O alcalde do Carballiño aportou hoxe diversa información relativa á xestión da Fundación Irmáns Prieto, e máis concretamente sobre todo o proceso de actualización na xestión do Padroado do que forma parte dende o ano 2018. Fumega negou que se modificasen os estatutos do Padroado "non é certo que os acordos tivesen que ser por unanimidade, dende a creación da Fundación os acordos no padroado foron continúan sendo por maioria, nunca por unanimidade, non houbo ningunha modificación, tan so se foron adaptando dende o ano 1913 ata a actualidade por imperativo legal".

O rexedor municipal adreditou que "todas a propiedades, tanto no Carballiño como en Madrid, están rexistradas ben a nome da Fundación ou do Asilo". Fumega é membro do padroado dende 2018 e foi nese momento cando se actualizou o padroado, xa que ata ese momento apenas tiña actividade "como proba o feito que ata o 2018 figuraba Pachi Vázquez como membro do mesmo". 

Fumega entende que "o asilo nunca estivo mellor" e que pode acreditálo "tras realizar varias visitas por sorpresa nos últimos meses". Tamén considera que é importante a ampliación no número de prazas de residentes, que pasaron das 84 de fai dous anos ás 110 da actualidade "mellorandose de forma notable tanto na calidade de atención como nos ratios de funcionamento", dixo.

Asemade, destacou o alcalde carballiñés o feito de que "o 40% dos residentes contan cunha beca da Fundación, o que permite cubrir os gastos da súa praza, en total nos últimos anos investironse en becas 1 millón de euros por parte da Fundación, destinano ás persoas usuarias con menos recursos, tan so no último ano destináronse a esta finalidade 265.000 euros", asegurou.

Fumega non quixo pronunciarse sobre o conflicto laboral no xeriátrico carballiñés, limitandose a manifestar que é un asunto que está xudializado e non lle corresponde ao alcalde avaliar.

No PODCAST de COPE O Carballiño correspondente ao dia 30 de xuño podes escoitar éstas e outras manifestacións do alcalde do Carballiño sobre este asunto.

A Festa de Exaltación do Pan de Cea chega á súa vixésimo novena edición agardando superar un novo récord de vendas. “Hai dous anos quedamos a mediodía sen existencias, polo que nesta ocasión poremos á disposición do público preto de 2.000 pezas”. Así o indicou o presidente do Consello Regulador da Indicación Xeográfica Protexida (IXP) Pan de Cea, Carlos Rodríguez, esta mañá na presentación da XXIX Festa de Exaltación do Pan de Cea, que se desenvolverá esta fin de semana no Campo da Saleta.

Rodríguez anunciou tamén que a XXIX Festa de Exaltación do Pan de Cea contará como pregoeiro con Jose Manuel Vázquez Rodríguez, xefe de Cardioloxía do Complexo Hospitalario Universitario de A Coruña e nado en San Cristovo de Cea, quen será presentado por Marisa Crespo Leiro, recentemente nomeada filla predilecta deste concello é que tamén é unha cardióloga e investigadora destacada.

Na rolda de prensa tamén participaron o presidente da Deputación provincial de Ourense, José Manuel Baltar, e o alcalde de San Cristovo de Cea, José Luís Valladares. Ambos gabaron as cualidades deste produto con indicativo de calidade e auguraron un novo éxito de convocatoria para esta exaltación gastronómica.

O presidente do Consello Regulador desglosou o programa de actividades para esta fin de semana. A xornada grande, o domingo 3 de xullo, comezará a partires das 10.00 horas cun pasacalles a cargo de diversas charangas. Xa ás 12.00 horas terá lugar a recepción de autoridades no Campo da Saleta.

A continuación, Jose Manuel Vázquez Rodríguez e Marisa Crespo Leiro pronunciarán o pregón da Festa de Exaltación do Pan de Cea. Unha vez finalizada a súa intervención, ofrecerase unha degustación de produtos galegos con distintivo de calidade. A Charanga CLK e Feitizo de Pau e Troula Group encargaranse da amenización musical.

Xa ás 14.30 horas terá lugar o tradicional xantar organizado. “Temos a previsión de que acudan unhas 400 persoas”, concretou Carlos Rodríguez. Ás 19:00 horas haberá unha degustación gratuíta de chourizos ao viño con Pan de Cea. O final de festa comezará a partires das 20.00 horas, con orquestra.

Durante toda a xornada, haberá un espazo expositivo no que participarán unha vintena de empresas de diversos sectores. Artesanía e gastronomía daranse cita nesta mostra feiral, que se complementará co stand institucional onde se exporán produtos amparados por distintos Consellos Reguladores agroalimentarios galegos e co expositor do Instituto Ourensano de Desenvolvemento Económico (Inorde).

VIII Ruta dos Fornos e animación musical, o sábado 2

Aínda que a xornada grande do Pan de Cea será o domingo 3 de xullo, o sábado 2 de xullo terá lugar a oitava edición da Ruta dos Fornos. “O público poderá visitar os 6 fornos antigos, un máis ca en edicións anteriores, gozando de experiencias gastronómicas singulares en cada un deles”, concretou o presidente do Consello Regulador.

