A Mancomunidade de Concellos do Carballiño informa da posta en marcha da quinta edición dos talleres de estimulación cognitiva denominados Entrenando as cabeciñas, dada a acollida e o éxito que tiveron durante as pasadas edicións.
Trátase dunha actividade destinada a persoas maiores de 50 anos, moi importante para fomentar as capacidades cognitivas e un envellecemento activo e saudable.
Esta iniciativa será impartida polo Programa de Educación Familiar; e serán as 3 educadoras familiares que forman o equipo as que se desprazarán a cada un dos 4 concellos que participan deste programa, e que son os de Beariz, Boborás, O Irixo e San Amaro, para traballar áreas tan importantes como a linguaxe, a memoria, o cálculo, a atención e as funcións executivas.
A actividade dará comezo o 19 de setembro e, facendo os descansos correspondentes ó calendario escolar, está previsto continuar co seu desenvolvemento ata o mes de xuño, sempre e cando se manteña a demanda da actividade.
Toda persoa interesada en participar debe comunicalo no seu concello, onde formalizará a inscrición nesta actividade, totalmente gratuíta.
Os talleres terán lugar os martes de 10:00 a 11:00 no salón de actos da casa do concello do Irixo, os mércores de 10:00 a 11:00 h. na casa do concello de San Amaro, os xoves de 10:30 a 11:30 na casa do concello de Beariz, e finalmente os venres de cada semana no centro social da Almuzara de 10:00 a 11:00 h. para a veciñanza do concello de Boborás.
O grupo Municipal no Concello considera que esta edición da festa da Vendimia estuvo moi desaproveitada e anquilosada, para os intereses xerais de Leiro, destacan que sendo a primeira, na que se estrea a Declaración de Interes Turístico, foi tamen a primeira logo de moitos anos na que menos xente pasou por Leiro.
Non se pode en definitiva organizar esta Festa baixo o criterio de que a mesma camiña sola, cando o pasotismo e a Lei do mínimo esforzó nos leva a ver como a festa da vendimia en vez de ir a máis, se queda estancada e vai a menos.
Por todo o expresado anteriormente, e no animo da critica constructiva e que outra forma de gobernar, e posible, facemos as seguintes propostas:
1/ Que o cartazo da Festa da Vendimia sexa realizado mediante un concurso polos veciñ@s aficionados que temos varios tanto a pintura, dibuxo como a veciñanza en xeral, así como os propios cativ@s do noso Concello, e non pagarle a unha persoa foránea e allea o noso Concello, un verdadeiro pastizal.
2/ O pregoeiro ter que ser dá zoa, e primordialmente que tivera relación co tema do viño, dá cultura ect….
3/ No palco de autoridades dando o pregón quen tiñan que estar e os veciñ@s, unha representación colleiteiros, adegueiros, viticultores, veciñ@s en xeral que son artífices e protagonistas, pregoeiro e o rexidor do momento, o resto asistir como público, referindonos os políticos de calquer cor, que e o que non está acontecendo nestes momentos.
4/ Crear unha Coordinadora de voluntari@s Festa da Vendimia que aglutinara a toda a veciñanza en xeral, desde asociacions, colleteiros, adeguieiros, colectivos xuvenis, ect… e que se traballara todo o ano para levar acabo todo tipo de programación, promocionar, innovar, crear, reseñar ect…a próxima festa da vendimia.
5/ Incentivar, activar e animar a participación de toda a veciñanza das nove Parroquias do noso Concello no desfile de Carrozas, e non como esta edición que pasamos de ter vinte e pico carrozas en anteriores edicions a tan solo nove e para eso con unha participación de tres parroquias de nove.
6/Levar acabo un irmanamento con outras zoas, denominacions de orixen ect… relacionadas co tema do viño tanto en Galicia, como tamen no resto do territorio español para potenciar a imaxen dos nosos viños, cultura, patrimonio, natureza, aguas termais do noso termo municipal.
