Senén Pousa Soto foi alcalde do concello de Beade desde 1974 ata este pasado mes de xuño de 2023, tras ceder o bastón de mando neste concello ribeirán a Fernándo Taboada do Partido Popular, co que aparece na foto nun dia histórico, xa que atrás deixaba unha etapa de 49 anos exercendo como alcalde de Beade. Faleceu esta pasada madrugada aos 84 anos de idade.

Para as eleccións municipais deste ano o Partido Popular decidira sustituílo como o seu candidato para a alcaldía, unha decisión que non compartía e que o levou a presentarse como cabeza de lista dunha candidatura independiente, a "Agrupación de Electores por Beade", conseguíndo unha acta de concelleiro, a súa.

Antes, e durante case cincuenta anos, Senen Pousa estivo ao fronte da alcaldía de Beade revalindando sempre o cargo con sucesivas maiorías absolutas, primeiro con Alianza Popular e despóis co Partido Popular. Nunca disimulou a súa admiración pola figura do dictador Francisco Franco. sendo protagonista de varias polémicas durante toda a súa traxectoria política.

O velorio instalaráse no velorio de Beade a partir das 4 da tarde deste xoves dia 2 de novembro, a condución e funeral terá lugar este venres dia 3 de novembro ás 4 da trde na igrexa parroquial de Santa María de Beade.

Cándido Cabanelas Barros exerceu como alcalde do concello de Boborás, desde o ano 1971 e 1991. Ademáis de alcalde, foi durante anos mestre na escola da parroquia de Brués.

Foi, polo tanto o último alcalde da dictadura franquista e tamén o primeiro alcalde elexido en democracia no concello de Boborás, en 1979 baixo as siglas da UCD. En 1983 revalidou o seu triunfo electoral baixo as siglas de Coalición Galega, e finalmente nas eleccións de 1987 -igual que nas dúas anteriores con maioría absoluta- volveu gañar as eleccións municipais presentandose como cabeza de lista de Coalición Progresista Galega, unha coalición electoral integrada por varias formacións de corte centrista e galeguista. 

A gastronomía transcende o sentido da unión e da reunión. Se temos algo marabilloso en Galicia que nos reúne, que nos enche de alegría e de orgullo é a gastronomía”; así principiou a súa intervención o delegado territorial da Xunta en Ourense, Gabriel Alén, na presentación do 24º Salón Internacional de Turismo Gastronómico, Xantar, que se celebrará en Ourense entre o 2 e o 5 de novembro.

“A gastronomía –mantivo o delegado territorial- é o espazo transversal a todas as familias e todas as rexións; onde, a carón dunha mesa, sempre acadamos puntos de encontro satisfeitos do que poñemos enriba dela, porque, entre outras cousas, nós sabemos comer ben xa que posuímos produtos extraordinarios dos que sempre dá conta Xantar”.

Esta edición -continuou Gabriel Alén- chega con importantes novidades co obxectivo de atraer maior número de visitar e de animar ao público de proximidade a participar na feira. A primeira delas é que a entrada será, por primeira vez, gratuíta. Tamén será gratuíta, ata completar aforo, a participación en calquera das 140 actividades que ofrece o programa desta edición e que inclúen talleres de cociña en directo, catas comentadas de produtos como veu, queixo, mel ou conservas, ou a presentación, con degustación, dunha vintena de festas gastronómicas de Galicia.

O representante do Goberno galego destacou que un centenar de expositores e con 5 países representados (España, Portugal, Colombia, Perú e Costa Rica), Xantar contará con 4 restaurantes, 1 Zona de tapas, 2 aulas gastronómicas, 1 aula de catas comentadas, 1 espazo de degustación e promoción das festas gastronómicas de Galicia e o Túnel do Viño, de acceso profesional.

Gabriel Alén valorou positivamente a participación de tres deputacións provinciais de Galicia (Ourense, Lugo e A Coruña), de varios xeodestinos e GDR (Ribeiro-Carballiño, Valdeorras, Terra de Celanova – Serra do Xurés) e de numerosos concellos galegos das 4 provincias que participan de forma independente para promocionar o seu turismo gastronómico desde a perspectiva da calidade e da sustentabilidade.

Para o delegado territorial, Xantar convértese un ano máis nun exemplo de cooperación público-privada. Entre os seus principais apoios conta coa administración autonómica (a través do apoio de Turismo de Galicia e das Consellerías de Medio Rural e de Mar), entre outras colaboracións como a de Promoción do Emprego a través da participación de Economía Social de Galicia. Tamén conta co apoio da administración provincial a través da colaboración da Deputación Provincial de Ourense a través do INORDE.

