A solicitude de compatibilidade presentada polo alcalde Francisco Fumega para exercer actividade privada, neste caso como profesor nunha universidade portuguesa, foi rexeitada pola corporación municipal ao sumar os 9 votos en contra dos 3 grupos da oposición municipal, PP, BNG e Alternativa Veciñal.

Ao tratarse este punto ausentabase da sesión, por imperativo legal, o propio alcalde. Dende o grupo de goberno, o seu portavoz, Adolfo Nogueira, explicou ao pleno que Fumega tiña previsto abandonar a súa actividade docente cando no pleno de organización deste mandato municipal se acordara a dedicación exclusiva ao seu cargo de alcalde, pero a insistencia dende a universade portuguesa fixo cambear a súa decisión.

Os grupos da oposición consideran que as responsabilidades de Fumega como alcalde e o salario que recibe do concello do Carballiño non deben ser compatibles con outras funcións e retribucións que non sexan as propias do seu cargo como alcalde.

O concelleiro de Alternativa Veciñal, Bernardo García, propuxo que o alcalde cambiase a dedicación exclusiva que ten recoñecida por unha dedicación plena, e desa maneira compatibilizar a alcaldía coa súa actividade privada como docente, unha posibilidade que rexeitaron os socialistas, que tampouco aceptaron a proposta do Partido Popular para "deixar sobre a mesa" este punto.

Polo menos, 16 vehículos -según o balance aínda provisional- resultaron con danos en lunas e cristais esta pasada noite, todos eles estacionadas na vía pública, en distintas rúas do casco urbano do Carballiño.

Aínda que inicialmente barallabase a idea de que se trataba dun caso de gamberrismo, conforme os seus propietarios foron dando parte á Policia Local e Garda Civil, son varios os obxetos de valor que foron roubados.

O turno de noite da  Policia Local non advertíu ningunha incidencia sospeitosa durante a noite-madrugada deste mércores, cando aconteceron os feitos.

Os ladrós tamén conseguiron entrar no establecemento comercial "Golosos" na rúa Julio Rodríguez Soto, e no garaxe do edificio onde se ubica o supermercado Mercadona, neste garaxe tamén resultaron con danos varios vehículos.

O Grupo Municipal do PSdeG cuestiona " a oposición destructiva e carroñera que está a desenvolver o PP, baseada na denuncia e o alarmismo que os leva incluso a ir en contra dos intereses dos veciños", manifestan.

Para acceder ao comunicado de prensa do PSdeG, asi como á contestación do PP, prema nos arquivos adxuntos:

A deputada nacionalista Olaia Fernández Davila, acompañada dos responsables locais do BNG, deu conta das dúas enmendas parciais que promoveu ao proxecto de lei dos orzamentos xerais do Estado para 2016, ambas relacionadas coas operacións de compra da antiga fábrica de papel e a casa da antiga ferraxería Soto, ambas operacións promovidas polo concello carballiñés nas últimas semanas do anterior mandato municipal de goberno do Partido Popular.

A nova corporación, agás o Partido Popular- decidía anular o acordo de compra da casa da antiga ferrexaría Soto, mentres -co voto en contra do BNG-daba continuidade a operación de compra por parte do concello da propiedade da antiga fábrica de papel da Lavandeira, onde o concello pretende ubicar un museo do papel.

Nas dúas enmendas presentadas polo BNG aos orzamentos xerais do Estado pedíase financiación económica por parte do Ministerio de Cultura para que o concello do Carballiño levase a cabo estas dúas operacións de compra "nun momento no que o Estado recortou siñificativamente as aportacións aos concellos, parecianos oportuno que se colaborase na adquisición destas dúas infraestructuras nas que está interesado o concello do Carballiño", subliñou a deputada nacionalista.

Olaia Fernández, e tamén o concelleiro carballiñés do BNG, coincidiron en salientar que ambas enmendas foron rexeitadas polo Partido Popular "cos votos tanto dos deputados de Ourense como o resto do deputados galegos".

A Banda de Gaitas de Fornelos de Montes ( Pontevedra ) foi a gañadora da fase final da liga galega de bandas de gaitas celebrada este domingo na Praza da Veracruz, celebrada ante numeroso público.

No terceiro grao logrou un meritorio segundo posto a banda de gaitas do concello de Boborás, única banda das comarcas do do Ribeiro- O Carballiño participante nesta liga 2014-2015, unha competición na que partiicparon un total de 19 agrupacións.