7/ Xestionar para traer un grupo de gaiteiros da zoa e senón houbera, pois que viñeran de outra lugar, xa que lle daría o enxebrismo que se merece a festa da Vendimia.
8/ Tamen levar acabo unha gran queimada, no SALGUEIRAL, como se facía con anterioridade e que lle da ese toque festivo e de parranda da nosa Galicia.
9/ Que a xente en xeral viñera vestida coas roupas, como se fai de antaño a vendimia, aparte dos veciñ@s que participan no desfile das carrozas, que xan veñen con ese vestiario a modo de exemplo un estilo festa da historia de ribadavia, que lle daba ese toque enxebre.
10/ Oficiar no Campo da Feira unha misa, como se facia nos seus anos de inicio no ano 1963 e 1974 coa bendición das viñas e uvas.
11/ Promocionar a nosa festa da vendimia atraves de venta de merchandasing (camisetas, tazas, copas, chaveiros ect…) .
12/ Crear un Festival de Musica Folk o propio día da Festa.
13/ Levar acabo una integridad total das diferentes bodegas e colleiteiros do noso Concello na Mostra dos Viños de Leiro, cousa que non aconteceu nesta edición, con tan solo seis bodegas do propio termo municipal.
14/ Contar con Xogos Populares desde a billarda, carreira de sacos, carreira de pipotes, o pano, a pita cega, os zancos ect….
15/ Unhas xornadas de exposicions, charlas, coloquios, seminarios, catas na semana da festa da vendimia todo elo, relacionado con tema da viticultura.
16/ Crear unhs premios para recoñecer a labor dos nos@s veciñ@s que se dedicaron e se dedican o mundo da viticultura e do viñedo no noso concello, así como un recoñecemento os impulsores ou familiares dos veciños da festa da vendimia.
17/ A Festa infantil tanto a celebrada o venres na Praza Rey de Viana, como tamen a do propio domingo día da Festa da Vendimia, pasarían o lugar do Campo da Feira, mesmo o caron do Salgueiral, debido a que ai máis sombra, e @s cativ@s no terian que soportar as altas temperaturas e serían máis levadeiras.
18/ Dotar de carpas plegables as bodegas para a Mostra de Viños e Licores totalmente independientes, e non como esta edición estaban debaixo de unhs inchables e soportando un calor infernal.
19/ Un concurso de ideas para levar acabo un monumento (escultura) a Vendimia de Leiro e a sua ubicación.
20/ Compre xa facer un estudio económico para saber o retorno económico que ten a Festa da Vendimia no noso pobo e que aportará os datos necesarios para fixar as novas iniciativas.
E finalmente a Festa dá Vendima ten que ser a exaltación dos nosos viños e costumes do noso Concello, como tamen dá Comarca do Ribeiro, nunha palabra un referente e non como pretenden os actuais gobernantes, xa que parece mais unha pasarela de políticos do Partido Popular, que unha festa de unión de toda a veciñanza. Por todo elo a política ten que quedar totalmente ou marxen dá nosa festa, a festa e de toda a veciñanza de Leiro, que son os verdadeiros protagonistas e os que teñen que levar a batuta, desde a pluralidade e a integración de todas e cada unha dás ideas, veñan onde veñan.
As representacións comezarán o martes día 6 coas funcións de rúa con 'A Maruxaina do Arenteir' da compañía Barafunda, que realizará tres pases ás 11:00, ás 17:00 e ás 19:30 horas. Nesta mesma xornada inaugural terá lugar a representación do Auditorio Municipal, a cargo da compañía Inversa Teatro con 'O péndulo' ás 20:00 horas.
O mércores 7 volverá actuar Barafunda con mesmos horarios para as representacións ao aire libre co seu espectáculo 'A pomba que te alegra', e no Auditorio a representación 'O deus do pop' de Diego Anido (na foto que ilustra esta información).
