Gustariame contestar, ou cando menos aclarar algunhas cuestións que puña en riba do taboleiro a persoa que escribiu a denuncia "tertulias".
Son Manuel Nogueira, e antes que tertuliano ou militante de podemos, son unha persoa que tenta sempre ter un criterio propio e un código ético polo que guiarme pese a que as veces poida estar errado, como calquera persoa.
Indo ao tema e as cuestións que me fan escribir estas liñas, primeiramente, que eu sexa de esquerdas non significa que teña que aplaudir ou que se me censure criticar a calquera persoa ou político que defenda tamén esa ideoloxía, máis cando ao meu entender se está obrando tal vez de un xeito erróneo (sexa no caso que sexa).
Primeiramente, a miña crítica que durante a tertulia do venres pasado, dia 22 de setembro, fixen ao modelo de coalición proposto no concello do Irixo ía argumentada nos inconvenientes que este tipo de alcaldías rotatorias traen consigo. Tamén detallei que o programa que presentaba o PSOE do Irixo presentaba puntos que se deben cumplir por lei e que sobran en calquera programa electoral, pois se entende perfectamente que calquera forza política que chegue á alcaldía de un concello ten que cumplir. Facer cita de esas obrigas como se fose un logro político é como ir a un caixeiro a quitar os teus cartos e aplaudirlle ao caixeiro polo "traballo feito". Como xa dixen en dita tertulia oxalá o fagan ben tanto Xuntos polo Irixo como o PSOE polo ben da veciñanza do Irixo e eu estea equivocado totalmente na miña crítica.
Segundo, evidentemente en outros concellos se xestionan mal certas cousas, pero eu si non teño información certeira e datos comprobados prefiro non opinar. Sempre o fixen así e o teño dito moitas veces. Con respeto á labor da alcaldesa do concello onde naceron meus pais, Boborás, evidentemente que critico cando toca criticar e, pode dar fe a alcaldesa de Boborás, si vexo algo que se pode mellorar a chamo directamente, como teño feito tamén co actual alcalde do Carballiño.
E con respeto a nosa vila, volvo insistir que as miñas críticas son miñas. Na mesa da tertulia son un tertuliano máis donde só falo por min e dou a miña opinión, non a do partido político no que milito.
Xa por último e para rematar, son consciente e perfectamente coñecedor do paupérrimo resultado electoral que tiven nos pasados comicios municipais, máis non lle vexo eu relación a que ditos resultados me veden ou me censuren para dar a miña opinión persoal en temas que tratamos cada venres na tertulia. De ser así canta xente debería estar calada cando falan sin saber....
Sen máis, sinto que os meus comentarios da última tertulia non fosen do seu agrado, como outras veces non son do agrado de outra moita xente, ou como tamén as veces me toca escoitar opinións que eu non comparto. Máis pese a non compartilas, as respeto. Ahhh, tomo nota do seu consello de estudar dereito, aínda que sexa unha rama académica da que non guste moito.
Sen maís, reciba un cordial saúdo.
Manuel Nogueira.

O restaurante Casa D´Paco, no 73 Warwick Street de Newark (condado de Essex; New Jersey), acolleu un show de cocina especializado en pulpo da man do pulpeiro de Arcos-O Carballiño Paco Gómez e o chef Anxo Trives, destacados membros da asociación Amigos da Cociña Galega, que estes días participan nun encontro gastronómico a celebrar en diferentes puntos dos Estados Unidos para promocionar a gastronomía galega.
Unha iniciativa que conta co apoio da Deputación de Ourense. A este primeiro encontró acudiron líderes empresariais da comunidade e recoñecidos influencers dos Estados Unidos.