Clasificación:

3º Grado:     1-Tremiñado

                      2-Boborás

                      3-Agarimo de Catabois B

 2º Grado:    1-Concello de Vilariño de Conso

                      2-Escola de gaitas Provincial Pontevedra-Sede Pontevedra

                      3-Escola Municipal de Gaitas e Percusión Xinzo de Lima 2

 1ª Grado:    1-Ledicia Fornelos de Montes

                      2-Nova Fronteira  de Cartelle

                      3-Xuntanza de Cataluña

O Arenteiro acabou empatando un partido que tivo controlado dende o inicio, tanto no desenvolvemento do xogo como no marcador, pero sabido é o que recorda o tópico, no fútbol o que perdoa, acabao pagando, e esto é o que lle sucedeu aos verdes na súa visita ao campo da Gándara de Valladares, en Vigo.

Tras adiantarse cun golazo de Dani Vázquez xa na primeira parte, tras o descanso o Arenteiro pudo sentenciar en inmellorables ocasións nas botas de Marcos Castro e Victor Gallego, pero primeiro un defensor baixo paus e despois unha estelar intervención do meta local impediron os goles carballiñeses.

Despois empatou o Valladares, volveu cobrar ventaxa o Arenteiro con gol de Vitti, e cando parecía que o partido non se lle escaparía aos verdes, chegou o empate definitivo a dous tantos nos últimos minutos do encontro, eso si, nunha xogada precedida dunha falta sobre Vitti que o árbitro non quixo ver. Ao final, un punto que sabe a pouco tal como se desenvoveu o partido.

CD Arenteiro: Israel, Gele, Maxi, Arbo, Ocampo, Dafonte, Bardelás. Victor Gallego, Marcos Castro, Marc e Dani Vázquez. Tamén xogaron Marcos Sotelo, Viiti, Lois e Vilachá.

Con este resultado, o Arenteiro sitúase cuarto na clasificación, igualado a 18 puntos co terceiro clasificado, o Céltiga CF, precisamente o próximo visitante en Espiñedo o vindeiro domingo 1 de Novembro. Para este partido o Arenteiro non poderá contar con Dafonte, que cumplirá ciclo de amonestacións.

O portavoz do Partido Popular, Argimiro Marnotes, asegurou que o concello do Carballiño vai perder a subvención da Xunta para a cuberta das pistas de padel do Polideportivo Paco Chao ao incumplir os prazos de remate, certificación e pagamento da obra subvencionada, neste caso por importe de 40.000 euros.

O prazo, xa prorrogado, remataba o 20 de Outubro e según Marnotes a obra "non está executada nin ao 50%, é lamentable que o goberno socialista non saiba xestionar os moitos recursos que lles deixou o Partido Popular, que foi quen tramitou ante a xunta esta subvención".

O portavoz popular recordou que "no último pleno que foi o 30 de Setembro fixémoslle unha pregunta ao señor alcalde  sobre si esta obra de cubrición xa estaba contratada e empezada e díxo que si, xa daquela eramos sabedores que a data do 30 de Setembro non estaba feito nin o contrato de obra, nin o plan de seguridade, nin a apertura do centro de traballo nin a acta de inicio da obra".

Marnotes pediulle ao alcalde que deixe a súa actividade docente "na universidade e aterrice na realidade do concello"

Nos micrófonos de COPE O Carballiño, o portavoz do goberno municipal, Adolfo Nogueira, comentou que Marnotes "tiña moita presa en facerse a foto, habería que preguntarlle que persigue con esto, debería valorar se o que quere é que os veciños do Carballiño perdan 40.000 euros dunha subvención".

Nogueira engadíu que "non se vai perder ningunha subvención porque a obra está certificada dende o dia de onte, fai dous dias que xa estaba alí o material que faltaba por instalar, as planchas da cuberta, como fixo aire non se poideron instalar pero o compromiso da empresa era rematar hoxe".

O domingo 25 de octubro daranse cita no carballiño máis de 1.000 gaiteiros, que participarán na XXV edición da final da liga de bandas de gaitas de Galicia. O Acto comenzará as 10:00 horas ca chegada das formacións musicais a praza da Veracruz, en total 20 bandas de gaitas de toda Galicia e Cataluña. As 10:30 comenzará a fase final desta liga galega de bandas de gaitas, que está dividida en tres categorías, según o nivel de cada agrupación.

