Totalmente dacordo co copenauta anterior sobre o pintado da estrada Cea-Ribadavia.
Onde está a DXT para salvaguardar a seguridade dos usuarios?
Os concellos do Carballiño e San Cristovo de Cea celebraban na mañá deste 25 de Novembro o "Dia Internacional Contr a Violencia de Xénero" coa organización de actos institucionais, no salón de actos da casa do concello do Carballiño e a Praza Maior de Cea, nos que se procedía á lectura dun manifesto pola eliminación da violencia contra as mulleres.
No concello de Piñor terá lugar na tarde deste sábado dia 26 a "1ª Xornada de Eduación Familiar Pola Igualdade" na Praza do pobo do Arenteiro, con unha representación teatral "Avoas" de Run Run Teatro, tamén con "misións" vinculadas á loita pola igualdade de xénero, nas que non haberá tempo para o aburrimento, e sorteo con agasallos para os nenos e nenas participantes.
Pola súa parte, a Mancomunidade de Concellos promove a cuarta edición do Contacontos Familiar, a cargo de Cristina Collazo, con sesións de contacontos que terán lugar en Beariz (sábado 26 ás 16:00 h. no centro social da Forxa) Boborás (sábado 26 ás 19:00 h. no centro multiusos de Boborás) San Amaro (Domingo ás 16:30 h. no colexio) e no Irixo (salón multiusos do concello,ás 19:00 h.)
O concello de Avión organiza durante esta semana varias actividades, das que podes informatrte no seguinte enlace: https://www.concelloavion.org/es/component/content/article/8-news/230-co...
Na foto, o acto celebrado no concello de San Cristovo de Cea.
E normal que se arregle unha carretera, neste caso a de Ribadavia a Cea, pero fai un mes que empezaron nun punto,, en Ribadavia, e esta sin pintar. Non costara tanto traballo ir pintando segun se vai facendo, porque, entre o asfalto que e oscuro e reflexa, e o que chove e un autentico perigo.
Non tera que haber algun accidente para que a pinten. Non estaria de mais ou un asfalto doutro tipo ou unha cor que se vexa cando chova wue aqui e a menudo .
Tras oir algunhas noticias nos últimos días sobre a revisión catastral no concello de Boboras, a veces chamado catastrazo, e con razón, xa que hay subidas de mais do 100 % ,como para non enfadarse, quería agradecer a alcaldesa Patricia Torres a súa rápida resposta e posta a disposición da veciñanza co tema do Catastro e de agradecer, xa que tranquilizou moito a alguns veciños, sobre todo maiores que se asustaron coas cartas recibidas, xa que debido tamén ao lenguaxe adminstrativo complexo fan dificil entender o seu contido, xa sabemos que non e culpa vosa a revisión, ( eso si, nas cartas poñía que revisión foi instada pola Deputación, non sei de quen foi a iniciativa ou se foi un erro) e que o tipo do IBI esta no mínimo e non se pode facer moito mais,pero estaría ben saber se a lei preve a opcion de facer outras bonificacions nos anos seguintes a revisión catastral, de todos xeitos, grazas pola tua cercanía e amabilidade que sempre tes.
Recientemente vimos que o concello lle pide o ministerio que arranxar parta da travesía da N541, entre o cruce coa estrada do irixo e o cruce de Toscaña, cousa que me parece ben por certo, xa que está bastante mal pero houbo Unha cousa que non me gustou moito, e que pretenden que o concello se paga cargo de parte da estrada, non so do reformado, entre a rotonda da Fontela e o cruce de Toscaña, o que incrementara a xa extensa rede viaria do concello, que difícilmente se pode manter, a pesar de que o alcalde sexa o rei do asfalto, mais ainda tendo en conta o tráfico que hay e que cada poucos anos compré asfaltar de novo, o que supora un gasto a mayores para o concello, ademais de que existen algunhas deficiencias no asfaltado dos lados ademais dalgunha zona Nas beirarruas, eso sen falar da inseguridade vial da rua, noutros lugares e aquí no 2008 estando Montes de alcalde Fomento arranxou parte da rua e mantuvo a sua titularidade, sendo eso o deseable, xa que e a sua rua e cousa sua tela ben, o concello xa bastante ten co que ten,polo que agardo que teñan coidado e non asuman mais ruas, que xa ben dificil e manter as que hai , outra cousa e sería o xusto e que o concello se faga cargo do que se arranxe, e dicir, a nova rotonda e a senda peonil en si, ademais das novas farolas, pero non toda a estrada, xa que sería un gasto futuro para o concello ademais dun sinsentido partir Unha estrada nacional en dous, sendo o loxico que o estado sexa o estado en todo o seu trazado, mais ainda neste caso que e un punto intermedio, ahí o deixo
O PSdeG-PSOE de Leiro esixe solucións “urxentes” para a estrada OU-0307, de titularidade provincial, despois de que no día de onte aparecese unha pedra de grandes dimensións no medio da mesma, por mor dun desprendemento. Os e as socialistas solicitan medidas para rematar con estes desprendementos, “frecuentes” nos últimos tempos, por mor da “deixadez” e o “abandono” desta estrada.
