A empresa Viaqua foi a adxudicaria desta actuación para resolver as deficiencias que presenta o colector de residuais da marxe esquerda do río Arenteiro ao seu paso polo Carballiño, os traballos comezaron esta semana e teñen un prazo de execución dun mes, cun orzamento de 89.980 euros. O presidente da Confederación Hidrográfica do Miño-Sil José Antonio Quiroga e o alcalde Francisco Fumega visitaban esta mañá as obras no paseo fluvial, nas inmediacións da ponte medieval de Veiga.
Ademáis, ambos mandatarios tamén se referiron a anunciada obra de reforma integral da rúa Ourense. O Presidente da Confederación Hidrográfica asegurou que xa está rematada a redacción do proxecto, que inclúe novas canalizacións de pluviais, abastecemento e saneamento, asi como construcción de beirarrúas, iluminación nova pavimentación, unhos traballos que teñen xa unha avaliación económica, que precisará unha inversión de 1,7 millóns de euros. Concello e Confederación asinarán pouco tempo -manifestou José Antonio Quiroga- o convenio de colaboración para facer realidade esta tan demanda obra por parte da veciñanza desta rúa Ourense.
Fai pouco comezamos o 2023, que agardemos sexa un ano de felicidade e prosperidade para todos vos, aínda que outra banda temo que sexa o ano da continuidade, dos asfaltados de última hora e o de sempre, O Carballiño e o segundo concello da provincia de Ourense en número de habitantes, provincia que Baltar tanto di amar, pero que posteriormente non se traduce en feitos e en investimentos reais, eses tan preciosos para a nosa vila, pero que son mais escasos que a choiva en Namibia, un dos lugares onde menos chove do mundo, polo que polo ben de todos agardemos recibir ese apoio doutras adminstracions para poder levar a cabo proxectos de vital importancia, mais aind cos enormes danos provocados polas chuvias, numerosos proxectos necesitan apoio, melloras na rúa Testeuro, Margarita Taboada, asfaltados no rural, ilumniacion led, instalacions deportivas, e tamen da Xunta, en especial de Augas de Galicia, quen cobra axilmente os canons da auga pero non se revirte na mellora do abastecemento, danado polos catro costados en moitas rúas
Ordiá! Mi madriña! Non me percatara de que acontecerá iso. E iso que son veciño de Corzos pero non é unha zona aconsellable pra andar ou pasear. A verdade é que a situación de Corzos é máis ca lamentable, sobre todo na parte de Maside. Analizando a situación, primeiro foi a chapuza da canalización do rio no ambulatorio, despois outra chapuza maior detrás do Casa Arsenio (estamos a falar nada máis e nada menos ca de 100 m dun tunel de risa), agora esto na zona das pistas da Autoescola. Todo isto leva consigo estradas pechadas con cintas e inversión económica por no facer as cousas ben no seu día. Como non conto que os de Maside se manchen as botas, xa o fixen eu por eles para que despois non se diga que a xente non toma iniciativa e non se coñecen as cousas ou os problemas. O seguinte dique que toca que revente e o pase do rio detrás da piscina climatizada de Corzos. Que estean tranquilos os políticos de Maside, que sen ser técnico xa digo eu que este ano aguanta, pero a erosión no talud xa comezou. Máis cedo ca tarde, tamén a auga fará burato para sair. Adxunto imaxes de como canalizaron baixo a carretera o mesmiño rio dos desastres anteriores, e ata onde chegou a agua rio arriba. Tamén adxunto como se canalizou correctamente o río ( a 200 metros da piscina) o seu paso por baixo a estrada OU-504 Ribadavia-Cea cun tunel de polo menos 4 metros de diámetro. Nada que ver cos tres tubos de 60 cm detrás da piscina.
Como dixo o copenauta anterior, haber que ten que dicir o respecto a Hidrográfica destes traballos.
Eu xa cumprín como cidadán, e vou durmir tranquilo. Queda todo o mundo informado e avisado.
O presidente da Deputación de Ourense, Manuel Baltar, mantivo un encontro de traballo no Pazo Provincial co alcalde de San Cristovo de Cea, José Luis Valladares, para estudar novas iniciativas de colaboración entre ambas administracións.