O xoves 8 Barafunda volverá ás rúas do Carballiño con 'O titiriteiro e o demo', mentres que o anfiteatro da Praza dd Veracruz acollerá outra función ao aire, a compañía O barandullo azul representará 'Mestre ma non troppo' ás 20:00 horas, e no auditorio á mesma hora representarase 'Rapsofá' da compañía Xerpo.
O venres 9 chega a xornada final do festival con 'Octavio e o premio' polas rúas, e a obra 'Home' da compañía Cou.media-Antón Coucheiro no auditorio, ás 20:00 horas. A clausura do FETEGA 2022 será na Insua dous Poetas ás 22:30 horas con 'Mentres dure a canción'.
Como xa acontece dende fai varios anos, o certamen teatral carballiñés non se presentou no Carballiño, senón en Ourense, na sede da Deputación, onde a deputada de Cultura e Proxectos Audiovisuais, Patricia Torres, presidiu un acto ao que asistiron o director xeral de Cultura da Xunta de Galicia, Anxo Lorenzo; o concelleiro de Cultura do Carballiño, Diego Fernández; o director do certame, Carlos Ledo; o presidente da Fundación Insua dos Poetas, Luis González Tosar; e o representante de Aspadisi, Manuel Amil.
“A cultura é un dos piares fundamentais para este goberno provincial”, declarou Patricia Torres, polo que a Deputación “non dubidou en apoiar esta nova edición que ofrece un cartel de calidade que seguro espertará o interese do público”. A deputada, que subliñou o carácter solidario do festival e, sobre todo, o feito de que se desenvolva todo en galego, engadiu que durante a pandemia e o confinamento “quedou claro que a cultura era a única vía de escape, nas súas diversas modalidades, polo que non podemos ser alleos á colaboración con iniciativas como esta”.
Para Anxo Lorenzo “trinta e tres edicións non son poucas”, máxime ademais mantendo “unha aposta clara pola produción en lingua galega”, palabras ás que se sumou Diego Fernández asegurando que o festival “é un motivo de orgullo para todos nós, pois falar de teatro galego dentro e fóra da nosa comunidade tamén é falar do Carballiño”.
Luis González Tosar, que agradeceu a oportunidade ofrecida á Fundación Insua dos Poetas para colaborar co certame, anunciou que na edición do próximo ano promoverán un premio “destinado a dramaturgos que elaboren proxectos teatrais galegos para interpretar en espazos non convencionais”. O 20 % da recadación do festival irá destinado a Aspadisi, “un xesto que permitirá facer visible un labor de 27 anos”, agradeceu en nome desta asociación, Manuel Amil.
O director de FETEGA, Carlos Ledo, que recoñeceu o decidido apoio da Deputación a este evento, ofreceu os detalles dunha programación que inclúe dez espectáculos teatrais que terán como escenario o auditorio municipal, as rúas da vila, o anfiteatro da praza da Veracruz e a xa citada Insua dos Poetas.
O festival inclúe os premios Dorotea Bárcena ao mellor espectáculo, escollido polo público, e o premio de honra que nesta edición recoñecerá a traxectoria de Eduardo Rodríguez Cunha “Tatán”, polos seus 39 anos de carreira como marionetista e referente do teatro de obxectos en Galicia.
O Parque Etnográfico do Arenteiro segue gañando visitantes e aumentando os seus atractivos. Nos últimos dous meses de verán rexistrou case 3.000 visitantes e conta con novos elementos aportados por particulares, ademais de documentación histórica dos muíños que se foi recompilando. Se durante xullo foron 1.195 as persoas que descubriron o museo, no mes de agosto a cifra ascendeu a 1.642. Aínda que a maior parte dos visitantes proceden do territorio español, destacou o pasado mes o número de turistas americanos (165) e de Europa (173).