Na presentación desta final o edil de Cultura do Carballiño, Diego Fernández, agradecía os organizadores o feito de escoller a vila caballiñesa como sede para esta final “no concello, en concreto na nosa área de Cultura, estamos traballando para ofrecer os veciños una ampla e completa programación cultura, por elo é de rigor agradecer que este tipo de actividades pensen no Carballiño para desenrolarlas, xa que sempre estaremos dispostos a facer os esforzos necesarios para acollelos”.

O presidente da Federación de Bandas de Gaitas de Galicia, Hipolito Cabezas organizadores desta liga, sinalaba que, dende que eles colleron a dirección deste colectivo, remodelaron a dinámica da liga, facendo solo dúas fases, e non tres como antes, sendo unha delas nun esceario pechado “na que a banda de gaitas pode estar acompañadio doutros instrumnentos, o que permite ofrecer un repertorio distinto o das actuacións na rúa, e ofrece un mallor mercado para a contratación destas formacións”.

Ca celebración da segunda fase da liga no carballiño, este vindeiro domingo, se recupera a provincia de Ourense como sede da mesma, xa que dende hai cinco anos esta final no se celebraba nesta provincia. Sobre as formacións participantes Hipolito Cabezas destacaba “as bandas de primeira división como son as de Mos, Cartelle, Xinzo, Manzaneda ou Esgos, sen esquecer a banda Xuntanza, que chega dende Cataluña e é dun gran nivel”.

Entre as novidades desta XXV edición o presidente da Federación destacaba a entrega da medalla de prata a Deputación de Ourense “polo gran apoio que nos brindou dende o inicio desta actividade musical, e que agardamos siga facendo”.

Tralas actuacións, sobre as 14:00 horas, terá lugar a clausura desta edición, na que interbirán as autoridades e presidente da Federación, se fará entrega da citada medalla de prata, así como a entrega dos trofeso os gañadores deste ano.

As concelleiras de Benestar Social, Igualdade e Sanidade, Marina Ortega e do Rural, Charo González, organizaron unha reunión cos presidentes e representantes do movemento asociativo veciñal carballiñés, aos que pediron colaboración para favorecer a participación en distintas actividades.

Concretamente, as concelleiras presentaron aos dirixentes veciñais a celebración dunhas xornadas de envellecemento saúdable orientadas a persoas de todas as idades.

Estas xornadas, promovidas dende AFAOR, consistirán fundamentalmente en diversos talleres divididos en función da temática, hábitos alimenticios, mellora das capacidades cognitivas ou saúde mental.

As actividades desenvolveránse en función das demandas tanto nas parroquias do rural como no Carballiño, as inscricións e horarios de celebración daránse a coñecer nos próximos dias.

Ata sete goles poideron ver os espectadores que en bo número asistiron ao Estadio de Espiñedo, e o mellor para a afección verde, cinco deses goles foron obra do Arenteiro ante un Porriño Industrial que chegou a empatar na segunda parte un partido que gañaban os carballiñeses ao descanso por 1-0. Logo, na segunda parte chegou o festival goleador.

Por dúas veces tivo o Porriño ocasións para adiantarse no marcador, pero os seus dianteiros erraron. No minuto 36 chegou o primeiro gol do Arenteiro obra de Dani Arbo, logo xa na reanudación o Porriño empatou no minuto 52, e tan so catro minutos máis tarde outra vez a estratexia, outra vez Dani Arbo, outra vez de cabeza, volveu adiantar aos verdes. O terceiro gol, tamén en xogada de estratexia, culminada, tamén de cabeza por Vitti. Despois, chegaron dúas xogadas fabricadas por Sanginés que puxo balóns de ouro a Marc e Victor Gallego, que fixeron -respectivamente- o cuarto e o quinto. Xa co tempo cumplido maquillou o resultado o Porriño Industrial co derradeiro gol da tarde.

C.D. Arenteiro: Israel, Vilachá, Maxi, Dani Arbo, Pana, Dafonte, Bardelás, Martín Pérez, Marcos Castro, Vitti e Dani Váquez. Tamén xogaron Lois, Marc, Sanginés e Victor Gallego.

Na próxima xornada, o domingo 25, o Arenteiro desplázase a Vigo, para enfrontarse ao sempre complicado Valladares.