E lembrou tamén as actividades organizadas pola Consellería do Medio Rural e a de Mar, que teñen o obxectivo de poñer en valor vos produtos de calidade de Galicia amparados con Denominación de Orixe, Indicación Xeográfica Protexida, ou con selos de garantía como “Peixarías”, de produtos ecolóxicos adscritos ao CRAEGA, ou das conservas de peixe e marisco de ANFACO-CECOPESCA.

“Os hábitos alimenticios -subliñou Gabriel Alén- constitúen un espazo onde a tradición e a innovación teñen a mesma importancia, onde o presente e o pasado entrelázanse para satisfacer a necesidade do momento, producir alegría ao instante e convir as circunstancias; por iso, podemos presumir da nosa educación, da nosa cultura e da nosa riqueza gastronómica, e que mellor escaparate que Xantar para amosarlle a quen nos visitan o deleite dos nosos produtos de primeira calidade e o resultado culinario da nosa cociña tradicional e ao tempo vangardista”.

O presidente da Deputación de Ourense, Luis Menor, presentou un novo modelo de financiamento para as entidades locais, o Plan CooperOU, que dotado con 13,9 millóns de euros “equilibra o cambio na xestión dos fondos provinciais e a autonomía municipal”.

Un “empeño persoal”, dixo, que espera sexa unha realidade para os orzamentos de 2024, pedindo nesta liña aos grupos políticos da oposición “achegas construtivas e con espírito de mellora, lonxe de partidismos”.

O presidente da Deputación detallou un plan que se articula en torno a catro claves: a contía do financiamento, os criterios de reparto, o destino dos recursos e a simplificación administrativa.

O plan CooperOU está dotado con 13.980.000 euros, o que supón case 7 millóns de euros máis con respecto á partida consignada para cooperación cos concellos nos vixentes orzamentos. Esta vai ser un plan dinámico, xa que irá incrementando a súa contía a razón de 1 millón de euros anuais, ata chegar ao remate do presente mandato cun orzamento de 17 millóns de euros. 

A segunda das claves do novo modelo de financiamento radica no reparto, que se basea nunha distribución proporcional e máis xusta dos recursos en base aos criterios obxectivos propostos pola Federación Galega de Municipios e Provincias (FEGAMP), e tamén utilizados pola Xunta de Galicia á hora de distribuír os fondos de financiamento local. Neste reparto haberá unha parte fixa e outra variable.

A parte fixa, establécese en base a catro tramos segundo o número de habitantes de cada concello (ata 1.000, 5.000, 10.000 e 20.000), con cantidades que oscilan entre os 90.000 e os 120.000 euros.

Así chégase aos 8,9 millóns de euros. A parte variable está dotada con 5 millóns de euros, que se reparten en base á poboación (que conta nun 50 %); núcleos de poboación (20 %); índice de envellecemento (15 %); e superficie do concello (15 %).

Autonomía municipal e simplificación administrativa

Outro dos piares do Plan CooperOU e a autonomía municipal. Na procura de solucións ás necesidades específicas de cada territorio, o financiamento que recibirán os concellos será flexible no seu destino.

Así, estes recursos poderán ir a investimentos, gasto social, corrente, amortización de débeda, reforzo do emprego, actividades culturais, deportivas, turísticas, entre outros que estimen máis necesarios os gobernos locais.

A última das claves, a simplificación administrativa, vai beneficiar á Deputación, xa que fronte á carga administrativa que supuña a tramitación das subvencións nominativas se poderá máis persoal a aqueles departamentos que así o precisen, axilizando deste modo a actividade administrativa e a xestión.

Ademais, os concellos tamén librarán moito do tempo que o seu escaso persoal destinaba a tramitar e xustificar as subvencións. Diálogo e procura de achegas construtivas O plan estará incorporado ao proxecto de orzamentos de 2024 que se presentará no pleno de novembro, adiantou Luis Menor, que á súa vez tamén detallou o novo modelo de financiamento aos representantes dos grupos políticos da oposición, nunha xunta extraordinaria de portavoces convocada a primeira hora da mañá. “Agora espero, aló menos, achegas construtivas e con espírito de mellora, lonxe de partidismos”, dixo o presidente, que mostrou a súa disposición ao diálogo e o consenso, “como na aprobación da modificación de créditos”. 

Os veciños de Pazos de Arriba encontráronse esta maña co derrubamento dunha das paredes da capela de San Roque, neste lugar da parroquia de Pazos de Arenteiro. Trátase dun ben patrimonial de orixe medieval que está catalogado como ben patrimonial no PXOM do concello de Boborás, e que ten un alto valor emocional para a veciñanza desta localidade.

