O Instituto Galego de Comercio e Consumo ofrecerá neste mes de abril no que andamos dúas charlas informativas abertas a toda a veciñanza da comarca carballiñesa sobre a factura da luz, dentro da nova campaña informativa impulsada pola Xunta de Galicia para asesorar e aconsellar en relación a este servizo básico que afecta a toda a cidadanía.

Trátase de xornadas informativas de carácter presencial impartidas polos técnicos do Instituto Galego do Consumo e da Competencia (IGCC). A primeira xornada terá lugar o mércores 20 de abril ás 18:00 horas no antigo colexio da Alameda de Maside, e a segunda o martes 26 de abril ás 17:00 horas no auditorio do edificio multiusos de San Cristovo de Cea, ambas xornadas están organizadas en colaboración dos concellos de Maside e San Cristovo de Cea.

Nestes encontros, achégase asesoramento sobre os conceptos básicos que figuran na factura da luz para a súa mellor comprensión, así como para a adopción de decisións que poidan axudar no aforro. Así mesmo, trasládanse diferentes recomendacións, como solicitar as ofertas comerciais que se reciban sempre por escrito e ser cautelosos ao contratar fórmulas de cálculo do prezo da luz de difícil comprensión.

Complementariamente, o IGCC pon a disposición das persoas consumidoras os Venres de Consumo responde, unha iniciativa virtual para atender en aberto os venres ás 12.30 horas, todas as dúbidas das persoas consumidoras a través da aula virtual do organismo.

A cidadanía pode tamén facer uso do servizo telefónico de información gratuíta 900 23 11 23, que funciona de 9 a 14 horas e de 17 a 19 horas de luns a venres. Os consumidores tamén poden enviar as súas dúbidas por correo electrónico ou a través dun formulario que atoparán na web do organismo.

O Portavoz do Grupo Municipal Socialista do Concello de O Irixo, Iago Fariñas Valiña, presentou unha moción para o seu tratamento no próximo pleno que celebre a corporación do concello e na que pide diversas actuacións para mellorar a seguridade da estrada autonómica que atravesa o municipio.

O concelleiro recorda que a estrada OU902 e a principal vía de comunicación do noso concello co Carballiño e Lalín. Unha estrada que comunica O Carballiño con Lalín pasando polo noso concello con extensos tramos rectos que a pesar das seus límites de velocidade non sempre se respetan.

Expón que que son varios os pobos que atravesa esta estrada; Pedriña, Guimarás, Coucieiro, Bugalleira, Dadin, As laxas, Abanico ou Baxin e Campinas, algún coincidindo con curvas e outros con prolongadas rectas que en ocasións invitan a velocidade a pesar da limitacións da vía.

Tamén que a actual sinalización pasa desapercibida en moitas ocasións para os condutores que habitualmente circulan por esa vía e atravesan o noso concello debido a súa familiaridade, as veces por imprudencia pero moitas outras por despistes que fan que non se respecten os límites de velocidade que poñen en risco o resto de condutores e a veciñanza que habita nos núcleos de poboación que atravesa esta estrada no Irixo.

O concelleiro socialista considera que "e preciso reforzar a seguridade non so dos conductores, seno tamén da veciñanza que reside nos pobos e lugares que atravesa esta estrada coa colocación de novos pasos de peóns sinalizados".

Pro todo elo, o Grupo Municipal Socialista do Concello de O Irixo presenta para a súa consideración e aceptación polo Pleno Municipal instando ó Concello ao seguinte acordo:

1º.- Que o Concello de O Irixo solicite da administración responsable da OU902, estrada entre Carballiño e Lalín o seu paso polo Irixo, Xunta de Galicia de ser o caso, MELLORAR A SEGURIDADE COA COLOCACIÓN DE NOVA SINALIZACIÓN VERTICAL E LUMINOSA que recorde os límites de velocidade, e/ou calquera outro indicador, sinalización ou actuación encamiñada a garantir que se respeten os límites de velocidade o seu paso polo Irixo e mais concretamente nos pobos da Pedriña, Guimarás, Coucieiro, Bugalleira, Dadin, As laxas, Abanico ou Baxin e Campinas.

