Os dias 2, 5 e 6 de setembro chega a Cea "Coidados Porta a Porta". Trátase dunha iniciativa da Xunta de Galicia que achega un autocar aos diferentes concellos de Galicia, coa finalidade de proporcionar á veciñanza servizos asistenciais para a prevención da dependencia.
Poden pedir cita para este servizo todas as persoas maiores de 55 anos, sendo preciso solicitar cita previa nos números de teléfono 622 748 283 ou 623 546 992. Os mesmos números e o enderezo electrónico coidadosportaaporta@xunta.gal tamén están a disposición para ampliar información.
Os servizos que se ofertan son os de podoloxía, audioloxía e estimulación da memoria.
ESTIMULACIÓN DA MEMORIA: Estimulación COGNITIVA - Estimulación FUNCIONAL - Prevención da DEPENDENCIA mediante hábitos de vida saúdables - Promoción do ENVELLECEMENTO ACTIVO
PODOLOXIA : Consulta BÁSICA de podoloxía - Corte e limpeza de UNLLAS - Eliminación de DUREZAS, CALOSIDADES e HELOMAS - Valoración do ESTADO XERAL DO PÉ
AUDIOLOXÍA : CONSULTA BÁSICA de audioloxía - EXPLORACIÓN funcional da audición - PREVENCIÓN da perda auditiva
Os socialistas como representantes dos vecin@s do Concello e en defensa do público e a Imaxe Fiel da situación económica, financeira e patrimonial do mesmo acaban de presentar no rexistro municipal cinco alegacións á conta xeral do ano 2021.
LEIRO 26/08/2022:
Así pois ante a falta de documentación e información necesaria e suficiente facilitada á Intervención, cústanos crer que a Intervención poida validar como fiscalizada a xestión económica, financeira e patrimonial do equipo de goberno recollida nas Contas Anuais do exercicio do 2021, polo que tampouco poderá validar que a dita conta recolle a Imaxe Fiel da situación económica, financeira e patrimonial do Concello.
PRIMEIRA. O Principio de Transparencia e Bo Goberno ha de garantir a participación cidadá na actuación do Concello de conformidade co previsto na Lei de Trasparencia.
Hase de proporcionar e difundir dunha forma veraz, obxectiva e actualizada a información que obra na súa poder e que potencie a transparencia permitindo así o control para a súa xestión e sexa de utilidade para a cidadanía, para iso o Estado de Contas Anuais do Concello ha de reflectir a Imaxe Fiel económica, financeira e patrimonial do mesmo.
Doutra banda as obrigacións de Transparencia e Acceso á información, establecen para o cumprimento das obrigacións de transparencia e acceso á información unha serie de obrigacións por exemplo, o adoptar as medidas de xestión da información que faga facilmente accesible a súa localización, a súa divulgación, así como a súa accesibilidade, interoperabilidad e calidade, entre outras.
Por tanto existe normativa suficiente, como se puxo de manifesto, para manifestar que o formato no que se presenta o Estado de Contas Anuais do Concello, formada pola Intervención do mesmo, non é suficiente base para reflectir minimamente a Imaxe Fiel do estado da xestión do Concello basicamente pola falta de transparencia na dispoñibilidade da información e documentación que dificulta á oposición a labor fiscalizador e de control da xestión do equipo de goberno.
O equipo de goberno do PP está obrigado a facilitar a información de forma máis accesible e operativa, o que abundaría no dereito á información dos edís da oposición.
SEGUNDA. A externalizarían ou xestión indirecta, das de competencias municipais, vía privatización ou delegación, baleirou de contido a xestión do Concello, que non a responsabilidade do seu equipo de goberno, coa conseguinte perda de control e fiscalización da xestión dos recursos públicos e recursos privados achegados polos veciños por prestación de servizos ( Taxas auga e lixo), á vez que se bloquea a competencia fiscalizadora da Intervención no relativo á xestión dos recursos económicos destinados ao financiamento dos servizos externalizados ou xestionados de forma indirecta..
