O sector turístico toma alento no Carballiño, proclaman dende o concello carballiñés, ao facer un balance dos meses de xuño e xullo e unha previsión para o próximo agosto, que é por excelencia o gran mes vacacional tamén no Carballiño.

Non obstante, recoñecen dende o concello que "a vaga de calor provocou a cancelación de reservas a última hora, as cifras de ocupación hoteleira recupéranse e superouse o 80 % de media entre os meses de xuño e xullo, se ben chegouse puntualmente ao 90%. A previsión é acadar ao 100% en agosto, mes de vacacións por excelencia e cando a Festa do Pulpo estrea a denominación de interese turístico internacional".

Cífrase en preto de 20.000 o número de persoas que xa participaron nas actividades culturais das últimas semanas, destacando pola gran afluencia de público a Feira Medieval, o Entroido de Verán e o concerto de Heredeiros da Cruz. As propostas culturais incrementaranse nos próximos días, non só ao redor da celebración gastronómica senón ata finais do mes de setembro con diferentes iniciativas.

No relativo ao número de persoas que se achegaron a Oficina de Turismo, a cifra a día 27 de xullo superaba os 200 visitantes e seguirá medrando esta fin de semana, o que xa supón un incremento en relación ao 2021 e o dobre en comparación co 2020. A maioría procedían doutros puntos da comunidade galega e do territorio nacional, se ben tamén destacan os turistas de Francia e México. No cámping Arenteiro foron un total de 60 os turistas españois rexistrados, fronte ao medio cento de estranxeiros chegados de diferentes puntos do mapa como Holanda, Alemania, Reino Unido, Estados Unidos, Francia, Italia, Portugal ou Bélxica.

O retorno de emigrantes faise patente nas cifras de turismo do Carballiño, convertendo a vila nun dos destinos preferentes para pasar os meses de verán na Galicia interior.

As localidades de Ribadavia e Boborás acollerán desde o xoves, día 28, e ata o sábado, día 30, ás 500 mozas e mozos que chegados desde Portugal e diversos puntos de España participan na Peregrinaxe Europea da Xuventude a través do Camiño Miñoto-Ribeiro. Esta iniciativa, xunto coas actividades previstas para recibir aos peregrinos, foi presentada esta mañá no Pazo Provincial coa presenza do vicepresidente segundo da Deputación e responsable da cooperación cos concellos do Ribeiro, César Fernández; o presidente da Asociación de Concellos do Camiño Miñoto-Ribeiro e alcalde de Cortegada, Avelino de Francisco; as alcaldesas de Ribadavia e Boborás, Noelia Rodríguez e Patricia Torres; e o presidente da Asociación de Amigos do Camiño, David González.

O apoio da Deputación de Ourense a esta iniciativa, sinalou César Fernández, “é unha mostra máis da estratexia que desenvolve o goberno provincial, xunto cos concellos implicados, para que esta ruta obteña a oficialidade por parte da Xunta de Galicia, destacando neste sentido que xa conta co recoñecemento da Igrexa, o permite conseguir a Compostela”. En termos semellantes expresouse Avelino de Francisco, afirmando que “este camiño xa é unha realidade”, ao tempo que repasou os pasos dados desde os inicios deste proxecto, en 1999, ata a constitución da asociación de concellos en 2014. Unha entidade que hoxe integran os 16 concellos polos que discorre o camiño, “perfectamente documentado e que esperamos que obteña despois do verán o recoñecemento oficial como Ruta Xacobea”.

Noelia Rodríguez agradeceu a elección de Ribadavia como “punto cero” desta peregrinaxe, “unha oportunidade única para poñer en valor o noso concello”. Patricia Torres, que agradeceu o apoio da Deputación, engadiu que esta ruta “ten unha gran riqueza natural, pero aínda máis importantes son os seus recursos patrimoniais, que fan que este camiño sexa único”. David González explicou que a Peregrinaxe Europea da Xuventude a través do Camiño Miñoto-Ribeiro comezará en Ribadavia, xa que desde este punto poderán percorrer os cen quilómetros que os separan de Santiago de Compostela e que dan dereito a obter a Compostela.