Dende a Agrupación Socialista de Leiro afirman que esta situación “non é nova”, pero a pesar de ter alertado ao alcalde de Leiro, Francisco José Fernández, e ao presidente da entidade menor de Berán, Avelino Carballal, en “numerosas” ocasións, ata o de agora non se tomou ningunha medida. Os e as socialistas denuncian que o desprendemento de onte “foi retirado polos propios veciños e veciñas que transitaban pola estrada, ante a inacción dos responsables desta vía, que é de titularidade da Deputación Provincial de Ourense”.
“Esixímoslle ao alcalde de Leiro e ao presidente da entidade menor de Berán que actúen dunha vez por todas e que reclamen á Deputación de Ourense unha solución urxente e definitiva a esta problemática”, explica o voceiro socialista en Leiro, Manuel Rodríguez Vázquez. O edil do PSdeG-PSOE no municipio sinala que a actual situación desta estrada que une Leiro e Caldelas “é un perigo evidente para a integridade dos viandantes e dos vehículos que circulan pola mesma”.
O PSdeG-PSOE de Leiro lembra que en xullo de 2021, xa criticaron a “chapuza” levada a cabo pola Deputación e o seu presidente, Manuel Baltar, nesta vía de comunicación, despois de que se levase a cabo o pintado da mesma, pero onde se obviou as “graves” deficiencias que presenta, “con curvas sen asfaltar, fochancas e o perigo de desprendementos constante por mor do mal estado da contorna”.
Rodríguez Vázquez insta aos responsables políticos de Leiro e Berán a que “se poñan as pilas” e esíxelles que “actúen a maior brevidade posible e non agarden a que aconteza a unha desgracia e despois sexan todo lamentacións”. Neste senso, o voceiro do PSdeG-PSOE de Leiro tamén pide que se “arranxe as curvas e se mellore a seguridade viaria para que a veciñanza poida transitar por unha estrada segura e non por un vial máis propio dunha zona de guerra”.
A Agrupación Socialista de Leiro vén de contrastar novamente o “absoluto desleixo e o abandono reiterado” da estrada con obras “sen completar e nun perigoso estado”, tal e como se aprecia en curvas sen asfaltar. Esíxenlle ao PP que “amose máis interese pola veciñanza de Leiro e Berán”, xa que tal e como apuntan “de pouco serve prometer cando chegan as eleccións, se despois non solucionan os problemas reais da veciñanza”.
Corenta establecementos asociados a Carballiño Centro Comercial Aberto ofrecerán interesantes promocións e descontos durante este Green Friday os días 25 e 26 de novembro.
A xerente de Carballiño CCA, Noelia Mares, informa que “durante dous días a veciñanza de O Carballiño e as persoas que se acheguen á nosa vila poderán atopar importantes descontos en moitos sectores: decoración, moda home, moda muller, moda infantil, calzado, mercerías e lencerías, xoiaría, saúde, complementos ou agasallos. Como facemos sempre queremos aproveitar para recordar a importancia que ten mercar en O Carballiño, onde atoparemos un trato próximo e personalizado, onde podemos ver, tocar e disfrutar os produtos que ofertan os diferentes establecementos participantes nesta campaña.
Este ano, con motivo do éxito arroiador que está a ter o C. D. Arenteiro, tanto no terreo de xogo como entre toda a veciñanza, a asociación Carballiño CCA conta coa colaboración do clube carballinés para incentivar as compras neste xa GREEN FRIDAY!!, xa que por cada compra realizada en calquera dos negocios adheridos á campaña, os clientes recibirán unha papeleta de participación para o sorteo de tres camisetas do C. D Arenteiro asinadas polo xogador que a persoa agraciada escolla e dúas entradas para o gran partido da Copa Do Rei, C. D Arenteiro – Atlético de Madrid. Esta campaña conta ademais coa cofinanciación do Concello de O Carballiño.
