Recordan dende Espazo Común que "esta iniciativa foi acordada na reunión mantida coa veciñanza o pasado mes de marzo e estará aberta a todos aqueles que queiran integrarse", e fan fincapé na finalidade desta futura asociación, que será "garantir a transparencia na xestión do Asilo e na xestión do patrimonio legado polos Irmáns Prieto".

"O escurantismo por parte das institucións responsables impón a toma de accións urxentes", aseguran, ao entender que "van alá dous anos dende que se comezou a preguntar nas sesións plenarias pola situación do Asilo do Carballiño e polos drásticos cambios que se están a producir na súa forma de xestión, dous anos nos que por parte das institucións responsables non se recibiron máis que evasivas e o mostras do máis absoluto escurantismo".

Consideran que "a preocupación da cidadanía do Carballiño foi medrando, vendo como se ía destruindo un legado histórico para transformalo tan só nunha residencia privada. Despoxando a un símbolo local de todo o seu significado e razón de ser. Despois dunha manifestación e de diversos compromisos incumpridosno referente á entrega de documentación, a día de hoxe, seguimos sen ter visto unhas soas contas e seguimos con moitas dúbidas sobre a titularidade das moi valiosas propiedades legadas pola familia fundadora".

Espazo Común concede ao veterano politico carballliñés especial protagonismo na creación desta nova asociación "Pachi Vázquez promove a creación da Asociación para a Defensa do Asilo do Carballiño, a iniciativa nace coma un lugar de encontro onde todos aqueles que estean preocupados polo presente e o futuro dunha institución tan importante para o noso pobo, poidan traballar en positivo para a súa recuperación", subliñan neste comunicado.

Nos vindeiros días, avanzan que faráse unha convocatoria pública "para que quen o desexa poida integrarse e formar parte da mesma".

O parque municipal do Carballiño foi o escenario elixido polo PSdeG-PSOE para celebrar este sábado o acto "A forza das voceiras e voceiros por Ourense", coa vista posta xa nas eleccións municipais de maio de 2023.

Unha xornada na que exerceu como anfitrión o alcalde carballiñés Francisco Fumega, a quen os dirixentes do socialismo galego puxeron "como exemplo e alcalde de referencia para PSdeG". Tanto Fumega, como o Secretario Provincial Rafael Villarino e o Secretario Xeral do PSdeG Valentín Formoso coincidiron na súa mensaxe "estamos a gobernar o 62% da poboación galega, unha poboación emprendedora da Galicia do futuro, que xa está aquí, hoxe debemos lanzar unha mensaxe de optimismo e de futuro, tamén na provincia de Ourense deixando atrás o pasado, deixando atrás o baltarismo".

No coloquio “O poder municipal en feminino” tomaron a palabra Carmela Silva, presidenta da Deputación de Pontevedra; Alberto Varela, presidente da Fegamp e alcalde de Vilagarcía de Arousa e as sete alcaldesas socialistas da provincia ourensá: Raquel Bautista (Petín), Patricia Domínguez (Trives), Isabel Gil (Ramirás), Elvira Lama (Xinzo de Limia), Noelia Rodríguez (Ribadavia) e Sara Inés Vega (Castro Caldelas). Posteriormente, intervíu Abel Caballero, alcalde de Vigo e presidente da Femp. Pechou a xornada Valentín González Formoso, alcalde das Pontes, presidente da Deputación de A Coruña e secretario xeral do PSdeG.

Na carteleira cinematográfica dúas películas, dunha parte o Cine-Club Carballiño pecha a tempada neste venres 27 de maio ás 20:00 e 22:30 horas no auditorio coa proxección da película francesa "El acontecimiento". Doutra parte, O Novocine de Leiro estrea "TOP GUN MAVERICK", toda a fin de semana en sesións ás 16:00, 18:15 e 20:30 horas.

