O Concello de Beariz ven de establecer un permiso para a retirada de cabalos mostrencos do territorio municipal e emprende unha serie de iniciativas encamiñadas a erradicar este problema.

O gando mostrenco é un problema en Beariz debido a que supón un perigo para os viandantes e o tráfico que circula polas vías do municipio. Os danos esténdense ós prados que aproveitan gandeiros propietarios de explotacións debidamente rexistradas de gando saneado. Asemade este gando incontrolado provoca grandes danos ás poucas hortas e cultivos que quedan.

As colisións de vehículos con cabalos e vacas na estrada N-541 ao seu paso por Beariz son múltiples e os danos ocasionados a pasaxeiros e vehículos son cuantiosos ó fin do ano.

Un dos problemas asociados á presenza de gando mostrenco é a proliferación de actividades ilícitas entorno ó aproveitamento dos xatos, poldros e incluso a comercialización de carne sen control sanitario.

O Concello actuará contra aqueles que circulan con vehículos por terreos comunais e privados sen consentemento dos seus propietarios para capturar ou sacrificar animais mostrencos de forma ilegal.

No referente ós cabalos mostrencos o Concello ven de conceder permiso a un gandeiro para capturalos e transladalos á súa explotación para alí proceder ó seu saneamento, identificación e inscrición no libro de explotación pasando así a estar perfectamente controlados segundo o establecido pola normativa.

Estas decisións do Concello son un paso en positivo en exercicio das responsabilidades que lle atribúe unha lexislación decimonónica que non se ten actualizado a un contexto autonómico. Estas responsabilidades legais non prevén a dotación de medios ou recursos adaptados ao control dun gando salvaxe de moi difícil manexo. Tampouco os protocolos sanitarios se teñe adaptado ás particularidades de tratamento deste problema.

Dentro das medidas que o concello tomará para seguir a avanzar na erradicación do gando mostrenco está a concienciación social sobre este problema. Facilitar que os veciños que vexan rebaños mostrencos os localicen e faciliten a súa ubicación ó Concello e que denuncien a actividade ilícita que se estea a desenvolver dentro do territorio municipal ante as autoridades.

Outro dos ámbitos nos que traballa o Concello e o establecemento de convenios coas autoridades sanitarias e a Consellería de Medio Rural para traballar conxuntamente compartindo recursos, actualizando procedementos e dotando de medios para levar a cabo unha acción eficaz e unha solución duradeira.

Estas accións demostran o compromiso do Concello de Beariz coa solución dos problemas entorno ao gando mostrenco e de que está decidido á súa erradicación.

A Xunta avanza na súa aposta por un urbanismo responsable e sostible coa aprobación inicial do Plan Básico Municipal (PBM) de Punxín, unha ferramenta que se enmarca no obxectivo de que ningún concello galego estea sen planeamento urbanístico.

Logo de indicar que tras este trámite o seguinte paso será iniciar o procedemento de información pública e solicitar todos os informes preceptivos previos para a súa aprobación definitiva, a vicepresidenta segunda e conselleira de Medio Ambiente, Territorio e Vivenda, Ángeles Vázquez, lembrou que os PBM son un aliciente para concellos de menos de 5.000 habitantes que, como é o caso de Punxín, se caracterizan por posuír un valioso patrimonio natural e cultural, e, ademais serven para impulsar un novo rural con actividades agrarias, gandeiras, forestais, tecnolóxicas, turísticas, culturais, etc.

Así, tal e como explicou Ángeles Vázquez durante a sinatura desta aprobación inicial, na que estivo acompañada polo delegado territorial da Xunta en Ourense, Gabriel Alén, no caso concreto de Punxín, este PBM delimita un total de 32 núcleos rurais -12 tradicionais, 4 comúns e 16 combinan ambas partes-.

Ademais, esta ferramenta urbanística tamén cataloga un total de 170 elementos do patrimonio natural e cultural do municipio, dos que 24 son arqueolóxicos, 27 arquitectónicos e 119 etnolóxicos.