Tras escoitar a tertulia do pasado venres quedoume clara unha cousa, a orientacion que teñen estas a perxudicar ao goberno local do Carballiño, a criticar todo canto hai habido e por haber, e a calar ante os prblemas dos outros concellos, que tamen os hai, non pensar que en Boboras, Beariz, San Amaro ou Punxín estivese todo perfecto, mentres que no Carballiño todo parece estar mal, e agora casualmente que hai novo goberno no Irixo, onde se insuniuan cousas que non son certas, como se non puidese haber alcaldías rotatorias, en O Bolo, Vilardevos, Ramirás, etc e que se todos fan o que teñen que facer ningun inconviente hai, e se pensamos que todos son coma Sonia Ordoñez, en San Amaro, a saber a cambio de que mal imos, pero o que mais me sorprende o señor Manuel Nogueira, de Podemos supostamente, criticar os socialistas do Irixo e o seu candidato, con que o que leva no seu programa xa son obrigas legais, podía preocuparse, xa que e de Boboras, como a flamante alcaldesa ten moitas estradas, incluidas na sua zona de Vecoña, que sexa obligacion non garante o seu bo estado, por moita obriga que sexa ninguen vai controlar que as teñan en bo estado, normal que so tivese 55 votos, normal señor Nogueira, moi normal, debería haber estudiado dereito, porque recoñezo que se lle da moi pero que moi ben

Os dous únicos bombeiros que estaban de garda nesta madrugada de martes no parque intercomarcal do Carballiño/O Ribeiro excarceraron a unha persoa despois de quedar atrapada no interior do vehículo, nun accidente de tráfico nas inmediacións do enlace da A-54 coa autovia de Santiago O 112 Galicia tivo constancia do accidente dez minutos antes das tres e media desta pasada madrugada.
Un alertador informaba os xestores de emerxencias de moitos restos de accidente na vía, na AG-53, quilómetro 79, en Maside, debido a que un coche saltase a mediana e precipitásese por un terraplén, de feito, indicaba que non se podía circular pola vía e tampouco acceder ao vehículo sinistrado. Nada máis recibir o aviso, desde o 112 Galicia avisouse enseguida ao Servizo de Urxencias Sanitarias de Galicia-061 e aos Bombeiros do Carballiño/O Ribeiro. Igualmente foron informados os axentes de Tráfico, os efectivos da Agrupación de Voluntarios de Protección Civil de Maside e o persoal de mantemento da estrada.
Unha vez no punto, os Bombeiros indicaron ao 112 Galicia que a persoa ferida, unha muller de 24 anos, tras ser liberada, foi trasladada polos servizos sanitarios ao CHUOU. Dase a circustancia que esta pasada madrugada eran dous os bombeiros de garda no parque O Carballiño-Ribeiro, o mínimo por turno terían que ser 3, e menos mal porque nos últimos meses e debido ao conflicto laboral nos parques comarcais de bombeiros de Galicia, moitos dias estivo de servizo un único bombeiro ou incluso permaneceu pechado por horas, sen servizo, como se veu denunciando por parte dos propios bombeiros.

A parroquia de San Cristovo de Cea despedíu este lúns 25 de setembro, que ademáis foi día festivo de caracter local no municipio, as festas da Saleta 2023 coa última verbena animada coa música da charanga espectáculo Ardores e a orquestra New York.
E asi, completáronse catro dias e outras tantas noites de programación festiva na vila de Cea, nas que debutou unha nova comisión de festas integrada por catro mozas da localidade, nunhas datas que contaron este ano coa colaboración do bo tempo.
Tamén estiveron moi concurridas as celebracións relixiosas na capela da Nosa Señora da Saleta, tanto durante a novena como nas misas e procesións do domingo e o lúns. Precisamente, desde a parroquia comunicaban nas misas dominicais o roubo rexistrado na tarde do pasado sábado dia 23, cando os responsables da parroquia botaron en falta 1500 euros que se gardaban na capela, procedentes dos donativos feitos nos últimos dias polos devotos e devotas da Saleta de Cea.