Desde Ribadavia sairán en dúas quendas os días 29 e 30, chegando na mesma xornada a Boborás. Nesta etapa ourensá e para agasallar aos peregrinos, procedentes de Portugal, Cataluña, Baleares, Valencia e Galicia, a asociación de amigos organizou unha serie de actividades. En Ribadavia, mañá xoves, día 28, poderán asistir ás 21.30 horas na praza maior a un festival de danzas tradicionais a cargo do grupo Castro Floxo da Deputación. A continuación, no auditorio do castelo celebrarase unha recepción oficial que incluirá a proxección do documental sobre o camiño Miñoto-Ribeiro, cuxa produción tamén contou co apoio da Deputación. Xa en Boborás, as mozas e mozos que participan nesta peregrinaxe poderán gozar dun espectáculo musical.

Ademais, a asociación de amigos desta ruta decidiu organizar un concurso fotográfico na rede social Instagram, onde baixo o título A foto do camiño distribuirán 1.000 euros en premios ás tres fotografías que reciban máis “me gusta”.

O Carballiño volverá a vivir un verán de película. Será da man das Xornadas de Cine e Vídeo de Galicia, que se celebrarán do 27 ao 31 de xullo e que nesta edición, a número 38, amplíase a programación con máis dunha decena de proxeccións e dúas máster class. Os nenos gozará de gran protagonismo e a eles diríxense os seguintes títulos: “Lunáticos”, “Ainbo: o espírito do Amazonas” e “Valentina”. Ofreceranse en horario de mañá, a partir das 11.00 horas, no Auditorio Manuel María.

O xoves 28 de xullo proxectarase “Lunáticos”, baseada nun dos libros infantís máis populares de Alemania, “Moonbound”. Para o venres 29 agárdase a película “Lunáticos”, “Ainbo: o espírito do Amazonas”, sobre unha nena que vive no máis profundo da selva amazónica, mentres que o sábado 30 ofrecerase “Valentina”, que trata dunha nena que soña con ser trapecista, pero que cree que nunca poderá conseguilo por ter síndrome de Down. Ofrecerá unha lección sobre a integración social.

O público adulto poderá disfrutar do cine en dous escenarios: no Auditorio Manuel María e no entorno da Veracruz. Este é o programa detallado con horario e os diferentes espazos do Carballiño nos que se desenvolverá:

Mércores 27:
“El buen patrón”. 19.00 horas. Auditorio Manuel María.
“Espíritu Sagrado”. 23.00 horas. Entorno da Veracruz.

Xoves 28:
“Tres”. 19.00 horas. Auditorio Manuel María
“¿Qué hicimos mal?”. 23.00 horas. Entorno da Veracruz.

Venres 29
“La Voluntaria”. 19.00 horas. Auditorio Manuel María
“Jacinto”. 23.00 horas. Entorno da Veracruz.

Sábado 30
“Cinco lobitos”. 19.00 horas. Auditorio Manuel María.
“Melancolía”. 23.00 horas. Entorno da Veracruz.

Ademais, ofreceranse dúas master class na Casa da Cultura a mediodía. A primeira delas terá lugar o xoves 28 e será impartida por Chema García. A segunda, programada para o venres 29, será dirixida por Liiana Torres.

O domingo proxectaranse no auditorio as curtas no nominadas do concurso, a partir das 18.30 horas. A entrega de premios será as 22.30 horas no entorno da Veracruz e, seguidamente, haberá os concertos de Abuela te quiero e de Eme DJ.

Xa non é o primeiro verán, aínda que este de o 2022 é especialmente seco e con altas temperaturas, o que obriga a todos os veciños do Carballiño a ter que tomar medidas preventivas #ante a posibilidade, cada vez máis seria, de non poder contar con auga para subministración doméstica, recordan dende o grupo municipal do Partido Popular no concello do Carballiño.

Precisamente, tamén lembran como no ano 2017, tamén por estas datas, este grupo municipal do PP, levou a pleno unha moción que foi aprobada por unanimidade sobre cuestións relacionadas sobre este asunto "e que deberían de ser adoptadas e que só se fixo en parte" refírense a que "sí é certo que se ten publicado bandos advertindo e recomendando o uso responsable da auga. De feito, este ano publicouse con bastante antelación en relación a anos pasados. Pero tamén é certo que non se difunde con total contundencia nos medios de comunicación, nin temos a percepción de que chegue como debería á poboación", subliñan. Tampouco, afirman, está articulado nada que faga pasar legalmente esas recomendacións a obrigacións.