O sábado 28, a partir das 20:30 horas temos a FO-LIADA da Agrupación Cultural Avantar, unha proposta musical na que actuarán os grupos Perfusión, Feitizo de Pao, Terras do Arenteiro e Nébeda, aos que poderémos escoitar nos seguintes locais da hostalaría local: O Pendello, Bar Lérida, O Caserío, 7 Flores e A Bodega.

E o domingo 29, ambiente festivo e de romaría, na Santa Rita de Armeses, con misas na capela dende as 8:30 da mañá cada 45 minutos e solemne con procesións ás 13:00 horas cantada pola Coral Polifónica Casino do Carballiño. Xantar campestre baixo carpa no campo da festa servida por Emilia Valerias Pulpeiras, e para amenizar a romaría faráno coa súa musica a orquestra Alianza e o Dúo Explosión.

O acordo xa é firme entre Concello e Sanidade, unha vez que o o concello asume incorporar no proxecto a construcción dun aparcadoiro, que terá unha capacidade mínima de 100 prazas, tal como demandaba a Xunta para dar luz verde definitiva a esta ubicación do futuro Centro Integral de Saúde na actúal estación de autobuses do Carballiño.

Asi o anunciou en COPE O Carballiño o alcalde Francisco Fumega, que tamén avanzou que será agora o concello quen ter que dar os próximos pasos, como son proceder á modificación urbanística no Plan Xeral de Ordenación Municipal en vigor no concello do Carballiño, relativos ao uso da parcela, que pasará de ser dotacional a sanitario, asi como tamén deberá modificarse a edificabiliade da parcela, que na actualidade é do 50% e pasará a ser do 100%.

Concello e Consellería de Sanidade asinarán un protocolo de colaboración tan pronto como os técnicos rematen o anteproxecto da futura edificación sanitaria.

O Delegado Territorial da Xunta, Gabriel Alén, explicou que a medida busca favorecer a inserción laboral destas persoas co obxecto de proporcionarlles a experiencia e práctica profesional.

No ámbito comarcal O Carballiño-Ribeiro son 9 os concellos que van recibir axudas, que se destinarán a un total de 20 persoas perceptoras da Risga, que se reparen nos seguintes concellos: Maside (5) Boborás (2) Ribadavia (2), Cenlle (1), Leiro (2), Melón (2), Carballeda de Avia (2), Cortegada (2), Castrelo de Miño (2).

Son algo máis de 233.000 euros os que a Xunta destina a este programa nos concellos do Carballiño-Ribeiro e outros 595.00 euros no resto da provincia de Ourense, según os datos aportados polo delegado territorial.

O importe da axuda que se concede ás entidades beneficiarias será o equivalente ao necesario para sufragar os custos salariais totais, incluída a cotización empresarial á Seguridade Social, durante un período de nove meses.

Gabriel Alén incidiu en que esta medida ten como obxectivo conseguir a mellora da empregabilidade dos colectivos máis vulnerables e completa outras iniciativas da Xunta para favorecer a contratación laboral por parte dos concellos.

A Universidade Nacional de Educación a Distancia (UNED) presentará a súa oferta educativa na casa da cultura do Carballiño no transcurso dun acto aberto a toda a cidadanía da comarcas do Carballiñó-Ribeiro, que terá lugar o lúns dia 6 de xuño ás 20:00 horas.

Unha convocatoria "que está en sintonía coa liña da dirección da UNED de achegála a toda a cidadanía", apuntan dende esta institución.

O acto no Carballiño contará coa intervención do actúal director da UNED na provincia de Ourense, Jesús Manuel García, que será o encargado de explicar cómo é o acceso e que pode estudiarse nesta Universidade Pública que celebra neste ano 2022 o 50 aniversario da súa fundación.

O vicepresidente primeiro e conselleiro de Economía, Industria e Innovación, Francisco Conde, visitou as instalacións de Maderas Gómez en Piñor, onde destacou os valores da industria forestal galega: compromiso co territorio e sustentabilidade. Nesta visita, o conselleiro estivo acompañado polo xerente e fundador da empresa, asi como os alcaldes de Piñor José Luis González, e San Cristovo de Cea, José Luis Valladares.