Sofía García, a voceira do BNG do Carballiño ven de trasladar ao concello do Carballiño unha iniciativa para demandar un Centro de Atención e Información da Seguridade Social na vila.
A voceira nacionalista do Carballiño sinalou que a vilae a propia comarca están sendo sometidas a un trato discriminatorio en relación ás outras cabeceiras de comarca da contorna, xa que existen CAISS en Ourense, Ribadavia, Verín e o Barco porén non no Carballiño.
Dada a importancia que ten para o BNG este servizo, remarcou García, xa non é a primeira vez que se expón tanto no concello do Carballiño, onde chegou a ser aprobada por unanimidade, como no Congreso dos Deputados.
Os CAISS xestionan un amplo conxunto de prestacións económicas, a maioría das cales derivan dos dereitos que nacen da cotización dos traballadores ao sistema da Seguridade Social. Ademais das pensións de xubilación contributivas, xestiónanse prestacións por morte e supervivencia (viudedade, orfandade, auxilio por defunción, pensións e subsidios en favor de familiares…etc), incapacidade temporal e permanente, así como prestacións relacionadas coa maternidade(maternidade, paternidade, riscos durante o embarazo e riscos durante a lactancia. Ademaisxestiónanse dereitos non relacionados directamente coa cotización ao sistema. Podemos destacar, entre outras, as prestacións familiares da SeguridadeSocial, prestacións basadas na súa maioría en límite de ingresos, como son as prestacións por fillos/as a cargo, prestacións por nacemento e adopción do terceiro/a fillo/a, as prestacións para familias numerosas, monoparentais ou por parto múltiple. Tamén os CAISS desenvolven competencias relacionadas co recoñecemento da asistencia sanitaria no ámbito internacional a través da xestióndas Tarxetas Sanitarias Europeas.
Ante a relevante función que exercen os CAISS e ser o Carballiño a única cabeza de comarca que carece del, desde o BNG consideramos imprescindible insistir nesta cuestión e esiximos ao gobernomunicipal que se “dirixa ao Ministerio de Inclusión, Seguridade Social e Migracións para que se instale un CAISS na nosa vila.”

O conselleiro do Medio Rural, José González, acompañado pola directora xeral da Axencia Galega de Desenvolvemento Rural, Inés Santé, e polo tenente de alcalde de Leiro, Ramón Álvarez, supervisou os labores de posta en marcha do polígono agroforestal de Barzamedelle.
O conselleiro puxo en valor, de maneira especial, os traballos de roza das acacias, que polo de agora abranguen unha superficie de 33 hectáreas, das 59,2 que se estima ocupa esta planta dentro do perímetro do polígono, é dicir, case o 56% do total.
Neste mesmo sentido, José González subliñou ademais que con esta actuación, pioneira no seu enfoque e dimensións, refórzase a protección da bisbarra do Ribeiro fronte os incendios forestais, ao tratarse dunha especie invasora e ademais pirofítica, polo que representa un risco dende o punto de vista da prevención do lume. Sinalou tamén que son traballos precisos para o recoñecemento das parcelas existentes e da investigación dos seus titulares.
Limpeza de camiños
A maiores, o titular de Medio Rural trasladou que tamén se actuou na limpeza e recuperación en case seis quilómetros e medio de camiños, para mellorar as comunicacións dentro dun polígono que se enmarca na aplicación da Lei de recuperación da terra agraria de Galicia e que suporá mobilizar un total de 145,6 hectáreas. Polo de agora identificáronse xa, mediante a investigación da propiedade, un total de 183 parcelas de 113 propietarios, o que representa que está identificada a titularidade de 63 das 145,6 hectáreas que conforman o polígono, é dicir, un 43% do total.
Segundo explicou o conselleiro, o obxectivo é poñer en valor terra de boa capacidade produtiva abandonada ou infrautilizada de forma sustentable. Búscase así, engadiu, crear actividade agrogandeira, fixar poboación e anticiparse aos incendios forestais. Neste caso concreto, González trasladou que a orientación principal do polígono será o viñedo (cultivos leñosos), dada a súa situación estratéxica, o que permitirá aumentar a produción da denominación de orixe Ribeiro.

