O Concello do Carballiño vén de presentar a súa programación especial “Nadal Infantil 2025–2026”, unha completa proposta cultural destinada a converter o municipio nun punto de encontro para as familias durante as festas. Música, teatro, maxia e tradición conforman un calendario pensado para os máis pequenos, que poderán gozar dunha ampla variedade de actividades durante todo o mes de decembro e o inicio de xaneiro.

O tenente alcalde e concelleiro de Cultura, Diego Fernández, salientou que “o obxectivo é ofrecer alternativas de ocio accesibles e de calidade, deseñadas para favorecer o goce compartido entre pais e fillos. Queremos que o Nadal no Carballiño sexa sinónimo de ilusión, cultura e participación”.

Ademais, subliñou que “cada actividade foi elixida pensando no estímulo creativo dos nenos e nenas, e no valor que ten para as familias contar con programación específica nestas datas”. Fernández destacou tamén que “esta é só a parte infantil dunha programación municipal máis ampla, pensada para todos os públicos e gustos”.

A oferta arranca o xoves 4 de decembro ás 18:00 horas no Auditorio co tributo musical “Las guerreras K-Pop”, organizado por Pares o Nones e dirixido ao público infantil e familiar, con entradas dispoñibles en gau.com. A programación continúa o sábado 6, tamén no Auditorio, cunha das propostas teatrais máis agardadas: “Os Tres Porquiños”, de Educateatro, pertencente á Rede Galega de Teatros e Auditorios (RGTA). A función, pensada para nenos e nenas a partir de 2 anos, comezará ás 18:00 horas, cun prezo en taquilla de 3,50 euros. O teatro volverá o luns 8 ás 18:00 horas co espectáculo “Bichiños”, de Spasmo Teatro, tamén integrado na RGTA e orientado ao público infantil e familiar a partir dos 6 anos, con entradas ao mesmo prezo. A

música coral tomará o relevo o sábado 20, ás 20:00 horas, co III Festival Nadal Coral, organizado polo Coro infantil Xuvenil EnHarmonía, o Coro Cantiga e o Orfeón do Carballiño. A entrada será de balde ata completar aforo. O domingo 21, ás 17:30 horas, o Auditorio acollerá o musical “Un mundo de fantasía”, unha proposta de Diverfest destinada ao público infantil e familiar, con entradas dispoñibles en atrapalo.com.

Ademais, Papá Noel estará no Carballiño, grazas á organización do Centro Comercial Aberto; os días 22, 23 e 24, ofrecendo ás familias un espazo de encontro coas tradicións máis queridas do Nadal.

A programación teatral regresará o domingo 28 ás 18:00 horas co espectáculo “A toupina que quería saber quen lle fixera iso na cabeza”, de A Xanela do Maxín, dirixido ao público infantil a partir de 2 anos. As entradas poderán adquirirse en Ataquilla.com e o mesmo día na taquilla do Auditorio.

As celebracións de fin de ano comezarán o mércores 31, desde as 18:00 horas, coa tradicional actividade das Badaladas de Fin de Ano na Praza Maior.

Xa en xaneiro, o Carballiño recibirá aos Reis Magos coa Gran Cabalgata, prevista para o luns 5, que percorrerá as rúas do centro e converterá a vila nun escenario de fantasía para os máis pequenos.

O mércores 14, ás 12:00 horas, o Auditorio acollerá a obra “A Biblioteca Galáctica Contra a IA Fantástica”, de Tanxarina Títeres, organizada polo Servizo de Normalización Lingüística e destinada ao alumnado de 4º de Educación Primaria. A

A programación infantil pechará coa celebración do Festival Máxico San Juan Don Bosco, que terá lugar no Auditorio os días 31 de xaneiro e 1 de febreiro, e que ofrecerá novas propostas de maxia e entretemento para o público infantil e familiar.

Con esta ampla oferta, o Concello do Carballiño consolida o seu compromiso cun Nadal vivo, diverso e plenamente orientado ás familias e á participación cultural da cidadanía máis nova.