Ademáis o C. D. Arenteiro participu na grabación dun vídeo de promoción para esta campaña; polo cal este Centro Comercial Aberto e os asociados que forman parte del, están moi agradecidos para con toda a súa directiva, corpo técnico e plantilla de xogadores por ser quen de participar das nosas actividades de maneira totalmente desinteresada e facilitarnos en todo momento a realización do mesmo.
Os establecementos participantes neste Green Friday de 2022 son: APARTHOTEL ARENTEIRO, ATLEET, AURA MODAS, B JEANS 8 ,BUXO SAUDE, CHIKITINES, CONTOS, DUA´S, DULCINEA, ÉBANO, ÉCOLE, ELECTR. MANUEL VÁZQUEZ, ENDE BEN, ESPA QUARZ, FLOR DE LIS, FRUTAS EVARISTO, INNOVA DECOR, KIRSCHEN, LA MODERNA, LAMARGHA, LEÑO, LUANELA, MADISON, MAIS DEPORTE, MUNDO LAR, O´RUAN, OFFICE CENTER, ORCELLÓN, OUTLET ALBA CONDE, PAPAVENTOS, PÍKAROS, PLAZA CANDY, PLUMETTI ,POL COTTON, REMBRANDT, SASTRERÍA PÁJARO, SOLPLATA TETE CLOSET ,TREBELLOS E UCHA DEPORTES.
O presidente da Deputación de Ourense, Manuel Baltar, mantivo no Pazo Provincial un encontro de traballo co alcalde do Carballiño, Francisco Fumega, no que se analizaron novas propostas de cooperación entre ambas administracións.
O presidente do goberno provincial definiu como "un novo exemplo de modélica cooperación" unha reunión na que se pecharon novos acordos para seguir reforzando a colaboración entre a Deputación de Ourense e o Concello do Carballiño. En concreto, Manuel Baltar avanzou o compromiso do goberno provincial a un futuro proxecto proposto polo rexedor para mellorar as infraestruturas públicas no centro da vila.
Ademais, Francisco Fumega prantexou a Manuel Baltar que prologue un libro que está a preparar o Concello do Carballiño co apoio da Deputación de Ourense sobre a figura do doutor Luis Rodríguez Míguez, un volume que recolle artigos de numerosos investigadores vencellados ao termalismo.
Poño por diante que entendo a boa fe do consello do copenauta. E é un bo consello en condiciones óptimas. Pero non é sinxelo aplicalo na vida real. Porque como ben sabemos, non podemos esixir en virtude da Lei de Propiedade Horizontal unha derrama que supere tres cuotas da comunidade. E dícir, se un veciño se negase a facer fronte a ese pago estaría no seu dereito. Entón, terían que facer fronte os que disexen que sí?? Entre o adianto dos arranxos, e as minutas de abogado e procurador (sería un pleito civil) superaría con creces esas cantidades.
O consello é moi bo polo que respecta ao seguro de responsabilidade civil, ou multiriesgo da comunidade de veciños. A partir de aí, se o seguro non respondese, o camiño que propón que exploren os veciños é longo, farragoso e moi costoso.
Pola outra banda, o que se está a denunciar nesta canle é a falta de sensibilidade do concello (ente público) e da empresa concesionaria. Que teñen outros recursos (o concello dos sacrificados contribunintes) e a empresa concesionaria dos benefizos do servizo, e probablemente os empreguen de xeito leonino e abusivo. Pero entendo a moi boa fe do consello.
A Casa de Galicia en Madrid acolleu hoxe a presentación do Xeodestino Turístico Ribeiro-O Carballiño, do que forman parte a practica totalidade dos concellos de ambas as dúas comarcas.
O Xeodestino organizou este ano para xornalistas especializados en turismo e gastronomía, e contou coa presenza de alcaldesas e alcaldes, entre eles o presidente do Xeodestino Ribeiro-O Carballiño, Franscisco José Fernández, asi como o vicepresidente da Deputación Rosendo Fernández. En representación do concello do Carballiño desprazouse a Madrid o concelleiro de turismo, Manolo Dacal.
Geodestino turístico Ribeiro-O Carballiño: https://ribeirocarballino.com/
Páxinas
- « primeira
- ‹ anterior
- …
- 166
- 167
- 168
- 169
- 170
- 171
- 172
- 173
- 174
- …
- seguinte ›
- última »