O alcalde do Carballiño, Francisco Fumega, e o concelleiro de Obras, Rogelio Otero, visitaron as instalacións nos últimos días. Ademais de escoitar de boca do responsable do museo o balance do verán, revisaron as actuacións realizadas durante estes meses, como a limpeza do entorno dos muíños e máis en concreto do canal de entrada de auga, para que coa recuperación do caudal por parte do río Arenteiro poida poñerse de novo en funcionamento. Tamén se realizou a limpeza integral dos cubos e dos muros e exteriores.
Ademais, planificaron novas actuacións, como a mellora da comunicación entre o centro e os diferentes servizos do seu entorno mediante actuacións de enlousado e empedrado. O rexedor aproveitou a visita para facer un chamamento a veciñanza que non coñeza o espazo, que xa se converteu neste verán un dos principais atractivos turísticos da vila e que conta cun altísimo valor etnográfico.
O Parque Etnográfico do Arenteiro está localizado nun lugar único, no que nun radio de 200 metros, atópase a Fábrica de Papel, a Pena dos Namorados, o parque do Carballiño, a piscifactoría, o cámping, a Residencia do Tempo Libre ou mesmo unha estación meteorolóxica, ademais de dous restaurantes.
A relevancia dos muíños
O Parque Etnográfico do Arenteiro nace do desexo de recuperación dun espazo situado ao pé do río Arenteiro no que toman especial relevancia os muíños. Nesta área pódese observar como era a industria rural da agricultura galega e o funcionamento dun muíño. Ademais, pódese ver a Casa do Muiñeiro, unha fidedigna reconstrución da vivenda típica do muiñeiro dos anos 40 do pasado século. O espazo tamén acolle unha sala de audiovisuais onde se proxectan as diferentes unidades temáticas vencelladas co universo do muiñeiro.
Cómpre destacar que nas instalacións ofrécese unha visita guiada, dunha media hora, e que se divide en seis partes:
-Casa do Muiñeiro: Recreación da casa cos espazos habitacionais, explicacións dos obxectos expostos, paneis demográficos dos derradeiros cen anos da comarca do Carballiño e a súa relación coa historia dos muíños e aspectos burocráticos da época.
-Establos da Casa: explicación histórica da evolución dos muíños, a propiedade dos mesmos e as razóns da súa desaparición; exposición dos aperos e materiais de traballo doméstico así como o papel dos animais a traveso das distintas épocas.
-Panorámica dos Canais e explicación das captación e levada da auga, sistemas de exclusas e enxeñería hidráulica dos cubos e exclusas.
-Muiño Grande de 3 moas: Recreación das moendas e explicación sociolóxica das mesmas; gráficas dos antigos sistemas de medicións dos volumes e superficies, visión dos diferentes elementos de enxeñería hidráulica e da moenda, resumo do estado e número de muíños na cunca do río Arenteiro.
-Muiño Pequeno de 2 moas: gráficas de tódolos aspectos xeolóxicos e morfolóxicos da cunca do río Arenteiro e comarca do Carballiño; visor da maqueta do río o seu paso pola vila.
-Panorámica do río: explicación das diferentes paisaxes da cunca dende o seu nacemento ata a súa desembocadura cos tramos de montaña, bocarribeira e ribeira.
O horario das visitas guiadas é de 11 a 14.00 horas e de 19.00 a 22.00 horas.
Vamos a ver, quizas el que escriba sea mas de aldea que el musgo, tuvo que venir a o carballiño a montar un negocio, por que si no en su aldea, se moria de hambre, y se siente orgulloso del pueblo donde desarrolla su actividad economica y no le hace ninguna gracia ver como muere dia a dia..
En cuanto a esos terminos que tan despectivos le parecen, debo decirle que, la ironia existe, y hay que saber leer entre lineas.