Espazo Común convoca a toda a veciñanza carballiñesa a participar nunha reunión aberta para tratar diversos asuntos que son considerados de especial relevancia para o futuro do Carballiño, entre eles o derrubo da estación de autobuses para construir nesa parcela o futuro Centro Integral de Saúde do Carballiño que proxecta a Xunta no Plan de Infraestructuras Sanitarias de Galicia.

No PODCAST podes escoitar a entrevista nesta emisora de radio a Pachi Vázquez:

O motivo desta advertencia está no resultado da analítica realizada e na que se confirmou unha incidencia "na rede de distribución relativa ao parámetro dos Ácidos Haloacéticos (HAH).

Desta maneira, o bando manifesta que "en cumprimento do Real Decreto 3/2023 do 10 de agosto, polo que se establecen os criterios técnico-sanitarios da calidade da auga de consumo, faise saber que se restrinxe o uso da auga de consumo a calquera actividade, de xeito que a auga non se debe inxerir nin utilizar para o uso alimentario mentres no se normalicen os valores do parámetro".

O Concello do Carballiño colabora na primeira Papanoelada Solidaria de coches e motos clásicas da Comarca do Carballiño, organizada por Clásicos Irixo, Club Clásicos Arenteiro e Club Clásicos Dacón. O salón de plenos do Concello acolleu esta mañá a presentación da actividade, que busca axudar ás familiais máis vulnerables a desfrutar do Nadal a través da doazón de comida e mantas á Cruz Vermella e Cáritas Carballiño. O reto desta primeira edición, que se celebrará o domingo 21 de decembro, é alcanzar 200 quilos de comida non perecedoira e 100 mantas.

O concelleiro de Cultura, Diego Fernández, puxo en valor esta iniciativa, “que permitirá que desfrutemos dos coches e motos clásicas, ademais de axudar ás persoas máis vulnerables”. Nesa liña, o edil recordou o importante traballo que levan a cabo Cruz Vermella e Cáritas durante todo o ano na inclusión e acompañamento das familias en risco de exclusión social. “As persoas que colaboren na Papanoelada sacando do garaxe as súas motos e coches clásicos deben recordar que as portas de Cáritas e Cruz Vermella están abertas todos os días do ano á colaboración cidadá”, apuntou.

O punto de encontro será a Praza da Veracruz, onde se recepcionará aos vehículos. “Desde as 10,00 ata as 11,45 horas estaremos recibindo aos vehículos e recollendo a comida e as mantas”, detallou Álvaro Núñez, de Clásicos Irixo. Cada participante debe aportar dous quilos de comida e unha manta, que serán entregados a Cruz Vermella e Cáritas. “Ás 12,00 iniciaremos o percorrido pola comarca para volver á Praza da Veracruz sobre ás 14,00 horas”, engadiu. Santiago Ruibal, do Club Clásicos Arenteiro; Óscar Crespo, do Club Clásicos Dacón, e Juan Estévez e Rosa González, de Cáritas Carballiño, tamén participaron na presentación.

A comarca do Carballiño e máis en concreto o concello de San Cristovo de Cea xa contan cunha das súas localidades entre os pobos máis bonitos de España, Oseira ven de incoporarse á "Asociación Pueblos máis Bonitos de España".

A comisión de calidade, encargada de avaliar minuciosamente as candidaturas que recibe a asociación ao longo do ano e de realizar visitas técnicas aos pobos que xa pertencen á rede para verificar que seguen cumprindo os estándares esixidos, resolveron favorablemente a incorporación de catro novas localidades repartidas por toda a xeografía española, como foi o caso de Oseira e Vilanova dos Infantes, que se suman a Castro Caldelas, as tres únicas localidades da provincia de Ourense.

A "Asociación Pobos máis Bonitos de España" destaca que "Oseira é coñecida por albergar o Mosteiro de Santa María, un dos grandes referentes do Císter en España. Este conxunto monumental, construído entre os séculos XII e XVI, impresiona pola súa sobriedade arquitectónica e a súa relevancia histórica. O pequeno núcleo que o rodea intégrase nunha serena paisaxe de montaña, conformando un destino onde espiritualidade e beleza natural danse a man".