2º.- Que se coloquen novos pasos de peóns e se sinalicen vertical e luminosamente o seu paso da OU902 polos pobos do Irixo.

3º.- Que se faga un estudio para reforzar a sinalización en toda a rede viaria no termo municipal do noso concello de O Irixo.

Trátase dun percorrido pola historia da electrificación na comarca carballliñesa a través dunha colección de pezas, documentación histórica e paneis explicativos, unha exposición que podemos visitar no Insitituto Chamoso Lamas en horarios de mañá de 11:00 a 13:30 e de 18:00 a 21:00 horas, que se reducirá en Semana Santa o lúns, martes e mércores tan so en horario matinal.

A mostra é unha iniciativa promovida polos departamentos de Xeografía e Historia e Electricidade do IES Chamoso Lamas, e na que colaboran os grupos "Outeiro" e "Mámoa Verde", asi como o Centro de Estudios Chamoso Lamas.

Dende a organización, salientan a colaboración a esta exposición de Adolfo Otero Loureiro, precisamente, no PODCAST de COPE O Carballiño do dia 7 de abril podes escoitar unha escoitar unha entrevista con este extraballador de FENOSA, que aporta unha gran parte do material que forma parte desta mostra.

Actividades para todos os públicos e idades, e moi especialmente para o público infantil nas datas vacacionais da Semana Santa, conforman a programación da concellería de cultura do concello do Carballiño para este mes de abril no que andamos.

Para ver o programa completo debes abrir o arquivo adxunto:

O Bloque Nacionalista Galego denuncia "ante a cidadanía o estado de abandono que está a sufrir o Parque Municipal do Carballiño. Dende hai tempo a algunhas das forzas políticas de este concello e en especial ao grupo de goberno enchéuselles a boca de declaracións grandilocuentes e de anuncios de proxectos que nunca chegaron a materializarse sobre o desenvolvemento da foresta e o entorno do Parque Municipal do Carballiño. Nada máis lonxe da realidade, a día de hoxe pódese comprobar a falla de conservación e mantemento e o abandono total e desinterese por parte do goberno municipal ao respecto".

Poñen de manifesto que "ao grave proceso de erosión e perda de solo , engádeselle actualmente a caída de arbores, con serio perigo para os cidadáns, e a falla de toma de medidas, non sendo o precintado cintas da policía local. O solo é un ecosistema que está a ser moi degradado na maioría dos casos por acción antropoxénica".

O BNG lamenta a acumulación de refugallos vexetais e así van ficando durante días, correndo o risco de plantar neles o lume, mnetres que nas marxes e no leito do Arenteiro acontece máis do mesmo: caídas de arbores e arbustos e abandono.

Engade a formación nacionalista que "de pouco ou nada vale lavarlle a cara cando hai grandes “eventos” (festa do polbo ou mesmo celebracións privadas), cando agroma a primavera, na antesala do verán ou na semana santa para recibir turistas, como está a acontecer nestes días. A limpeza e mantemento non pode ser algo eventual, debe ser unha tarefa regular durante todo o ano".

Pregúntase o BNG se "as veciñas e veciños do Carballiño non temos dereito a gozar do entorno" e propoñen que cando menos sería necesario tomar unha serie de medidas e accións inmediatas desde un proxecto de desenvolvemento sostible "e deixarse de palabras e declaracións de prensa prometendo o que nunca se cumpriu.
É urxente e moi importante unha acción sobre o parque e o seu entorno, elaborando un estudo da erosividade e erosionabilidade, establecendo medidas de recuperación das zonas afectadas, con entresaca de árbores e repoboacións axeitadas, tomando medidas para a recuperación do solo e levando a cabo a limpeza e aproveitamento do rio".

Finalmente, considera o BNG que "é necesario poñer en valor o entorno elaborando programas de ámbito cultural, educativo e didáctico, creando de espazos de ocio e zonas de lecer para os cativos, deseñando programas de visita e itinerarios botánicos guiados, así como percursos de saúde".