Ni falta hace decir que la mayoria de orquestas estan enfocadas a personas de edad avanzada, por su estilo y repertorio, tampoco hace falta decir que nadie desprecia a nadie ni nada y que se puede opinar sobre un programa de fiestas. Aun sabiendo que no fue mi intencion ofender a nadie pedire disculpas a aquellos que se han sentido asi.
Ningun tinte politico, a veces los ojos de la gente se ciegan tanto en querer ver colores que los acaban viendo, aunque no existan .
Yo seguire diciendo que hay grupos, conciertos, actividades novedosas, tambien para gente joven que podrian hacerse .
Y en blanco o en negro seguire diciendo que estas fiestas no estan a la altura de una poblacion , que fue referente en la provincia, y que deberia seguir siendolo.
Y a respirar profundo y a bailar, que, pasodobles no faltaran ..
Saludos
En primeiro lugar dicir que son veciño dun pobo do Carballiño no que non chegamos os 100 habitantes e seguimos baixando ano tras ano.
En segundo lugar quero mostrar a miña total repulsa polo comentario-crítica sobre as festas do San Cibrao e que está totalmente fora de lugar. Sobre todo cando fai referencia a chamada xente de aldea, os emigrantes e xa no digo nada por empregar o termo xeriátrico. Paréceme un total falta de respeto e de coñecementos. Calquera sabe que a nivel poboacional o Carballiño é o que é hoxe grazas o fluxo poboacional que se produxo dende as aldeas da contorna. Nin dicir cabe o que supuxo a emigración para O Carballiño e a comarca. Empregar o termo xeriátrico é totalmente desafortunado, ogallá houbera máis en sinal de que temos máis xente maior a que coidar como merecen, ogallá houbera máis avós e avoas....
En relación a esas festas que chama de aldea, moitas delas están mellor organizadas cas dalgunha vila ou cidade grande. Entendo que se refire a Panorama cando fala de orquesta moi vista, será porque antes xa estivo na "aldea" das Neves de Grixoa (alí traballan todo o ano para ter as festas) ou no Carballiño pola celebración do Cacho Pizza (Emigrante retornado). Eu comprendo que o mellor na contorna xa a vimos suficientemente este verán e tendo en conta que tamén estivo o Combo, debería tocarlle a París de Noia.
Fala do Carballiño fachendeando dos 14.000 habitantes que somos, como si estivéramos por riba dos demáis. Tendo en conta esa cantidade e supoñendo 4 membros por familia (que xa é moito supoñer) saen 3.500 familias. Se todas esas familias dirán os mesmos 50 euriños que da iste de aldea terían un presuposto de 175.000 euros o que habería que engandir a publicidade do libro e cuotas das atraccións.
Non se poden pedir mellores festas se non hai presuposto, Fala de que hai que cambiar os maiordomos, dúbido moito que exista esa figura como tal nas festas do Carballiño. O que habrá será unha comisión de festas na que forma parte importante o Concello que organiza a programación das festas cun presuposto axustado e calquera pequena variación e asumida polo ente municipal.
A mensaxe anterior tamén ten un claro tinte político, nótase que falta pouco para as eleccións.
Poderá pensar alguén que as miñas ideas van máis cas do partido que nos está a gobernar que cos da oposición. A verdade é que non me gusta nada a política, son dos que fai cambiar un goberno como meu voto, eu voto polos feitos e non polas ideas. Polo tanto son dos que pensa que un alcalde que perde as eleccións ten máis culpa él e o seu partido que gobernou durante 4 anos que os meritos que podían ter os partidos da oposición.
Somentes dous apuntamentos máis:
Este verán tiven o privilexio de ir de invitado por uns amigos a festa das Carrilanas de Esteiro en Muros (recomendollo a calquera ir polo menos unha vez na vida). Dicir que Esteiro é unha parroquia de 1.900 habitantes dentro do Concello de Muros que non chega os 8.500 habitantes. Pois unha organización sen ánimo de lucro é capaz de organizar unhas festas o redor deste evento cun presuposto de 270.000 euros (alí tamén traballan todo o ano para organizar e recaudar e non agardan a que pase a Festa do Pulpo para facer o libro e ir pedir).
