de Recuperación, Transformación e Resiliencia (MRR) para reforzar a rede de servizos de proximidade que dependen dos concellos. En concreto, con este orzamento estanse construíndo ou ampliando residencias de maiores, centros de día, vivendas comunitarias e centros sociais.
Neste sentido, o xerente do Consorcio apuntou que coa execución deste Plan, acordado coa Federación Galega de Municipios e Provincias (Fegamp), porase a disposición das familias que viven en concellos máis rurais e de menor poboación un total de 650 novas prazas públicas para o coidado dos seus maiores.
Outro venres de tertulia en COPE O Carballiño, desta vez con Fátima Gómez, Sebas Lamazares e Manuel Nogueira, xunto a xan Pinal, e coma sempre coa destacada participación da audiencia desta emisora de radio.
Escóitaa aquí:
Os concelleiros do PSdeG-PSOE de Leiro, Pedro José González González e Manuel Rodríguez Vázquez, veñen de rexistrar un escrito dirixido ao alcalde solicitando a colocación urxente da rede de protección lateral na pista polideportiva situada xunto ao Campo da Feira, a carón do río Avia.
Trátase dunha medida que se vén aplicando anualmente nestas datas para garantir a
seguridade das persoas usuarias, especialmente nenos e mozos, e evitar que os balóns
escapen ao leito do río, co risco que iso supón tanto para a integridade física como para a conservación do material deportivo.
“Este ano a rede aínda non foi colocada, e xa nos teñen trasladado varias familias a súa
preocupación. Non se pode esperar a que haxa un susto para actuar. Pedimos que o Concello actúe con responsabilidade e resolva esta situación de inmediato”, sinalaron os concelleiros socialistas.
Desde o PSdeG-PSOE de Leiro insisten na importancia de manter en boas condicións as
instalacións deportivas municipais, facilitando un uso seguro e digno para toda a veciñanza
Cando Espazo Común di que os 10 anos de alcaldía de Francisco Fumega "Foron anos perdidos para O Carballiño difíciles de recuperar".¿Esquecense de que en 4 dises anos iles estiveron o seu carón? Ocupando tenencias de alcaldía e concellerías,máis postos nos órganos de dirección do PSOE carballiñés e ourensán.¿Ou están facendo Unha autoenmenda sobre ises anos que gobernaron xunto Fumega?
Se é o primeiro,sería algo normal pois os humáns tendemos a esquecer con facilidade.Pero se é o segundo,iles mesmos recoñecen que non están capacitados para gobernar iste pobo.
¿Ou somentes hai un culpable nista historia?
Quero decirlle o señor da anterior queixa, que ata que limpen Arcos e parroquias colindantes non se limpará ningún outro sitio antes.
Páxinas
- « primeira
- ‹ anterior
- …
- 7
- 8
- 9
- 10
- 11
- 12
- 13
- 14
- 15
- …
- seguinte ›
- última »
