2,7 millóns de galegos están chamados ás urnas o vindeiro domingo, 18 de febreiro. Deles, medio millón son residentes no estranxeiro. Ademais, hai 79.000 persoas que van poder votar por primeira vez porque acaban de cumprir os 18 anos desde as últimas eleccións, as xerais de xullo do ano 2023.

Na anterior lexislatura autonómica, o PP con Alberto Núñez Feijóo á fronte conseguiu 42 deputados, o BNG 19 e o PSOE 14. Vox e Podemos non conseguiron ningún representante. Neste 2024 o escenario está máis aberto, segundo as sondaxes. Podería entrar na Cámara Autonómica un partido que nace en clave local, Democracia Ourensá, e que goberna na cidade de Ourense. Tamén Sumar, a marca de Yolanda Díaz, quere abrirse un oco no Pazo do Hórreo, aproveitando o tirón e a popularidade da galega. Vox segue tentando ser clave nun futuro goberno na Xunta e Santiago Abascal anuncia unha forte presenza na campaña da comunidade para lembrar as mensaxes e as medidas que o seu partido quere implantar na comunidade.

Mentres que a nacionalista, Ana Pontón candidata do BNG, segue á alza; fronte ao candidato socialista Besteiro que non consegue, polo menos nas enquisas, arrebatar ao Bloque a segunda posición.

Ademáis, entre a oferta electoral deste próximo 18 de febreiro encontramos a Espazo Común Galeguista, a coalición electoral nucleada a redor desta formación política impulsada desde O Carballiño por Pachi Vázquez, él mesmo é o candidato á presidencia á Xunta de Galicia encabezando a candidatura da provincia de Ourense baixo o lema "Ourense, a chave de Galicia".

Neste 2024 ábrense moitas posibilidades sobre o futuro goberno en Galicia e as últimas sondaxes sinalan a que aínda hai unha bolsa importante de electores indecisos. Entre os estudos demoscópicos privados publicados e o CIS (Centro de Investigacións Sociolóxicas), a porcentaxe de indecisos en Galicia oscila entre o 20% e o 27% dos electores. Estás entre eles?, aínda non sabes que partido represéntache mellor? O test de voto de COPE axúdache a aclarar dúbidas. 

CON QUE PARTIDO POLÍTICO TES MÁS AFINIDADE PARA  AS ELECCIÓNS DO 18-F

COPE exponche un test de voto de dez preguntas. Cada cuestión presenta varias respostas para escoller a que mellor se adecúe á túa forma de pensar e a túa opinión.

Para facer o teu test de voto sigue a ligazón:

https://participa.cope.es/p/973293

O presidente da Deputación de Ourense, Luis Menor, mantivo, no Pazo Provincial, a primeira reunión de traballo deste mandato coa directiva da Asociación Cultural Amigos Camiño Mozárabe - Vía de la Plata, encabezada polo seu presidente na provincia, José Luis Rodríguez Cid, a quen agradeceu “o gran traballo” realizado por esta entidade na posta en valor e promoción deste itinerario xacobeo, o de maior extensión dentro de Galicia.

A Vía da Prata percorre a comarca do Carballiño a través dos concellos de San Cristovo de Cea e Piñor, e ademáis da ruta principal ofrece unha variante que achega a ruta ata o mosteiro de Santa María A Real de Oseira.

Luis Menor destacou a importancia da Vía de la Plata que “percorre 28 concellos da provincia de Ourense, é dicir, un terzo de todos os concellos que a conforman”. Este itinerario xacobeo actúa como elemento vertebrador do territorio e permite aos turistas coñecer a riqueza patrimonial, natural e enogastronómica da provincia de Ourense. Neste sentido, o presidente provincial dixo que ofrece “numerosas oportunidades para rexistrar un importante crecemento turístico en Ourense, e tamén nas cifras de peregrinos do Camiño de Santiago”.