Manuel Baltar avanzou a José Luis Valladares a “máxima implicación do goberno provincial con San Cristovo de Cea” para seguir reforzando as liñas de colaboración abertas entre ambas entidades e “seguir mellorando os servizos públicos”.
Nesta reunión, o presidente do goberno provincial garantiu o respaldo a dous novos proxectos presentados polo rexedor que xiran arredor da mellora das infraestruturas viarias: o arranxo de vías municipais en todo o concello e o afirmado do camiño do cemiterio.
Manuel Baltar incide na importancia da cooperación institucional para “avanzar na execución de proxectos necesarios para o benestar cotiá dos veciños”. Como administración “máis próxima ao territorio e dende o noso rol de ‘gran consultor dos concellos”, remarca o titular do goberno provincial, “activamos toda a nosa capacidade económica, técnica e xurídica para desenrolar novas iniciativas que permitan seguir construíndo provincia”.
Pola súa banda, José Luis Valladares agradece á Deputación e ao seu presidente “a alianza con San Cristovo de Cea, referendada a través da completa receptividade ás nosas propostas e o compromiso diario cos concellos do rural”.
Mesmo río, mesma tipoloxía constructiva de canalizar o paso dun río baixo estrada con 3/4 tubos de fibrocemento en paralelo que non teñen capacidade de paso para semellante caudal de auga. Resultado, efecto presa ata que reventa todo porque o dique que fai o camiño ou estrada non soporta tal presión de auga o mesmo tempo que ablanda o terreo. A única diferenza é que no ambulatorio a estrada está asfaltada, e máis ancha e aguanta máis e somentes baixou de cota sen chegar a desaparecer. Tal e como é a confederación hidrográfica cos permisos e licenzas, gustariame saber quen permitiu facer iso. Non creo que haxa que estudar moito para darse conta delo.
O comité nacional do Sistema Integral de Calidade Turística en Destinos (SICTED) acordou conceder o seu distintivo de “Compromiso de Calidade Turística” a 25 empresas e entidades da provincia que participaron nunha actuación enmarcada no plan “Ourense Termal”, entre elas encóntrase dous restaurantes carballiñeses como son "Casa Gazpara" e "Fuchela", ambos pertencen a dúas familias relacionadas directamente coa tradición pulpeira de Arcos.
O certificado supón un aval para o labor de desenvolvemento continuo e competitividade dos negocios seleccionados, entre os que figuran aloxamentos, centros de interpretación, balnearios, hostalería, clubs náuticos, adegas, museos, salas de exposición ou servizos de benestar.
O comité nacional acaba de facer pública a súa decisión tras a reunión celebrada a finais do pasado mes de decembro, nunha convocatoria anual coa que a Secretaría de Estado de Turismo quere recoñecer o esforzo que realizan as empresas participantes nos diferentes destinos turísticos.
Distintivos a empresas e servizos en doce municipios
Tras o fallo da presente convocatoria, a Deputación de Ourense, a través do Inorde, organizará un acto de entrega dos distintivos de calidade que lucirán nos establecementos e instalacións das seguintes empresas e entidades: As adegas Celme e Cunqueiro e o Club Náutico en Castrelo de Miño; os albergues da Rola e O Corgo, o cámping, os apartamentos de Outeiro de Cela e a casa reitoral de San Pedro en Muiños; o albergue municipal, o centro de interpretación Aquae Querquennae-Vía Nova e a asociación de Amigos do Camiño Xacobeo de San Rosendo e dá Rainha Santa en Bande; Casa Gazpara e Fuchela no Carballiño; Casa Idalia, Cuñas Davia e Experiencia Wellness en Cenlle; gastrobar Ou Birrán en Ribadavia; licores Vos maios en Leiro; o museo de Moncho Borrajo en Baños de Molgas; a oficina de turismo de Verín; a oficina de Monterrei e a sala de exposición Hospital da Trindade e un servizo de guía turístico no mesmo municipio; e os balnearios de Caldaria en Lobios e Arnoia.
Un décimo de máquina do número 72.289, segundo premio na lotaría do neno deste dia de reis de 2023, foi vendido no Bar Lérida, na Praza dos Irmáns Prieto do Carballiño Correspóndelle un premio de 75.000 euros.
O establecemento, na actualidade rexentado por Mönica Blanco e Andrés Iglesias, parece que está bendicido pola sorte, en 2019 entregou un premio dun millón de euros do Euromillón, na lotaria do nadal de 2020 e 2021 dous décimos premiados co quinto premio, ao que se suma agora este segundo premio deste 6 de xaneiro de 2023.