TERCEIRO. As Contas Anuais elaboradas pola Mancomunidade do Ribeiro son aprobadas en pleno municipal pola maioría absoluta que o PP ten no cinco Concello que compoñen dita mancomunidade, sen requirir, no noso caso, para iso o informe pertinente da Intervención, impedindo dese modo a fiscalización dos recursos públicos que financian os servizos sociais, a recollida de lixos, recadación, obradoiros e actividades culturais entre outros.
Hai que destacar que máis do cincuenta por cen do orzamento da Mancomunidade está financiado por subvencións e achegas da Xunta de Galicia, o vinte por cen polos Concellos e o quince por cen polos veciños.
Por outra banda as Contas Anuais da Mancomunidade do Ribeiro, foron contempladas no plan de fiscalización do Concello de Contas de Galicia para 2022, por ter en conta os indicios, irregularidades e anomalías que a oposición do cinco Concellos viña denunciando desde o 2016.
CUARTO. No servizo municipal da auga privatizado desde o 2005, tanto a documentación como os resultados da súa xestión, por parte da empresa Concesionaria, vén sendo imposible acceder á mesma para a oposición, sendo avalados persoalmente polo señor Alcalde e non temos constancia de que sexan controlados e fiscalizados pola Intervención, cando este servizo é financiado integramente polos veciños mediante o pago de taxas.
QUINTO. Na orde HAP/1781/2013, do 20 de setembro, pola que se aproba a instrución do modelo normal de contabilidade local coa configúrase a Conta Xeral, no apartado VIN. MEMORIA e no punto 2. Xestión indirecta de servizos públicos, convenios e outras formas de colaboración.
Leiro acolle dende este sábado 27 de agosto, o programa de actos da XXXI edición da Festa da Vendima de Leiro arranca co Concerto de Corais da Vendima (20,00 horas) e a apertura da 3º Mostra de Viños de Leiro, que estará amenizada cunha actuación musical.
O domingo 28, a xornada comezará ás 10,00 horas coa recepción dos acios a concurso e a súa posterior exposición. As 12,00 horas, o conselleiro de Educación e Cultura, Román Rodríguez, lerá o pregón desta edición da festa na praza do Cruceiro. Despois, quenda para o desfile de carrozas e charangas dende a rúa Gabino Bugallal ata o Campo da Feira e a IV edición da Concentración de Coches Clásicos. As 14,30 horas do domingo celebrarase o xantar popular e despois, dende as 16,30 horas, entrega de premios ós gañadores dos concursos de Acios e Carrozas e actividades infantís e festivas -incluíndo un espectáculo de maxia e unha festa da escuma- no Salgueiral, que acollerá durante todo o día o XVII Mercado Artesanal. As 17,45 horas, o CF Leiro disputa o seu partido de presentación da tempada e La Ocaband pechará a xornada festiva co seu musical "Camiñantes e cantantes", a partir das 21,00 horas. Festas de
San Vitorio en Maside
A vila de Maside celebra as festas de San Vitorio cun variado programa de actividades que comeza o venres 26 cunha tarde-noite de música e troula que amenizarán "A Banda da Balbina" e a charanga Castro Bello.
O sábado 27 pola mañá haberá pasarrúas da Banda de Müsica de Boborás, que ao mediodia acompañará a procesión e misa solemne, e despóis ofrecerá un concerto na Praza Maior. Pola tarde, ás 18:00 horas, inauguración da Feira de Artesanía Infantil na Alameda, e as 18:30 horas futbol amigable no Outeiro Grande entre o Maside F.C e Arenteiro Promesas. Na verbena do sábado alternarán o grupo Atenas e a orquestra Charlestón Big-Band.
O domingo 28 ábrese a programación festiva cos pasarrúas a cargo da Banda de Música de Ramirás, que tamén este dia acompañará a misa solemne e ofrecerá un concerto na Praza Maior ás 13:30 horas. A verbena contará coas actuacións das orquestras Alkar e Gran Parada. E a despedida a este San Vitorio 2022 quedará para o lúns dia 29 coa celebración da tradicional Romaría das familias de Maside no parque da Rañoa.