Durante a xuntanza acordaron reforzar a colaboración entre ambas institucións para traballar na vinculación da chegada da Alta Velocidade a Ourense coa Vía de la Plata destacando dous hitos importantes: a posibilidade de realizalo en bicicleta desde A Gudiña cunha distancia de 200 km que permite conseguir a compostelana na modalidade ciclista; ou a oportunidade de facelo chegando en AVE á capital de Ourense para realizar as cinco etapas que conforman o Camiño ata Santiago. Unha actuación que propoñen levar a cabo baixo o lema “Facer o Camiño desde o Pórtico do Paraíso ao Pórtico da Gloria”.

Ambas entidades acordaron promocionar tamén este itinerario xacobeo vinculándoo á riqueza termal da provincia para aglutinar atractivos: Camiño de Santiago, chegada da Alta Velocidade e o termalismo. “Ábrese un futuro ilusionante para este Camiño que está chamado a converterse nun dos itinerarios xacobeos por excelencia”, afirmou Luis Menor.

"Boom é o meu primero sencillo, o nacemento, o volver a comezar, onde se reinventan os sons tradicionais galegos para ir máis alá do folk tradicional, achegándonos a sons máis experimentais, onde a gaita convive cos aspectotecnolóxicos máis punteiros, fundindo técnicas de interpretación de vangarda co uso de delays e outros moduladores de onda",asi define o gaiteiro carballiñés Isidro Vidal o seu primeiro traballo discográfico.

Foi gravado por Suso Feixón nos estudios SonFeixón e producido por Carlos Mariño. Editado polo selo Clipper´s Sounds, e nunhos dias poderémos compralo a través da venda online e nas tendas especializadas, como na tenda "OZOCOgz", na rúa Curros Enríquez do Carballiño.

No audio adxunto podes escoitar a entrevista de Xan Pinal a Isidro Vidal en COPE O Carballiño, asi como "Boom", o seu primeiro "sencillo".

Punto e final á curta traxectoria de Lino González como portavoz do grupo municipal do Partido Popular no concello do Carballiño, nunha decisión persoal que daba a coñecer esta fin de semana, e na que ademáis de comunicar ao PP a súa renuncia como concelleiro, tamén avanzaba a súa decisión de abandonar toda a actividade política que viña desenvolvendo, tanto a nivel municipal como do Partido Popular, do que formaba parte do seu grupo de asesores na Deputación de Ourense.

A decisión, que se viña barruntando desde fai varios dias, non colleu de sorpresa aos seus compañeiros do grupo municipal nin tampouco ao grupo de persoas máis próximas ao Partido Popular do Carballiño. O pasado martes, nunha entrevista en COPE O Carballiño, Lino González confesaba que botaba de menos a súa vida profesional na entidade bancaria na que traballou ata que iniciou a súa etapa como portavoz do grupo popular no concello carballiñés, "estou fora do banco momentáneamente, pero eu era feliz no meu traballo", declaraba a pasada semana. Dous días despóis, no pleno do concello chamou a atención da corporación a súa actitude pasiva, ata o punto de que actúase como portavoz do grupo popular o concelleiro José Castro-Gil. E tamén resultou moi chamativa a súa ausencia na pegada de carteis coa que se iniciaba a campaña das eleccións ao Parlamento de Galicia, desculpouse de asistir a ese acto por un motivo de saúde. 

Non obstante, o momento elixido para oficializar esta marcha non parece o máis oportuno e asi o manifestan desde o entorno do Partido Popular do Carballiño, e tamén desde a dirección provincial dos populares,, ao coincidir co inicio da campaña das eleccións autonómicas, non se entenden as presas repentínas.

A súa nominación como candidato do Partido Popular á alcaldía do Carballiño nas últimas eleccións municipais resultara moi controvertida entre os populares carballiñeses, polo pasado politico de Lino González ligado ao PSOE e a Pachi Vázquez, do que fora asesor no concello do Carballiño. Neses comicios municipais, o Partido Popular con Lino González como número 1 salvou os mobles, conseguíu cinco concelleiros, un máis que no mandato anterior, pero non pudo evitar que Espazo Común -que pasou de 3 a 5- obtivese o mesmo número de concelleiros, incapaces ambos de articular unha alternativa de goberno ao socialista Paco Fumega. Tras tomar posesión da súa acta de concelleiro, estivo despóis varias convocatorias sen acudir ás sesións da corporación.