Cabalgatas hai moitas, aínda que da beleza, espectacularidade e vistosidade, e tamén de maxia para os e as que somos do Carballiño coa torre da Veracruz como escenario, seguramente que poucas ou ningunha. O Carballiño xa pode presumir dunha cabalgata con identidade propia.
Excelente e coidada posta en escea, que cautivou ao númeroso público congregado na rúa Evaristo Vaamonde, para seguir este espectáculo que precedeu á máxica aparición de Melchor, Gaspar e Baltasar na Torre da Veracruz, ante a atónita mirada dos máis cativos, e o aplauso dos maiores.
Despois, a cabalgata tradicional de sempre, cada rei na súa respectiva carroza, e este ano coa ambientación especial da compañía "Fantasía de Nadal" e como cada ano a amenización do DJ Tibu, que vai xa camiño de ser tamén outra seña de identidade da cabalgata de reis á carballiñesa.
Como usuario habitual da OU-504 ou tamén chamada carretera de Ribadavia-Cea ou Eixo do Ribeiro, fago tódolos días viaxe de ida e volta dende o enlace da Fontela ata San Cristobo para ir a traballar. Como vexo que xa é segunda vez que alguén se queixa da falta de pintado da estrada vou opinar porque penso que nesta vida hai que ser tolerantes. É certo que xa hai un tempo que remataron os traballos de asfaltado, polo menos no tramo polo que circulo eu a diario, pero non é certo que a carretera estea sen puntear, está totalmente punteada, e en puntos donde non hai barreiras quitamedos cos reflectores hai conos de sinalización. Con isto non quero dicir que non faga falta pintar, pero hai que recordar que os traballos de asfaltado desenvolvéronse incluso cando chovia, pero os traballos de pintado non se poden levar a cabo. Cantos días tivemos sen choiva? Ainda que non chova dun día pra outro a carretera segue mollada o día seguinte. Teñamos un pouco de paciencia, e non inventemos cousas raras, non se pintou porque non parou de chover e a estrada segue mollada e punto. Aproveito para recordar que o verdadeiro problemón desta estrada é o XABARÍN.
A directora de Turismo de Galicia, Nava Castro, e o delegado territorial da Xunta en Ourense, Gabriel Alén, participaron hoxe na presentación dos Plans de Sustentabilidade Turística de Enogastronomía na provincia de Ourense, do que se beneficiarán 30 concellos que contarán con 4 millóns de euros para levar a cabo 3 dos Plans aprobados na Conferencia Sectorial de Turismo, a proposta do Goberno galego.
Durante a súa intervención, Nava Castro puxo en valor os tres Plans que se levarán a cabo na provincia de Ourense, que serán o PSTD Valdeorras, Ruta do Viño Milenaria (O Barco, A Rúa, A Veiga, O Bolo, Petín, Vilamartín, Rubiá, Larouco, Carballeda), que conta con 1,5 millóns de euros para a posta en valor da súa Ruta do viño e as súas covas centenarias, entre outras accións; o PSTD Ribeiro – O Carballiño (Arnoia, Avión, Beade, Carballeda de Avia, Castrelo de Miño, Cenlle, Cortegada, Leiro, Melón, Ribadavia, Beariz, Boborás, O Carballiño, O Irixo, Maside, Piñor, Punxín, San Amaro, San Cristovo de Cea, Padrenda e Pontedeva), cunha dotación orzamentaria de 1,5 millón de euros e que tamén porá en valor a Ruta do viño do Ribeiro entre outras accións; e o PSTD O Carballiño e a gastronomía do Polbo, do concello do Carballiño, con 1 millón de euros.
Entre esta accións está a posta en valor dos territorios vitivinícolas, a mellora da comercialización e da promoción de novos produtos turísticos vinculados á enogastronomía galega, a promoción da xestión sostible desde os destinos e a potenciación do territorio enogastronómico galego como un espazo de desenvolvemento turístico cun forte contido na dixitalización e na innovación gastronómica.
Páxinas
- « primeira
- ‹ anterior
- …
- 162
- 163
- 164
- 165
- 166
- 167
- 168
- 169
- 170
- …
- seguinte ›
- última »