O PSdeG-PSOE pide unha campaña imformativa e critica a postura do tenente alcalde

O grupo socialista de Punxín solicita que se informe á veciñanza de tódalas parroquias do municipio do Plan Básico de Ordenación Municipal (PBM), que a conselleira de Medio Ambiente, Territorio e Vivenda, Ángeles Vázquez, presentou esta mañá aos medios de comunicación. Os e as socialistas consideran que un tema tan importante como é un plan urbanístico “debe ser consensuado e explicado á veciñanza”.

Dende o grupo municipal socialista pídenlle ao grupo de goberno municipal que, unha vez se publique a aprobación inicial do Plan Básico de Ordenación Municipal no DOG, “se proceda a realización de reunións informativas coa veciñanza de tódolos núcleos de poboación do municipio”. As e os socialistas avogan tamén porque se “facilite unha canle de asistencia á veciñanza para que poidan realizar as alegacións que consideren e vexan preciso”.

A voceira do PSdeG-PSOE en Punxín, Lorena Peleteiro Vázquez, subliña que “a aprobación dun PBM é unha boa nova para Punxín, pero este debe ser consensuado coa veciñanza e servir para impulsar o rural e a chegada de novos veciños e veciñas ao municipio”. A edil socialista lembra que con esta ferramenta “ademais da ordenación dos núcleos de poboación, tamén se poderá catalogar o patrimonio cultural, arquitectónico, natural, arqueolóxico e etnolóxico do municipio”.

“Os e as socialistas estamos completamente a favor de que Punxín conte cun Plan de Básico de Ordenación Municipal”, afirma Peleteiro Vázquez, que tamén aproveita para recalcarlle á Xunta e ao Concello que “este debe contar co visto bo da veciñanza, principais implicados e beneficiados da súa aprobación”.

Críticas a actitude do tenente de alcalde

Na presentación celebrada esta mañá en Punxín estivo presente o tenente de alcalde, Eladio Fernández, que de xeito “sistemático” se opuxo ao longo dos anos a aprobación deste plan. Os e as socialistas atópanse “sorprendidos” pola actitude do tenente de alcalde, que “agora posa en fotos en compaña da conselleira, cando ata fai ben pouco bloqueaba a aprobación deste plan”.

Dende o PSOE de Punxín consideran “vergoñenta” a actitude de Fernández, ao que lle reclaman que “deixe de dar bandazos dun lado para outro” e esíxenlle que “cese de buscar o seu interese persoal e económico e se centre no verdadeiramente importante, que é a veciñanza de Punxín”. Lorena Peleteiro destaca que “as contradicións do tenente de alcalde non cesan” e subliña que “pasou de opoñerse de xeito sistemático a aprobación deste plan a actuar como se fose o promotor deste instrumento

A Coral Aures Cantibus de Zamora, a Coral de Chantada, o Coro da Ordem dos médicos do Porto, e os anfitrións e organizadores da Coral Polifónica Casino do Carballiño, protagonizarán a 40 edición do Festival, con entrada de balde no auditorio do Carballiño.

Escoita aquí a historia deste festival e o programa musical que podemos gozar este sábado dia 30 de setembro a partir das 20:00 horas no auditorio do Carballiño, nesta entrevista a José A. Barge, secretario da Coral organizadora, e ao seu director Jaime González Pichel.

O restaurante Casa D´Paco, no 73 Warwick Street de Newark (condado de Essex; New Jersey), acolleu un show de cocina especializado en pulpo da man do pulpeiro de Arcos-O Carballiño Paco Gómez e o chef Anxo Trives, destacados membros da asociación Amigos da Cociña Galega, que estes días participan nun encontro gastronómico a celebrar en diferentes puntos dos Estados Unidos para promocionar a gastronomía galega.

Unha iniciativa que conta co apoio da Deputación de Ourense. A este primeiro encontró acudiron líderes empresariais da comunidade e recoñecidos influencers dos Estados Unidos.

Os dous únicos bombeiros que estaban de garda nesta madrugada de martes no parque intercomarcal do Carballiño/O Ribeiro excarceraron a unha persoa despois de quedar atrapada no interior do vehículo, nun accidente de tráfico nas inmediacións do enlace da A-54 coa autovia de Santiago O 112 Galicia tivo constancia do accidente dez minutos antes das tres e media desta pasada madrugada.