Os populares carballiñeses volver agora con esta moción repetir os mesmos argumentos e peticións que xa presentaron no ano 2017. O primeiro sobre trasladar esta problemática ao Concello de Maside para que tome iguais medidas pois tamén é beneficiario das augas do Río Arenteiro do mesmo xeito que O Carballiño.

E a máis importante e sobre a que o PP vovle incidir “trasladar á Confederación Hidrográfica de Miño-Sil a necesidade de realizar un proxecto de embalsamiento de augas en zonas de captación para garantir o consumo humano e prever posibles restricións para garantir a subministración de uso doméstico”.

Un proxecto que para o Partido Popular resulta imprescindible "para que non teñamos que lamentarnos en calquera momento. A Confederación Hidrográfica ten e debe de estar para estas cuestións, máis que para poñer bonitas as beirarrúas e que dean votos ao alcalde de quenda. Debe pensar máis en preparar infraestruturas adecuadas sobre o propio leito dos ríos que en facer obras, algunhas veces, nin sequera xustificadas ou pilladas polos pelos. De feito o propio río Arenteiro necesita dunha actuación urxente de recuperación e limpeza das presas ao largo do seu curso como tamén dos propios marxen en todo o seu recorrido e non só nos tramos da vila", consideran.

Asemade, os populares afirman que "O Carballiño xunto con Maside, teñen agora unha ferramenta xurídica que é a mancomunidade de augas desde onde se pode e debe de facer forza para solucionar este problema que afecta tanto a Carballiño como a Maside, que é a captación de augas e no seu concepto debe de comprender tamén as obras de melloras que para iso necesítense".

Engaden que "en calquera momento este Concello e entendemos que Maside tamén pola relación que lles une na propia mancomunidade de augas, terán que ter un novo concurso para a rede de auga e que esta infraestrutura debería de estar garantida, e tamén aquí queremos facer un inciso en que sempre será mellor obrigar á nova concesionaria a que axude na execución desta infraestrutura a que se poña a arranxar beirarrúas ou facer fontes no medio do pobo".

O Partido Popular advierte que "desde hai moito tempo que, no lugar da captación de augas de Carballiño, non se adecúa convenientemente, pois na entrada da captación a película de auga algunha vez durante ao ano (como sucede agora) faise escasa, o que revoga que nin sexa succionada auga suficiente e a que entra na captación non sempre está nas mellores condicións. Faise imprescindible dunha vez por todas que, no propio leito do Río Arenteiro, augas arriba da captación, realícese un embalsamiento de auga que se poida fornecer de auga cando a hai mesmo en exceso, para garantir en días como os actuais de subministración de auga, aínda que de igual forma síganse coas recomendacións de uso responsable da auga.
No vindeiro pleno municipal solicitaremos a necesidade de realizar unha obra de embalsamiento de augas en zonas de captación para garantir o consumo humano e prever posibles restricións para garantir a subministración de uso doméstico".

Finalmente, demandarán do pleno do concello que traslade estas propostas tanto a Confederación Hidrográfica, como a recentemente constituída Comisión da auga dos concellos de Maside e O Carballiño

A axenda da fin de semana chega moi musical, con diversas propostas no Carballiño para este venres dia 22 de xullo, no ciclo "Feito no Carballiño" con "SKADELOS" ás 21:30 horas no Pub 7 Flores. Ás 23:00 horas xa na Praza Maior "THE IMPOSSIBLUES" farán de teloneiros do mítico grupo "HEREDEIROS DA CRUS", en concerto a partir das 00:00 horas.

Para o sábado 23 continúa o ciclo musical "Feito no Carballiño" con "SEZZ&CONVIDADOS" ás 20:30 horas na rúa do Paseo, e o domingo 24 ás 20:30 horas na Praz Maior máis música de rúa con "BREOCÁNS".

O domingo 24 ás 20:00 horas dentro da xira 2022 "lugares máxicos" o gaiteiro Carlos Núñez ofrece un concerto no máxico escenario do Mosteiro de Oseira, a entrada ten un prezo de 21 euros.