A compañía, que conta con 117 empregados e factura 13,9 millóns de euros, prima en todos os seus procesos madeira quilómetro cero, procedente da contorna. Ademais, no seu compromiso pola sustentabilidade e a eficiencia enerxética, dispón de caldeiras de biomasa e paneis fotovoltaicos. Conde subliñou que a Xunta quere estar ao carón das empresas do sector forestal impulsando unha industria sustentable e estratéxica, comprometida co medio rural e o emprego e que faga máis produtivo o monte.

Por iso, a Axencia Galega da Industria Forestal estase centrando na modernización do sector; na busca de valor engadido a través da innovación, a formación e a promoción dos novos usos da madeira; e no impulso da economía circular. Así, as liñas de axuda postas en marcha o pasado ano chegaron a 143 empresas e asociacións e mobilizaron 37M€. A Xunta conta tamén coa Axenda da Industria Forestal 2022-2024 para seguir apostando por esta industria composta por 3000 empresas que, como Maderas Gómez, xeran riqueza e representan o 12% do emprego industrial e o 1,8% do PIB galego.

Conde lembrou a oportunidade que para este sector suporán os fondos Next Generation e referiuse ao proxecto de fibras téxtiles de Palas de Rei que suporá un antes e despois para a provincia de Lugo pero tamén para concellos que, como Piñor e o resto da comarca do Carballiño, están próximos, xa que se calcula que as pemes representarán o 65% dos provedores da nova fábrica.

Ao non se ter presentado alegacións durante o prazo de exposición ao público, queda automaticamente elevado a definitivo o acordo plenario inicial aprobatorio da modificación da Ordenanza reguladora da instalación de terrazas, na vía pública, anexas a establecementos de hostalería no municipio do Carballiño, cuxo texto modificado se publica, para o seu xeral coñecemento.

A modificación da Ordenanza reguladora da instalación de terrazas, na vía pública, anexas a establecementos de hostalería realizada supón a modificación do segundo parágrafo do artigo 17.1 a), modificación dos anexos, a introdución de texto novo no artigo 13, xerando o 13.6 e artigo 14.4 engadíndose un segundo parágrafo, así coma a recolocación do texto do artigo 30.2 no artigo 33, creándose o 33.3. O texto definitivamente aprobado é o que segue:

Artigo 13 engádese o “13.6. Posibilidade de instalación de toldos móbiles:
Serán admisibles os toldos de instalación illada (toldos móbiles) ou toldos centrais sen ancoraxe á parede, cuxo material predominante sexa a lona nas formas enrolables/pregable.
Serán móbiles, desmontables, resistentes ao envorco e sen fixación ao chan. A altura mínima dunha instalación illada é de 2,20 metros e a máxima 3,00 metros.
Nesta estrutura só se permitirá a instalación de proteccións laterais, prohíbense os pechamentos frontais. As características do resto de elementos de protección lateral serán os recollidos no artigo 14 da ordenanza reguladora existente, excepto nos toldos laterais nos que nestas estruturas deberán ser transparentes, podendo levar parte opaca que non superarán os 70 cm desde o chan.

Este tipo de toldo, implica unha autorización especial segundo a zona de localización, xa que pola súa dimensión non é factible colocalo en calquera terraza.
Deberase entregar xunto coa solicitude de licenza unha memoria técnica asinada por técnico competente e un certificado técnico de calidade que garanta a seguridade da instalación.

O Concello poderá permitir ou esixir pola súa idoneidade o desprazamento destes elementos fóra da fachada do establecemento cando se trate de prazas públicas, para buscar a mellora da circulación peonil e para garantir, en todo caso, a zona libre de paso peonil.