O concello de Boborás utiliza o tractor-dsbrozadora municipal para facilitar o acceso a algunhas zonas de difícil acceso debido á maleza existente, na contorna próxima ao pobo do Regueiro. Os familiares de Marcial Manteiga, o home de 80 anos desaparecido dende o pasado venres, foron os que propuxeron esta iniciativa.

Son xa cinco dias de busca sen resultados, nos que un amplo operativo levou a cabo o rastrexo tanto das inmediacións desta localidade na zona de montaña do concello de Boborás e mesmo noutros concellos limítrofes como os de Beariz e Forcarei.  Con este operativo, coordenado pola Garda Civil, tamén colaboraron nas últimas horas traballadores do distrito forestal do Carballliño.

Unha intensa xeada ven de ocasionar, especialmente nesta noite do domingo 3 para o luns 4, importantes danos nas viñas do Ribeiro "sen que haxa polo de agora unha valoración polo miúdo dos danos ocasionados, é evidente que hai zonas da comarca claramente afectadas, nas que a xeada vai provocar graves perdas da que ía ser a colleita de 2022", manifesta o BNG.

Engade a formación nacionalista que "aperda de ingresos que supoñen estes danos van poñer aínda máis en risco a viabilidade e supervivencia de moitas explotacións. Tamén no caso de producións que achegaban rendas complementarias ás familias, moi importantes para soster numerosas economías domésticas do Ribeiro, a xeada implica unha redución drástica de ingresos".

O BNG demanda de Medio Rural que se realice con carácter urxente unha avaliación dos danos ocasionados polas xeadas, establecendo liñas de axuda para apoiar as explotacións afectadas, que abrangan tanto a compensación polas perdas da produción xa previstas para este ano, como as medidas precisas para a recuperación das plantacións afectadas que permitan a plena recuperación da produción no seguinte ciclo produtivo.

Marcial Manteiga, de 80 anos de idade, está sendo buscado infructuosamente dende a súa desaparición na tarde do pasado venres, cando saíu da súa vivenda no Regueiro e xa non regresou, sen deixar rastro algún que poida facilitar a súa localización.  O home, que sofre unha demencia, puido desorientarse e perderse, aínda que tampouco se descartan outras hipóteses.

Familiares e veciños non se explican que lle pudo pasar e ónde pode estar consumidas tres xornadas de intensa procura na súa busca, e xa son tres as noites que pasaron e  nas que as temperaturas nesta zona do concello de Boborás, nas inmediacións do alto do Paraño e os montes do Testeiro chegaron a valores mínimos de ata 5 graos baixo cero.

No operativo de busca deste domingo participaron activamente máis de 100 persoas, efectivos das forzas de seguridade, bombeiros, protección civil e numerosos voluntarios.

Tamén continuou colaborando a unidade de drons da Axencia Galega de Emerxencias, que tiveron que cesar na súa actividade a media tarde debido aos fortes ventos na zona, con velocidades superiores aos 60 quilómetros hora. Ademáis, nesta xornada sumouse ao operativo un helicoptero da Garda Civil. 

Este lúns dia 4 de marzo o operativo reanúdase de novo, na que se será xa a cuarta xornada de busca deste veciño desaparecido o pasado venres. O punto de encontro para as persoas voluntarias que queiran participar no operativo será o aparcadoiro da Parrilada Os Hermida, na mesma localidade do Regueiro.

O Templo da Veracruz acolleu o acto de apertura da Semana Santa do Carballiño 2022, organizada pola Cofradía da Veracruz, e no que se procedeu á bendizón dunha nova imaxe que se incorpora ao patrimonio da cofradía carballiñesa, a de San Xoán Apóstol.

Trátase dunha obra do imaxineiro sevillano Manuel Madroñal Isorna, en estilo neobarroco, bendicíuna o párroco Jorge Juan Pérez Gallego, nun acto que contou con numeroso público que encheu o templo carballiñés.

Antes, polas rúas do Carballiño, e despóis na Veracruz, a Banda de Müsica da NOsa Señora do Nordés de Ferrol, solemnizou a xornada coa súa música, con sons propios da Semana Santa. A