Festa Venezolana do Carballiño
"Venezuela, de festa en Carballiño" é o lema da celebración, que comezará o sábado ás 12.00 horas na Praza Maior con música, venta de comida, inchables e entretemento para todos os públicos. Está previsto que ás 12.30 horas comece unha sesión de bailoterapia. Despois da comida, ás 17.00 horas, haberá un concurso de talentos para os máis pequenos da casa. Prevese que ás 19.00 horas actúe a cantante venezolana Selene e, ás 20.30 horas, Anselmo Music Band ofrecerá un concerto.
O domingo repetirase a mesa programación, se ben a partir das 19.00 horas haberá Pilates Mat e, seguidamente, DJ Tibu, tamén na Praza Maior do Carballiño.
O Tribunal Administrativo da Contratación Públlica de Galicia (TACGAL) vén de comunicar a anulación da adxudicación do contrato para o mantemento de zonas verdes do casco urbán do Carballiño feita a finais de xullo polo Concello a unha empresa nunha licitación valorada por riba dos 230.000 euros "despois de detectar importantes irregularidades nos diferentes pasos do procedemento", asegura o grupo municipal de Espazo Común.
Engaden que "ante esta situación, de extrema gravidade, Espazo Común demandará con absoluta urxencia acceso a toda a documentación do expediente. Agardamos dilixencia no cumprimento da lei e que se nos facilite á maior brevidade posible xa que estamos ante un caso máis de neglixencia e ocultación por parte do goberno de Fumega".
Asemade, consideran que "as explicacións do rexedor á cidadanía deberían ser inmediatas e, para variar, claras e avaladas con documentos".
Espazo Común afirma que 2"ste feito ten consecuencias graves inmediatas para a cidadanía como a paralización, nunha das épocas máis importantes do ano, do mantemento de zonas verdes ao non ter empresa contratada nin brigada de persoal municipal que foi desmantelada polas políticas privatizadoras deste goberno".
Finalmente, dende este grupo da oposición municipal pregúntanse “qué ten que ocultar o alcalde e o goberno do Carballiño para que un tribunal anule unha contratación pública?” e avanzan que "dende Espazo Común incidimos no noso compromiso de investigar tódalas adxudicacións feitas por Fumega e o seu equipo, particularmente a do servizo de limpeza viaria sobre a que recibimos xa varias denuncias por presuntas irregularidades".
O Concello do Carballiño acometeu a limpeza e restauración do Cruceiro Eira de Flores, que foi obxecto de actos vandálicos. Emprazado no corazón da vila, este elemento patrimonial sufriu pintadas que afeaban a súa imaxe, polo que se levou a cabo esta actuación que pretende devolver a beleza a este ben patrimonial.
Máis en concreto, os vándalos realizaron pintadas que foron borradas despois de que Patrimonio autorizase unha solicitude. O procedemento para levar a cabo a restauración iniciouse cando o Concello do Carballiño elaborou un informe e se contratou a unha restauradora que eliminou os graffitis. O alcalde, Francisco Fumega, encargou á concelleira de Servizos Públicos, Rosa Fuentes, este proxecto para a recuperación do elemento patrimonial.
Fuentes lamentou este tipo de accións contra o patrimonio: “Condenamos estes actos vandálicos que atacaron a unha figura emprazada nunha das zonas con máis historia da vila”. Non é a primeira vez que o cruceiro Eira de Flores é obxecto do vandalismo. Hai uns anos os veciños e veciñas da zona detectaron a desaparición dunha das figuras que forman parte deste elemento patrimonial que data do ano 1900. Os actos vandálicos foron sucedéndose no tempo, xa que a zona é frecuentada polo ocio nocturno.
A Axencia Galega de Desenvolvemento Rural, dependente da Consellería do Medio Rural, vén de resolver a declaración de nova aldea modelo, no marco da Lei de recuperación da terra agraria de Galicia. Trátase de Cortegazas, no concello de Avión, que abrangue 15,11 ha, repartidas en 727 parcelas de 99 propietarios.