Ademáis de celebrarse este venres 22 a romaría da Madanela en Lobás, nesta fin de semana temos na comarca outra dúas citas gastronómicas: o domingo 24 o Xantar Popular da parroquia de Anllo-San Amaro, cun menú a base de carne de cabra guisada cunha receta ancestral que se conserva nesta localidade, con bebida e postres e un prezo de 18 euros. Para o lúns 25 queda a "Festa do Chuletón" de Garabás, na que por 22 euros poderá degustarse un chuletón de peso aproximado 700 gramos, con patacas, pementos, pan e bebida. 

Se buscas verbenas, este sábado 23 encontrarála no pobo de Caseiro, no concello de Avión, amenizada pola orquestra Miramar, e domingo e lúns, en Anllo-San Amaro, ou en Amiudal-Avión.

E ata 3 películas para estes dias no Novocine de Leiro e cos seguintes títulos e horarios: "MINIONS" ás 15:00 horas, "Padre no hay máis que uno-3" ás 19:00 horas, e "ELVIS" ás 21:00 horas.

O salón de actos da casa do concello acolleu o acto de presentación do programa e o cartel promocional da festa, deseñado por Ari Quintas para esta edición número 60 e no que faise un guiño ao Xacobeo e intégranse todos os elementos que conforman a preparación do pulpo á feira. O programa de actividades converterá as prazas da vila no escenario de concertos, festivais de corais, danza, cine, monicreques, verbenas, exhibicións folclóricas e exposicións, entre outros actos.

“O Carballiño está a cumprir un soño”. Así o destacou o concelleiro de Turismo, José Manuel Dacal, facendo referencia á declaración de interese turístico internacional que acadou a Festa do Pulpo e que chega na edición número 60 para devolver a ilusión por esta celebración a todo un pobo. Despois de dous anos nos que os festexos tiveron que adaptarse á pandemia, a programación recuperará a súa esencia, destacando como día grande o domingo 14 de agosto e a preparación da tapa máis grande do mundo, prevista para o día 9. Dacal insistiu na importancia da distinción: “Supón un pulo extraordinario e un aliciente para seguir traballando no engrandecemento desta manifestación gastronómica e cultural que rende homenaxe a unha tradición ancestral”.

Na mesma liña manifestouse o alcalde de O Carballiño, Francisco Fumega, agradecendo “o traballo de todo o pobo e o apoio dos patrocinadores, xa que sen eles isto non sería posible”. Tamén quixo brindar todo o protagonismo aos pulpeiros e insistiu nas gañas que teñen os veciños e veciñas de disfrutar uns festexos como os que se recordan.

O recoñecemento da Festa do Pulpo coa declaración de interese turístico internacional chega “nun momento crucial”, tal e como o sinalou Manuel Arias, secretario da Subdelegación do Goberno, que tamén insistiu “no bo traballo do Concello na tramitación do expediente, pois precisa de requisitos que non son doados de alcanzar”. Tamén recordou que onte mesmo se publicou no Boletín Oficial do Estado dito expediente.

Pola súa banda, a directora xeral de Turismo, Nava Castro, felicitou ao Concello e a todo o pobo pola festa e sinalou que o recoñecemento recentemente acadado “é unha gran responsabilidade, pois é un escaparate a nivel internacional”. Castro tamén agradeceu o guiño que se fai no cartel deste ano ao Xacobeo, xa que o pulpo semella a concha de vieira que simboliza o Camiño de Santiago. Neste traballo artístico, realizado por Ari Quintas, intégranse todos os elementos que conforman a preparación do pulpo á feira.

A deputada de Cultura Patricia Torres denominou á do Pulpo como “a festa das festas” e auguroulle “un gran éxito a esta edición”.

A presentación foi un exemplo de colaboración público-privada entre institucións e cos patrocinadores, tal e como subliñou a secretaria xeral de Turismo, Nava Castro. No acto tamén estivo presente o deputado nacional e portavoz da Comisión de Industria, Comercio e Turismo, Adolfo Pérez, e a xerente do Inorde, Emma González.