A Asociación "Pobos máis Bonitos de España", que reúne a 122 localidades en 2024, naceu co obxectivo de dar a coñecer pobos únicos pola súa beleza, o seu patrimonio e a súa identidade cultural. Baixo una mesma marca de calidade, a rede impulsa accións de promoción e actividades culturais dentro e fóra de España, contribuíndo así ao desenvolvemento sostible do medio rural.

Integrada na Federación dos Pobos máis Bonitos do Mundo, a iniciativa española forma parte dun movemento internacional presente en Francia, Italia, Suíza, Bélxica ou Xapón, entre outros países. Desde a súa creación en 2010 e a súa presentación oficial en 2013 con só 14 pobos, a rede creceu ata converterse nun referente nacional e internacional de prestixio e excelencia.

O Concello do Carballiño acende a iluminación de Nadal o próximo luns, 1 de decembro, para dar inicio á época máis máxica do ano. A vila contará cun total de 220.000 luces LED e, como novidade, nove enclaves da vila terán decoracións especiais para desfrute da poboación. “Ampliar a iluminación redunda nun maior número de visitas e, polo tanto, na dinamización do comercio e da hostalaría locais”, apunta Diego Fernández, concelleiro de Cultura.

Deste xeito, ademais da iluminación de Nadal, a Praza Juan Corral Paxariño contará cun xardín con bonecos de neve; na Praza de Abastos haberá un xardín con soldadiños de chumbo; a Praza do Concello terá un trineo con renos; a Praza Emilia Pardo Bazán contará cunha carruaxe con agasallos; na Praza Irmáns Prieto colocaranse os buzóns dos Reis Magos; o Balneario terá piruletas de Nadal; na rúa Ourense haberá un boneco de xenxibre; a Uceira estará decorada cun reno con agasallos, e na Veracruz estará a casiña de Laponia de Papá Noel.

O acendido da iluminación suporá o inicio da programación de Nadal impulsada pola Concellería de Cultura, que inclúe propostas musicais e teatrais para todas as idades. A próxima actividade é o concerto “Las guerreras K-Pop”, que se levará a cabo o xoves 4 de decembro no Auditorio Municipal.

Escoita aquí a tertulia deste venres dia 28 de novembro, coa participación nos estudos de COPE O Carballiño de Fátima Gómez, Manuel Nogueira, Gonzalo Rodríguez e Sebas Lamazares, moderados por Xan Pinal.

Trátase dunha publicación promovida pola Agrupación Local do PSdeG-PSOE, e na que o historiador carballiñés Carlos Montes fai unha aproximación aos grandes persoeiros e persoeiras da vida política e social do Carballiño desde 1835 en adiante, e que foron represaliados en distintos momentos históricos.

Aquí podes escoitar a entrevista en COPE O Carballiño na que Montes fala do seu traballo de investigación histórica:

A Policía Local do Carballiño inicia unha campaña de concienciación entre a veciñanza para dar a coñecer a normativa sobre Vehículos Personais Lixeiros (VPL) -patinetes eléctricos, bicicletas con asistencia, segways e similares-, que entrará en vigor o 1 de xaneiro de 2026.

Os axentes reforzarán nas próximas semanas os controis sobre este tipo de vehículos co obxectivo de garantir a seguridade viaria e mellorar a convivencia de peóns e conductores nas rúas do Carballiño. Nese sentido, cabe destacar que a Policía Local xa denunciou e retirou varios patinetes nos últimos meses por non cumplir coa actual normativa.

O uso de VPL é cada vez maior entre a poboación, o que está a causar certas dificultades de convivencia en estradas, beirarrúas e zonas peoniles. A campaña da Policía Local permitirá achegar a conductores e peóns información sobre as obrigas dos VPL a partir de xaneiro, tales como circular unicamente pola calzada, contar cun seguro de responsabilidade civil, respetar as sinais de tráfico e os semáforos, utilizar chalecos reflectantes en condicións de pouca visibilidade ou non circular baixo os efectos do alcohol ou de substancias estupefacientes.

Os axentes tamén revisarán que os VPL conten co correspondente certificado de uso, o que asegura que cumpre as normas de homologación e que pode circular polas vías públicas. Ata o de agora xa se detectaron varios vehículos comprados como patinetes eléctricos pero que polas súas características eran ciclomotores, o que obriga a contar dun permiso de condución AM para poder utilizalos.