A VIII Ruta do Fornos poderase percorrer este sábado 2 de xullo, entre as 18.00 e as 22.00 horas. As propostas gastronómicas nos seis fornos participantes son as seguintes:

A) Forno do Lodairo: pepito de IXP Ternera Gallega, embutidos tradicionais, DOP pementos de Herbón, viño branco e tinto, cervexa Estrella Galicia e auga
B) Forno do Parapeta: queixos das DOP de Galicia, embutidos tradicionais, viño branco e tinto e auga
C) Forno do Santo: empanada de Pan de Cea, embutidos tradicionais, viño branco e tinto e auga
D) Forno do Abade: mexillóns ao vapor, embutidos tradicionais, viño branco e tinto e auga
E) Forno da Cebola: tortilla de IXP Pataca de Galicia, embutidos tradicionais, viño branco e tinto (apto para persoas celíacas)
F) Forno da Eira: xamón a corte, embutidos tradicionais, viño branco e tinto e auga

A VIII Ruta dos Fornos combinarase coa animación musical das agrupacións Charanga CLK, Candaira, Feitizo de Pau, Pandereteiras de Cea, Pandereteiras de Celavella e Pratos Mornos. O concerto final da oitava edición desta ruta correrá a cargo do grupo Movilla y los Irresistibles, ás 22:45 horas, e Gin Toni’s, ás 0:30horas; ambos os dous na Praza Maior de San Cristovo de Cea,.

Incremento da produción

Con respecto á comercialización de produtos da IXP Pan de Cea, Carlos Rodríguez indicou que “aumentamos a produción un 3% con respecto ao ano 2020, chegando case as 700.000 pezas”. Este incremento débese a “unha maior demanda dos nosos produtos amparados por parte doutras rexións españolas, como Comunidade Valenciana e Andalucía, aínda que seguimos mantendo presenza nos nosos mercados habituais en Madrid, País Vasco e Cataluña”, explicou o presidente. Na actualidade, son 13 os fornos tradicionais inscritos no Consello Regulador, os mesmos que o ano pasado.

Os concelleiros de turismo e cultura do Carballio, Manolo Dacal e Diego Fernández, presentaron o programa de actividades que oferta o concello carballiñés para os meses de xullo, agosto e setembro de 2022.

Son máis de 100 actividades pensadas para todos os públicos e idades, e a maioria delas teñen carácter gratuíto, unha programación que representa un desenvolvoso económico para o concello do Carballiño que supera os 150.000 euros.

Abrindo o arquivo adxunto podes consultar toda a programación, con datas, lugares e horarios para a súa celebración.

A Xunta de Galicia e concello de Beariz colaboraron nas obras de mellora levadas a cabo no centro social da asociación de veciños de Alvite, un pobo singular e que fai apenas unhos anos quedou deshabitado, e constitúe hoxe en dia todo un exemplo de recuperación e rehabilitación.

A través dunha axuda do Plan específico de acción comunitaria, destinadas a asociacións, confederacións, federacións ou unións de asociacións de veciños de Galicia, comunidades de usuarios de augas e asociacións de mulleres rurais, o Goberno galego colaborou con esta entidade veciñal do núcleo de Alvite no acondicionamento exterior do local social, así como na dotación de equipamento informático e audiovisual cunha achega de máis de 31.000 euros nas convocatorias de 2020 e 2021.

As obras incluíron a colocación de lousas de pedra no acceso a algunhas estancias, a plantación de árbores tipo camelia no xardín, así como a colocación de valado na parte traseira e a habilitación dun espazo para realizar proxeccións de cine ao exterior en verán. Tamén se realizou a acometida da instalación eléctrica e das redes de abastecemento e de saneamento.

Ademais, a colaboración da Xunta permitiu dotar ao centro social de mobiliario e equipamento audiovisual cun novo proxector de imaxe, unha pantalla para o proxector, equipo de son, ordenador portátil, impresora láser e cadeiras abatibles.

N

O grao de decadencia do mercado municipal carballiñés é evidente nas últimas décadas, foi diminuindo a oferta e o número de postos, cando Espazo Común recorda como "a Praza de Abastos do Carballiño é todo un símbolo da nosa historia, en torno á figura de grandes emprendedores e dunha instensa vida comercial".

Espazo Común lanza esta reflexión "hoxe en dia é tamén un símbolo e un triste reflexo da decadencia de moitos dos ue deberan ser os eixos troncais da vida diaria da economia do noso pobo", e fai unha fotografía da actúal praza de abastos do Carballiño "case baleira, cunha oferta limitada case por completo á carne e ao peixe, que queda a anos luz das outras vilas semellantes que foron recuperadas con gran éxito".

Recordan que no periodo 2015-2018 fixéronse inversións para mellorar a imaxe das instalacións, creouse unha imaxe de marca e leváronse a cabo campañas promocionais, asi como outras moi diversas actividades de dinamización deste espazo comercial, non obstante -manifestan- que dende o ano 2018 non houbo novas iniciativas promovidas dende o concello e na actualidade tan so 10 postos do interior teñen actividade e "varios destes pecharán pronto  por xubilacións".

Con este panorama, conclúe Espazo Común,  no caso de non tomarse medidas urxentes "a situación pode ser irrecuperable, cando se conta cun edificio senlleiro e cheo de posibilidades, é indiscutible que con algo de traballo e ilusión a Praza de Abastos do Carballiño ten futuro".

Desta maneira, Espazo Común levará o próximo pleno que celebre a corporación municipal unha moción na que esta formación política propón un Plan de Recuperación da Praza de Abastos do Carballiño.