A nova aldea modelo de Cortegazas decláranse en colaboración co concello de Avión, encóntrase situada nunha zona de alto risco de incendios (ZAR) e adherido ao sistema público de xestión da biomasa nas faixas secundarias.
Cabe lembrar que o obxectivo principal desta figura -a aldea modelo- recollida na Lei de recuperación é devolver á produción terras con boa aptitude agronómica que se atopen en estado de abandono ou infrautilización, impulsando deste xeito nova actividade económica agroforestal que non só fixe poboación e xere riqueza na contorna, senón que -ao tempo- reduza o risco de incendios forestais e mellore a calidade de vida dos veciños dos núcleos que se busca poñer en valor.
Son veciño do chamado rural carballines, e teño que dicir que non se están a facer as cousas nada ben no referente as franxas de protección e a limpeza e mantemendo das parcelas afectadas. Calquera que queira cumprir as normas sabe que ten que ter limpas as fincas a 31 de maio. Este ano nin viñeron poñer o cartel informativo o pobo. Se queres que a cidadania cumpra as normas hai que dar exemplo. Non pode ser que a 22 de agosto se estea limpando por primeira vez neste ano viais e zonas públicas que tiñan que estar limpas a 31 de maio. Non hai escusa que valga, se hai que cumprir esa data haberá que empezar antes a limpar e ter persoal pra elo. Que máis ten que pasar aquí, na comarca ou en Galicia para que nos poñamos en serio con este tema. Ese famoso plan anticiendios, cas parcelas e donos identificados que teñen que estar limpas cando se vai aprobar e facer cumprir en serio. É ben sinxelo, comuniquen a tódolos implicados dunha soa vez que esas fincas a 31 de maio de cada ano teñen que estar limpas, senón multa o canto sen apercibimento con data do 1 de xuño. Unha vez feito o listado de parcelas e ben sinxelo facer un seguemento e mandar o municipais ou quen corresponda ver en que estado están. Se eu teño o coche correctamente aparcado en vial público pero sen itv e seguro o día, xa verás como se unha patrulla se para a comprobar e ver a matrícula na central, xa verás como me chega unha sanción por cada unha das duas infraccións cometidas. Como veciño non vou deixar de votar a unha opción política ou outra porque dende o concello me puxeron unha sanción por incumprir a lei. Xa non digo nada da inexistencia de tomas de auga ou hidrantes nos pobos de mal acceso para os bombeiros. o outro día en Longoseiros os camións tiveron que marchar do punto de actuación por mor de non poder cargar auga no sitio, iso implica desconectar as mangueiras e deixar avanzar o lume mentras no volve cargado. Hai moitos pobos nos que nin sequera entra un camión de bombeiros, e teñen que estirar as mangueiras dende o punto de acceso do camión (pasou inda non hai moito nun incendio en Porto de Eguas). Quen di Longoseiros, di Sagra, Banga, Cabanelas, o Barón..., todos núcleos rodeados de extensa arboreda. Por favor fagan ben as cousas dunha vez e tomen en serio este problema antes de que teñamos que lamentar perdas irrecuperables coma ocorre noutros lugares.
Pidoó por favor!!
O PSdeG-PSOE denuncia que o Concello de Punxín será o único da provincia de Ourense que, no ano 2022, non recibirá fondo algún do Ministerio de Igualdade para o desenvolvemento das actividades e accións incluídas no Pacto de Estado contra a Violencia de Xénero –subscrito por todos os grupos políticos a excepción de Vox– xa que, no 2021, non empregou nin un só euro do importe concedido para ese exercicio.
As e os socialistas de Punxín recordan que estes fondos están destinados aos ámbitos de sensibilización e prevención, así como axuda e protección das vítimas de violencia de xénero, actividades de vital importancia que deben desenvolver as entidades locais. Concretamente, deben servir para “mellorar a resposta ás mulleres vítimas e ás súas fillas e fillos menores a través da atención, información, asesoramento, asistencia social integral, aloxamento e recuperación”. Segundo salienta a voceira, Lorena Peleteiro, “parece que o goberno local vive completamente alleo a esta lacra que afecta a toda a sociedade e, por suposto, tamén á veciñanza de Punxín”, unha actitude “vergoñenta”.