O cinema de verán volve ao Carballiño a cargo das Xociviga (Xornadas de Cinema e Vídeo de Galicia) que presentan xa a súa programación completa para a súa XXXVIII edición, do 27 de xullo ao 31 de xullo. A programación foi presentada nun acto na casa do concello no que participaron o concelleiro de cultura Diego Fernández, e os responsables de organización Flavia Rodríguez e Daniel Filloy, respectivamente, presidenta e vicepresidente da asociación cultural Xociviga.

Durante as mañás, os máis pequenos teñen cita ás 11:00h no Auditorio do Carballiño no Ciclo de Cinema Infantil cos títulos de Lunáticos (2021), Ainbo (2021) e Valentina (2021). Polas tardes, no mesmo lugar, ás 19:00h atopamos títulos de éxito nacional e novidades como El Buen Patrón (2021), Tres (2021), La Voluntaria (2022) e Cinco Lobitos (2022). Para acabar cada xornada, volve o Cinema ao aire libre na Praza da Veracruz ás 23:00 con Espíritu Sagrado (2021), ¿Qué hicimos mal? (2021), Jacinto (2021) e Malencolía (2021).

O festival amplía o seu apartado formativo con dous masterclass ao cargo de directores de relevancia nacional: o día 28 de Julio ás 12:00 con Chema García (Espíritu Sagrado) e o 29 de Julio ás 12:00 con Liliana Torres (¿Qué hicimos mal?). Ambos falarán sobre o proceso creativo e produción das súas películas. A estas poderase asistir de forma gratuíta na Casa da Cultura ou a través da plataforma de Twitch. Todas as películas serán gratuítas, excepto El Buen Patrón cunha entrada de 1€.

O domingo 31, as Xociviga proxectarán ás 18:30 no auditorio carballiñés as curtametraxes seleccionadas do concurso de curtas, coa posterior entrega de premios ás 22:30 na Praza da Veracruz. Para pechar, sesión de concertos co grupo Abuela te quiero ás 23:30 e a DJ Emedj á 1:00 da madrugada, tamén na praza da igrexa.

Os concellos do Carballiño e Maside veñen de presentar formalmente a solicitude ante a Xunta de Galicia para contar cun novo Programa Integrado de Emprego(PIE)de carácter intermunicipal edestinado a un total de 100 participantes, que deberán encontrarse en situación de desemprego.

Trátase dunha iniciativa que ten como finaliade a mellora da ocupabilidade e a inserción laboral durante un periodo de 12 meses, o proxecto leva consigo o compromiso por parte dos promotores de insertar laboralmente a un mínimo do 45% das persoas atendidas durante o seu desenvolvemento.

O programa promovido polos concellos do Carballiño e Maside terá un carácter multisectorial e consta de dous itinerarios formativos: industrial e atención ao cliente. No primeiro, as persoas participantes recibirán formación en soldadora, carretilla elevadora, xestión de almacén, opoerario de ponte-grua e interpretación de planos mecánicos e caldereiría, mentres que no segundo itinerario ofertaráse formación en atención ao cliente en hostalaría e correo electrónico.

De forma transversal, os participantes no programa tamén recibirán formación en manipulación de alimentos e alfabetización dixital, en total serán 441 horas de formación durante un ano que ten de duración este PIE.

Os concellos de Maside e O Carballiño terán a colaboración para desenvolver esta actividade a 10 empresas, que facilitarán as prácticas non laborais dos participantes nas súas instalacións.

Como pode apreciarse na fotografía, asi quedou na madrugada deste pasado domingo a rúa Curros Enríquez tras unha pelexa entre xóvenes que se saldou cun mozo ferido que precisou asistencia sanitaria urxente, e a intervención policial que procedeu á detención dunha persoa. 

Aconteceu na rúa Curros Enríquez, a altura coa rúa Cerca, nunha zona na que son varios os veciños que manifestaron en COPE O Carballiño que este tipo de pelexas son practicamente algo habitual nas madrugadas do sábado e o domingo nesta mesma zona.  Non poucos foron os veciños que na mañá do domingo alarmáronse ao encontrarse coa rúa ensanguentada varios metros.

Tanto dende a Xefatura da Policia Local, como dende a Concellería de Seguridade, manifestaron a esta emisora de radio que este tipo de incidentes, asi como tamén os que teñen que ver con destrozos no mobiliario urbano están dentro do que é habitual en poboacións con cifras de habitantes idénticas a O Carballiño.