Un alertador informaba os xestores de emerxencias de moitos restos de accidente na vía, na AG-53, quilómetro 79, en Maside, debido a que un coche saltase a mediana e precipitásese por un terraplén, de feito, indicaba que non se podía circular pola vía e tampouco acceder ao vehículo sinistrado. Nada máis recibir o aviso, desde o 112 Galicia avisouse enseguida ao Servizo de Urxencias Sanitarias de Galicia-061 e aos Bombeiros do Carballiño/O Ribeiro. Igualmente foron informados os axentes de Tráfico, os efectivos da Agrupación de Voluntarios de Protección Civil de Maside e o persoal de mantemento da estrada.

Unha vez no punto, os Bombeiros indicaron ao 112 Galicia que a persoa ferida, unha muller de 24 anos, tras ser liberada, foi trasladada polos servizos sanitarios ao CHUOU. Dase a circustancia que esta pasada madrugada eran dous os bombeiros de garda no parque O Carballiño-Ribeiro, o mínimo por turno terían que ser 3, e menos mal porque nos últimos meses e debido ao conflicto laboral  nos parques comarcais de bombeiros de Galicia, moitos dias estivo de servizo un único bombeiro ou incluso permaneceu pechado por horas, sen servizo, como se veu denunciando por parte dos propios bombeiros.

A parroquia de San Cristovo de Cea despedíu este lúns 25 de setembro, que ademáis foi día festivo de caracter local no municipio, as festas da Saleta 2023 coa última verbena animada coa música da charanga espectáculo Ardores e a orquestra New York.

E asi, completáronse catro dias e outras tantas noites de programación festiva na vila de Cea, nas que debutou unha nova comisión de festas integrada por catro mozas da localidade, nunhas datas que contaron este ano coa colaboración do bo tempo.

Tamén estiveron moi concurridas as celebracións relixiosas na capela da Nosa Señora da Saleta, tanto durante a novena como nas misas e procesións do domingo e o lúns. Precisamente, desde a parroquia comunicaban nas misas dominicais o roubo rexistrado na tarde do pasado sábado dia 23, cando os responsables da parroquia botaron en falta 1500 euros que se gardaban na capela, procedentes dos donativos feitos nos últimos dias polos devotos e devotas da Saleta de Cea.

Sofía García, a voceira do BNG do Carballiño ven de trasladar ao concello do Carballiño unha iniciativa para demandar un Centro de Atención e Información da Seguridade Social na vila.

A voceira nacionalista do Carballiño sinalou que a vilae a propia comarca están sendo sometidas a un trato discriminatorio en relación ás outras cabeceiras de comarca da contorna, xa que existen CAISS en Ourense, Ribadavia, Verín e o Barco porén non no Carballiño.

Dada a importancia que ten para o BNG este servizo, remarcou García, xa non é a primeira vez que se expón tanto no concello do Carballiño, onde chegou a ser aprobada por unanimidade, como no Congreso dos Deputados.

Os CAISS xestionan un amplo conxunto de prestacións económicas, a maioría das cales derivan dos dereitos que nacen da cotización dos traballadores ao sistema da Seguridade Social. Ademais das pensións de xubilación contributivas, xestiónanse prestacións por morte e supervivencia (viudedade, orfandade, auxilio por defunción, pensións e subsidios en favor de familiares…etc), incapacidade temporal e permanente, así como prestacións relacionadas coa maternidade(maternidade, paternidade, riscos durante o embarazo e riscos durante a lactancia. Ademaisxestiónanse dereitos non relacionados directamente coa cotización ao sistema. Podemos destacar, entre outras, as prestacións familiares da SeguridadeSocial, prestacións basadas na súa maioría en límite de ingresos, como son as prestacións por fillos/as a cargo, prestacións por nacemento e adopción do terceiro/a fillo/a, as prestacións para familias numerosas, monoparentais ou por parto múltiple. Tamén os CAISS desenvolven competencias relacionadas co recoñecemento da asistencia sanitaria no ámbito internacional a través da xestióndas Tarxetas Sanitarias Europeas.

Ante a relevante función que exercen os CAISS e ser o Carballiño a única cabeza de comarca que carece del, desde o BNG consideramos imprescindible insistir nesta cuestión e esiximos ao gobernomunicipal que se “dirixa ao Ministerio de Inclusión, Seguridade Social e Migracións para que se instale un CAISS na nosa vila.”