Desde o PSdeG-PSOE deste municipio denuncian que executivo local –formado polo PP e un concelleiro non adscrito– “deixou escapar 1.647,52 euros que perfectamente se puideron ter investido no noso municipio” sobre todo cando, insisten, “estamos a falar dun tema tan relevante como é a sensibilización, formación e prevención ante a violencia de xénero”. “A violencia contra as mulleres, ademais de ser unha vulneración dos seus dereitos fundamentais, tamén é a expresión máis cruel da discriminación e das situacións de desigualdade”, advirten desde o PSOE polo que “aínda se entende menos que o PP e o edil non adscrito amosen un desprezo e unha insensibilidade tan grande contra esta discriminación”.
“Así amosa o grupo de goberno de Punxín o seu compromiso coas mulleres e os seus fillos e fillas menores e contra a violencia de xénero, convertendo ao noso municipio nun referente dentro da provincia, pero nun referente absolutamente negativo unha vez máis”, asevera Peleteiro antes de concluír recordando que “cada vez temos máis claro que a nosa veciñanza merece un equipo de goberno moito mellor, con capacidade dabondo para xestionar os recursos de todas e todos da forma máis eficiente”.
O Pacto de Estado contra a Violencia de Xénero, ademais de medidas xerais para todas as administracións públicas, inclúe accións específicas para as entidades locais. Para promover a súa realización a este nivel administrativo, contempla un compromiso económico consistente en que os orzamentos xerais do Estado destinen, vía transferencias aos concellos, un fondo anual de vinte millóns de euros, co fin de garantir a efectividade do conxunto de medidas a todos os niveis.
Entendo que a evidente suciedade do pobo pode inclinar a críticas e a botarlle as culpas a uns ou outros políticos, xerándose conflitos e debates que non levan a ningún lado. Eu quero invitar a unha reflexión: O pobo está sucio porque a xente non quere ser limpa. Por exemplo, non hai rubor por deixar excrementos de cans nas beirarrúas nin en permitir que as mascotas mexen en calquer sitio, non existe vergoña por tirar basura fóra das papeleiras, que semellan inservibles, pois a xente tira bolsas, latas de refrescos, cabichas... no chan. Outros deixan o lixo fóra dos contedores e a horas a destempo, o que coa calor do verán xera cheiros desagradables... Como se me fai difícil pensar que é por falta de información, por descoñecemento e sen mala fe, porque a estas alturas todos sabemos as mínimas reglas de respecto, educación, limpeza e convivencia, e o analfabetismo está -creo- erradicado, non queda máis remedio que pensar que os habitantes -ás veces tamén os visitantes- son uns porcos. A limpeza tería que empezar por un mesmo.
A Xunta ven de adxudicar por un importe de 150.000 euros o servizo para a obtención da cartografía e para poder redactar o Plan Básico Municipal en seis concellos galegos, entre eles o de San Amaro.
A partir de agora, a empresa adxudicataria disporá de 6 meses a contar dende a sinatura do contrato para obter a base cartográfica do concello de San Amaro, información que se utilizará como o punto de partida para a elaboración do Plan Básico Municipal, que pasará a regular o futura ordenación urbanística neste concello de San Amaro.
Ademáis, outros 3 concellos da comarca, os de Punxín, Beariz e San Cristovo de Cea, están rematando a redacción do borrador do Plan Básico Municipal e o documento ambiental estratéxico para poder iniciar o procedemento de avaliación ambiental, con vista á aprobación e entrada en vigor deste instrumento para a ordenación urbanística nos 3 citados concellos.
Páxinas
- « primeira
- ‹ anterior
- …
- 181
- 182
- 183
- 184
- 185
- 186
- 187
- 188
- 189
- …
- seguinte ›
- última »