A alcaldesa de Boborás manifestou en COPE O Carballiño que "a capela estaba en bo estado de conservación e nada indicaba que pudera pasar esto". Según os primeiros indicios, as intensas choivas da pasada semana terían filtrado auga nunha cantidade importante que finalmente provocaron o derrubamento da parede.

Foron os propios veciños, o cura que leva esta parroquia e o concello de Boborás os que se encargaron de retirar do interior da capela todo o mobiliario e imaxes relixiosas., quedando tan so o retablo, pendiente da chegada de persoal cualificado. A alcaldesa anunciou que mañá mesmo persoal do concello de Boborás encargaráse de apuntalar a estructura e perimetrar a súa contorna, a efectos de seguridade tanto para a estructura da capela como para as persoas.

Ademáis, Patricia Torres tamén avanzou que a institución municipal, en colaboración coa Igrexa, tramitará a petición de axudas para facer posible a obra de rehabilitación desta capela de San Roque de Pazos de Arenteiro, e mesmo salientou o compromiso veciñal "xa houbo veciños que se ofreceron para colaborar coas obras que se fagan".

Do TOP 5 das empresas da comarca que mais facturan, tres delas están asentadas no parque empresarial do Carballiño, e as outras dúas nos  concellos de Piñor e San Cristovo de Cea, éstas dúas últimas relacionadas co sector da madeira. Asi se desprende dos últimos datos do ranking de empresas da provincia que publica o portal "El Economista.es", e que se corresponden co ano fiscal de 2021.

En cabeza continúa outro ano máis GRI TOWERS GALICIA S.L., a empresa que fabrica torres eólicas no parque empresarial do Carballiño é, con diferencia a que ten máis empregos directos, 350, e unha facturación de 45.452,000 euros. A empresa, que este ano aprobou un ERTE para a totalidade da súa plantilla, reducíu a súa facturación nos últimos exercicios recollidos neste rankig, xa que nos dous anos precedentes declarou vendas por importe de 55,6 e 68,5 millóns de euros nos anos 2020 e 2019, respectivamente.

A segunda mercantil  tanto en facturación como en número de traballadores da comarca e tamén con sede no parque empresarial do Carballiño é SOGAPOL -Sociedad Gallega de Polímeros S.A.- que desenvolve a súa principal actividade na xestión integral  de residuos plásticos. Incrementou a súa facturación en algo máis de 12 millóns de euros en relación ao ano anterior, ata acadar os 43.509,205 euros, cunha plantilla de 174 traballadores.

No terceiro posto do ranking comarcal de empresas figura MADEIRAS PACO CACHAROLO S.L., a empresa do concello de San Cristovo deCea tamén incrementou as súas vendas anuais en preto dos 3 millóns de euros, ata os 15.047,930 euros, e ten unha plantilla de 22 empregados. A súa actividade e a compra venda de madeira.

E tamén relacionada co sector forestal é a cuarta empresa que máis factura da comarca do Carballiño no ano de referencia, "MADERAS GOMEZ S.L.",  a madeireira de Loeda, no concello de Piñor tamén incrementou as súas vendas, ata sumar unha facturación de 13.953,410 euros, e unha plantilla de 102 traballadores.

Finalmente, pecha este TOP 5 das empresas con máis facturación na comarca FRIGORIFICOS ARCOS S.L., a mercantil con sede no parque empresarial do Carballiño tamén logrou aumentar siñificativamente as súas vendas tal como se recolle neste ranking, ata acadar según os datos deste último ano publicado, os 9.302,717 euros. Conta con 23 empregados para comercializar a súa marca estrela "A Pulpeira" e desenvolver a súa actividade centrada no comercio o por maior de peixe e mariscos.

As cinco primeiras empresas en vendas da comarca en 2021 sumaron unha facturación de 127,2 milóns de euros, dando emprego directo a un total de 671 persoas.

Seica xogábase o "clásico" do fútbol español, ese Barsa-Madrid do que se ten dito que pouco menos paraliza España, e desde logo á futbolística, todos os equipos escapan desa coincidencia horaria porque según din os estadios estarían baleiros, todos non, hai unha excepción. 

Este sábado cunha diferencia horaria de apenas un cuarto de hora que o Barsa-Madrid (16:15 h.) , o Arenteiro recibía en Espiñedo (16:00 h.) ao Unionistas de Salamanca, desde media hora antes de comezar o partido a grada de Espiñedo xa colgara o cartel de "completa". Pouco importaba que  estivese a caer o diluvio universal, nin o excepcional horario de sobremesa, e tampouco o "clásico".