Queda prohibida a instalación de publicidade excepto nos faldróns do toldo. Unha vez finalizado o horario de funcionamento da terraza, o toldo deberá permanecer recollido. Os toldos, en todo caso, nunca poderán supoñer unha obstrución visual para o tráfico de vehículos e peóns; xa sexa reducindo ou impedindo a visibilidade ou a visión directa dos sinais de tráfico.

Prohíbese calquera motivo ornamental colocado no interior deste tipo de estruturas ou similares que obstaculice ou reduza
a visibilidade. En ningún caso está permitida a instalación de cables eléctricos de ningún tipo sobre o chan da vía pública, nin de carácter
aéreo.

No caso de instalación de luminarias e/ou estufas de alimentación eléctrica, nos que se require unha instalación de subministración eléctrica, só está permitida a súa colocación na fachada do edificio, ou ben integrada na estrutura de cerramentos ou parasoles, se a terraza estivese equipada con tales elementos.
Nestes casos, a instalación eléctrica estará deseñada de forma que poida ser desmontada de forma rápida e sinxela polo titular, co fin de non dificultar de ningún xeito a operación de desmonte do elemento de pechamento ou parasol sobre a que está instalada.

Co fin de manter o paso peonil libre de obstáculos xunto á fachada, ningún compoñente das estufas fixadas a este paramento poderá estar situado a unha altura inferior de 2’20 metros.

Só se autorizará unha estrutura por establecemento. A concorrencia de máis dun toldo por zona será de especial estudo
dadas as dimensións das estruturas (distanciamento entre estruturas, valoración do impacto do pechamento aéreo con estes
elementos de sombra…)”.

“Artigo 14.4 segundo parágrafo: “Os sinais de tráfico serán vistos de forma directa, é dicir, nunca a través dunha parte
transparente do toldo xa sexa de plástico, vidro ou calquera outro material; co fin de evitar que por sucidade, bafo,
cegamento ou calquera outro factor que reduzan ou impidan a visibilidade”.

“Artigo 17.1 a) segundo parágrafo: con carácter excepcional, poderase autorizar a colocación das terrazas fóra da marxe frontal do establecemento, suposto no que se presentará autorización expresa e por escrito do titular da actividade afectada (local baixo/soto) e do propietario do ben inmoble (local baixo/soto).
Esta autorización producirá efectos para futuras autorizacións, en tanto non sexa revogada expresamente pola persoa autorizante.

Artigo 30.2 recolócase no artigo 33.3 quedando da seguinte maneira “artigo 33.Réxime sancionador.
1. O incumprimento das disposicións desta ordenanza poderá dar lugar á comisión dalgunha ou de varias das infraccións que se recollen no artigo 37, en cuxo caso se tramitará o correspondente expediente sancionador para depurar a responsabilidade administrativa que poida terse incorrido.
2. Con independencia do réxime sancionador establecido nesta ordenanza, cando os incumprimentos detectados constitúan infracción urbanística, medioambiental, en materia de ruído, prevención de drogodependencias, protección de menores, protección do consumidor ou de calquera outra índole, depuraranse as responsabilidades en que poida terse incorrido conforme coa normativa sectorial que resulte de aplicación.

3. Cando a sanción teña unicamente carácter pecuniario ou ben caiba impoñer unha sanción pecuniaria e outra de carácter non pecuniario pero estea xustificada a improcedencia da segunda, o pagamento voluntario polo presunto responsable, en calquera momento anterior á resolución, implicará a terminación do procedemento, salvo no relativo á reposición da situación alterada ou á determinación da indemnización polos danos e prexuízos causados pola comisión da infracción.

Cando a sanción teña unicamente carácter pecuniario, o órgano competente para resolver o procedemento aplicará unha redución do 50% sobre o importe da sanción proposta. A citada redución deberá estar determinada na notificación da incoación do procedemento e a súa efectividade estará condicionada á desistencia ou renuncia de calquera acción ou recurso na vía administrativa contra a sanción.”