O PSdeG-PSOE de Leiro critica que a Conta Xeral de 2022, que o goberno local do PP levou a pleno esta mesma semana e aprobou coa súa maioría absoluta, contén importantes “eivas” e deixa en evidencia a “nefasta” xestión do alcalde.
Os e as socialistas amósanse especialmente preocupados porque un concello que “ten un orzamento anual de 1.150.000 euros, teña pendente de cobro 652.199,74 euros, o que supón un 57% dos ingresos previstos para o exercicio. Dende o grupo municipal socialista aproveitaron a sesión plenaria para preguntarlle ao alcalde, Francisco José Fernández, diferentes aspectos do contido económico da conta xeral do ano 2022. Os e as socialistas de Leiro afirman que “346.208,99 euros do total pendente de ingresar son de dubidoso cobro, xa que pertencen a exercicios anteriores e temos serias dúbidas de que algúns dos compromisos non prescribisen”.
O voceiro do PSdeG-PSOE de Leiro, Manuel Rodríguez Vázquez, critica a “negativa” do rexedor a dar explicación e responder ás preguntas dos socialistas, afirmando que “unha vez máis optou pola calada como resposta, ademais de por continuas descualificacións”. Para o edil socialista esta situación “non é nova, xa que é habitual ao longo dos últimos anos tanto no concello de Leiro, como na mancomunidade do Ribeiro, da que é presidente” e subliña que “as contas non se axustan a realidade social e económica da veciñanza”. A Conta Xeral aprobada, recolle o pago, entre outros, do servizo municipal de auga, recollida de lixo, recadación de taxas e impostos municipais ou a prestación dos servizos sociais.
“A auga é xestionada por unha empresa privada, namentres que o resto delegáronse as competencias na mancomunidade, polo que o alcalde é o único responsable da xestión económica dun concello que ten unha débeda acumulada pendente de pago de 109.144,71 euros, correspondendo a maior parte ao exercicio de 2022”, sinala Rodríguez Vázquez. Os e as socialistas poñen outro exemplo da “neglixente” xestión do rexedor ao lembrar que a comezos de 2022, notificáronlle unha fuga no servizo de auga municipal, cuxo orixe estaba xa en 2015 e que deu lugar a unha perda media anual en cada ano de 139.000 m³ de auga, cando o consumo medio por ano e por parte da veciñanza foi de 76.441 m³.
Consideran que por todo isto, e por máis cuestións, “estase a prexudicar directamente á veciñanza” e critican que o alcalde “non responda, o que evidencia a súa mala xestión e o peor control dos recursos económicos de todos e todas”. “Lembrámoslle ao alcalde que estas preguntas terá que contestalas agora dende a mancomunidade do Ribeiro, ao ser o seu presidente e ao estar as contas de esta entidade fiscalizadas polo Consello de Contas dende o ano pasado”, finalizan dende o PSOE de Leiro.
Iste é o estado no que quedou o lugar da Uceira, fronte ó colexio, no que os feirantes que acudiron ás pasadas festas instalaron as súas caravanas. Con contenedores a 50 mts. E o que non se ve. Non é unha excepción, pasa sempre, e o malo é que logo ninguén ven a limpalo. E, digo eu, non haberá forma de controlar isto? Non pode o Concello cobralles unha fianza e devolverlla cando se vaian só se deixan o sitio limpo? Dende logo, non pretendo metelos a todos no mesmo saco; hai un lugar no que acampon outros e deixaron todo perfecto.
Páxinas
- « primeira
- ‹ anterior
- …
- 104
- 105
- 106
- 107
- 108
- 109
- 110
- 111
- 112
- …
- seguinte ›
- última »