Coa elección do deputado provincial que lle correspondía ao Partido Popular pola comarca do Carballiño chegou o primeiro sonado desencontro de Lino González co seu partido, desde a dirección provincial apostouse pola alcaldesa de Boborás Patricia Torres para ese cargo, e a decisión levou ao grupo do PP do Carballiño a retirar os avais á candidata proposta polo partido. Posteriormente, o Partido Popular nomeouno asesor do grupo provincial da Deputación.

Agora, tras coñecerse a súa renuncia e o anuncio que abandona toda actividade política, o Partido Popular do Carballiño transmitíu nas súas RRSS un comunicado no que manifesta que " respectamos as razóns de índole persoal de Lino González García, desexámoslle a maior das sortes. Ademáis, agradecémoslle a súa laboura desenvolvida durante estes meses, e especialmente a incorporación de xente con ilusión ao mundo da políltica local".

Os Magos do Ribeiro, Chaves-Portugal e do Círculo Auriense xúntanse no Carballiño esta fin de semana para conmemorar a festvidade de S. Xoán Bosco, o patrón da maxia cun gran festival que incluirá talleres de maxia para nenos e nenas de 6 a 12 anos e de iniciación á cartomaxia para maiores, o sábado dia 3 a partir das 4 da tarde en adiante no Hotel-Restaurante O Xardín.

Ademáis, 3 grandes espectáculos: Infantil cos magos Fernando Moreno, Cris e Deime o sábado 3 ás 18:30 h. no Café-Bar Estatequieto. Ás 12 da noite do sábado, no Café-Bar O Caserio, cos magos Ninou, Guto e José Rivera. E finalmente, o domingo dia 4 ás 17:00 horas no Hotel-Restaurante O Xardín, cos magos David Méndez e Camilo Vázquez.  Todos eles gratuítos.

Alfonso Medela e Trio regresa á noite carballiñesa dos sábados, e faino coma sempre a ritmo de jazz ás 23:00 h. na Cafetería-Cerveixería Fass.

O Novocine de Leiro estrea "ARGYLLE", a película que proxecta sábado e domingo en pases ás 17:00 e 20:00 horas.

A empresa Rutea organiza a ruta de sendeirismo "Eiras e Fervenzas de Avión", con saída ás 10:30 horas do domingo desde o bar Barqueiro de Avión, e con finalización ás 16:00 horas e despóis de facer un percorrido de 14,5 kilómetros de dificultade media. O prezo da inscripción é de 12 euros a través de contacto@rutea.es e no teléfono 636085133

No PODCAST adxunto podes escoitar a última tertulia de COPE O Carballiño, correspondente a este venres dia 2 de febreiro. Desta vez, participan na tertulia José Antonio Barge, Sebas Lamazares, Fátima Gómez e María Luisa Rodríguez, e moderada por Xan Pinal.

Representantes dos consorcios provinciais contraincendios e salvamento e das forzas sindicais dos bombeiros comarcais mantiveron este xoves dia 1 de febreiro unha xuntanza no Consello Galego de Relacións Laborais onde se chegou a un principio de acordo para desconvocar a folga dos últimos meses, según informa nun comunicado a Xunta.

O texto, asinado por representantes da Xunta, das catro deputacións provinciais e dos sindicatos, prevé melloras nas condicións laborais referidas tanto ao reforzo de efectivos como aos salarios e horarios, entre outras. Así, continuarase coa negociación para acadar melloras laborais nos centros de traballo dos consorcios provinciais de bombeiros das catro provincias galegas, é dicir, nos 24 parques comarcais repartidos por toda a xeografía galega, entre eles o do Carballiño-Ribeiro, con sede no parque empresarial do Carballiño

No acordo prevese tamén crear unha mesa de negociación para concretar a redacción dun novo convenio colectivo e dunha nova Relación de Postos de Traballo (RPT).