Desta vez a coincidencia horaria foi por imperativo televisivo, pero fai seis tempadas atrás co Arenteiro en terceira división tamén coincidira un Arenteiro-Céltiga cun Barsa-Madrid, e daquéla por convicción, porque era o horario habitual dos partidos como local  do Arenteiro aquela tempada. E a grada tamén estivera chea. Fora o único partido que se xogara en toda Galicia á mesma hora do "clásico", o que chamara a atención de numerosos medios de ámbito galego e estatal.

Porque no Carballiño, se falamos de fútbol e paixón, que pode haber máis clásico que ir a Espiñedo unha tarde de choiva, vento e frio animando ao Arenteiro. Merece a pena sempre, se perdes ou empatas, e mesmo cando gañas 4-0. Ou non ?

O Arenteiro saíu en tromba ao municipal de Espiñedo neste partido correspondente á 10ª xornada do campionato de liga de Primeira RFEF e aos 3 minutos Miku marcaba o primeiro dos catro goles dos verdes ante o equipo charro, xa na segunda parte chegou a goleada cos tantos de Álvaro Ramón, Manín e Vicente Esquerdo.

Mellor inicio imposible para unha semana de máxima esixencia para os verdes, con 3 partidos en 7 dias, xa que o mércores dia 1 ás 16:30 horas xogará a primeira eliminatoria da Copa do Rei a partido único no Suárez Puerta co Avilés, mentres que tres diás despóis, o sábado 4 de novembro ás 19:00 h. volverá o Arenteiro xogar en Espiñedo en partido de liga ante o Fuenlabrada madrileño.

Video-resumen do partido:
https://www.youtube.com/watch?v=J_R6o_brBx8&ab_channel=RealFederaci%C3%B...

Cronica do partido en "La Voz de Galicia"
https://www.lavozdegalicia.es/noticia/ourense/2023/10/29/arenteiro-alard...

CINE. O Cine-Club Carballiño proxecta a película francesa "Las dos caras de la justicia", venres 28 ás 20:00 e 22:30 horas no auditorio do Carballiño. O Novocine de Leiro estrea a película de animación "Trolis 3", en pases diarios ás 16:00, 18:00 e 20:00 horas.

TEATRO. Na Mostra de Teatro Amador que organiza Tiruleque chega a O Carballiño a compañía "Fauna 113" de Vigo coa súa comedia "Os veciños do lado". Sábado 28 ás 20:00 no auditorio.

LITERATURA. A tenda OZOCOgz do Carballiño acolle a presentación do libro de Rochi Nóvoa "Diagnóstico poético, os versos que levas dentro", sábado 28 ás 12:00 horas.

EXPOSICIÓNS. A  artista carballiñesa MAYEYA inaugura a súa exposición de pintura, 50 obras de monoimpresión con acrílicos, sábado 28 ás 19:00 horas no auditorio. E toda a fin se semana permanece aberta a sala de exposicións do Arenteiro Fotográfico, que a asociación O Potiños instalou no local da rúa Evaristo Vaamonde nº 26.

ANDAINA E TRAIL DO OUTONO. Actividades organizadas polo concello de Piñor, na matinal do domingo 28, con punto de concentración, saída e meta na Praza do Arenteiro, a andaina sae ás 10:00 horas e o Trail ás 11:00 horas.

XTREMO MESEGO. 150 pilotos participan nesta competición, o sábado 28 no monte do Penedo-Partovia de 11:00 a 14:30 horas, e o domingo 29 a partir das 9:00 horas en Pena Cobertoira. Suspendeuse debido o mal tempo o espectáculo-exhibición  de Enduro que estaba programado para a tarde do sábado na Avenida do Arenteiro.

FUTBOL DE 1ª RFEF: Na décima xornada do campionato de liga o Arenteiro recibe en Espiñedo ao Unionistas de Salamanca, sábado 28 ás 16:00 horas.

FESTA DE SAN XUDAS TADEO. A parroquia de Vilela, no concello de Punxín, celebra a festividade de S. Xudas Tadeo este sábado dia 28 de outubro, con misa solemne ás 13:00 horas, con sesión vermú e festa coa animación musical do Dúo Explosión, pola tarde actuarán as pandereiteiras e cantareiras "As Bolboretas" do Carballiño.

Os asuntos mais relevantes da semana protagonizan unha nova tertulia do venres en COPE O Carballiño. Podes escoitála no audio adxunto.