Realmente non penso que este Copenauta crítico sexa de cidade ou non teña ou tivera familia na aldea, pero esqueceuse completamente dela, senón non empregaría o termo aldea con esas connotacións.
Aquí un de aldea, no peor da pandemia e do confinamento, andábache como "Dios" pola finca que teño o redor da casa ca miña familia e o can, coidando o viñedo e a horta.
Un respeto os de aldea, os emigrantes e os sobre todo os nosos maiores.
Un Carballines de aldea a moita honra.
Os concellos de O Irixo e San Amaro organizan nos dous próximos fines de semana de setembro, co apoio da Deputación, a primeira edición do seu Festival Céltico, que contará cos concertos de referentes da música galega como Treixadura ou Milladoiro. “Unha iniciativa froito da cooperación entre ambos municipios”, sinalou esta mañá o presidente do goberno provincial, Manuel Baltar, na presentación do evento na sala de prensa do Pazo Provincial, na que estivo acompañado polos alcaldes de O Irixo, Manuel Cerdeira, e de San Amaro, Fernando Redondo.
Manuel Baltar destacou na súa intervención a celebración dun “evento cultural e musical que vai máis alá, reivindicando as nosas raíces comúns cun proxecto que xunta o mellor que pode ter un pobo, a defensa da nosa cultura e a defensa da nosa lingua e a nosa música”.
O presidente da Deputación amosouse convencido de que esta iniciativa “consolidarase no tempo, froito tamén do que representan os dous territorios que se xunguen para este proxecto, e apoiados no excelente traballo destes dous alcaldes”, que a continuación remarcaron a importancia dun festival concibido como dinamizador e potenciador do rural, cunha programación que “mestura cultura, patrimonio e tamén o uso da lingua galega”.
O alcalde de San Amaro agradeceu “o apoio da Deputación e do seu presidente, Manuel Baltar” para un festival co que “poñemos en valor o máis atractivo que ten un pobo: a súa cultura e as súas raíces”. Fernando Redondo lembrou que o “maior atractivo turístico de San Amaro é o castro de San Cibrán de Las, o de maior superficie escavada na provincia de Ourense. Este ano cúmprense 100 anos das primeiras escavacións, e con este festival queremos poñer en valor o patrimonio arqueolóxico de ambos concellos”.
Pola súa banda, Manuel Cedeira destacou que “o que se demostra coa organización deste festival é que se queremos chegar lonxe no camiño, as administracións públicas temos que ir da man, coa colaboración neste caso entre os concellos do Irixo e San Amaro e o apoio de Manuel Baltar, ao que agradezo a súa estupenda disposición”.
Programación do Festival Céltico O Irixo - San Amaro
A primeira edición do Festival Céltico O Irixo - San Amaro arranca este fin de semana en San Amaro. O venres 2, Leirabuxo actuarán no Campo da Feira (22,00 horas); o sábado 3, Treixadura estarán no Castro de San Cibrán de Las (22,00 horas); e o domingo 4, Uxía Lambona e a banda molona actuarán no Campo da Festa de Cruceiro (19,00 horas).
O seguinte fin de semana, o festival trasladarase ao Irixo. O venres 9, Leirabuxo ofrecerá un concerto no parque do río (22,00 horas), espazo que ao día seguinte acollerá á Milladoiro (22,00 horas). Como peche do Festival Céltico, Uxía Lambona e a Banda Molona estarán no parque do río (19,00 horas).
Creo que, o es una broma, o esta emisora al poner la Programacion de fiestas de O Carballiño, se equivoco y puso la de una pequeña aldea, donde cuatro vecinos y seis emigrantes, traen una orquesta cada dia, otra que aburre ya de tantas veces ha sido vista, y el resto de las fiestas lo rellenan con carreras de sacos, fuegos de colores, y una procesion . De teatro en este concello vamos sobrados, actores no sobran , algunos disimulan hasta bien pidiendo apoyo a un programa para volver a tener las fiestas de siempre ....y tan ancho se queda. Puro teatro.
Fiestas derrotistas, pobre tristes , geriatricas, y de aldea , con la salvedad de que esto es un concello de 14.000 hab. Que debe progresar.
Igual son horas de que otros mayordomos cojan el ramo o de que , como en algunos sitios, como desaprobacion o reproche un buen abucheo o al rio de cabeza.
Y la oposicion donde esta? ...en el fondo del rio, materile rile rile , en el fondo del rio .....
Do día 5 ó 9 de setembro
33ª edición do Festival do Teatro Galego “Celso Parada” do Carballiño
Días 9, 10 e 11 de setembro
XXVI Feira Pepa a Loba en Flores
Mercado tracional, arte e artesanía
Edición adicada ás menciñeiras e curandeiras
Día 10 de setembro
Evento automovilístico “Automotive no limits crew”
Mércores día 14 de setembro
De 20h a 21:30 Gran actuación da Orquesta Solara na Praza Maior
De 23 a 00:30 Segundo pase da Orquesta Solara.
Xoves día 15 de setembro
10h- Alborada bombas de palenque
18h- Gran Festa Infantil na Praza Maior
Olimpiadas musicais con DJ.Tibu
Obradoiro de maquillaxe con Tempo Libre Máxico
20:30- Charanga Europa
De 23h ata as 03:00h-Gran Actuación Orquesta Panorama na Veracruz
Venres día 16 de setembro
10h-Alborada bombas de palenque
11h-Música Galega na feira
18h-Xogos Populares na Praza Maior. Aspadisi.
De 20:30 a 22h Gran Actuación Orquesta Oca na Praza Maior
00:00 Gran tirada de fogo fixo e voador.
00:20 Gran concerto de “Broken Peach” na rúa Calvo Sotelo
De 02:00 a 03:30 Segundo pase da Orquesta Oca
Sábado día 17 de setembro
10h- Alborada bombas de palenque
11:00- Misa solemne na honra de San Cibrao
Acompañada da Banda de música de Vilatuxe
11:00-Charanga Dr. Anchoa
13h- Concerto da Banda de Música de Vilatuxe na Praza da Veracruz
17:30h- Partido de terceira División Nacional
Carballiño F.S./ 5 Coruña. Paco Chao
19h- charanga Dr.Anchoa
De 21 a 22h Gran actuación da Orquesta Saudade
22h- Charanga Louband
De 00:30 a 02:30 segundo pase da Orquesta Saudade.
Domingo 18 de setembro
10h- Alborada bombas de palenque
11h-Roteiro Cultural: As orixes do Carballiño. Centro de Estudos Chamoso Lamas
Saída dende o Asilo, sen inscrición.
11h- Charanga Castro Bello
11:30-Percorrido polas rúas do Carballiño da Banda de Música de Boborás.
13:30h- Concerto da Banda de música de Boborás na praza Juan Corral Pajariño
16h- Torneo de Xadrez Activo Concello do Carballiño. Circuito Galicia Central de Xadrez 2022.
Organiza Club Xadrez As Burgas no Casino do Carballiño
17h- Fúbol: Campionato 1ª Galicia
Sporting Carballiño-Atl. Vilariño ( Campo da Uceira)
19h- Charanga CLK
19h- Concerto “Amigos do acordeón de Terras de Celanova” na Praza Maior.
20h- Teatro Mafaldas ca obra “As Marías de Santiago”.
Auditorio Municipal Manuel María, entrada de balde.
De 20h a 21:30 Gran Actuación Orquesta Pontevedra
20h-Charanga Castro Bello
De 23 a 00:30h Segundo pase Orquesta Pontevedra
Luns 19 de setembro
Gran Romaría da Saleta
“Na honra á Virxe da Saleta”
Día do Neno nas atraccións
Martes 20 de setembro
Día do Neno nas atraccións
Exposicións fotográficas do Colectivo Fotográfico Potiños durante o mes de setembro
Concello: Inspiración.
Casino: Contraluces
Bar Peñasco: Rúas de noite
Bar Plaza: Primavera
Asador Veracruz: Poti Expo21
Galería Alameda: Entroido
Hotel Arenteiro: Contraluces2
Galería da rúa principal: Pon unha foto na rúa
Os hoteis do Carballiño colgaron o cartel de completo durante todo o mes de agosto. A ocupación acadou o 100% durante practicamente todo o mes datas clave como a Festa do Pulpo ou a celebración do Rally Pazo Tizón incluso foi preciso derivar aos visitantes a outros establecementos hoteleiros da contorna, tanto da comarca como a propia cidade de Ourense.
Estes datos dan alento a un sector que aínda prevé boas cifras de ocupación de cara a mes de setembro, cando se celebrarán as festas en honor ao patrón da vila. As cifras xa foran boas ao comezo do verán, xa que a pesar da vaga de calor a ocupación hoteleira superou o 80 % de media entre os meses de xuño e xullo.
No relativo ao número de persoas que se achegaron a Oficina de Turismo durante o mes de agosto, superábanse as 800 a día de onte, destacando os visitantes doutros países. O turismo internacional triplicouse en dous anos e o nacional duplicouse. En canto a este último, o 25 % das persoas que se achegaron á Oficina de Turismo foron galegos, o 14% cataláns e o 13 % madrileños. A Veracruz foi o gran reclamo, ademais da programación da Festa do Pulpo.
No cámping Arenteiro foron preto de 250 os visitantes rexistrados no mes de agosto, unha cifra moi superior á rexistrada en xullo. En canto a procedencia do turismo internacional, foron 54 de Francia, 12 de Portugal, 10 de Alemaña, 8 de Holanda, 4 de Italia, 2 de Arxentina e 1 de Inglaterra. En canto ao turismo nacional, chegaron ao cámping 34 persoas de Galicia, 26 de Asturias, 23 de Madrid, 16 de Cataluña, 13 de Castela León, 12 do País Vasco, 11 de Valencia, 8 de Cantabria e outros tantos de Andalucía e 5 de Castela- A Mancha.
O retorno de emigrantes faise patente nas cifras de turismo do Carballiño, convertendo a vila nun dos destinos preferentes para pasar os meses de verán na provincia de Ourense.
Desde o goberno local, tanto o alcalde, Francisco Fumega, como o concelleiro de Turismo, Manolo Dacal, consideran que estas cifras avalan que este foi un dos mellores veráns para O Carballiño, especialmente para sectores como hoteleiro, hostaleiro e o comercio.
“O turismo é unha fonte de riqueza moi importante para esta vila, pero o potencial é aínda maior. Así que temos que seguir apostando por el, especialmente tras a declaración da Festa do Pulpo como de Interese Turístico Internacional, pero tamén por ampliar capacidades e mellorar os servicios que prestamos”, explica o alcalde, Francisco Fumega. “A xente ven cada vez máis ao Carballiño e vaise contenta, tanto pola ampla programación de actividades coa que se atopan como polo ambiente que hai na vila durante todo o verán, pero iso debe facernos máis ambiciosos para seguir traballando por un Carballiño máis turístico, de máis calidade e máis sostible”, engadiu. O rexedor tamén subliñou que o concello foi un exemplo de convivencia entre habitantes e visitantes pese ao importante incremento destes últimos.
Páxinas
- « primeira
- ‹ anterior
- …
- 180
- 181
- 182
- 183
- 184
- 185
- 186
- 187
- 188
- …
- seguinte ›
- última »
